चरण १: आफ्नो साँचो प्राप्त गर्नुहोस्
- कुनै कम्प्याटिबल फोनको अन्तर्निर्मित सुरक्षा साँचो प्रयोग गर्नुहोस्
- Google स्टोरबाट Titan सुरक्षा साँचो खरिद गर्नुहोस्
- आफूले विश्वास गर्ने खुद्रा बिक्रेताबाट कम्प्याटिबल सुरक्षा साँचो अर्डर गर्नुहोस्
चरण २: आफ्नो खातामा कुनै साँचो लिंक गर्नुहोस्
तपाईं ब्राउजर वा OS को नवीनतम संस्करण प्रयोग गरिरहनुभएको छ भन्ने कुरा सुनिश्चित गर्नुहोस्। दर्ता गरिएका नयाँ साँचोहरू Android ८.० वा सोभन्दा पुराना संस्करण चल्ने डिभाइसमा चलाउन मिल्दैन।
- Chrome जस्तो कुनै कम्प्याटिबल ब्राउजर खोल्नुहोस्।
- आफ्नो सुरक्षा साँचो दर्ता गर्नुहोस्। तपाईंले साइन इन गर्नु पर्ने हुन सक्छ।
चरण ३: आफ्नो साँचो प्रयोग गरी साइन इन गर्नुहोस्
सुरक्षा साँचो भनेको २ चरण प्रमाणीकरणको दोस्रो चरणका रूपमा प्रयोग गर्न सकिने अझ सुरक्षित माध्यम हो। तपाईंले अन्य दोस्रा चरणहरू सेटअप गर्नुभएको छ भने पनि साइन इन गर्न सकेसम्म सुरक्षा साँचो नै प्रयोग गर्नुहोस्। तपाईंको डिभाइस वा ब्राउजरमा सुरक्षा साँचो प्रयोग गर्न नमिल्ने अवस्थामा तपाईं त्यसको साटो कोड वा प्रम्प्ट प्रयोग गरी साइन इन गर्ने विकल्प देख्न सक्नुहुन्छ।
“तपाईंले आफ्नो Google खातामा यो सुरक्षा साँचो दर्ता गरेपछि मात्र तपाईं उक्त साँचो प्रयोग गरी साइन इन गर्न सक्नुहुन्छ” नामक त्रुटि देखा परेका खण्डमा:
- अर्कै खाता प्रयोग गरी साइन इन गर्ने प्रयास गर्नुहोस्।
- Google Play service अपडेट गर्नुहोस्।
- तपाईं आफूले चाहेको खाता हाल्न चाहनुहुन्छ भने फेरि साइन इन गरी हेर्नुहोस्।
- तपाईंको Android फोन वा ट्याब्लेटमा Google को कुनै एप वा Chrome, Firefox, Edge वा Opera जस्तो कुनै कम्प्याटिबल ब्राउजर खोल्नुहोस्।
- तपाईंले आफ्नो Google खातामा साइन इन गरिसक्नुभएको छैन भने अब गर्नुहोस्।
- तपाईंको डिभाइसले तपाईंको खातामा सुरक्षा साँचो लिंक गरिएको छ भन्ने कुरा पहिचान गर्ने छ। आफ्नो डिभाइस र साँचो कनेक्ट गर्न दिइएका चरणहरूको पालना गर्नुहोस्।
कनेक्ट गरिसकेपछि तपाईं आफ्नो Google खातामा अरू बेला जसरी नै साइन इन गर्न सक्नुहुन्छ। हामीलाई साइन इन गर्न खोज्ने व्यक्ति तपाईं नै हो भन्ने कुरा सुनिश्चित गर्नु पर्यो भने हामी तपाईंलाई तपाईंको साँचोमा भएको बटन थिच्न लगाउने छौँ।
ब्लुटुथसम्बन्धी समस्याहरू समाधान गर्ने तरिका
साँचो फोन वा ट्याब्लेटसँग कनेक्ट हुँदैन
