[GA4] I-enable ang data ng remarketing sa Google Analytics

Tungkol sa remarketing

Nagbibigay-daan sa iyo ang remarketing na makipag-ugnayan ulit sa mga user batay sa gawi nila sa app mo o sa iyong site. Kapag tumutugma ang mga user sa profile ng gawi para sa isang audience (halimbawa, Nakaabot sa Level 9), idaragdag sila sa audience na iyon, at kwalipikado silang makakita ng mga ad na nauugnay sa nabanggit na gawing iyon.

Puwede kang gumawa ng mga audience sa iyong mga property sa Google Analytics 4 mula sa anumang kumbinasyon ng mga dimensyon, sukatan, at event (halimbawa, mga user ng Android na nag-trigger ng mga event na in_app_purchase).

Awtomatiko ring gumagawa ng dalawang audience ang Analytics:

• Mga Bumibili: Mga user na bumili ng app, gumawa ng in-app na pagbili, o bumili sa website
• Lahat ng user: Mga user na nag-install ng iyong app o nagsimula ng mga session sa website mo

Kapag ni-link mo ang Analytics sa iyong mga Google Ads account at na-enable mo ang pag-personalize ng mga ad:

• Anumang audience na gagawin mo sa Analytics ay awtomatikong mae-export sa mga account na iyon at magiging available para sa remarketing sa Google Search Network, Google Display Network, at YouTube.
• Bina-backfill ng Analytics ang mga audience na iyon gamit ang mga miyembrong idinagdag kamakailan at magiging available na gamitin ang mga audience na iyon sa Google Ads sa loob ng 1 araw (sa average).
• Puwede mong tingnan ang tinantyang laki ng audience sa Google Ads anumang oras. Tandaang para sa mga bagong audience, bagama't puwedeng tumagal nang ilang panahon bago ma-populate ng Google Ads ang mga audience para matugunan ang mga pagtatantya ng laki, pansamantalang magagamit mo ang mga audience na iyon sa mga campaign.

Kapag may mga user ID ang iyong data, ang mga user na nauugnay sa mga ID na iyon lang ang puwedeng isama sa anumang audience na gagawin mo. Kapag nag-export ka ng audience batay sa mga user ID sa iyong mga naka-link na Google Ads account, ang huling device lang kung saan naobserbahan ang isang user ID ang makikita sa audience, at sa mga device na iyon lang ipapakita ang mga naka-personalize na ad.

I-enable ang remarketing sa Google Ads

Para ma-enable ang remarketing sa Google Ads gamit ang mga listahang nakabatay sa mga audience sa Analytics na gagawin mo sa iyong mga property sa Google Analytics 4:

1. I-activate ang Google Signals para sa property.
   Tandaan: Hindi kinakailangan sa mga property na ginawa namin bago ang pagdaragdag ng toggle ng Google Signals (Agosto 2018) na i-activate muna ang Google Signals bago ma-enable ang remarketing.
2. I-link ang iyong Google Ads account at Analytics account. Tiyaking pipiliin mo ang opsyong I-enable ang Naka-personalize na Pag-advertise.
3. Maglaan ng hanggang dalawang araw bago maging available sa Google Ads ang mga listahan.

Kung ili-link mo ang iyong property sa Google Analytics 4 sa isang Manager account sa Google Ads, may access din sa mga audience mo ang lahat ng pinapamahalaang account na iyon.

Kung ia-unlink mo ang Analytics at Google Ads, hindi na gagana ang mga ad group na nagta-target ng mga listahan ng remarketing na nakabatay sa mga audience sa Analytics.

Kinokontrol ang configuration ng isang audience sa isang property sa Analytics. Hindi makakagawa ng mga pagbabago ang mga user ng Google Ads sa isang audience na siyang batayan ng isang listahan ng remarketing.

Matuto pa tungkol sa remarketing ng Google Ads gamit ang data ng Google Analytics 4 / Firebase.

I-set up ang Dynamic na remarketing sa Google Ads

Hindi available sa mga property sa Google Analytics 4 ang Dynamic na remarketing para sa mga bisita ng website.

Nagbibigay-daan sa iyo ang Dynamic na remarketing na magpakita sa mga user ng iyong app ng mga ad na may kaugnayan sa mga partikular na produkto at serbisyo na tiningnan nila. May tatlong hakbang ang pag-set up ng dynamic na remarketing para sa iyong app:

1. Tiyaking ie-enable mo ang remarketing sa Google Ads ayon sa mga tagubilin sa itaas.
2. Ipatupad ang mga inirerekomendang event para sa uri ng iyong negosyo.
3. I-link ang iyong Google Ads account at Analytics account. (Tandaan: dapat mong ibahagi ang data ng event ng conversion mula sa Analytics at Google Ads.)
4. I-configure kung paano nagpapadala ng mga event ng attribution ang iyong app.

Mga setting ng pag-personalize ng mga ad

Anumang oras, puwede mong i-disable ang pag-personalize ng mga ad para sa data na nakolekta sa anumang property sa Google Analytics 4. Matuto Pa

Mga kaugnay na resource

Gamitin ang Google Ads Remarketing para makipag-ugnayan sa mga taong bumisita sa iyong site o app.

Mga Update sa Mga audience sa Google