Gumamit ng security key para sa 2-Step na Pag-verify

Magagamit ang mga security key sa 2-Step na Pag-verify para matulungan kang pigilang makapasok ang mga hacker sa iyong Google Account.

Mahalaga: Kung isa kang mamamahayag, aktibista, o taong posibleng maging target ng mga online na pag-atake, matuto tungkol sa Programang Advanced na Proteksyon.

Hakbang 1: Kunin ang iyong mga key

• Gumamit ng built-in na security key ng compatible na telepono
• Bumili ng Mga Titan Security Key mula sa Google Store
• Mag-order ng compatible na security key mula sa retailer na pinagkakatiwalaan mo

Hakbang 2: Magdagdag ng key sa iyong account

1. Puwede kang magdagdag ng security key sa iyong account gamit ang:
   • Computer at tugmang browser, tulad ng Chrome
   • iPhone o iPad na may bersyon ng iOS na 13.3 at mas bago at Safari
2. I-enroll ang iyong security key. Baka kailanganin mong mag-sign in.

Tip: Para matulungan kang mag-sign in kung nawala ang iyong key, magdagdag ng higit pang paraan para patunayang ikaw ito. 

Hakbang 3: Mag-sign in gamit ang iyong key

Ang mga security key ay isang mas secure na ikalawang hakbang. Kung may iba ka pang naka-set up na ikalawang hakbang, gamitin ang iyong security key para mag-sign in saanman posible. Kung hindi gagana ang isang security key sa iyong device o browser, posible kang makakita ng opsyong mag-sign in na lang gamit ang isang code o prompt.

Kung makukuha mo ang error na "Kailangan mong irehistro ang Security Key na ito sa iyong Google Account bago mo magamit ito para mag-sign in:"

1. Subukang mag-sign in gamit ang ibang account.
2. I-update ang iyong mga Serbisyo ng Google Play.
3. Para idagdag ang natukoy na account, subukang mag-sign in ulit .

Kung naka-sign in ka sa iyong Google Account sa iPhone o iPad mo noong nagdagdag ka ng security key sa iyong account, mananatili kang naka-sign in at hindi mo na kakailanganing gamitin ang mga hakbang sa ibaba. Para mag-sign in sa Google Account mo sa bagong device, kakailanganin ang iyong security key o ang isa pang ikalawang hakbang na na-set up mo.

Mahalaga: Puwedeng kumonekta ang mga security key sa iyong mga iOS device sa mga sumusunod na paraan:

	NFC	USB
Mga iPhone na may bersyon ng iOS na 13.3 o mas bago	Oo	Oo
Mga iPad na may bersyon ng iOS na 13.3 o mas bago	Hindi	Oo
Mga iPhone at iPad na may mas lumang bersyon	Hindi	Hindi

Gamit ang Near Field Communication (NFC)

1. Sa iyong iPhone o iPad, idagdag ang Google Account mo sa iyong device sa Mga Setting Mga Password at Account o magbukas ng Google app.
2. (Mag-sign in sa iyong Google Account kung hindi mo pa ito nagagawa.
3. Made-detect ng iyong device na may security key ang account mo. Sundin ang mga hakbang para pag-sign in gamit ang iyong key. 

Tip: Para magkonekta ng key sa pamamagitan ng NFC, idikit ang iyong security key sa itaas na bahagi sa likod ng telepono mo para sa pinakamahusay na koneksyon.

Ayusin ang mga problema sa NFC

Tiyaking:

• Idagdag ang key sa iyong account
• Alisin ang anumang posibleng nakakaharang sa signal ng NFC, tulad ng case o sticker
• I-update ang iyong phone sa iOS 13.3 o mas bago
• Subukang i-restart ang iyong device

Gamit ang USB

Mahalaga: Para magsaksak ng USB na security key, mangangailangan ka ng iOS device na may USB port (gaya ng iPad Pro) o ng Lightning to USB adapter.

1. Sa iyong iPhone o iPad, idagdag ang Google Account mo sa iyong device sa Mga Setting Mga Password at Account o magbukas ng Google app.
2. Mag-sign in sa iyong Google Account. Made-detect ng iyong device na may security key ang account mo.
3. Sa ibaba ng susunod na screen, i-tap ang Sumubok ng ibang paraanan Isaksak ang iyong USB na security key.
4. Ikonekta ang iyong key sa USB port sa device mo. Posibleng mangailangan ka ng USB na adapter
5. I-on ang iyong key:
   • Kung may gold disc ang iyong key, i-tap ito.
   • Kung may gold tip ang iyong key, i-tap at pagkatapos ay pindutin ito.
   • Kung may button ang iyong key, pindutin ito.
   • Kung wala ang iyong key ng alinman sa mga feature na ito, posibleng kailangan mo itong alisin at ilagay ulit. Nao-off ang ganitong uri ng key pagkatapos ng bawat paggamit.