यी काम गर्न नभुल्नुहोस्:
- आफ्नो डिभाइसमा ब्लुटुथ अन गर्नुहोस्।
- आफ्नो खातामा उक्त साँचो लिंक गर्नुहोस्।
- कनेक्ट गर्ने सम्बन्धमा माथि दिइएका चरणहरूको पालना गर्नुहोस्। तपाईं आफ्नो डिभाइसका ब्लुटुथ सेटिङमा गएर साँचो कनेक्ट गर्न सक्नुहुन्न।
- आफ्नो डिभाइसमा भएको Google Play Services अपडेट गरी नवीनतम संस्करण बनाउनुहोस्।
- साँचो प्रयोग गरेका बेलामा अस्थायी रूपमा लोकेसनसम्बन्धी सेवाहरू अन गर्नुहोस्।
- आफ्नो साँचो र डिभाइसलाई एकअर्काको नजिक राख्नुहोस्।
- आफ्नो डिभाइस रिस्टार्ट गरी हेर्नुहोस्।
- ब्लुटुथ अफ गरेर फेरि अन गरी हेर्नुहोस्।
साँचो कनेक्ट गर्ने मोडमा जाँदैन
यी कुरा जाँच गर्नुहोस्:
- तपाईंको साँचो कम्प्युटर वा चार्जरबाट निकालिएको छ कि छैन
- तपाईंको साँचो चार्ज गरिएको छ कि छैन
Google Play Services सम्बन्धी त्रुटि
- आफ्नो Android डिभाइसमा कुनै पनि सुरक्षा साँचो लिंक नगरिएको खाता प्रयोग गरी साइन इन गर्नुहोस्।
- Google Play Services स्वतः अपडेट हुन थाल्छ।
- तपाईंको डिभाइस इन्टरनेटमा कनेक्ट भएको छ भन्ने कुरा सुनिश्चित गर्नुहोस्।
- त्यसपछि उक्त Android डिभाइसमा फेरि सुरक्षा साँचो लिंक गरिएको खाता प्रयोग गरी साइन गर्नुहोस्।
- ब्लुटुथ (BLE) मार्फत आफ्नो साँचो प्रयोग गरी साइन इन गर्न दिइएका चरणहरूको पालना गर्नुहोस्।
- तपाईंको Android फोन वा ट्याब्लेटमा Google को कुनै एप वा Chrome जस्तो कुनै कम्प्याटिबल ब्राउजर खोल्नुहोस्।
- तपाईंले आफ्नो Google खातामा साइन इन गरिसक्नुभएको छैन भने अब गर्नुहोस्।
- तपाईंको डिभाइसले तपाईंको खातामा सुरक्षा साँचो लिंक गरिएको छ भन्ने कुरा पहिचान गर्ने छ। आफ्नो साँचो प्रयोग गरी साइन इन गर्न दिइएका चरणहरूको पालना गर्नुहोस्।
NFC सम्बन्धी समस्याहरू समाधान गर्ने तरिका
यी काम गर्न नभुल्नुहोस्:
- आफ्नो डिभाइसमा NFC अन गर्नुहोस्
- आफ्नो खातामा उक्त साँचो लिंक गर्नुहोस्
- केस वा स्टिकर जस्ता NFC सिग्नल ब्लक गर्न सक्ने सबै कुरा हटाउनुहोस्
- आफ्नो डिभाइसमा भएको Google Play Services अपडेट गरी नवीनतम संस्करण बनाउनुहोस्
- आफ्नो डिभाइस रिस्टार्ट गरी हेर्नुहोस्
- NFC अफ गरेर फेरि अन गरी हेर्नुहोस्
Google Play Services सम्बन्धी त्रुटि
- आफ्नो Android डिभाइसमा कुनै पनि सुरक्षा साँचो लिंक नगरिएको खाता प्रयोग गरी साइन इन गर्नुहोस्।
- Google Play Services स्वतः अपडेट हुन थाल्छ।
