Pag-install at pag-setup ng Nest × Yale Lock

Kumokonekta ang Nest × Yale Lock sa iyong Wi-Fi at sa Nest app sa pamamagitan ng Nest Connect. Sundin ang mga tagubilin sa ibaba para i-install at i-set up ang iyong lock. Video ng pangkalahatang-ideya: I-install at i-set up ang Nest × Yale Lock

Tandaan: Puwedeng i-install ang Google Nest × Yale Lock sa karamihan ng mga karaniwang pinto. Gayunpaman, kailangan ay makatugon ang iyong pinto sa ilang partikular na kinakailangan sa laki. Kapag naalis mo na ang iyong lock sa kasalukuyan at na-install mo na ang Nest × Yale Lock, dapat mo itong subukan at i-calibrate. Pagkatapos, ikonekta ito sa Nest app para makontrol mo ito gamit ang iyong telepono.

Habang ini-install, nangangailangan ang Nest × Yale Lock ng tumpak na alignment para maikonekta ang mga bahagi sa iyong pinto at sa isa't isa. Medyo direkta ang mga hakbang, pero dapat mong bigyang-pansin ang mga detalye.

Mahahalagang bagay na dapat malaman bago ka magsimula

• Tingnan kung natutugunan ng iyong pinto ang mga sumusunod na kinakailangan (makakatugon ang karamihan ng mga karaniwang pinto). Puwede mong gamitin ang template na kasama sa manual sa pag-install o puwede kang gumamit ng measuring tape.
  • Isa dapat sa mga sumusunod ang kapal ng iyong pinto:
    • 1 ⅜ na pulgada
    • 1 ¾ na pulgada
    • 2 hanggang 2 ¼ na pulgada
• Nasa 2 ⅜ o 2 ¾ na pulgada mula sa gilid ng pinto ang gitna ng butas ng lock.

Tandaan: Kung hindi nakakatugon ang mga butas ng lock ng iyong pinto sa mga detalyeng ito, puwede mong i-drill ulit ang mga butas kapag naalis mo na ang iyong lock sa kasalukuyan. Don’t want to install it yourself? Contact our installation partner, OnTech, to help you check your system’s compatibility, install, and set up your Nest products.

• Ihanda ang dati mong lock, sakaling kailanganin ito. Gumagana ang Nest × Yale Lock sa karamihan ng mga karaniwang pinto. Gayunpaman, kung may isyu, puwede mong i-install ulit ang dati mong lock at puwede kang humingi ng tulong sa pag-install. Make an appointment with our installation partner OnTech, to have a trained pro come to your home, install and set up your Nest products.
• Huwag i-install ang mga baterya hangga't hindi sinasabi sa mga tagubilin sa pag-install. Kung gagawin mo ito, posibleng hindi i-calibrate ng lock ang sarili nito nang tama at puwede itong magkaroon ng mga problema sa pag-lock.
• I-install ang Nest × Yale strike plate na kasama ng iyong lock. Kung hindi mo ito gagawin, puwedeng mag-jam ang iyong lock. Bagama't posibleng kamukha ng kasalukuyan mong strike plate ang Yale plate, na-engineer ang Yale plate para sumakto sa iyong bagong lock.
• Isara ang pinto habang sinusubukan ang lock gaya ng sinabi. Kung hindi mo ito gagawin, posibleng mag-isang mag-calibrate ang iyong lock sa pinto mo at mag-jam ito. Huwag mag-alalang mala-lock ka sa labas sa panahon ng pagsubok. Kung hindi matagumpay na maka-calibrate ang iyong lock, awtomatiko itong maa-unlock.

Ang kailangan mo para magsimula

• Nest × Yale Lock
• Mga mounting screw
• 4 na AA na baterya
• Susi sa pag-install
• Manual sa pag-install

May kasamang template para sa pagsukat ng iyong pinto ang manual sa pag-install ng lock mo. Puwede ka ring gumamit ng sarili mong measuring tape.

Kakailanganin mo rin ng:

• Phillips screwdriver o power drill na may Phillips bit
• Tugmang telepono o tablet
• Ang password ng iyong Wi-Fi network
• Nest Connect

1. I-install ang Nest x Yale Lock

1. Alisin ang luma mong lock

Alisin ang kasalukuyang lock at strike plate kung may naka-install ka nang ganito sa pinto. Posibleng kailanganin mo ng ibang screwdriver o wrench na kakasya sa hardware ng iyong lock.

I-drill ulit ang mga butas ng lock kung kinakailangan.

Kung hindi 2 ⅜ o 2 ¾ na pulgada ang layo ng gitna ng butas ng iyong lock mula sa gilid ng pinto, kakailanganin mong i-drill ito ulit sa tamang puwesto.

