Mga pagbabago sa mga kinakailangan sa pagsingil ng Google Play para sa mga developer na naghahatid sa mga user sa South Korea

Mula Agosto 2, 2023, dapat gumamit ng mga API ng alternatibong pagsingil ang mga developer na nag-aalok ng alternatibong pagsingil sa mga user sa South Korea. Para makapagsimula, tingnan ang mga sumusunod na detalye at bisitahin ang aming gabay sa pagsasama ng API ng alternatibong pagsingil.

Bilang resulta ng batas, iniaalok namin sa lahat ng developer ang kakayahang mag-alok ng alternatibong system ng pagsingil kasabay ng system ng pagsingil ng Google Play para sa mga user sa South Korea na gumagamit ng mobile at tablet. Kung magbabayad ang user sa pamamagitan ng alternatibong system ng pagsingil, mababawasan nang 4% ang kabayaran sa serbisyo ng Google Play. Para sa higit pang impormasyon, basahin ang Patakaran sa mga pagbabayad.

Kung ayaw mong mag-alok ng alternatibong system ng pagsingil, wala kang kailangang gawin.

Pagsasama ng alternatibong system ng pagsingil

Para makapagpanatili ng ligtas at maaasahang karanasan ng user, kakailanganin ng mga developer na matugunan ang ilang kinakailangan.

Kung gusto mong mag-alok sa mga user sa South Korea ng opsyon sa alternatibong system ng pagsingil maliban pa sa system ng Google Play, dapat mong kumpletuhin ang mga sumusunod na hakbang:

1. Kumpletuhin ang form ng pagpapahayag ng pagsingil, tanggapin ang Mga Tuntunin ng Serbisyo, at kumpletuhin ang anumang hakbang sa onboarding na kinakailangan para mag-enroll sa programa sa pamamagitan ng team ng suporta ng Google (halimbawa, mag-set up ng profile sa mga pagbabayad kung kinakailangan).
2. Sundin ang mga kinakailangan sa tiwala at kaligtasan sa pamamagitan ng pag-certify ng pagsunod sa PCI DSS at pagbibigay sa mga user ng paraan para mag-ulat ng mga mapanlokong transaksyon.
3. Kumpletuhin ang pag-integrate ng mga API ng alternatibong pagsingil gaya ng inilalarawan sa gabay sa pag-integrate ng API na ito.
4. I-update ang iyong mga setting ng alternatibong pagsingil sa Play Console para mag-opt in o out sa bawat isa sa mga app mo at pamahalaan ang mga logo ng paraan ng pagbabayad at url ng pamamahala sa subscription.
5. Iulat sa Google Play ang lahat ng awtorisadong transaksyon mula sa mga user sa South Korea sa loob ng 24 na oras gamit ang mga API ng alternatibong pagsingil.
6. Magbayad ng isinaayos na kabayaran sa serbisyo ng Google Play para sa mga na-invoice na transaksyong gumagamit ng alternatibong system ng pagsingil na hindi ang system ng pagsingil ng Google Play.

Kung nasagutan mo na ang form ng paghahayag at natapos mo na ang proseso ng enrollment, at magma-migrate ka sa mga API ng alternatibong pagsingil, kakailanganin mong kumpletuhin ang hakbang 3 at 4 sa naunang seksyon. Kapag nagsimula ka na sa pag-uulat ng mga transaksyon gamit ang mga API, hindi mo na kakailanganing manual na magpadala ng mga transaksyon.

Kung mayroon kang anupamang tanong, puwede kang makipag-ugnayan sa aming team ng suporta.

 

Bukas na form ng paghahayag

Mga madalas itanong

Bakit kinakailangan pa rin ninyo ang system ng pagsingil ng Google Play kasabay ng system ng developer?

Naniniwala ang Google Play na may opsyon dapat ang mga user na piliin ang system ng pagsingil ng Play kapag bumibili sila ng mga digital na produkto sa mga app na na-install sa Google Play. Ginawa namin ang system ng pagsingil ng Google Play batay sa pinakamatataas na pamantayan para sa privacy at kaligtasan, para may kumpyansa ang mga user kapag bumibili sila in-app. Posible ring hindi maibigay ng mga alternatibong system ng pagsingil ang mga proteksyon o opsyon sa pagbabayad na iniaalok ng system ng pagsingil ng Google Play, gaya ng parental controls, mga paraan ng pagbabayad ng pamilya, pamamahala sa subscription, mga gift card ng Google Play, at Play Points.

Bakit nangangailangan pa rin kayo ng kabayaran sa serbisyo?

