2-ფაზიანი დადასტურებისთვის უსაფრთხოების გასაღების გამოყენება

2-ფაზიანი დადასტურებისას უსაფრთხოების გასაღების გამოყენება დაგეხმარებათ, თქვენი Google ანგარიში ჰაკერებისგან დაიცვათ.

ყურადღება! თუ ხართ ჟურნალისტი, აქტივისტი ან სხვა პროფესიის წარმომადგენელი, რომელიც გამიზნული ონლაინთავდასხმების რისკის ქვეშაა, გაეცანით ინფორმაციას დამატებითი დაცვის პროგრამის შესახებ.

ნაბიჯი 1: იშოვეთ გასაღებები

• გამოიყენეთ თავსებად ტელეფონში ჩაშენებული უსაფრთხოების გასაღები
• იყიდეთ Titan უსაფრთხოების გასაღებები Google Store-იდან
• შეუკვეთეთ უსაფრთხოების თავსებადი გასაღები საცალო მოვაჭრისგან, რომელსაც ენდობით

ნაბიჯი 2: დაამატეთ გასაღები თქვენს ანგარიშს

შეამოწმეთ, რომ ბრაუზერის ან ოპერაციული სისტემის უახლეს ვერსიას იყენებთ. ახალდარეგისტრირებული გასაღებები აღარ მუშაობს Android მოწყობილობებზე, რომლებზეც დაყენებულია ვერსია 8.0 და უფრო ძველი გამოშვებები.

1. გახსენით თავსებადი ბრაუზერი, როგორიცაა, მაგალითად, Chrome.
2. დაარეგისტრირეთ თქვენი უსაფრთხოების გასაღები. ამისთვის შეიძლება დაგჭირდეთ სისტემაში შესვლა.

Tip: To help you sign in if your key is lost, add more ways to prove it's you. 

ნაბიჯი 3: შედით სისტემაში თქვენი გასაღების მეშვეობით

უსაფრთხოების გასაღები უფრო უსაფრთხო მეორე ეტაპია. თუ დაყენებული გაქვთ სხვა მეორე ეტაპები, შესასვლელად, შეძლებისდაგვარად, გამოიყენეთ თქვენი უსაფრთხოების გასაღები. თუ უსაფრთხოების გასაღები არ მუშაობს თქვენს მოწყობილობაზე ან ბრაუზერში, შესაძლოა, იხილოთ კოდის ან მოთხოვნის მეშვეობით შესვლის ვარიანტი.

თუ გამოჩნდება შეცდომა „სისტემაში შესასვლელად თქვენი უსაფრთხოების გასაღების გამოყენებამდე საჭიროა მისი რეგისტრაცია თქვენს Google ანგარიშში“:

1. ცადეთ სისტემაში შესვლა განსხვავებული ანგარიშით.
2. განაახლეთ თქვენი Google Play სერვისი.
3. შესაბამისი ანგარიში რომ დაამატოთ, ცადეთ ხელახლა შეცვლა.

მინიშნება: თქვენი უსაფრთხოების გასაღების გამოყენებას ან სხვა მეორე ეტაპის გავლას გთხოვთ ყოველთვის, როცა ახალი კომპიუტერიდან ან მოწყობილობიდან შედიხართ სისტემაში.

Bluetooth-ის (BLE) მეშვეობით

1. თქვენს Android ტელეფონზე ან ტაბლეტზე გახსენით Google-ის აპი, ან თავსებადი ბრაუზერი, როგორიცაა, მაგალითად, Chrome, Firefox, Edge ან Opera.
2. შედით თქვენს Google ანგარიშში (თუ ეს ჯერ არ გაგიკეთებიათ).
3. თქვენი მოწყობილობა დაადგენს, რომ თქვენს ანგარიშს უსაფრთხოების გასაღები აქვს. მიჰყევით ნაბიჯებს თქვენი მოწყობილობისა და გასაღების დასაწყვილებლად.

დაწყვილების შემდეგ თქვენს Google ანგარიშში შესვლას ჩვეულებრივ შეძლებთ. თუ თქვენი ვინაობის დადასტურება დაგვჭირდება, თქვენს გასაღებზე არსებულ ღილაკზე დაჭერას გთხოვთ.