Gumamit ng 2 ⅜ na pulgadang spade drill bit at gamitin ang template mula sa manual sa pag-install para maiposisyon ulit ang mga butas. Posibleng kailangan mo ring gumamit ng pait para iposisyon ulit ang cutout para sa latch plate.

Don’t want to install it yourself? Contact our installation partner, OnTech, to help you check your system’s compatibility, install, and set up your Nest products.

Panatilihing nakahanda para magamit ang luma mong lock.

Gumagana ang Nest × Yale Lock sa karamihan ng mga karaniwang pinto. Gayunpaman, kung may isyu, puwede mong i-install lang ulit ang dati mong lock at puwede kang humingi ng tulong sa pag-install. Make an appointment with our installation partner OnTech, to have a trained pro come to your home, install and set up your Nest products.

2. I-install ang deadbolt

1. Bago mo ipasok ang deadbolt sa iyong pinto, i-adjust ang haba nito para kumasya sa pinto mo at tiyaking naka-retract ang deadbolt.
2. Idiin ang deadbolt papasok sa pinto gaya ng ipinapakita. Pagkatapos, gamitin ang dalawa sa mga kasamang screw para i-secure ito.

Mahalaga: Kung gumagamit ka ng drill, gumamit ng mababang setting ng torque para maiwasang ma-strip ang mga thread ng screw.

3. I-install ang strike plate

Mahalaga: Dapat mong i-install ang bagong strike plate na kasama ng iyong lock, kahit na kamukha nito ang kasalukuyan mong ganito. Kung hindi mo gagawin ito, posibleng mag-jam ang iyong lock.

Alisin ang kasalukuyan mong strike plate at i-install ang kasamang strike plate sa frame ng iyong pinto.

Tiyaking kalinya ng butas sa plate ang deadbolt ng lock bago mo ito i-install. Kung hindi, i-adjust ang cutout para sa plate gamit ang pait.

Tandaan: Puwede mong gamitin ang maiikling screw para sa mas madaling pag-install gamit ang screwdriver, o ang mahahabang screw para sa dagdag na seguridad.

4. I-install ang keypad sa labas ng pinto

Mahalaga: I-double check kung ganap na naka-retract ang deadbolt at nakapahalang ang butas ng latch bago ka magpatuloy.

1. Padaanin ang kable sa butas ng lock.
2. Idiin ang keypad para kumasya sa butas. Dapat itong pumirmi.

5. I-install ang mounting plate

1. Hilahin ang mounting plate paalis sa likod ng lock.

2. Ipasok ang kasamang susi sa butas sa itaas ng lock at idiin pababa. Hilahin paalis ang cover ng baterya.

Tip: Puwede kang gumamit ng thumbtack sa halip na susi.

3. Padaanin ang kable ng lock sa butas sa mounting plate at idiin ang mga pin ng mounting plate papasok sa mga butas sa deadbolt.

4. Gumamit ng mga bolt na tama ang haba para sa iyong pinto para ma-secure ang mounting plate.

5. Bago mo ganap na higpitan ang mga ito, tiyaking nakaangkop sa pinto ang keypad at plate. Puwede kang gumamit ng bubble level kung kinakailangan.

6. I-install ang lock

1. Isaksak ang kable sa connector sa lock. Puwede lang itong isaksak sa isang paraan. Maghanap ng maliit na tab para mai-align ito nang tama. Pagkatapos, padaanin ang kable sa likod ng mga hook ng kable para hindi ito gumalaw.

Mahalaga: Tiyaking nakapatayo ang thumb turn ng lock at ganap na naka-retract ang deadbolt bago mo i-attach ang lock sa plate.

2. Ipasok ang spindle sa butas at i-hook ang lock sa ibaba ng mounting plate. Idiin ang lock sa plate. Dapat itong lumagitik.

3. Gamitin ang dalawang maliit na itim na bolt para i-screw ang iyong lock sa mounting plate. Makikita mo ang mga butas para sa mga bolt sa compartment ng baterya ng iyong lock.

2. Subukan at i-set up ang iyong lock

1. Subukan ang iyong lock

Subukan kung gumagana ang iyong lock kapag nakabukas at nakasara ang pinto.

1. Kapag nakabukas ang pinto:

• Iikot ang thumb turn at tiyaking ganap na nag-e-extend ang deadbolt.
• Iikot ang thumb turn para naka-retract ang deadbolt.

2. Kapag nakasara ang pinto:

• Iikot ang thumb turn para i-lock ang pinto.

Kung nakakaramdam ka ng resistance, o kung hindi ganap na nae-extend ang deadbolt, alisin ang lock at tingnan ulit ang pagkaka-install sa deadbolt at lock.

