Hindi gumagana ang mga notification sa Nest

Kung hindi ka nakakatanggap ng mga alerto sa Nest, tiyaking online ang iyong mga device, na-set up mo ang mga notification sa Nest app at sa Home app, at hindi nakatakda ang iyong telepono na i-block ang mga notification sa Nest app. Tingnan din kung wala sa folder ng junk ang iyong mga email sa Nest.

Tingnan ang mga pangunahing kaalaman

Puwedeng makaapekto ang outage ng serbisyo ng Nest o offline na produkto sa lahat ng notification na karaniwang matatanggap mo. Mainam na mabilis na tiyaking hindi nangyayari ang isa sa mga isyung ito bago magsimula ng mas advanced na pag-troubleshoot.

Tingnan kung may outage ng serbisyo ng Nest

Tingnan ang status ng serbisyo ng Nest. Bihira ang mga outage ng serbisyo, pero palaging mainam na tiyaking normal ang lahat bago simulan ang mas detalyadong pag-troubleshoot.

Tingnan ang status ng serbisyo ng Nest

Tandaan: Posibleng may pagkaantala sa mga update sa status ng serbisyo.

Tingnan kung online ang iyong mga Nest device

Hindi makakapagpadala sa iyo ng mga email o alerto ang mga Nest device mo kung offline ang mga ito.

• Home app: Mag-tap sa iyong Nest device para tingnan ang status nito.
• Nest app: Sa home screen, tingnan kung offline ang iyong Nest device.

Pag-troubleshoot ng mga isyu sa Wi-Fi at koneksyon

Tingnan ang iyong mga default na setting (Home app lang)

Naka-off ang mga setting ng Home app bilang default. Puwede mong i-on o i-off ang mga notification anumang oras.

1. Buksan ang Google Home app .
2. I-tap ang Mga Setting Mga Notification.
   • Kung hindi naka-enable ang mga push notification sa mga setting ng iyong telepono, may lalabas na banner sa itaas ng screen. Para i-on ang mga push notification sa mga setting ng iyong telepono, i-tap ang link sa banner at sundin ang mga hakbang.
3. Piliin ang Mga pangkalahatang notification.
4. I-on o i-off ang anumang notificaiton.
   • Kung io-on mo ang mga kritikal na alerto, pero hindi naka-enable ang mga ito sa mga setting ng iyong telepono, may lalabas na banner sa itaas ng screen. Para i-on ang mga kritikal na alerto sa mga setting ng iyong telepono, i-tap ang link sa banner at sundin ang mga hakbang.

Tingnan kung naka-sign in ka sa app

Dapat ay naka-sign in ka sa app para makatanggap ng mga notification.

Home app

1. Buksan ang Google Home app 
2. Kung lalabas ang iyong account sa kanang sulok sa itaas at lalabas ang mga Nest device mo sa home screen, naka-sign in ka.
3. Kung hindi ka naka-sign in, makikita mo ang welcome page. I-tap ang Magsimula at kumpirmahin kung aling account ang gusto mong gamitin o mag-sign in gamit ang ibang account.

Nest app

1. Buksan ang Nest app .
2. Kung lalabas ang iyong mga Nest device sa home screen ng app, naka-sign in ka. 
3. Kung hihilingin sa iyo ng app na mag-sign in, ilagay ang email at password mo para makatanggap ulit ng mga notification.

Tingnan kung naka-sign in ka sa tamang account sa app

Puwede ka lang mag-sign in sa isang account sa Nest app sa bawat pagkakataon, at makakatanggap ka lang ng mga push notification para sa mga bahay sa account kung saan ka kasalukuyang naka-sign in. Kung mayroon kang mahigit sa isang account o hahayaan mong mag-sign in ang isang kaibigan sa kanyang account sa iyong telepono o tablet, puwede kang ma-sign in sa maling account.

Home app

Lumipat ng bahay

Kung mayroon kang maraming bahay sa ilalim ng isang account, i-tap ang pangalan ng bahay sa itaas ng screen at piliin ang buhay kung saan mo gustong lumipat.

Lumipat ng account

1. Buksan ang Google Home app 
2. Mag-tap sa iyong account. 
3. Piliin ang account kung saan mo gustong lumipat o i-tap ang Magdagdag ng ibang account para mag-sign in sa bagong account.

Nest app

1. Buksan ang Nest app . Kung hindi tutugma ang mga Nest device at pangalan ng bahay sa app sa iyong bahay, o ibang Nest home kung saan ka inimbitahan, posibleng kailangan mong mag-sign out at mag-sign in ulit.
2. Sa home screen ng Nest app, i-tap ang Mga Setting .
3. Piliin ang Account.
4. Sa screen ng account, makikita mo ang larawan ng taong kasalukuyang naka-sign in. Kung hindi siya tutugma sa account na gusto mo, mag-sign out.
5. Para mag-sign out, piliin ang Mag-sign out sa ibaba ng screen ng account. Pagkatapos, puwede kang mag-sign in gamit ang iyong sariling email at password.

