2-ფაზიანი დადასტურებისთვის უსაფრთხოების გასაღების გამოყენება

2-ფაზიანი დადასტურებისას უსაფრთხოების გასაღების გამოყენება დაგეხმარებათ, თქვენი Google ანგარიში ჰაკერებისგან დაიცვათ.

ყურადღება! თუ ხართ ჟურნალისტი, აქტივისტი ან სხვა პროფესიის წარმომადგენელი, რომელიც გამიზნული ონლაინთავდასხმების რისკის ქვეშაა, გაეცანით ინფორმაციას დამატებითი დაცვის პროგრამის შესახებ.

ნაბიჯი 1: იშოვეთ გასაღებები

• გამოიყენეთ თავსებად ტელეფონში ჩაშენებული უსაფრთხოების გასაღები
• იყიდეთ Titan უსაფრთხოების გასაღებები Google Store-იდან
• შეუკვეთეთ უსაფრთხოების თავსებადი გასაღები საცალო მოვაჭრისგან, რომელსაც ენდობით

ნაბიჯი 2: დაამატეთ გასაღები თქვენს ანგარიშს

1. გახსენით თავსებადი ბრაუზერი, როგორიცაა, მაგალითად, Chrome, FireFox ან Safari (13.0.4 ან უფრო ახალი ვერსია).
2. დაარეგისტრირეთ თქვენი უსაფრთხოების გასაღები. ამისთვის შეიძლება დაგჭირდეთ სისტემაში შესვლა.

Tip: To help you sign in if your key is lost, add more ways to prove it's you. 

ნაბიჯი 3: შედით სისტემაში თქვენი გასაღების მეშვეობით

უსაფრთხოების გასაღები უფრო უსაფრთხო მეორე ეტაპია. თუ დაყენებული გაქვთ სხვა მეორე ეტაპები, შესასვლელად, შეძლებისდაგვარად, გამოიყენეთ თქვენი უსაფრთხოების გასაღები. თუ უსაფრთხოების გასაღები არ მუშაობს თქვენს მოწყობილობაზე ან ბრაუზერში, შესაძლოა, იხილოთ კოდის ან მოთხოვნის მეშვეობით შესვლის ვარიანტი.

თუ გამოჩნდება შეცდომა „სისტემაში შესასვლელად თქვენი უსაფრთხოების გასაღების გამოყენებამდე საჭიროა მისი რეგისტრაცია თქვენს Google ანგარიშში“:

1. ცადეთ სისტემაში შესვლა განსხვავებული ანგარიშით.
2. განაახლეთ თქვენი Google Play სერვისი.
3. შესაბამისი ანგარიში რომ დაამატოთ, ცადეთ ხელახლა შეცვლა.

მინიშნება: თქვენი უსაფრთხოების გასაღების გამოყენებას ან სხვა მეორე ეტაპის გავლას გთხოვთ ყოველთვის, როცა ახალი კომპიუტერიდან ან მოწყობილობიდან შედიხართ სისტემაში.

თქვენს ტელეფონში ჩაშენებული უსაფრთხოების გასაღების მეშვეობით

პირველ რიგში, დაამატეთ თქვენს თავსებად ტელეფონში ჩაშენებული უსაფრთხოების გასაღები თქვენს Google ანგარიშს (თუ ეს ჯერ არ გაგიკეთებიათ).

თქვენს Android ტელეფონში ჩაშენებული უსაფრთხოების გასაღების მეშვეობით შესვლა

1. დარწმუნდით, რომ Bluetooth ჩართულია ორივე მოწყობილობისთვის.
2. შედით სისტემაში ახალი მოწყობილობიდან:
   • კომპიუტერიდან ან Chromebook-იდან შედით თქვენს Google ანგარიშში მხარდაჭერილი ბრაუზერის (მაგალითად, Chrome-ის) მეშვეობით.
   • iPhone-იდან ან iPad-იდან შედით თქვენს Google ანგარიშში Smart Lock აპის მეშვეობით.
3. შეამოწმეთ თქვენს Android ტელეფონზე მიღებული შეტყობინება.
4. ორმაგად შეეხეთ შეტყობინებას „სისტემაში შესვლას თქვენ ცდილობთ?“.
5. მიჰყევით ინსტრუქციას, რათა დაადასტუროთ, რომ სისტემაში შესვლას ნამდვილად თქვენ ცდილობთ.

თქვენს iPhone-ში ჩაშენებული გასაღებით შესვლა

1. დარწმუნდით, რომ Bluetooth ჩართულია ორივე მოწყობილობისთვის.
2. შედით თქვენს Google ანგარიშში მოწყობილობიდან, რომელზეც დაყენებულია Chrome OS (ვერსია 79 და უფრო ახალი ვარიანტები), iOS, macOS ან Windows 10.
3. შეამოწმეთ Smart Lock-იდან მიღებული შეტყობინება თქვენს iPhone-ზე. შეეხეთ შეტყობინებას.
4. სისტემაში შესვლის დასადასტურებლად შეხებით აირჩიეთ დიახ.