Hindi kailanman naging simpleng bayarin para sa pagpoproseso ng pagbabayad lang ang kabayaran sa serbisyo ng Google Play. Sinasalamin nito ang halagang ibinibigay ng Android at Play at sinusuportahan nito ang mga patuloy naming pamumuhunan sa Android at Google Play, na nagbibigay-daan sa mga feature para sa user na maaasahan ng mga tao. Bagama't patuloy na ibabatay sa mga digital na pagbebenta sa platform ang mga kabayaran sa serbisyo para sa pamamahagi ng mga app sa pamamagitan ng Android at Google Play, kinikilala naming kakailanganing gumastos ng mga developer para masuportahan ang kanilang system ng pagsingil, kaya kapag pinili ng isang user ang alternatibong pagsingil, babawasan namin nang 4% ang kabayaran sa serbisyo ng developer.

Para sa aling mga uri ng produkto ako puwedeng mag-alok sa mga user sa South Korea ng opsyon sa alternatibong system ng pagsingil?

Puwedeng gumamit ng mga alternatibong system ng pagsingil para sa mga in-app na pagbili at subscription na ibinebenta sa mga user ng mobile at tablet. Para sa higit pang impormasyon, tingnan ang na-update na Patakaran sa mga pagbabayad.

Ano ang kabayaran sa serbisyo para sa mga digital na transaksyon gamit ang alternatibong system ng pagsingil?

Para sa mga user na pipili ng alternatibong system ng pagsingil, ang magiging kabayaran sa serbisyo ay ang kasalukuyan mong kabayaran sa serbisyo na babawasan nang 4%. Para sa mga user na system ng pagsingil ng Google Play ang pipiliin, walang magbabago sa kabayaran sa serbisyo. Hindi magbabago ang kabayaran sa serbisyo para sa mga developer na magpapatuloy nang gumagamit lang ng mga system ng pagsingil ng Google Play, kung saan 99% ng mga developer ang kwalipikado para sa 15% o mas mababa pang kabayaran sa serbisyo.

Paano kakalkulahin at ii-invoice ang kabayaran sa serbisyo para sa mga transaksyong gagawin sa pamamagitan ng alternatibong system ng pagsingil?

Kakalkulahin ang kabayaran sa serbisyo batay sa mga bayad na transaksyon mula sa mga user ng mobile at tablet sa South Korea. Makakatanggap ka ng invoice na may takdang petsa at mga tagubilin sa pagbabayad.

Paano at kailan ko maisusumite ang mga transaksyong ginawa sa pamamagitan ng alternatibong system ng pagsingil?

Simula Abril 6, 2023, puwedeng iulat ang mga transaksyong ginawa sa pamamagitan ng alternatibong system ng pagsingil gamit ang mga API ng alternatibong pagsingil at dapat iulat ang mga ito sa loob ng 24 na oras mula sa pagbibigay-awtorisasyon sa pagbabayad. Sini-streamline ng mga API na ito ang pag-uulat para sa mga developer, at binibigyang-daan din nito ang mga transaksyon sa pamamagitan ng alternatibong system ng pagsingil na maipakita sa Mga Nangungunang Chart ng Google Play.

Puwede kang patuloy na manual na sariling mag-ulat ng mga transaksyon hanggang Agosto 2, 2023 kung hindi mo pa naisasama ang mga API ng alternatibong pagsingil. Sa ganitong sitwasyon, inaatasan kang sariling iulat ang halaga ng mga may bayad na transaksyon nang isang beses sa isang buwan bago lumipas ang ika-5 business day ng buwan. Halimbawa, Enero 7, 2022 ang takdang petsa ng ulat para sa mga transaksyong naganap nang Disyembre 2021.

Anong mga benepisyo ang ibinibigay ng mga API ng alternatibong pagsingil? Puwede ko bang isama ang mga API ng alternatibong pagsingil para sa pag-render ng screen para sa pagpipilian ng user bago gamitin ang mga API para mag-ulat ng mga transaksyon?

Para i-streamline ang experience ng developer, idinisenyo ang mga API ng alternatibong pagsingil para magkasamang maisama at magamit. Nagbibigay ang mga API ng alternatibong pagsingil ng mga sumusunod na benepisyo:

• Mga screen ng alternatibong pagsingil na nire-render ng Google Play kaya hindi kailangang ikaw mismo ang bumuo at magpanatili ng mga screen ng impormasyon at/o pagpipilian.
• Pinasimpleng pag-uulat ng transaksyon na nag-aalis ng mga manual na touch point at nagbabawas ng mga error sa pag-aggregate o pagsasaayos.
• Ipapakita sa Mga Nangungunang Chart ng Google Play ang mga transaksyon sa alternatibong system ng pagsingil na iniulat sa pamamagitan ng API.

Bukod pa rito, ginawa rin namin ang mga sumusunod na pagpapahusay para makatulong na padaliin para sa iyo ang paggamit ng alternatibong pagsingil:

• Pinadali ang experience sa pagpipilian ng user.
• Self-serve na pamamahala ng mga setting ng alternatibong pagsingil sa pamamagitan ng Play Console, gaya ng pag-enable o pag-disable sa pagpipiliang pagsingil para sa user sa bawat kwalipikadong app sa bawat kwalipikadong market at pamamahala sa mga logo ng paraan ng pagbabayad, at mga URL ng pamamahala sa subscription.
• Mga nae-export na ulat ng mga transaksyon ng alternatibong system ng pagsingil na iniulat sa pamamagitan ng API na naglalaman ng karagdagang impormasyon gaya ng ginamit na rate ng palitan, nauugnay na app package id, at rate ng kabayaran sa serbisyo.

