Ikonekta ang mga produkto ng Nest sa isang nakatagong Wi-Fi network

Para maikonekta ang mga produkto ng Nest kasama ang mga Nest thermostat, camera, doorbell, at system na panseguridad kapag nakatago ang pangalan ng iyong Wi-Fi network, kailangan mo itong manual na i-type sa app na ginagamit mo para sa pag-set up (Nest app o Home app). Kailangan ay alam mo rin ang password at ang uri ng seguridad (WEP, WPA, o WPA2) ng network. Tingnan ang mga setting ng iyong router para malaman ang mga ito. Sumangguni sa manual ng router para sa mga partikular na tagubilin.

Bago ka magsimula

• Kung hindi kokonekta ang iyong produkto ng Nest sa unang pagkakataon, tandaang case-sensitive ang mga pangalan at password ng mga Wi-Fi network. I-double check ang pangalan, password, at uri ng seguridad ng network, pagkatapos ay i-type ulit ang impormasyon.
• Para mabilisang makapagkonekta ng maraming device, pansamantalang ipakita ang pangalan ng iyong nakatagong network. Tingnan ang manual ng iyong router para sa mga tagubilin.
• Puwedeng mag-iba ang mga tagubilin depende sa produkto at app na ginagamit mo (Nest o Google Home), kaya piliin ang iyong produkto sa ibaba.

Mga Nest camera at doorbell

Home app

Kumonekta sa isang nakatagong network sa panahon ng pag-set up

1. Sundin ang mga tagubilin sa pag-set up para maikonekta ang iyong Google Nest camera o doorbell sa app.
2. Kapag nasa screen ka na para sa pagpili ng Wi-Fi network, piliin ang Iba pang Wi-Fi network sa ibaba ng listahan ng network. Posibleng kailanganin mong mag-scroll pababa para makita ang opsyong ito.
3. I-type ang pangalan, password, at uri ng seguridad (WEP, WPA, o WPA2) ng iyong nakatagong Wi-Fi network.

Kumonekta sa isang nakatagong network pagkatapos ng pag-set up

Kung nakakonekta ang iyong camera o doorbell sa isang dati nang Wi-Fi network, pero gusto mo itong ikonekta sa isang bagong network, sundin ang mga hakbang sa ibaba:

1. Buksan ang Google Home app .
2. I-tap ang Mga Paborito o Mga Device .
3. I-tap ang Home   Lahat , pagkatapos ay pindutin nang matagal ang tile ng iyong device.
4. Sa kanang sulok sa itaas, i-tap ang Mga Setting Alisin ang device.
5. Ibabalik ka sa home screen ng Home app.
   Tandaan: Kapag pinili mong i-unpair ang iyong device, ide-delete nito ang lahat ng history ng video mo.
6. Sundin ang mga hakbang ng mga tagubilin sa pag-set up sa app. Sa screen para sa pag-set up ng Wi-Fi, piliin ang Iba pang Wi-Fi network. Posibleng kailanganin mong mag-scroll pababa para makita ang opsyong ito.
7. I-type ang pangalan, password, at uri ng seguridad (WEP, WPA, o WPA2) ng iyong nakatagong Wi-Fi network.

Nest app

Kumonekta sa isang nakatagong network sa panahon ng pag-set up

1. Sundin ang mga tagubilin para maikonekta ang iyong Google Nest camera o doorbell sa app.
2. Kapag nasa screen ka na para sa pagpili ng Wi-Fi network, piliin ang Iba pang Wi-Fi network sa ibaba ng listahan ng network. Posibleng kailanganin mong mag-scroll pababa para makita ang opsyong ito.
3. I-type ang pangalan ng iyong nakatagong Wi-Fi network.
4. Piliin ang seguridad ng iyong Wi-Fi network: WEP, WPA, o WPA2, pagkatapos ay i-type ang password mo.

