Nagbibigay ang Google ng mga nakasaling bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.
Para makapagpakita ng anumang uri ng mga ad ng mga serbisyong pampinansyal sa UK - kasama na ang pagpapakita ng mga ad sa mga user sa UK na mukhang naghahanap ng mga serbisyong pampinansyal - kailangang ma-verify ng Google ang mga advertiser. Bilang bahagi ng proseso ng pag-verify, dapat ipakita ng mga advertiser na awtorisado sila ng UK Financial Conduct Authority (UK FCA) o kwalipikado sila sa isa sa mga exemption na inilalarawan sa ibaba. Pakitandaan na saklaw ng kinakailangang ito ang mga serbisyong pampinansyal na kinokontrol at hindi kinokontrol ng UK Financial Conduct Authority.
Kinakailangan ang pag-verify na ito para sa lahat ng format at extension ng ad. Hindi kailangang magpa-verify ng mga Authorized Buyers at Display & Video 360 account na nagsasagawa ng mga serbisyong pampinansyal sa ngayon.
Para makumpleto ang pag-verify, dapat isumite ng isang Awtorisadong Kinatawan ang mga aplikasyon.
Mga Kahulugan
Bago mo simulan ang pag-verify, mahalagang maunawaan ang mga termino at kahulugang makakatulong sa iyo sa prosesong ito.
FCA: Ang UK Financial Conduct Authority ay isang lupon ng regulasyon sa pananalapi sa United Kingdom.
Mga advertiser na awtorisado ng FCA: Mga advertiser ng mga serbisyong pampinansyal na awtorisado ng UK Financial Conduct Authority na magsagawa ng mga aktibidad ng mga serbisyong pampinansyal, o na kasama sa UK Financial Conduct Authority Financial Services Register bilang Exempt Professional Firm o Recognised Investment Exchange.
Mga naaprubahang third party: Mga advertiser na may mga ad na naaprubahan ng isang firm na awtorisado ng FCA. Mga Halimbawa: mga naaprubahang reseller, affiliate, marketing agency para sa pagbuo ng lead.
Mga exempt na hindi advertiser ng mga serbisyong pampinansyal: Mga advertiser na hindi nagpo-promote ng mga serbisyong pampinansyal, pero may matibay na dahilan para i-target ang mga user na mukhang naghahanap ng mga serbisyong pampinansyal. Mga Halimbawa (hindi kumpleto): Mga search engine, platform ng eCommerce.
Mga exempt na entity ng pamahalaan: Mga institusyon, regulator, o awtoridad ng pamahalaan ng UK na nagpapatakbo nang may mga domain na .gov.uk, mga intergovernmental na organisasyon tulad ng United Nations, mga bangko sentral ng UK at Europe, UK Advertising Standards Authority, o mga entity na aaprubahan ng alinman sa mga ito para sa mga layunin ng patakarang ito.
Mga Kinakailangan sa Pag-verify para sa Mga Firm na Awtorisado ng FCA:
Hakbang 1: I-link ang iyong UK Financial Conduct Authority Entity sa Google Ads account mo
Simula sa Setyembre 26, bago mag-apply para sa pag-verify, dapat may kasamang contact na pareho ang email domain sa firm na naka-rehistro sa FCA sa iyong Google Ads account.
Kung wala kang email address na kasalukuyang nakarehistro sa FCA, magdagdag nito bago simulang magpa-verify.
Para magdagdag ng bagong contact sa iyong account, sundin ang mga hakbang na ito:
- Buksan ang iyong Google Ads account at mag-navigate sa menu ng Admin sa kaliwang status bar o sa Mga Tool at Setting sa itaas ng status bar. Piliin ang Access at Seguridad mula sa dropdown menu.
- Mula sa tab na “Mga User,” piliin ang plus icon
para magdagdag ng bagong user sa account. Piliin ang level ng access na komportable kang ibigay sa contact na nakarehistro sa FCA (kinakailangan ang access sa level ng email), pagkatapos ay piliin ang Magpadala ng Imbitasyon.
