Naka-link sa partner na platform ang iyong site

Kung naka-link sa partner na platform ang iyong site, posibleng bahagya o ganap na kontrolin ng partner na platform ang ilang partikular na setting (tinatawag na mga property ng partner na platform) sa nakabahaging trapiko mo.

Tumutukoy ang nakabahaging trapiko sa anumang kahilingan sa ad kung saan naroroon ang iyong publisher ID at ang publisher ID ng platform. Kung may parameter na data-ad-host ang iyong ad code, ituturing ang ad code mo na nagpapadala ng mga kahilingan sa ad bilang "nakabahaging trapiko." O kaya, kung may meta tag na google-adsense-platform-account ang iyong page, ituturing na "nakabahaging trapiko" ang lahat ng kahilingan sa AdSense ad mula sa page mo.

Tingnan ang mga property ng partner na platform ng iyong site

1. Mag-sign in sa iyong AdSense account.
2. I-click ang Mga Site.
3. Sa listahan ng mga site, hanapin ang iyong site.
   Tip: Gamitin ang filter sa itaas ng page para mahanap kaagad ang mga site sa iyong listahan ng mga site. Puwede mong gamitin ang mga naka-preset na termino o ilagay ang sarili mong termino para sa paghahanap.
4. I-click ang iyong site at tingnan ang mga property ng partner na platform nito.

   Property ng partner na platform	Paglalarawan
   Mga setting ng ad	Kung ikaw ba o ang partner na platform ang nagkokontrol sa mga setting ng ad para sa iyong site. Kasama sa mga setting ng ad ang Mga setting ng mga Auto ad, kontrol sa pag-block, panregulasyong kontrol, atbp. Tandaan: Sa nakabahaging trapiko lang ito nalalapat.
   Ads.txt	Kung ikaw ba o ang partner na platform ang nagkokontrol sa mga setting ng ads.txt para sa site. Kung ikaw ang may kontrol sa ads.txt, puwede kang gumawa ng ads.txt file para sa iyong site.
   Mga paglabag sa patakaran	Isang abiso na matitingnan ng partner ng platform ang mga paglabag sa patakaran para sa nakabahaging trapiko ng iyong site.
   Mga setting ng bahagi ng kita	Kung ilang porsyento ng iyong kita sa AdSense ang makukuha mo (0-100%) at kung ilang porsyento ang makukuha ng platform (0-100%). Tandaan: Nalalapat ito sa kikitain mo pagkatapos ng karaniwang bahagi ng kita sa AdSense.

I-unlink ang iyong site

Kung gusto mong i-unlink ang iyong site sa isang partner na platform, kailangang hindi na "nakabahaging trapiko" ang trapiko mo.

Tandaan: Kung bahagi ng domain na pagmamay-ari ng platform (hal,. example.blogspot.com) ang iyong site, hindi mo puwedeng i-unlink ang iyong site. Gayunpaman, puwede mong alisin sa AdSense ang iyong site.

Para i-unlink ang iyong site:

1. Alisin ang parameter na data-ad-host sa iyong ad code.
2. Alisin ang meta tag na google-adsense-platform-account sa iyong mga page.
3. Hintaying i-crawl ulit ng AdSense ang iyong site, o alisin sa AdSense ang site mo at pagkatapos ay idagdag ulit ang iyong site.

   Kapag na-unlink na ang iyong site, maa-update ang mga setting ng site mo sa page ng site.