Kumonekta sa isang nakatagong network pagkatapos ng pag-set up

Kung gusto mong lumipat sa isang nakatagong network mula sa iyong kasalukuyang Wi-Fi network, o kung binago mo ang mga setting ng iyong nakatagong network kamakailan, i-update ang impormasyon ng Wi-Fi sa Nest app.

1. Sa home screen ng Nest app, i-tap ang Mga Setting .
2. I-tap ang Impormasyon ng bahay.
3. Piliin ang Tulong sa Wi-Fi sa bahay.
4. Piliin ang camera o doorbell na gusto mong i-update.
5. I-tap ang Magsimula.
6. Para magpatuloy, i-scan ang QR code na nasa iyong camera o doorbell.
7. Sa ibaba ng listahan ng network, piliin ang Iba pang Wi-Fi network. Posibleng kailanganin mong mag-scroll pababa para makita ang opsyong ito.
8. I-type ang pangalan, password, at uri ng seguridad (WEP, WPA, o WPA2) ng iyong nakatagong Wi-Fi network.
9. I-tap ang Susunod.
10. Kapag naikonekta na ang iyong camera o doorbell, piliin ang Tapos na.

Nest thermostat

Nakadepende ang mga tagubilin sa modelo ng iyong thermostat.

Piliin ang thermostat na mayroon ka:
Nest Learning Thermostat (4th gen)	Nest Thermostat	Nest Thermostat E	Nest Learning Thermostat (3rd gen o mas luma)
Paano matutukoy kung aling thermostat ang mayroon ka

Tandaan: Kung hindi mo alam ang pangalan, password, o uri ng seguridad ng iyong network, mag-sign in sa page ng admin ng Wi-Fi router mo gamit ang isang web browser para tingnan. Tingnan ang manual ng iyong router para sa mga partikular na tagubilin.

Kumonekta sa isang nakatagong network sa panahon ng pag-set up

1. Sundin ang mga tagubilin para i-install ang iyong Nest thermostat at i-set up ito sa app.
2. Kapag nasa hakbang na Kumonekta sa Wi-Fi ka na, piliin ang Iba pang Wi-Fi network. Pagkatapos ay manual na ilagay ang pangalan at password ng nakatagong network.

Kumonekta sa isang nakatagong network pagkatapos ng pag-set up

1. Buksan ang Google Home app 
2. I-tap ang Mga Paborito o Mga Device .
3. Piliin ang iyong thermostat.
4. I-tap ang Mga Setting Impormasyon ng device  Wi-Fi.
5. Para kumonekta sa isang nakatagong network, piliin ang Iba pang Wi-Fi network. Manual mong mailalagay ang pangalan, password, at uri ng seguridad ng network.

Nest Thermostat E o Nest Learning Thermostat (3rd gen o mas luma)

Kumonekta sa isang nakatagong network sa panahon ng pag-set up

Habang sine-set up mo ang iyong Google Nest thermostat, puwede nitong i-request sa iyo na kumonekta sa isang Wi-Fi network. Kapag pinili mong kumonekta, may lalabas sa thermostat na listahan ng mga wireless network sa malapit.

1. Sundin ang mga tagubilin para i-install ang iyong Nest thermostat.
2. Kapag na-install at na-on mo na ito at sisimulan mo na ang pag-set up, piliin ang I-type ang Pangalan ng Network sa hakbang para sa koneksyon sa Wi-Fi. Posibleng kailanganin mong mag-scroll pababa sa listahan ng mga Wi-Fi network para makita ang opsyong ito.
3. Pihitin ang ring ng thermostat para mag-highlight ng isang titik, numero, o simbolo, at pindutin ito para ilagay ang pangalan ng iyong Wi-Fi network.
   • Para magpalipat-lipat sa maliliit at malalaking titik, i-tap ang Shift. Para magpalipat-lipat sa mga numero, simbolo, at accent, i-tap ang 123. Para bumalik sa mga titik, i-tap ang ABC.
   • Kung mapipili mo ang isang character nang hindi sinasadya, gamitin ang Backspace para i-delete ang huling nailagay na character.
   • Kung gusto mong bumalik at pumili ng ibang network, piliin ang Bumalik .
4. Kapag na-type mo na ang pangalan ng iyong network, piliin ang check mark .
5. Ilagay ang password ng Wi-Fi network.