- Siguraduhing makipag-ugnayan sa bagong contact para ipaalam sa kanyang makakatanggap siya ng email mula sa Google na nagsasabing nakatanggap ito ng kahilingang maidagdag sa iyong Google Ads account.
- Tiyaking tatanggapin ng iyong contact ang kahilingan.
- Kapag tinanggap ng contact na nakarehistro sa FCA, makikita mo ito sa iyong Google Ads account sa tab na Mga User.
Hakbang 2: Awtorisasyon ng UK Financial Conduct Authority
Mag-apply para sa pag-verify at ibigay ang sumusunod na impormasyon sa Google gamit ang form na ito.
- Google Ads account Customer ID
- Pangalan ng Awtorisadong Kinatawan na nag-a-apply para sa pag-verify
- Mga detalye ng iyong negosyo (pangalan, address, email address)
- Ang iyong (mga) domain o website na kasama sa registry UK Financial Conduct Authority at alinman sa iba mo pang domain o website na ginagamit para sa pag-advertise sa Google Ads na hindi kasama sa registry ng UK FCA
- UK FCA registration number (FRN)
- Warranty na susunod ka sa anuman at lahat ng obligasyong nauugnay sa pagpapadala ng impormasyon tungkol sa, pag-apruba ng, at mga paghihigpit sa mga pampinansyal na promosyon alinsunod sa mga naaangkop na kinakailangang legal at pangkontrol
Pakitandaan na ang ibibigay mong impormasyon ng negosyo sa prosesong ito ng pag-verify ay dapat eksaktong tumugma sa mga detalye ng negosyo na available sa registry o mga talaan ng UK FCA. Halimbawa, posibleng hindi pumasa ang iyong pag-verify kung iba o hindi available sa mga talaan ng UK FCA ang pangalan ng organisasyon o ang UK FCA registration number ng iyong organisasyon.
Kapag matagumpay mong nakumpleto ang pag-verify na ito, may ilalapat ding certificate sa iyong Google Ads account. Aabisuhan ka namin sa pamamagitan ng email tungkol sa status ng iyong kahilingan.
Mga Pagbubukod
Mga Kinakailangan sa Pag-verify para sa Mga Naaprubahang Third Party
Kung tumutugma ka sa paglalarawan ng Naaprubahang Third Party sa itaas, kakailanganin mo ng firm na awtorisado ng FCA na magsisimula ng pag-verify para sa iyo sa pamamagitan ng pagsusumite ng listahan ng mga domain o website na ginagamit mo para mag-promote ng mga serbisyong pampinansyal. Kapag nagawa na ito, puwedeng makipag-ugnayan sa iyo ang Google para simulan ang Programa para sa pag-verify ng advertiser kung hindi mo pa natatapos ang programa para sa pag-verify na ito dati. May matatanggap kang email at notification sa account na gagabay sa iyo sa kinakailangang proseso ng pag-verify.
Kung isa kang firm na awtorisado ng FCA, puwede mong simulan ang pag-verify para sa isang Naaprubahang Third Party gamit ang form na ito. Kailangang nakumpleto mo na ang pag-verify ng Mga Serbisyong Pampinansyal sa UK para sa iyong negosyo bago isumite ang form na ito, at puwede mo lang suportahan ang mga third party na may mga pampinansyal na promosyon na ikaw ang nag-apruba.
Tandaan: Anumang oras na gusto mong magdagdag o mag-alis ng Naaprubahang Third Party, kakailanganin mong isumite ulit ang form. Dapat mo kaming abisuhan kaagad kung ititigil mo na ang pag-apruba sa mga promosyon ng sinumang third party.
Hihilingin sa iyo na isumite ang sumusunod na impormasyong nauugnay sa mga domain o website ng mga third party na advertiser ng mga serbisyong pampinansyal na nauugnay sa negosyo mo.
