Kumokonekta ang iyong Google Nest × Yale Lock sa internet sa pamamagitan ng Google Nest Connect o Google Nest Guard sa bahay mo. Hindi ito direktang kumokonekta sa Wi-Fi. Kung offline ang iyong Nest x Yale Lock, may ilang paraan pa para ma-lock at ma-unlock mo ang iyong pinto.
Narito ang ilang bagay na dapat tandaan kung offline ang iyong lock:
- Kung hindi makakonekta ang iyong lock sa Guard o Connect, isasaad sa Nest app na "Offline" ito.
- Kahit na offline ang iyong lock, gagana pa rin ang karamihan ng mga passcode. Ganoon din ang thumb turn sa loob ng iyong bahay. Matuto pa tungkol sa pag-lock at pag-unlock.
Tandaan: Hindi makakagamit ng passcode ang sinumang may nakaiskedyul na access sa iyong bahay para buksan ang pinto habang offline ang lock. - Hangga't offline ang iyong lock, hindi ito makakapagpadala ng mga alerto o impormasyon sa telepono mo.
Sa oras na ihinto ang suporta para sa Nest Secure sa Abril 8, 2024, hindi mo na magagamit ang Nest Guard bilang tulay para maikonekta ang iyong Nest x Yale Lock sa Wi-Fi. Nest Connect lang ang puwedeng magkonekta ng iyong lock sa Wi-Fi.
Kung kasalukuyan mong ginagamit ang Nest Guard bilang tulay para maikonekta ang iyong Nest x Yale Lock sa Wi-Fi at wala kang Nest Connect, bibigyan ka namin nang libre. Magpapadala kami ng email sa mga kwalipikadong user sa Enero 2024 na may mga tagubilin sa kung paano makakatanggap ng Nest Connect nang walang bayad. Para sa higit pang detalye, tingnan ang mga madalas itanong sa update na ito sa Forum ng Komunidad ng Nest Secure.
Higit pa tungkol sa kung paano kumokonekta sa internet ang iyong lock
Medyo iba ang paggana ng Nest × Yale Lock sa iyong bahay kumpara sa iba pang produkto ng Nest.
Hindi gumagamit ng Wi-Fi ang iyong lock. Sa halip, gumagamit ito ng koneksyong kumokonsumo ng kaunting kuryente para makipag-ugnayan sa Nest Connect o Nest Guard. Pagkatapos, gumagamit ng Wi-Fi ang iyong Nest Connect o Nest Guard para magpadala ng impormasyon sa Nest app mula sa lock mo. Nakakatulong ang hindi direktang koneksyong ito na makatipid sa baterya ang iyong lock.
Mag-troubleshoot kapag offline ang iyong Nest × Yale Lock
1. I-troubleshoot ang iyong Nest Connect o Nest Guard
Nest Connect
- Sa home screen ng Nest app, i-tap ang Mga Setting
Mga Nest Connect.
- Piliin ang iyong Nest Connect
- Sundin ang mga tagubilin sa app. Kung offline ang iyong Nest Connect, alamin kung paano i-troubleshoot ang Nest Connect.
Mga Nest Connect.Nest Guard
2. Tingnan ang status ng serbisyo ng Nest
Kung down ang serbisyo ng Nest, offline ang lahat ng iyong produkto ng Nest. Posible ka ring makatanggap ng mensaheng "Hindi makakonekta sa serbisyo ng Nest sa ngayon" sa Nest app.
Tingnan ang status ng serbisyo ng Nest
Hintaying bumalik ang serbisyo ng Nest para malaman kung mag-o-online ulit ang iyong lock at iba pang produkto ng Nest.
3. Tingnan ang bersyon ng iyong app
Tiyaking mayroon ka ng pinakabagong bersyon ng Google Home app o Nest app para makuha ang mga pinakabagong feature at pag-aayos ng bug.
4. Subukang i-restart ang iyong lock
Tanggalin ang takip ng baterya at alisin ang mga baterya sa iyong lock. Kung nakatanggap ka ng alertong paubos na ang baterya, gumamit ng mga bagong standard na AA na baterya. Huwag gumamit ng mga rechargeable na baterya sa iyong lock.
Maghintay nang ilang minuto para malaman kung mag-o-online ulit ang iyong lock.
Kahit na nasa saklaw ng iyong lock ang Nest Connect o Nest Guard mo, posibleng may nakakasagabal sa koneksyon.
Isiping may tuwid na linya sa pagitan ng iyong Nest Connect o Nest Guard at ng lock mo. Kapag may bagay na malaki o mabigat na nakakaharang sa linyang iyon, posible itong magdulot ng interference.
Posibleng mapaliit ng makakapal na pader, mga kagamitan, mga appliance, at iba pang electronics ang saklaw.
6. I-reset sa mga factory default ang iyong lock
Kung offline pa rin ang iyong lock, i-factory reset ang Nest × Yale Lock mo at pagkatapos ay i-set up ulit ang iyong lock sa Nest app.