2. I-install ang mga baterya

1. Isara ang pinto bago mo i-install ang mga baterya.
   • Mahalaga: Panatilihing naka-unlock ang pinto habang ini-install mo ang mga baterya. Kung naka-lock ang pinto, puwedeng hindi masubukan at ma-calibrate ng lock ang sarili nito sa iyong pinto nang maayos.
2. Ipasok ang mga kasamang AA na baterya sa compartment ng baterya. Mao-on ang lock at ipe-play nito ang pagbati ng Nest.
3. Huwag munang ilagay ang takip ng baterya. Sa Nest app, kailangan mong i-scan ang code na nasa compartment ng baterya kapag kumonekta ka.

Tandaan: Kung hindi matagumpay sa pag-calibrate ang iyong lock, i-reset ito sa mga default, at sundin ang mga hakbang para makapagpatuloy sa pag-set up.

3. Gumawa ng master passcode

1. Para i-wake ang iyong lock, ilapat ang iyong palad sa keypad o pindutin ang logo ng Yale.
2. Sasabihin sa iyo ng lock kung paano gumawa ng pansamantalang passcode para sa iyong lock bago mo ito ikonekta sa Nest app.

Tandaan: Kapag naikonekta mo na ang iyong lock sa Nest app, gagawa ka ng bagong passcode para sa lock mo. Pagkatapos noon, hindi mo na kakailanganin ang pansamantalang master passcode na ito.

4. I-calibrate ang deadbolt/lock

Dapat hilingin sa iyo ng lock na isara ang pinto para ma-calibrate nito ang sarili nito. Kung maka-detect ng isyu (gaya ng pag-jam) ang lock, dapat itong awtomatikong mag-unlock.

3. Ikonekta ang iyong lock sa Nest app

1. Mag-sign in sa iyong account

Kung ngayon ka lang gagamit ng Nest, pumunta sa Apple App Store o Google Play para i-download ang Nest app at gumawa ng account.

Kung mayroon ka nang produkto ng Nest, mag-sign in sa iyong account sa app kung hindi mo pa ito nagagawa.

Tandaan: Kung mayroon kang mahigit sa isang bahay sa iyong account, tiyaking pipiliin mo muna ang Nest home kung saan mo gustong i-install ang iyong camera. I-tap ang Menu sa kaliwang bahagi sa itaas ng home screen para magpalit ng bahay.

2. I-set up ang Nest Connect

Hindi direktang kumokonekta sa Wi-Fi ang iyong Nest × Yale Lock. Para maikonekta ito sa internet at maidagdag ito sa Nest app, i-set up muna ang iyong Nest Connect. Pagkatapos, magpatuloy sa pag-set up ng iyong lock.

3. I-scan ang QR code

Para magsimula, buksan ang Nest app i-tap ang Mga Setting piliin ang Magdagdag ng produkto.

1. Dapat hilingin sa iyo ng app na i-scan ang QR code sa iyong produkto para malaman nito kung anong device ang gusto mong i-install. Nasa compartment ng baterya ang code ng Nest × Yale Lock.

2. Magsimula nang may layong isang talampakan ang iyong telepono at unti-unti itong ilapit sa code. Hindi kailangang sumakto ito sa mga gilid ng kahon sa app para ma-scan.

Tip: Habang sina-scan mo ang code, tiyaking maliwanag at walang aninong tumatakip sa code.

3. Kung hindi mo pa rin ma-scan ang code, i-tap ang Magpatuloy Nang Hindi Nagsa-scan at i-type ang mga numero sa itaas ng QR code.

4. Kapag alam na ng app ang device na sinusubukan mong i-install, gagabayan ka nito sa lahat ng hakbang.

4. Ikonekta sa app ang iyong lock

1. Ipaalam sa app kung saan naka-install ang iyong lock. Gagamitin ng app ang lokasyong ito kapag nagpadala ito sa iyo ng mga notification, kaya pumili ng naaangkop na lokasyon.

2. Sisimulan na ng app na hanapin ang iyong Nest Connect.

3. Sa oras na makita ito ng app, pindutin nang matagal ang puting button sa itaas ng thumb turn ng iyong lock para maikonekta ang lock at Nest Connect mo.

Tip sa pag-troubleshoot: Kung hindi makakonekta ang iyong lock, ilapit ang Connect mo sa iyong lock. Posibleng makatulong ang kahit ilang pulgada o talampakan lang.

5. Gumawa ng mga passcode sa Nest

Gumawa ng passcode sa Nest gamit ang app. Papalitan ng passcode na ito ang master passcode na ginawa mo sa lock.

Dapat itanong ng app kung gusto mong gumawa ng mga passcode para sa ibang taong nakikibahagi sa access sa iyong Nest home. Puwede ka ring mag-imbita ng mga bagong tao na makikibahagi sa access, at puwede kang magtakda ng iskedyul na naglilimita kung kailan puwedeng pumasok sa bahay mo ang isang tao.

Ngayong naka-install at naka-set up na ang lock mo, puwede mo nang simulang gamitin ang iyong Nest × Yale Lock.