Kumonekta sa isang nakatagong network pagkatapos ng pag-set up

Kung gusto mong lumipat sa isang nakatagong network mula sa iyong kasalukuyang Wi-Fi network, alisin ang impormasyon ng kasalukuyang Wi-Fi sa thermostat mo:

1. Pindutin ang ring ng thermostat.
2. Piliin ang Mga Setting .
3. Piliin ang I-reset.
4. Piliin ang Network.
5. Para kumpirmahin, piliin ang I-reset.
6. Sundin ang mga hakbang sa seksyon sa ibaba para makakonekta sa nakatagong network.

Kung hindi mo naikonekta ang iyong thermostat sa isang Wi-Fi network sa panahon ng pag-set up, o kung inalis mo ang impormasyon ng Wi-Fi ng iyong thermostat, gamitin ang thermostat para kumonekta sa isang nakatagong network.

1. Pindutin ang ring ng thermostat para palabasin ang menu na Mabilisang View.
2. Piliin ang Mga Setting .
3. Piliin ang Network.
4. Piliin ang I-type ang Pangalan ng Network. Posibleng kailanganin mong pihitin ang ring nang lampas sa listahan ng mga Wi-Fi network sa malapit para makita ang opsyong ito.
5. Pihitin ang ring para mag-highlight ng isang titik, numero, o simbolo, at pindutin ito para ilagay ang pangalan ng iyong Wi-Fi network.
   • I-tap ang Shift para magpalipat-lipat sa maliliit at malalaking titik. I-tap ang 123 para magpalipat-lipat sa mga numero, simbolo, at accent. I-tap ang ABC para bumalik sa mga titik.
   • Kung mapipili mo ang isang character nang hindi sinasadya, gamitin ang Backspace para i-delete ang huling nailagay na character.
   • Kung gusto mong bumalik at pumili ng ibang network, piliin ang Bumalik .
6. Kapag na-type mo na ang pangalan ng iyong network, piliin ang check mark .
7. Ilagay ang password ng iyong Wi-Fi network.

Nest Protect

Tandaan: Kung hindi mo alam ang pangalan, password, o uri ng seguridad ng iyong network, mag-sign in sa page ng admin ng Wi-Fi router mo gamit ang isang web browser para tingnan. Tingnan ang manual ng iyong router para sa mga partikular na tagubilin.

Kumonekta sa isang nakatagong network sa panahon ng pag-set up

1. Sundin ang mga tagubilin para i-set up ang Google Nest Protect gamit ang Nest app.
2. Kapag nasa screen ka na para sa pagpili ng Wi-Fi, piliin ang Iba pang network sa ibaba ng listahan ng mga pangalan ng Wi-Fi network. Posibleng kailanganin mong mag-scroll pababa para makita ang opsyong ito.
3. I-type ang pangalan ng iyong Wi-Fi network.
4. Piliin ang uri ng seguridad na ginagamit ng iyong Wi-Fi: WEP, WPA, o WPA2.
5. I-type ang password ng iyong Wi-Fi network.

Kumonekta sa isang nakatagong network pagkatapos ng pag-set up

Kung gusto mong lumipat sa isang nakatagong network mula sa iyong kasalukuyang Wi-Fi network, o kung binago mo ang mga setting ng iyong nakatagong network kamakailan, i-update ang impormasyon ng Wi-Fi sa Nest app.

