तपाईं २ चरण प्रमाणीकरण प्रयोग गर्न चाहनुहुन्छ भने सुरक्षा साँचो प्रयोग गर्नुहोस्

आफ्नो Google खातालाई ह्याकरहरूबाट सुरक्षित राख्न २ चरण प्रमाणीकरणको दोस्रो चरणका रूपमा सुरक्षा साँचो प्रयोग गर्न सकिन्छ।

महत्त्वपूर्ण जानकारी: तपाईं पत्रकार, अभियानकर्ता वा लक्षित अनलाइन हमलाको जोखिममा रहेका अन्य कुनै पनि व्यक्ति हुनुहुन्छ भने सुरक्षासम्बन्धी उन्नत कार्यक्रमका बारेमा जानकारी लिनुहोस्।

चरण १: आफ्नो साँचो प्राप्त गर्नुहोस्

• कुनै कम्प्याटिबल फोनको अन्तर्निर्मित सुरक्षा साँचो प्रयोग गर्नुहोस्
• Google स्टोरबाट Titan सुरक्षा साँचो खरिद गर्नुहोस्
• आफूले विश्वास गर्ने खुद्रा बिक्रेताबाट कम्प्याटिबल सुरक्षा साँचो अर्डर गर्नुहोस्

चरण २: आफ्नो खातामा कुनै साँचो लिंक गर्नुहोस्

1. Chrome, FireFox वा Safari (१३.०.४ वा सोभन्दा नयाँ) जस्तो कुनै कम्प्याटिबल ब्राउजर खोल्नुहोस्।
2. आफ्नो सुरक्षा साँचो दर्ता गर्नुहोस्। तपाईंले साइन इन गर्नु पर्ने हुन सक्छ।

Tip: To help you sign in if your key is lost, add more ways to prove it's you. 

चरण ३: आफ्नो साँचो प्रयोग गरी साइन इन गर्नुहोस्

सुरक्षा साँचो भनेको २ चरण प्रमाणीकरणको दोस्रो चरणका रूपमा प्रयोग गर्न सकिने अझ सुरक्षित माध्यम हो। तपाईंले अन्य दोस्रा चरणहरू सेटअप गर्नुभएको छ भने पनि साइन इन गर्न सकेसम्म सुरक्षा साँचो नै प्रयोग गर्नुहोस्। तपाईंको डिभाइस वा ब्राउजरमा सुरक्षा साँचो प्रयोग गर्न नमिल्ने अवस्थामा तपाईं त्यसको साटो कोड वा प्रम्प्ट प्रयोग गरी साइन इन गर्ने विकल्प देख्न सक्नुहुन्छ।

1. तपाईंको कम्प्युटरमा Chrome, Firefox, Edge वा Opera जस्ता कुनै कम्प्याटिबल ब्राउजर खोल्नुहोस्।
2. आफ्नो Google खातामा साइन इन गर्नुहोस्।
   • तपाईंको डिभाइसले तपाईंको खातामा सुरक्षा साँचो लिंक गरिएको छ भन्ने कुरा पहिचान गर्ने छ।
3. आफ्नो कम्प्युटरको USB पोर्टमा सुरक्षा साँचो कनेक्ट गर्नुहोस्।
   • तपाईंले "Google Play services" को म्यासेज देख्नुभयो भने "ठिक छ" मा क्लिक गर्नुहोस्।
   • उक्त म्यासेज देख्नुभएन भने चरण ४ मा जानुहोस्।
4. आफ्नो साँचो एक्टिभेट गर्नुहोस्:
   • तपाईंको साँचोमा सुनौलो रङको डिस्क छ भने: सो डिस्कमा ट्याप गर्नुहोस्।
   • तपाईंको साँचोमा सुनौलो रङको टिप छ भने: सो टिपमा ट्याप गर्नुहोस् अनि त्यसलाई थिच्नुहोस्।
   • तपाईंको साँचोमा बटन छ भने: सो बटन थिच्नुहोस्।
   • तपाईंको साँचोमा डिस्क, टिप वा बटन केही पनि छैन भने: तपाईंले उक्त साँचो निकालेर फेरि छिराउनु पर्ने हुन सक्छ। यस प्रकारको साँचो हरेक पटक प्रयोग गरेपछि आफै बन्द हुन्छ।