- तपाईंको डिभाइस इन्टरनेटमा कनेक्ट भएको छ भन्ने कुरा सुनिश्चित गर्नुहोस्।
- त्यसपछि उक्त Android डिभाइसमा फेरि सुरक्षा साँचो लिंक गरिएको खाता प्रयोग गरी साइन गर्नुहोस्।
- निकटक्षेत्र सञ्चार (NFC) आफ्नो साँचो प्रयोग गरी साइन इन गर्न दिइएका चरणहरूको पालना गर्नुहोस्।
- Chrome जस्तो कुनै कम्प्याटिबल ब्राउजर खोल्नुहोस्।
- आफ्नो Google खातामा साइन इन गर्नुहोस्। तपाईंको डिभाइसले तपाईंको खातामा सुरक्षा साँचो लिंक गरिएको छ भन्ने कुरा पहिचान गर्ने छ।
- आफ्नो डिभाइसको USB पोर्टमा सुरक्षा साँचो छिराउनुहोस्। USB एड्याप्टर आवश्यक पर्न सक्छ
- तपाईंले "Google Play services" बाट आएको कुनै म्यासेज देख्नुभयो भने ठिक छ मा ट्याप गर्नुहोस्। होइन भने चरण ५ मा जानुहोस्।
- आफ्नो साँचो अन गर्नुहोस्:
- तपाईंको साँचोमा सुनौलो रङको डिस्क छ भने त्यसमा ट्याप गर्नुहोस्।
- तपाईंको साँचोमा सुनौलो रङको टिप छ भने त्यसमा ट्याप गर्नुहोस् अनि त्यसलाई थिच्नुहोस्।
- तपाईंको साँचोमा बटन छ भने सो बटन थिच्नुहोस्।
- तपाईंको साँचोमा डिस्क, टिप वा बटन केही पनि छैन भने तपाईंले उक्त साँचो निकालेर फेरि छिराउनु पर्ने हुन सक्छ। यस प्रकारको साँचो हरेक पटक प्रयोग गरेपछि आफैँ बन्द हुन्छ।
आफ्ना सुरक्षा साँचो व्यवस्थापन गर्ने तरिका
तपाईं २ चरण प्रमाणीकरणसम्बन्धी सेटिङमा गई आफ्ना सुरक्षा साँचो व्यवस्थापन गर्न सक्नुहुन्छ। तपाईं त्यहाँ आफूले हालेका साँचोको सूची देख्नुहुन्छ। उक्त सूचीमा सबैभन्दा नयाँ साँचोदेखि लिएर सबैभन्दा पुरानो साँचो देखिन्छन्। तपाईं त्यहाँ साँचोको नाम, उक्त साँचो हालिएको मिति र त्यसलाई पछिल्लो पटक प्रयोग गरिएको मितिलगायतका थप जानकारी पनि देख्नुहुन्छ। तपाईंले साँचोको कुनै कस्टम नाम राखेको अवस्थामा बाहेक उक्त साँचोको नाम डिफल्ट रूपमा “सुरक्षा साँचो” राखिन्छ।
तपाईं प्रत्येक सुरक्षा साँचोको नाम बदल्न वा उक्त साँचो मेटाउन सक्नुहुन्छ।
आफ्ना सुरक्षा साँचोको नाम बदल्ने तरिकाकुनै सुरक्षा साँचोको नाम बदल्न उक्त साँचोको छेउमा रहेको पेन्सिल जनाउने आइकन मा क्लिक गर्नुहोस्। तपाईंले सुरक्षा साँचोको कस्टम नाम राख्नुभयो भने एकभन्दा बढी सुरक्षा साँचो भएका खण्डमा तपाईंलाई ती साँचो चिन्न अझ सजिलो हुन्छ।
तपाईंले आफ्नो सुरक्षा साँचो प्रयोग गर्न सक्नुभएन भने तपाईं २ चरण प्रमाणीकरण प्रक्रिया पूरा गर्न एउटा सुरक्षा कोड सिर्जना गर्न सक्नुहुन्छ:
