Ang “nalilimitahan ng badyet” ay isang status ng diskarte sa pag-bid na ginagamit kapag mas mababa ang iyong average na pang-araw-araw na badyet kaysa sa inirerekomendang halaga. Kung magtatakda ka ng pagsasaayos ng bid na magpapataas ng iyong mga bid, puwedeng dumami ang mga auction kung saan kwalipikado ang iyong ad dahil sa magreresultang bid mo. Kung kaya, dahil sa mas mataas na magreresultang bid, puwedeng maging "nalilimitahan ng badyet" ang iyong campaign. Sa ganoong sitwasyon, baka hindi mo makuha ang lahat ng bagong trapikong available para sa iyong campaign dahil sa badyet mo.
Mahalagang tandaan na ang isang campaign na "nalilimitahan ng badyet" ay puwede pa ring magtagumpay at makatulong sa iyong makamit ang mga layunin mo sa pag-advertise. Gayunpaman, kung magiging "nalilimitahan ng badyet" ang iyong campaign pagkatapos mong magtakda ng adjustment ng bid, pag-isipang taasan ang iyong badyet para dumami ang mga pag-click, o babaan ang mga bid o adjustment ng bid mo para makakuha ng mas maraming pag-click na pasok sa iyong badyet.
Kapag "nalilimitahan ng badyet" ang iyong diskarte sa pag-bid, hindi regular na ipinapakita ang mga ad nang madalas hangga't maaari.
- Saan mo ito makikita: Puwedeng magkaroon ng status na "nalilimitahan ng badyet" ang isang diskarte sa pag-bid sa column na status ng talahanayan ng mga campaign. Ibig sabihin nito, mas mababa ang iyong badyet kaysa sa inirerekomendang average na pang-araw-araw na badyet.
- Bakit ito lumalabas: Kapag mas mababa ang iyong badyet kaysa sa inirerekomendang halaga, posibleng hindi kasya sa badyet mo ang lahat ng trapikong available para sa iyong mga keyword at iba pang setting ng pag-target ng campaign. Para matiyak na magtatagal nang buong araw ang iyong badyet, babawasan ng Google Ads ang dalas ng paglabas ng mga ad mo. Puwede pa ring lumabas ang mga ad sa campaign, pero baka hindi lumabas ang mga ito nang madalas hangga't maaari.
- Ang ibig sabihin nito: Puwede pa ring maging matagumpay at makatulong sa iyong makamit ang mga layunin mo sa negosyo ang isang campaign na nalilimitahan ng badyet. Pero baka may mga pagkakataong madagdagan pa ang pagkakalantad kung kaya mong taasan ang iyong badyet.
- Ano ang susunod na gagawin: I-click ang simulator ng badyet sa talahanayan ng mga campaign para suriin kung gaano karaming beses puwedeng maipakita ang iyong campaign kung gagamit ka ng ibang badyet. Puwede mo ring pag-isipang babaan ang iyong Target na CPA o taasan ang Target na ROAS mo sa limitadong campaign. O kaya, puwede mong babaan ang iyong pagsasaayos ng bid para subukang pagkasyahin ang mas maraming pag-click o panonood ng video sa badyet mo.
Halimbawa
Sabihin nating magtatakda ka ng bid na Php50 at ng average na pang-araw-araw na badyet na Php5,000, at nakakakuha ang iyong campaign ng humigit-kumulang 200 pag-click at gumagastos ito ng Php4,750 bawat araw (hindi ito “nalilimitahan ng badyet”). Pagkatapos, magtatakda ka ng pagsasaayos ng bid na humahantong sa +100% pagdami ng mga paghahanap sa Chicago sa mga mobile device para sa magreresultang bid na Php100.
Dahil naging kwalipikado ang iyong ad para sa mas maraming auction dahil sa tumaas mong magreresultang bid, kakailanganin mong gumastos ng PHP7,500 para makuha ang lahat ng posibleng pag-click para sa iyong bagong available na trapiko. Pero kung mananatiling PhP5,000 ang iyong average na pang-araw-araw na badyet, magiging "nalilimitahan ng badyet" ang trapiko mo. Kung hindi mo babaguhin ang iyong average na pang-araw-araw na badyet, baka makakuha ng mas kaunting pag-click ang mga ad mo.