सुझाव: तपाईं हरेक पटक साइन इन गर्दा आफ्नो साँचो प्रयोग गर्न सक्नुहुन्छ वा आफ्ना विश्वसनीय डिभाइसहरूमा साँचो प्रयोग नगरिकनै साइन इन गर्न सक्नुहुन्छ।

“तपाईंले आफ्नो Google खातामा यो सुरक्षा साँचो दर्ता गरेपछि मात्र तपाईं उक्त साँचो प्रयोग गरी साइन इन गर्न सक्नुहुन्छ” नामक त्रुटि देखा परेका खण्डमा:

1. अर्कै खाता प्रयोग गरी साइन इन गर्ने प्रयास गर्नुहोस्।
2. Google Play service अपडेट गर्नुहोस्।
3. तपाईं आफूले चाहेको खाता हाल्न चाहनुहुन्छ भने फेरि साइन इन गरी हेर्नुहोस्।

सुझाव: तपाईंले हरेक पटक कुनै नयाँ कम्प्युटर वा डिभाइसमा साइन इन गर्दा तपाईंलाई सुरक्षा साँचो वा अर्को दोस्रो चरण प्रयोग गर्न लगाइने छ।

आफ्ना सुरक्षा साँचो व्यवस्थापन गर्ने तरिका

तपाईं २ चरण प्रमाणीकरणसम्बन्धी सेटिङमा गई आफ्ना सुरक्षा साँचो व्यवस्थापन गर्न सक्नुहुन्छ। तपाईं त्यहाँ आफूले हालेका साँचोको सूची देख्नुहुन्छ। उक्त सूचीमा सबैभन्दा नयाँ साँचोदेखि लिएर सबैभन्दा पुरानो साँचो देखिन्छन्। तपाईं त्यहाँ साँचोको नाम, उक्त साँचो हालिएको मिति र त्यसलाई पछिल्लो पटक प्रयोग गरिएको मितिलगायतका थप जानकारी पनि देख्नुहुन्छ। तपाईंले साँचोको कुनै कस्टम नाम राखेको अवस्थामा बाहेक उक्त साँचोको नाम डिफल्ट रूपमा “सुरक्षा साँचो” राखिन्छ।

तपाईं प्रत्येक सुरक्षा साँचोको नाम बदल्न वा उक्त साँचो मेटाउन सक्नुहुन्छ।

आफ्ना सुरक्षा साँचोको नाम बदल्ने तरिका

कुनै सुरक्षा साँचोको नाम बदल्न उक्त साँचोको छेउमा रहेको पेन्सिल जनाउने आइकन मा क्लिक गर्नुहोस्। तपाईंले सुरक्षा साँचोको कस्टम नाम राख्नुभयो भने एकभन्दा बढी सुरक्षा साँचो भएका खण्डमा तपाईंलाई ती साँचो चिन्न अझ सजिलो हुन्छ।

आफ्ना सुरक्षा साँचो हटाउने तरिका

कुनै सुरक्षा साँचो हटाउन उक्त साँचोको छेउमा रहेको ट्र्यास बिन जनाउने आइकन मा क्लिक गर्नुहोस्। त्यसपछि उक्त साँचो तपाईंको Google खाताबाट अनलिंक गरिन्छ। तपाईंले आफ्नो सुरक्षा साँचो हटाउँदा तपाईंलाई पुष्टि गर्न लगाइन्छ। तपाईंले आफ्नो Google खातामा पुनः साइन इन गर्नु पर्ने पनि हुन सक्छ।

सुरक्षा साँचो प्रयोग गर्न सकिएन

तपाईंले आफ्नो सुरक्षा साँचो प्रयोग गर्न सक्नुभएन भने तपाईं २ चरण प्रमाणीकरण प्रक्रिया पूरा गर्न एउटा सुरक्षा कोड सिर्जना गर्न सक्नुहुन्छ:

1. तपाईंको खातामा साइन इन गरिएको डिभाइसमा g.co/sc मा जानुहोस्।
2. स्क्रिनमा देखाइएका निर्देशनहरूको पालना गर्नुहोस्।

लक भएको सुरक्षा साँचो रिसेट गर्ने तरिका

केही सुरक्षा साँचो प्रयोग गर्न PIN लगायतका अतिरिक्त प्रमाणीकरण विधि प्रयोग गर्नु पर्ने हुन्छ।

