Paggamit ng katugmang parirala

Gamit ang katugmang parirala, maipapakita mo ang iyong ad sa mga customer na naghahanap ng iyong eksaktong keyword at ng kalapit na variant ng iyong eksaktong keyword, nang may mga karagdagang salita bago ito o pagkatapos nito. Ang katugmang parirala ay mas naka-target kaysa sa default na malawak na tugma, ngunit mas umaakma kaysa sa eksaktong tugma. Nagbibigay ito sa iyo ng higit pang kontrol sa kung gaano dapat kalapit na tumutugma ang keyword sa termino para sa paghahanap na ginamit ng isang tao upang lumabas ang iyong ad.

Paano gumagana ang mga katugmang parirala

Gamit ang katugmang parirala, maaaring lumabas ang iyong ad kapag hinanap ng mga tao ang iyong eksaktong parirala, kahit na magsama sila ng isa o higit pang mga salita bago o pagkatapos nito. Ipapakita rin namin ang iyong ad kapag may naghanap ng malapit na variant ng iyong katugmang pariralang keyword. Kabilang sa mga kalapit na variant ang mga maling spelling, pang-isahan at pangmaramihang anyo, acronym, paglalapi (gaya ng sahig at pansahig), pagdadaglat at accent. Mahalaga ang pagkakasunud-sunod ng salita sa katugmang parirala, na nangangahulugang hindi lalabas ang iyong ad kapag may naglagay ng karagdagang salita sa gitna ng iyong keyword.

Mas may kakayahang umangkop ang katugmang parirala kaysa sa eksaktong tugma, ngunit mas naka-target kaysa sa default na opsyon na malawak na tugma. Gamit ang katugmang parirala, mas maraming customer ang iyong maaabot, habang ipinapakita pa rin ang iyong mga ad sa mga customer na mas malamang na naghahanap sa iyong produkto o serbisyo.

Halimbawa

Katugmang pariralang keyword: Maaaring lumabas ang mga ad sa mga paghahanap para sa: Hindi lalabas ang mga ad sa mga paghahanap ng:
"mga sapatos na pang-tennis" pulang leather na mga sapatos na pang-tennis
bumili ng mga sapatos na pang-tennis na naka-sale
pulang sapatos na pang-tenis
mga sapatos para sa tennis
mga sintas ng sneakers na pang-tennis

Tandaan

Gagamitin namin ang iyong eksaktong keyword - at hindi ang mga kalapit na variant - upang matukoy ang iyong Marka ng Kalidad at pagtatantya sa bid sa unang page.

Paano makakatulong sa iyo ang katugmang parirala

Maitatakda mo sa katugmang parirala ang alinman sa o ang lahat ng iyong keyword na naka-target sa paghahanap upang matulungan kang gawin ang sumusunod:

  • Gumawa ng mga ad gamit ang mga parehong keyword na ginagamit ng iyong mga customer sa paghahanap: Maaari mong tingnan ang mga termino para sa paghahanap na ginamit ng iyong mga customer noong na-click nila ang iyong ad. Pagkatapos ay idagdag sa iyong listahan ng keyword ang mga salita at pariralang mahahanap mo, at gumamit ng mga eksaktong parirala sa iyong mga bagong ad upang maabot ang mga customer na mas malamang na maging interesado sa iyong produkto o serbisyo.
  • Pataasin ang iyong clickthrough rate (CTR): Dinaragdagan ng katugmang pararila ang pagkakataong magkaroon ng isang pag-click dahil lumalabas lang ang iyong ad kapag tumutugma ito sa pararila ng naghahanap. Nakakatulong din ito na bawasan ang mga hindi gustong impression para sa mga termino para sa paghahanap na hindi tumutugma sa iyong pararila.

Kailan maaaring maging mas kapaki-pakinabang ang iba pang mga uri ng pagtutugma

  • Mas magandang opsyon ang eksaktong tugma kung lubos mong kilala ang iyong mga customer at gusto mong ma-trigger ang iyong ad ng mga eksaktong salitang hinahanap nila.
  • Maaaring mas mahusay na opsyon ang malawak na tugma kung sinusubukan mong makaabot ng mas malawak na audience kaysa sa maibibigay ng eksaktong pararila.

Tip

Iminumungkahi namin ang paggamit ng kumbinasyon ng dalawa o higit pang mga uri ng pagtutugma ng keyword upang makapagpatakbo ng isang mahusay na ad campaign. Halimbawa, kung gumagamit ka ng malawak na tugma at eksaktong parirala, makakaabot ka ng mas malawak na audience habang nakokontrol kung sino ang makakakita sa iyong ad.