თქვენ მიერ შეძენილი უსაფრთხოების გასაღებით

1. თქვენს კომპიუტერზე გახსენით თავსებადი ბრაუზერი, როგორიცაა, მაგალითად, Chrome, Firefox, Edge ან Opera.
2. შედით თქვენს Google ანგარიშში. თქვენი მოწყობილობა დაადგენს, რომ თქვენს ანგარიშს უსაფრთხოების გასაღები აქვს.
3. დააკავშირეთ თქვენი გასაღები კომპიუტერის USB პორტს.
4. თუ Google Play services-ისგან შეტყობინებას დაინახავთ, შეხებით აირჩიეთ „კარგი“. წინააღმდეგ შემთხვევაში, გადადით ნაბიჯზე 5.
5. გაააქტიურეთ თქვენი გასაღები:
   • თუ თქვენს გასაღებს ოქროსფერი დისკო აქვს, შეეხეთ მას.
   • თუ თქვენს გასაღებს ოქროსფერი ბოლო აქვს, შეეხეთ მას, შემდეგ კი დააჭირეთ.
   • თუ თქვენს გასაღებს ღილაკი აქვს, დააჭირეთ მას.
   • თუ თქვენს გასაღებს აღნიშნული ფუნქციებიდან არცერთი არ აქვს, შესაძლოა, დაგჭირდეთ მისი გამოერთება და ხელახლა მიერთება. ამ ტიპის გასაღები ყოველი გამოყენების შემდეგ ითიშება.

მინიშნება:  შეგიძლიათ თქვენი გასაღები ყოველი შესვლისას გამოიყენოთ, ან გამოტოვოთ მისი გამოყენება მოწყობილობებზე, რომლებსაც ენდობით.

უსაფრთხოების გასაღების გამოყენების შეუძლებლობა

თუ თქვენი უსაფრთხოების გასაღების გამოყენებას ვერ ახერხებთ, 2-ფაზიანი დადასტურებისთვის შეგიძლიათ უსაფრთხოების კოდის გენერირება:

1. თქვენი სხვა მოწყობილობის მეშვეობით, რომლიდანაც შესული ხართ თქვენს ანგარიშში, გადადით მისამართზე g.co/sc.
2. უსაფრთხოების კოდის მისაღებად მიჰყევით ეკრანზე მოცემულ ინსტრუქციას.

უსაფრთხოების გასაღების დაკარგვა

თუ უსაფრთხოების გასაღები დაგეკარგათ, შეასრულეთ აქ მოცემული ნაბიჯები ანგარიშზე წვდომის აღსადგენად და მის დასაცავად. შესასრულებელი ნაბიჯები უნდა აირჩიოთ იმის მიხედვით, თუ რა გაქვთ დაყენებული სხვა მეორე ეტაპის სახით:

• დამადასტურებელი კოდები
• Google-ის მოთხოვნები
• სარეზერვო კოდები
• თქვენს ანგარიშში დამატებული უსაფრთხოების სხვა გასაღები
• რეგისტრირებული კომპიუტერი, რომელზეც ადრე აირჩიეთ, აღარ მოგთხოვოთ დამადასტურებელი კოდი

თუ დაყენებული გაქვთ სხვა მეორე ეტაპი

1. შედით თქვენს Google ანგარიშში თქვენი პაროლისა და სხვა მეორე ეტაპის გავლის მეშვეობით.
2. მიჰყევით ნაბიჯებს დაკარგული გასაღების თქვენი ანგარიშიდან ამოსაშლელად.
3. იშოვეთ უსაფრთხოების ახალი გასაღები. გირჩევთ, სათადარიგო გასაღებიც შეიძინოთ, რომელსაც უსაფრთხო ადგილას შეინახავთ.
4. დაამატეთ ახალი გასაღები თქვენს ანგარიშს.

თუ მეორე ეტაპად სხვა არაფერი დაგიყენებიათ, ან პაროლი დაგავიწყდათ

შენიშვნა: 2-ფაზიანი დადასტურებისთვის საჭიროა დამატებითი ეტაპის გავლა, რათა დაამტკიცოთ, რომ ანგარიში თქვენ გეკუთვნით. უსაფრთხოების ამ დამატებითი ზომებიდან გამომდინარე, Google-ს შეიძლება 3-5 სამუშაო დღემდე დასჭირდეს იმაში დასარწმუნებლად, რომ სისტემაში შესვლას ნამდვილად თქვენ ცდილობთ.

1. გაიარეთ თქვენი ანგარიშის აღდგენის პროცესი. ჩვენ დაგისვამთ რამდენიმე შეკითხვას, რათა დავადასტუროთ, რომ ანგარიში ნამდვილად თქვენ გეკუთვნით.
   • ისარგებლეთ ამ რჩევებით, რომ პასუხები მაქსიმალურად ზუსტად გასცეთ.
2. შესაძლოა, გთხოვოთ:
   • შეიყვანოთ ელფოსტის მისამართი ან ტელეფონის ნომერზე, რომელზეც შესაძლებელია თქვენთან დაკავშირება.
   • შეიყვანოთ თქვენს ელფოსტის მისამართზე ან ტელეფონის ნომერზე გამოგზავნილი კოდი. აღნიშნული კოდის მეშვეობით დაადასტურებთ, რომ შესაბამის ელფოსტის მისამართზე ან ტელეფონის ნომერზე წვდომა გაქვთ.

Related resources

•  Gmail-ის უსაფრთხოებისა და კონფიდენციალურობის პარამეტრები