2nd gen na Nest Protect

1. Sa home screen ng Nest app, i-tap ang Mga Setting .
2. I-tap ang Impormasyon ng bahay.
3. Piliin ang Tulong sa Wi-Fi sa bahay.
4. Piliin ang Protect na gusto mong i-update.
5. I-tap ang Magsimula Susunod.
6. Piliin ang Iba pang network sa ibaba ng listahan ng mga pangalan ng Wi-Fi network. Posibleng kailanganin mong mag-scroll pababa para makita ang opsyong ito.
7. I-type ang pangalan, password, at uri ng seguridad (WEP, WPA, o WPA2) ng nakatagong Wi-Fi network.
8. I-tap ang Susunod.
9. Kapag naikonekta na ang iyong Protect, piliin ang Tapos na.

1st gen na Nest Protect

1. Alisin ang Nest Protect sa iyong account sa Nest app.
2. Muling i-set up ang Protect sa Nest app.
3. I-factory reset ang Nest Protect.
4. Sundin ang mga tagubilin sa itaas para ikonekta ang iyong Protect sa isang nakatagong network sa panahon ng pag-set up.

Tandaan: Kung pupunta ka sa Mga Setting Impormasyon ng bahay Tulong sa Wi-Fi sa bahay, pagkatapos ay pipiliin mo ang iyong 1st gen na Nest Protect, sasabihin din nito sa iyo na alisin ang Protect mo sa app at i-set up ito ulit sa app.

Nest Connect at Nest × Yale Lock

Mahalaga: Hindi direktang kumokonekta sa Wi-Fi ang Google Nest × Yale Lock. Kumokonekta ito sa internet gamit ang Nest Connect na nagsisilbing tulay sa pagitan ng lock at iyong Wi-Fi network.

Tandaan: Kung hindi mo alam ang pangalan, password, o uri ng seguridad ng iyong network, mag-sign in sa page ng admin ng Wi-Fi router mo gamit ang isang web browser para tingnan. Tingnan ang manual ng iyong router para sa mga partikular na tagubilin.

Kumonekta sa isang nakatagong network sa panahon ng pag-set up

1. Sundin ang mga tagubilin para i-set up ang Nest × Yale Lock o Nest Connect sa app.
   Mahalaga: Dapat ay mayroon kang Nest Connect sa Nest app para magawa mong i-set up ang Nest × Yale Lock at ikonekta ito sa iyong Wi-Fi network.

2. Kapag nasa screen ka na para sa pagpili ng Wi-Fi, piliin ang Iba pang network sa ibaba ng listahan ng network. Posibleng kailanganin mong mag-scroll pababa para makita ang opsyong ito.

3. I-type ang pangalan ng iyong Wi-Fi network.

4. Piliin ang uri ng seguridad na ginagamit ng iyong Wi-Fi: WEP, WPA, o WPA2.

5. I-type ang password ng iyong Wi-Fi network.

Kumonekta sa isang nakatagong network pagkatapos ng pag-set up

Kung gusto mong lumipat sa isang nakatagong network mula sa iyong kasalukuyang Wi-Fi network, o kung binago mo ang mga setting ng iyong nakatagong network kamakailan, i-update ang impormasyon ng Wi-Fi sa Nest app.

Tandaan: Tiyaking malapit ang iyong telepono sa Connect o Guard at nakakonekta ito sa Wi-Fi.

1. Sa home screen ng Nest app, i-tap ang Mga Setting .
2. I-tap ang Impormasyon ng bahay.
3. Piliin ang Tulong sa Wi-Fi sa bahay.
4. Piliin ang Connect o Guard na gusto mong i-update.
5. I-tap ang Magsimula.
6. Piliin ang Susunod.
7. Sa ibaba ng listahan ng network, piliin ang Iba pang network. Posibleng kailanganin mong mag-scroll pababa para makita ang opsyong ito.
8. I-type ang pangalan, password, at uri ng seguridad (WEP, WPA, o WPA2) ng nakatagong Wi-Fi network.
9. I-tap ang Susunod.
10. Kapag naikonekta na ang iyong Connect o Guard, piliin ang Tapos na.