Saan ako puwedeng matuto pa tungkol sa kung paano isama ang mga API ng alternatibong pagsingil?

Madaling palawakin ang kasalukuyan mong pagsasama sa pamamagitan ng system ng pagsingil ng Google Play para magamit ang mga API ng alternatibong pagsingil. Binuo mula sa mga pattern at prinsipyo ng disenyo na pareho ng sa aming mga API ng Library ng Play Billing at Developer ng Play ang mga API ng alternatibong pagsingil. Ibig sabihin, compatible ito sa mga kasalukuyan mong disenyo magiging pamilyar itop sa iyong mga team.

Sa aming gabay sa pagsasama, nagbibigay kami ng mga detalyadong patnubay at resource sa kung paano magsimula at tugunan ang iba't ibang sitwasyon ng paggamit ng alternatibong pagsingil, kasama ang mga pang-isang beses at umuulit na pagbili, at mayroon kaming sample ng mga snippet ng code para mapadali ang pagpapatupad. Tinatanggap namin ang feedback ng developer sa mga API na ito at anumang karagdagang resource na makakatulong. Kung mayroon kang anumang tanong o feedback tungkol sa mga API ng alternatibong pagsingil, makipag-ugnayan sa amin.

Nakikilahok na ako sa programa, ano ang kailangan kong gawin para makapag-transition sa paggamit ng mga API ng alternatibong pagsingil?

Kakailanganin mong isama ang mga API ng alternatibong pagsingil at i-update ang mga setting ng iyong alternatibong pagsingil sa Play Console. Kapag nagsimula ka na sa pag-uulat ng mga transaksyon gamit ang mga API, hindi mo na kakailanganing manual na magpadala ng mga transaksyon.

Puwede ba akong maningil ng ibang presyo sa alternatibong system ng pagsingil na naiiba sa sinisingil ko sa system ng pagsingil ng Google Play?

Oo, puwedeng iba ang mga presyong itakda ng mga developer para sa bawat system ng pagsingil kung gusto nila.

Puwede bang mag-promote ng alternatibong system ng pagsingil ang mga developer sa mga app nila?

Oo, puwedeng i-promote ng mga developer na gumagamit ng alternatibong system ng pagsingil ang alternatibong system ng pagsingil sa app nila, pero dapat din silang sumunod sa aming mga alituntunin sa UX para matiyak na nauunawaan ng mga user ang ibinigay na mapagpipilian, at para magkaroon ng consistent na experience ng user.

Pinapahintulutan ba ng Google Play ang mga outlink para sa mga pagbili ng digital na content sa South Korea?

Oo, pinapayagan ng Google Play ang mga developer na mag-link palabas sa kanilang mga app, para makapaghatid ng mga web-based na pagbabayad bilang alternatibong paraan ng pagbabayad para sa mga user ng mobile at tablet sa South Korea. Gaya ng iba pang alternatibong paraan ng pagbabayad, mapapailalim ang mga ito sa mga kinakailangan para sa pag-integrate ng alternatibong system ng pagsingil na inililista namin sa page na ito.

Mahalagang tandaang ang mga pagbabayad sa pamamagitan ng outlink ay mga web-based na pagbabayad lang na pinapangasiwaan gamit ang web interface. Iniaatas naming ipakita ang naka-outlink na opsyon sa app ng developer gamit ang naka-embed na webview na naghahatid ng mas ligtas, mas madaling maunawaan, at mas maaasahang karanasan ng user.

Iniaatas din naming sundin ng mga developer ang aming mga kinakailangan sa tiwala at kaligtasan at sa karanasan ng user gaya ng higit pang ipinapaliwanag sa aming mga alituntunin sa UX. At gaya ng inanunsyo na namin, makakatanggap ang mga developer ng 4% kaltas sa kabayaran sa serbisyo para sa mga transaksyon kapag pinili ng mga user sa South Korea na magbayad gamit ang alternatibong pagbabayad sa pamamagitan ng outlink na ito.

Para sa higit pang impormasyon tungkol sa pakikipag-ugnayan sa iyong mga Korean na user tungkol sa mga alternatibong paraan ng pagbabayad, basahin ang Patakaran sa mga pagbabayad ng Google Play.

Posible bang humiling ng extension para sa pagsasama ng mga API ng alternatibong pagsingil?

Hindi na kami tumatanggap ng mga kahilingan para sa mga extension dahil lumipas na ang deadline sa pag-migrate. Simula Agosto 2, 2023, kinakailangang gumamit ng mga API ng alternatibong pagsingil ang mga developer na nag-aalok ng alternatibong pagsingil sa mga user sa South Korea.