Mga setting ng pag-troubleshoot sa app

Kung online ang iyong mga device at walang outage ng serbisyo ng Nest, ang susunod na bagay na dapat tingnan ay kung naka-enable ang notification na hinahanap mo sa mga setting ng Nest app. Kung hindi ka nakakatanggap ng mga notification sa camera, may ilang karagdagang setting na dapat tingnan.

Tingnan ang mga setting ng notification ng iyong device

Home app

1. Buksan ang Google Home app .
2. I-tap ang Mga Setting ,
3. Buksan ang Mga Notification .
4. Mag-tap sa uri ng notification na gusto mong i-update, at pagkatapos ay i-tap ang switch para i-update ang iyong mga preference.

Nest app

Tiyaking nakatakda nang tama ang mga notification at email para sa bawat device na mayroon ka.

1. Sa home screen, i-tap ang Mga Setting   Mga Notification. 
2. Piliin ang produkto kung saan mo gustong baguhin ang mga notification.

Alamin ang tungkol sa mga notification at kung paano baguhin ang mga setting

Kung mayroon kang Nest camera

Puwedeng iba ang mga notification sa Nest camera. Dahil ayaw naming padalhan ka ng maraming alerto, posibleng makatanggap ka ng mas kaunti sa inaasahan mo kung nakatapat ang iyong camera sa abalang lugar.

Pag-unawa sa kung paano gumagana ang mga notification sa camera

Gumagamit ang Nest ng mga advanced na algorithm para matulungan kang makatanggap ng mga mas makabuluhang alerto. Halimbawa, puwede kang abisuhan ng iyong camera kapag may na-detect itong paggalaw, pero hindi ito magpapadala ng mga hiwalay na alerto para sa paulit-ulit na paggalaw sa panahon ng sunod-sunod na aktibidad. Para sa higit pang detalye, bisitahin ang mga sumusunod na artikulo:

Paano nakakapag-detect ng tunog at paggalaw ang mga Nest camera
Mga tip para masulit ang mga alerto sa aktibidad mula sa iyong Nest camera

Tingnan kung nagmamarka ng aktibidad ang iyong camera sa Sightline ng Nest app kapag kailangan. Kung nangyayari ito pero hindi mo natatanggap ang mga alertong inaasahan mo, tingnan ang iyong mga setting ng mga notification na partikular sa camera sa ibaba.

Tingnan ang mga setting ng notification na partikular sa camera

Pumunta sa Mga Setting ng iyong camera   Mga Notification at subukan ang sumusunod:

• Sa ilalim ng "Kailan ipapadala," tingnan kung in-enable mo ang opsyon para makatanggap ng mga notification Palagi o kapag Walang tao sa bahay lang. Kung pinili mo ang Walang tao sa bahay, hindi ka makakatanggap ng mga notification sa camera kung iniisip ng Tulong Kapag Nasa Bahay/Wala sa Bahay na may tao sa bahay.
• Sa ilalim ng "Aktibidad," puwede mong i-on at i-off ang iba't ibang uri ng mga alerto. Nakadepende ang mga eksaktong opsyong lalabas sa kung anong camera ang mayroon ka at kung nagdagdag ka ng subscription sa Nest Aware. Puwede mong i-enable ang lahat ng opsyon sa seksyong ito o i-off ang alinmang ayaw mo.
• Kung mayroon kang maraming Nest camera sa iyong bahay, puwede kang pumili ng ibang setting para sa bawat isa. Kaya tiyaking tingnan ang mga setting ng bawat camera sa app.
• Kung magshe-share ka ng access sa iyong Nest home gamit ang Mga Family Account, mapipili ng bawat tao ang kanilang mga sariling setting para sa mga notification. Kaya kapag binago mo ang iyong mga sariling setting, hindi nito mababago ang mga ito para sa ibang tao.
• Sa Home app, puwede mong i-personalize ang uri ng mga notification na matatanggap mo. Alamin ang tungkol sa Feed sa Home app

Para sa higit pang detalye tungkol sa bawat setting na nabanggit sa itaas, bisitahin ang sumusunod na artikulo:

Alamin ang tungkol sa mga alerto sa camera at kung paano magbago ng mga setting 

I-troubleshoot ang koneksyon at mga setting ng telepono

Kung mukhang tama ang iyong mga setting sa Nest app, puwedeng may iba pang nagdudulot ng problema.

Tingnan ang Wi-Fi at cellular na koneksyon ng iyong telepono

Tiyaking wala sa airplane mode ang iyong device at mayroon itong magandang cellular na koneksyon at koneksyon sa Wi-Fi. Puwedeng maantala ang mga notification at email dahil sa mahihinang signal, lalo na sa mga liblib na lugar. Kaya kung isang bar lang ang nakukuha ng iyong telepono, posibleng hindi ka makatanggap kaagad ng notification. Puwede mo ring subukang i-restart ang iyong device. Kapag ni-restart mo ang iyong device, ire-reset nito ang mga cellular na koneksyon at koneksyon sa Wi-Fi, at posible nitong maayos ang problema.