- Google Ads account Customer ID
- Pangalan ng Awtorisadong Kinatawan na nag-a-apply para sa pag-verify
- Mga detalye ng iyong Negosyo (pangalan, address, email address)
- Mga domain o website ng mga third party na advertiser ng mga serbisyong pampinansyal na may mga ad na ikaw ang nag-apruba
- Warranty na naaprubahan mo ang mga pampinansyal na promosyong pinapatakbo ng third party
Mga Kinakailangan sa Pag-verify para sa Mga Exempt na Hindi Advertiser ng Mga Serbisyong Pampinansyal
Kung tumutugma ka sa paglalarawan ng Exempt na Hindi Advertiser ng Mga Serbisyong Pampinansyal sa itaas, puwede kang mag-apply para sa pag-verify ng Mga Serbisyong Pampinansyal sa UK gamit ang form na ito. Kung maaaprubahan ang iyong aplikasyon, papayagan kang magpakita ng mga ad sa mga user sa UK na mukhang naghahanap ng mga serbisyong pampinansyal.
Hihingin sa iyo ang sumusunod na impormasyon sa form ng exemption:
- Ang iyong Google Ads account Customer ID
- Pangalan ng Awtorisadong Kinatawan na nag-a-apply para sa pag-verify
- Mga detalye ng iyong negosyo (pangalan, address, email address)
- Mga domain o website ng iyong negosyo na ina-advertise mo sa Google Ads
- Maikling paglalarawan ng iyong negosyo at ang dahilan mo sa pag-target ng mga keyword na nauugnay sa mga serbisyong pampinansyal
- Warranty na hindi mo gagamitin ang exemption na ito para magpagana ng Google Ads na nagpo-promote ng mga serbisyong pampinansyal
Pagkatapos suriin ang kahilingan mo, posibleng hilingin sa iyo ng Google na tapusin ang Programa para sa pag-verify ng advertiser kung hindi mo pa ito natatapos dati. May matatanggap kang email at notification sa account na gagabay sa iyo sa kinakailangang proseso ng pag-verify.
Kapag matagumpay mo nang nakumpleto ang pag-verify na ito, may matatanggap kang kumpirmasyon at notification sa email mula sa Google. May ibibigay na certificate sa Google Ads account mo na magbibigay-daan sa iyo na magpakita ng mga ad sa mga user sa UK na mukhang naghahanap ng mga serbisyong pampinansyal.
Mga Kinakailangan sa Pag-verify para sa Mga Exempt na Entity ng pamahalaan
Palaging hindi kasali ang mga regulator ng mga serbisyong pampinansyal sa UK na may domain na .gov.uk sa kinakailangan sa pag-verify ng Google. Awtomatikong ive-verify ng Google ang karamihan sa iba pang advertiser ng entity ng pamahalaan - gaya ng mga intergovernmental organization - na nakakatugon sa kahulugan ng isang hindi kasaling entity ng pamahalaan sa itaas. Kung natutugunan mo ang kahulugang ito pero hindi ka awtomatikong na-verify, makipag-ugnayan sa iyong kinatawan ng account para humiling ng pag-verify para sa Mga Serbisyong Pampinansyal sa UK.
- Kung mapag-aalaman naming nagpo-promote ka ng mga serbisyong pampinansyal pagkatapos mong matagumpay na maisagawa ang pag-verify, nagbigay ka ng maling impormasyon sa proseso ng pag-verify, o nilabag mo ang aming patakaran sa Mga Produkto at Serbisyong Pampinansyal, babawiin ang iyong pag-verify, at posibleng masuspinde ang account mo.
- Puwede naming bawiin ang iyong pag-verify o aksyunan ang Google Ads account mo, batay sa, halimbawa, mga malalang babala sa pagkontrol, pakikipag-areglo, o pagpapasya tungkol sa iyong mga kasanayan sa negosyo, o mga direktang reklamo mula sa mga negosyo.
- Kakailanganin mong pana-panahong i-renew ang iyong pag-verify. Makakatanggap ka ng notification kapag kinakailangan ang pag-verify na ito.
- Puwede ring hilingin sa iyong i-verify ulit ang pagkakakilanlan mo kung may malalaking pagbabago sa iyong Google Ads account, halimbawa, mga pagbabago sa profile sa pagbabayad mo sa Google Ads. Makakatanggap ka ng notification sa account kapag kinakailangan ito.
- Puwedeng i-update ng Google ang mga kinakailangang ito sa pag-verify anumang oras.