तपाईंले एकभन्दा बढी पटक गलत PIN हालेकाले तपाईंको सुरक्षा साँचो लक भयो र उक्त साँचो रिसेट गर्नु पर्‍यो भने:

1. आफ्नो कम्प्युटरमा Chrome खोल्नुहोस्।
2. सिरानमा दायाँतिर रहेको थप मा क्लिक गर्नुहोस्।
3. "सेटिङ गोपनीयता तथा सुरक्षा सुरक्षा सुरक्षा साँचोहरू व्यवस्थापन गर्नुहोस् आफ्नो सुरक्षा साँचो रिसेट गर्नुहोस्" मा जानुहोस्।
4. स्क्रिनमा देखाइएका निर्देशनहरूको पालना गर्नुहोस्।

सुझाव: तपाईं लक भएको सुरक्षा साँचो रिसेट गर्न Chrome प्रयोग गर्न सक्नुहुन्छ। chrome://settings/securityKeys मा जानुहोस्।

हराएको सुरक्षा साँचो

तपाईंको सुरक्षा साँचो हराएका खण्डमा आफ्नो खाता एक्सेस गर्न र सो खाता सुरक्षित राख्न तपाईं २ चरण प्रमाणीकरण प्रक्रिया पूरा गर्न निम्नमध्ये जुन विधि प्रयोग गर्न सक्नुहुन्छ सो विधिसम्बन्धी चरणहरू पूरा गर्नुहोस्:

• पुष्टि कोड
• Google प्रम्प्ट
• ब्याकअप कोड
• तपाईंले आफ्नो खातामा हालेको अर्को सुरक्षा साँचो
• तपाईंले पहिले पुष्टि कोड नहाल्ने विकल्प रोज्नुभएको दर्ता गरिएको कम्प्युटर

तपाईंले अर्को दोस्रो चरण सेटअप गर्नुभएको छ भने

1. आफ्नो पासवर्ड र अर्को दोस्रो चरण प्रयोग गरी तपाईंको Google खातामा साइन इन गर्नुहोस्।
2. दिइएका चरणहरूको पालना गरी आफ्नो खाताबाट हराएको साँचो हटाउनुहोस्।
3. नयाँ सुरक्षा साँचो प्राप्त गर्नुहोस्। तपाईंले अर्को पनि अतिरिक्त साँचो खरिद गरेर उक्त साँचो कुनै सुरक्षित स्थानमा राख्नु राम्रो हुन्छ।
4. आफ्नो खातामा नयाँ साँचो लिंक गर्नुहोस्।

तपाईंले अर्को दोस्रो चरण सेटअप गर्नुभएको छैन वा तपाईंलाई आफ्नो पासवर्ड याद छैन भने

ख्याल गर्नुहोस्: तपाईंले २ चरण प्रमाणीकरण सेटअप गर्नुभएको छ भने यो खाता तपाईंकै हो भन्ने कुरा प्रमाणित गर्न अर्को अतिरिक्त चरण पनि पूरा गर्नु पर्ने हुन्छ। यो अतिरिक्त सुरक्षाका कारण Google लाई साइन इन गर्न खोज्ने व्यक्ति तपाईं नै हो भन्ने कुरा सुनिश्चित गर्न बिदाका दिनबाहेक ३ देखि ५ दिनसम्म लाग्न सक्छ।

1. आफ्नो खाता रिकभर गर्न निम्न चरणहरू पालना गर्नुहोस्। यो खाता तपाईंकै हो भन्ने कुरा पुष्टि गर्न तपाईंसँग केही प्रश्नहरू सोधिने छ।
   • यी सुझाव हेर्नुहोस् र सोधिएका प्रश्नहरूको सकेसम्म सही जवाफ दिनुहोस्।
2. तपाईंलाई यी कुराहरू गर्न लगाइन सक्छ:
   • तपाईंलाई सम्पर्क गर्न सकिने इमेल ठेगाना वा फोन नम्बर हाल्न।
   • तपाईंको इमेल ठेगाना वा फोन नम्बरमा पठाइएको कोड हाल्न। यो कोडले तपाईं उक्त इमेल ठेगाना वा फोन नम्बर प्रयोग गर्न सक्नुहुन्छ भन्ने कुरा सुनिश्चित गर्न सघाउँछ।

सम्बन्धित स्रोतहरू

•  Gmail का सुरक्षा तथा गोपनीयतासम्बन्धी सेटिङ