Tingnan kung hindi bina-block ang mga notification sa mga setting ng iyong telepono o tablet

Tiyaking hindi bina-block ng mga setting ng iyong telepono o tablet ang mga notification mula sa Nest app. Dadalhin ka ng mga link sa ibaba sa mga website ng suporta ng Apple at ng Google.

Mga Setting ng Notification sa Android
Mga Setting ng Notification sa iOS

Tandaan: Kung gumagamit ang iyong Android device ng mas luma o naka-customize na bersyon ng Android OS, posibleng may mga pagkakaiba sa mga hakbang.

Subukan ang ibang telepono o tablet

Kung wala ka pa ring anumang suwerte sa pagtanggap ng mga notification, tingnan kung matatanggap mo ang mga ito sa telepono o tablet ng isang kaibigan o miyembro ng pamilya. Sa pamamagitan ng kanyang pahintulot, i-install ang Nest app at mag-sign in sa iyong account para tingnan kung makakatanggap ka ng mga notification sa kanyang device. Tiyaking mag-sign out sa iyong account sa Nest app sa kanyang device kapag tapos ka na.

I-troubleshoot ang mga notification sa email

Iba ang paggana ng mga notification sa email sa mga push notification. Hangga't naitakda mo ang opsyong makatanggap ng mga notification sa email para sa iyong device, matatanggap mo ang mga ito kahit na hindi ka naka-sign in sa Nest app.

Tingnan kung naka-on ang mga notification sa email sa mga setting ng iyong device

Home app

1. Buksan ang Google Home app 
2. I-tap ang Mga Setting  Mga Notification. 
3. Buksan ang Mga Notification sa Email at i-tap ang switch para i-on ang mga notification.

Nest app

1. Sa home screen, i-tap ang Mga Setting    Mga Notification. 
2. Piliin ang device o program kung saan mo gustong baguhin ang mga notification.
3. Kung may makita kang opsyon para sa mga notification sa email, tiyaking naka-on ito. Tandaan: Hindi lahat ng Nest device ay magpapadala ng mga notification sa email o papayagan kang baguhin ang setting.

Paano mag-set up ng mga notification para sa iyong mga Nest device

Mahalaga: May ilang mahalagang event kung saan palaging magpapadala ang iyong Nest device ng mga notification. Halimbawa, sa tuwing io-on ng iyong Nest thermostat ang system mo dahil naabot na ng iyong bahay ang Ligtas na Temperatura. Walang magiging opsyon sa Nest app para i-on o i-off ang mahahalagang notification na ito.

Tingnan kung minamarkahan bilang spam o junk ang mga email mula sa Nest

Tingnan ang iyong folder ng spam o junk. Kung nakatakda ang iyong serbisyo sa email sa markahan ang lahat ng mensaheng mula sa hindi kilalang email bilang junk, posibleng kailangan mong idagdag ang aming email address na [e-mail] sa mga contact o address book mo. Sumangguni sa dokumentasyon ng iyong serbisyo sa email para sa partikular na impormasyon tungkol sa kung paano nito fini-filter ang mga email at kung paano magdagdag ng bagong contact.

Posibleng awtomatikong i-block ng ilang serbisyo sa email ang mga email na mula sa mga domain na hindi pa na-whitelist ng mga ito, para hindi makakarating ang mga email na ito sa iyong folder ng spam. Sa mga ganitong kaso, malamang na hindi malulutas ang isyu sa pagdaragdag ng [e-mail] sa iyong address book. Posibleng kailangan mong idagdag ang aming email address sa isang hiwalay na listahan ng whitelist o mga awtorisadong sender. Kung hindi ka sigurado kung paano ito gawin, makipag-ugnayan sa suporta o administrator ng iyong email para humingi ng tulong.

Kung nagkakaproblema ka pa rin sa pagtanggap ng mga notification sa email mula sa Nest, subukan ang ibang email address mula sa ibang serbisyo sa email. Para palitan ang iyong email address, mag-sign in sa account mo sa Nest app, at sundin ang mga hakbang na ito:

1. Sa home screen ng Nest app, i-tap ang Mga Setting .
2. Piliin ang Account  Pamahalaan ang account.
3. I-tap ang Seguridad ng Account.
4. Piliin ang Email Address.
5. Ilagay ang bagong email address at ilagay ang iyong kasalukuyang password.

Mahalaga: Kapag pinalitan mo ang iyong email address, mababago nito ang email address na ginagamit mo para mag-sign in sa Nest app.

Kung hindi gagana ang bagong email address, lumipat sa iyong orihinal na email address. Kapag inilagay ulit ang iyong orihinal na address, posibleng maayos ang problema kung may typo.

Paano palitan ang email address na nauugnay sa iyong account sa Nest app