Ayusin ang iyong mga security key

Puwede mong pamahalaan ang iyong mga security key sa ilalim ng mga setting mo sa 2-Step na Pag-verify. Makikita mo roon ang listahan ng mga key na idinagdag mo, mula sa pinakabago hanggang sa pinakaluma. Makikita mo rin ang higit pang impormasyon gaya ng pangalan ng key, petsa kung kailan ito idinagdag, at kung kailan ito huling ginamit. Ang default na pangalan ng key ay “Security Key” maliban kung pipili ka ng custom na pangalan.

May opsyon ka ring i-edit ang pangalan ng bawat security key o i-delete ito.

I-rename ang iyong mga security key

Sa tabi ng bawat security key, mag-click sa icon ng lapit para i-edit ang pangalan nito. Nangangahulugan ito na kung marami kang security key, mas mahusay mong matutukoy ang mga iyon gamit ang custom na pangalan.

Alisin ang iyong mga security key

Sa tabi ng isang security key, mag-click sa icon ng basurahan para alisin ito para hindi na ito maging konektado sa iyong Google Account. Kapag inalis mo ang iyong security key, hihingan ka ng kumpirmasyon. Posibleng kailangan mo ring i-sign in ulit ang iyong Google Account.

Hindi magamit ang security key

Kung hindi mo magamit ang iyong security key, puwede kang bumuo ng security code para sa 2-Step na Pag-verify:

1. Sa device na naka-sign in sa iyong account, pumunta sa g.co/sc.
2. Sundin ang mga tagubilin sa screen.

I-reset ang iyong na-lock na security key

Kailangan ng ilang security key ng karagdagang pag-verify, gaya ng PIN.

Kung na-lock ang iyong security key dahil sa maraming paglalagay ng maling PIN at kailangan itong i-reset:

1. Sa iyong computer, buksan ang Chrome .
2. Sa kanang bahagi sa itaas, i-click ang Higit pa .
3. I-click ang Mga Setting Privacy at seguridad Seguridad Pamahalaan ang mga security key I-reset ang iyong security key.
4. Sundin ang mga tagubilin sa screen.

Tip: Puwede mong gamitin ang Chrome para i-reset ang iyong na-lock na security key. Pumunta sa chrome://settings/securityKeys.

Nawawalang security key

Kung nawawala ang iyong security key, para magkaroon ulit ng access sa account mo at maprotektahan ito, sundin ang mga hakbang para sa uri ng 2-Step na Pag-verify na ginagamit mo:

• Mga code sa pag-verify
• Mga prompt ng Google
• Mga backup code
• Ibang security key na idinagdag mo sa iyong account
• Nakarehistrong computer kung saan mo dating pinili na hindi magdagdag ng code sa pag-verify

Kung may isa ka pang ikalawang hakbang

1. Mag-sign in sa Google Account mo gamit ang iyong password at isa mo pang ikalawang hakbang.
2. Sundin ang mga hakbang para alisin ang nawawalang key sa iyong account.
3. Kumuha ng bagong security key. Posibleng gusto mong kumuha ng karagdagang key na maitatago mo sa ligtas na lugar.
4. Idagdag ang bagong key sa iyong account.

Kung wala kang isa pang ikalawang hakbang o nakalimutan mo ang iyong password

Tandaan: Nangangailangan ang 2-Step na Pag-verify ng karagdagang hakbang para mapatunayang pagmamay-ari mo ang isang account. Dahil sa dagdag na seguridad na ito, puwedeng abutin nang 3-5 araw ng negosyo para matiyak ng Google na ikaw ang sumusubok na mag-sign in.

1. Sundin ang mga hakbang para ma-recover ang iyong account. May ilang bagay na itatanong sa iyo para makumpirmang account mo ito.
   • Gamitin ang mga tip na ito para makasagot sa abot ng makakaya mo.
2. Puwedeng hilingin sa iyong:
   • Maglagay ng email address o numero ng telepono kung saan puwedeng makipag-ugnayan sa iyo.
   • Maglagay ng code na ipinadala sa iyong email address o numero ng telepono. Nakakatulong ang code na ito na tiyaking naa-access mo ang email address o numero ng telepono na iyon.

Mga kaugnay na resource

•  Mga Setting ng Seguridad at Privacy ng Gmail