Bluetooth-თან დაკავშირებული პრობლემების მოგვარება

გასაღები არ წყვილდება ტელეფონთან ან ტაბლეტთან

დარწმუნდით, რომ:

• თქვენს მოწყობილობაზე ჩართული გაქვთ Bluetooth.
• თქვენს ანგარიშში დამატებული გაქვთ გასაღები.
• იხელმძღვანელეთ დაწყვილების ზემოთ მოცემული ინსტრუქციით. თქვენი მოწყობილობის Bluetooth-ის პარამეტრებიდან გასაღებს ვერ დააწყვილებთ.
• მოწყობილობაში Google Play Services განახლებული გაქვთ ბოლო ვერსიამდე.
• დროებით ჩართული გაქვთ მდებარეობის სერვისები, სანამ გასაღებს იყენებთ.
• თქვენი გასაღები და მოწყობილობა ერთმანეთთან ახლოა.
• სცადეთ მოწყობილობის გადატვირთვა.
• სცადეთ Bluetooth-ის გამორთვა და ხელახლა ჩართვა.

გასაღები არ გადადის დაწყვილების რეჟიმში

შეამოწმეთ:

• ხომ არ არის გამოერთებული თქვენი გასაღები კომპიუტერიდან ან დამტენიდან
• დატენილია თუ არა თქვენი გასაღები

Google Play Services-ის შეცდომა

1. თქვენს Android მოწყობილობაზე შედით ანგარიშით, რომელიც არ იყენებს უსაფრთხოების გასაღებს.
2. Google Play Services-ის განახლება ავტომატურად უნდა დაიწყოს.
   • დარწმუნდით, რომ თქვენი მოწყობილობა დაკავშირებულია ინტერნეტთან.
3. ხელახლა შედით თქვენი Android მოწყობილობიდან ანგარიშში, რომელიც იყენებს უსაფრთხოების გასაღებს.
4. მიჰყევით ნაბიჯებს თქვენი გასაღებით Bluetooth-ის (BLE) მეშვეობით შესასვლელად.

Near Field Communication-ის (NFC) მეშვეობით

1. თქვენს Android ტელეფონზე ან ტაბლეტზე, გახსენით Google-ის აპი ან თავსებადი ბრაუზერი, როგორიცაა, მაგალითად, Chrome.
2. შედით თქვენს Google ანგარიშში (თუ ეს ჯერ არ გაგიკეთებიათ).
3. თქვენი მოწყობილობა დაადგენს, რომ თქვენს ანგარიშს უსაფრთხოების გასაღები აქვს. მიჰყევით მითითებს სისტემაში თქვენი გასაღებით შესვლასთან დაკავშირებით.

NFC-სთან დაკავშირებული პრობლემების მოგვარება

დარწმუნდით, რომ:

• თქვენს მოწყობილობაზე ჩართული გაქვთ NFC
• თქვენს ანგარიშში დამატებული გაქვთ გასაღები
• მოხსნილი გაქვთ ყველაფერი, რაც შეიძლება ხელს უშლიდეს NFC სიგნალს (მაგ., ჩასადები ან სტიკერი)
• მოწყობილობაში Google Play Services განახლებული გაქვთ ბოლო ვერსიამდე
• სცადეთ მოწყობილობის გადატვირთვა
• სცადეთ NFC-ის გამორთვა და ხელახლა ჩართვა

Google Play Services-ის შეცდომა

1. თქვენს Android მოწყობილობაზე შედით ანგარიშით, რომელიც არ იყენებს უსაფრთხოების გასაღებს.
2. Google Play Services-ის განახლება ავტომატურად უნდა დაიწყოს.
   • დარწმუნდით, რომ თქვენი მოწყობილობა დაკავშირებულია ინტერნეტთან.
3. ხელახლა შედით თქვენი Android მოწყობილობიდან ანგარიშში, რომელიც იყენებს უსაფრთხოების გასაღებს.
4. მიჰყევით ნაბიჯებს თქვენი გასაღებით Near Field Communication-ის (NFC) მეშვეობით შესასვლელად.

