Makakatulong sa iyo ang aming may gabay na troubleshooter na tukuyin, ipaliwanag, at tugunan ang mga potensyal na sanhi ng mga hindi inaasahang pagbabago-bago sa paggastos ng Performance Max campaign mo.
Para sa mga subtitle sa iyong wika, i-on ang mga caption sa YouTube. Piliin ang icon ng Mga Setting sa ibaba ng video player, pagkatapos ay piliin ang Mga Subtitle/CC at piliin ang iyong wika.
Gumagamit ang Performance Max ng Google AI para tulungan kang maparami ang mga conversion at mapataas ang halaga sa pamamagitan ng pag-bid, pag-target, mga creative, at attribution. Dinisenyo ito para gumana sa maraming iba't ibang layunin sa marketing at media channel. Dahil dito, inirerekomenda namin ang paggamit sa mga sumusunod na pinakamahuhusay na kagawian para i-set up ang iyong mga Performance Max campaign para magkaroon ng mahuhusay na resulta.
Ipinapaliwanag ng artikulong ito ang pinakamahuhusay na kagawian para sa lahat ng uri ng negosyo.
Para sa karagdagang pinakamahuhusay na kagawian, tingnan ang:
- Pinakamahuhusay na kagawian para sa mga online na benta (hindi sa shopping)
- Pinakamahuhusay na kagawian para sa pagbuo ng lead
- Pinakamahuhusay na kagawian para sa mga layunin sa tindahan
- Pinakamahuhusay na kagawian para sa mga advertiser ng retail na may layuning mga online na benta gamit ng isang feed ng Google Merchant Center
Pinakamahuhusay na kagawian para sa lahat ng uri ng negosyo
- Tagal ng campaign at learning period: Magpagana ng mga bagong campaign sa loob ng hindi bababa sa 6 na linggo. Nagbibigay-daan ito sa algorithm ng machine learning na maghanda at mangalap ng sapat na data para ma-optimize ang performance. Iwasang gumawa ng madalas na mga pagbabago sa badyet, strategy sa pag-bid, o status ng campaign sa loob ng inisyal na panahong ito, dahil puwede nitong i-reset ang learning phase at magdulot ng mga pagbabago-bago sa performance. Kung gagawa ka ng malalaking pagbabago sa isang kasalukuyang campaign, maglaan ng katulad na learning period na 1-2 linggo (o kahit man lang isang buong cycle ng conversion) para mag-stabilize at mag-optimize ulit ang campaign.
- Signal ng audience: Ang Performance Max ay pinapagana ng machine learning. Gumamit ng mga nauugnay na listahan ng audience bilang mga signal para mapabilis ang paghahanda sa machine learning at mapahusay ang mga resulta ng iyong campaign. Magbigay ng mga nauugnay at de-kalidad na signal ng audience, tulad ng mga listahan ng remarketing, custom intent, listahan ng Customer Match, at mga katulad na segment. Regular na suriin at pinuhin ang mga signal na ito para matiyak na tumpak na magagabayan ng mga ito ang AI. Napakahalaga ng mga epektibong signal ng audience para gabayan ang campaign sa mga tamang user at puwede itong magkaroon ng malaking epekto sa performance, lalo na kung hindi sapat ang ginagastos ng campaign o hindi nito naaabot ang gustong audience.
- Mga Asset: Magbigay ng iba't ibang asset na may mataas na kalidad para ma-maximize ang kalidad. Sikaping magkaroon ng rating ng kalidad ng ad na “Napakaganda” o “Maganda.” Magsama ng kahit 20 asset na text lang (15 headline, 5 paglalarawan), kahit 7 asset para sa imahe lang (3 landscape, 3 kuwadrado, at 1 portrait), at kahit 1 video asset lang. Puwede kang mag-upload ng sarili mong video o puwede mong gamitin ang tool sa paggawa ng video. Partikular nang mahalaga ang paggamit ng sarili mong video asset kung gusto mong ma-minimize ang paggastos sa mga awtomatikong binuong video sa YouTube. Ang mas mabisa at mas iba't ibang asset ay tutulong na mapahusay ang performance at makakatugon sa mga isyung tulad ng mababang bilang ng mga conversion o mataas na CPA. Matuto pa tungkol sa kung paano Bumuo ng grupo ng asset.
Tandaan: Ang mga representasyon at kontrol ng brand, kasama ang mga logo ng negosyo at impormasyon ng negosyo, ay pinagsama-sama sa level ng campaign. Para masulit ang iyong experience sa Google Ads, siguraduhing hindi ka nagpapagana ng mga campaign kung saan magkahiwalay ang mga logo at impormasyon ng negsoyo sa magkaibang grupo ng asset. Matuto pa tungkol sa mga detalye ng logo ng negosyo at impormasyon ng negosyo.