USB-ს მეშვეობით

1. გახსენით თავსებადი ბრაუზერი, როგორიცაა, მაგალითად, Chrome.
2. შედით თქვენს Google ანგარიშში. თქვენი მოწყობილობა დაადგენს, რომ თქვენს ანგარიშს უსაფრთხოების გასაღები აქვს.
3. დააკავშირეთ თქვენი გასაღები მოწყობილობის USB პორტს. შესაძლოა, დაგჭირდეთ USB ადაპტერი
4. თუ Google Play services-ისგან შეტყობინებას დაინახავთ, შეხებით აირჩიეთ კარგი. წინააღმდეგ შემთხვევაში, გადადით ნაბიჯზე 5.
5. ჩართეთ გასაღები:
   • თუ თქვენს გასაღებს ოქროსფერი დისკო აქვს, შეეხეთ მას.
   • თუ თქვენს გასაღებს ოქროსფერი ბოლო აქვს, შეეხეთ მას, შემდეგ კი დააჭირეთ.
   • თუ თქვენს გასაღებს ღილაკი აქვს, დააჭირეთ მას.
   • თუ თქვენს გასაღებს აღნიშნული ფუნქციებიდან არცერთი არ აქვს, შესაძლოა, დაგჭირდეთ მისი გამოერთება და ხელახლა მიერთება. ამ ტიპის გასაღები ყოველი გამოყენების შემდეგ ითიშება.

უსაფრთხოების გასაღების გამოყენების შეუძლებლობა

თუ თქვენი უსაფრთხოების გასაღების გამოყენებას ვერ ახერხებთ, 2-ფაზიანი დადასტურებისთვის შეგიძლიათ უსაფრთხოების კოდის გენერირება:

1. თქვენი სხვა მოწყობილობის მეშვეობით, რომლიდანაც შესული ხართ თქვენს ანგარიშში, გადადით მისამართზე g.co/sc.
2. უსაფრთხოების კოდის მისაღებად მიჰყევით ეკრანზე მოცემულ ინსტრუქციას.

უსაფრთხოების გასაღების დაკარგვა

თუ უსაფრთხოების გასაღები დაგეკარგათ, შეასრულეთ აქ მოცემული ნაბიჯები ანგარიშზე წვდომის აღსადგენად და მის დასაცავად. შესასრულებელი ნაბიჯები უნდა აირჩიოთ იმის მიხედვით, თუ რა გაქვთ დაყენებული სხვა მეორე ეტაპის სახით:

• დამადასტურებელი კოდები
• Google-ის მოთხოვნები
• სარეზერვო კოდები
• თქვენს ანგარიშში დამატებული უსაფრთხოების სხვა გასაღები
• რეგისტრირებული კომპიუტერი, რომელზეც ადრე აირჩიეთ, აღარ მოგთხოვოთ დამადასტურებელი კოდი

თუ დაყენებული გაქვთ სხვა მეორე ეტაპი

1. შედით თქვენს Google ანგარიშში თქვენი პაროლისა და სხვა მეორე ეტაპის გავლის მეშვეობით.
2. მიჰყევით ნაბიჯებს დაკარგული გასაღების თქვენი ანგარიშიდან ამოსაშლელად.
3. იშოვეთ უსაფრთხოების ახალი გასაღები. გირჩევთ, სათადარიგო გასაღებიც შეიძინოთ, რომელსაც უსაფრთხო ადგილას შეინახავთ.
4. დაამატეთ ახალი გასაღები თქვენს ანგარიშს.

თუ მეორე ეტაპად სხვა არაფერი დაგიყენებიათ, ან პაროლი დაგავიწყდათ

შენიშვნა: 2-ფაზიანი დადასტურებისთვის საჭიროა დამატებითი ეტაპის გავლა, რათა დაამტკიცოთ, რომ ანგარიში თქვენ გეკუთვნით. უსაფრთხოების ამ დამატებითი ზომებიდან გამომდინარე, Google-ს შეიძლება 3-5 სამუშაო დღემდე დასჭირდეს იმაში დასარწმუნებლად, რომ სისტემაში შესვლას ნამდვილად თქვენ ცდილობთ.

1. გაიარეთ თქვენი ანგარიშის აღდგენის პროცესი. ჩვენ დაგისვამთ რამდენიმე შეკითხვას, რათა დავადასტუროთ, რომ ანგარიში ნამდვილად თქვენ გეკუთვნით.
   • ისარგებლეთ ამ რჩევებით, რომ პასუხები მაქსიმალურად ზუსტად გასცეთ.
2. შესაძლოა, გთხოვოთ:
   • შეიყვანოთ ელფოსტის მისამართი ან ტელეფონის ნომერზე, რომელზეც შესაძლებელია თქვენთან დაკავშირება.
   • შეიყვანოთ თქვენს ელფოსტის მისამართზე ან ტელეფონის ნომერზე გამოგზავნილი კოდი. აღნიშნული კოდის მეშვეობით დაადასტურებთ, რომ შესაბამის ელფოსტის მისამართზე ან ტელეფონის ნომერზე წვდომა გაქვთ.

Related resources

•  Gmail-ის უსაფრთხოებისა და კონფიდენციალურობის პარამეტრები