- तपाईंको खातामा साइन इन गरिएको डिभाइसमा g.co/sc मा जानुहोस्।
- स्क्रिनमा देखाइएका निर्देशनहरूको पालना गर्नुहोस्।
केही सुरक्षा साँचो प्रयोग गर्न PIN लगायतका अतिरिक्त प्रमाणीकरण विधि प्रयोग गर्नु पर्ने हुन्छ।
तपाईंले एकभन्दा बढी पटक गलत PIN हालेकाले तपाईंको सुरक्षा साँचो लक भयो र उक्त साँचो रिसेट गर्नु पर्यो भने:
- आफ्नो कम्प्युटरमा Chrome खोल्नुहोस्।
- सिरानमा दायाँतिर रहेको थप मा क्लिक गर्नुहोस्।
- "सेटिङ गोपनीयता तथा सुरक्षा सुरक्षा सुरक्षा साँचोहरू व्यवस्थापन गर्नुहोस् आफ्नो सुरक्षा साँचो रिसेट गर्नुहोस्" मा जानुहोस्।
- स्क्रिनमा देखाइएका निर्देशनहरूको पालना गर्नुहोस्।
सुझाव: तपाईं लक भएको सुरक्षा साँचो रिसेट गर्न Chrome प्रयोग गर्न सक्नुहुन्छ। chrome://settings/securityKeys मा जानुहोस्।
तपाईंको सुरक्षा साँचो हराएका खण्डमा आफ्नो खाता एक्सेस गर्न र सो खाता सुरक्षित राख्न तपाईं २ चरण प्रमाणीकरण प्रक्रिया पूरा गर्न निम्नमध्ये जुन विधि प्रयोग गर्न सक्नुहुन्छ सो विधिसम्बन्धी चरणहरू पूरा गर्नुहोस्:
- पुष्टि कोड
- Google प्रम्प्ट
- ब्याकअप कोड
- तपाईंले आफ्नो खातामा हालेको अर्को सुरक्षा साँचो
- तपाईंले पहिले पुष्टि कोड नहाल्ने विकल्प रोज्नुभएको दर्ता गरिएको कम्प्युटर
तपाईंले अर्को दोस्रो चरण सेटअप गर्नुभएको छ भने
- आफ्नो पासवर्ड र अर्को दोस्रो चरण प्रयोग गरी तपाईंको Google खातामा साइन इन गर्नुहोस्।
- दिइएका चरणहरूको पालना गरी आफ्नो खाताबाट हराएको साँचो हटाउनुहोस्।
- नयाँ सुरक्षा साँचो प्राप्त गर्नुहोस्। तपाईंले अर्को पनि अतिरिक्त साँचो खरिद गरेर उक्त साँचो कुनै सुरक्षित स्थानमा राख्नु राम्रो हुन्छ।
- आफ्नो खातामा नयाँ साँचो लिंक गर्नुहोस्।
तपाईंले अर्को दोस्रो चरण सेटअप गर्नुभएको छैन वा तपाईंलाई आफ्नो पासवर्ड याद छैन भने
ख्याल गर्नुहोस्: तपाईंले २ चरण प्रमाणीकरण सेटअप गर्नुभएको छ भने यो खाता तपाईंकै हो भन्ने कुरा प्रमाणित गर्न अर्को अतिरिक्त चरण पनि पूरा गर्नु पर्ने हुन्छ। यो अतिरिक्त सुरक्षाका कारण Google लाई साइन इन गर्न खोज्ने व्यक्ति तपाईं नै हो भन्ने कुरा सुनिश्चित गर्न बिदाका दिनबाहेक ३ देखि ५ दिनसम्म लाग्न सक्छ।
- आफ्नो खाता रिकभर गर्न निम्न चरणहरू पालना गर्नुहोस्। यो खाता तपाईंकै हो भन्ने कुरा पुष्टि गर्न तपाईंसँग केही प्रश्नहरू सोधिने छ।
- तपाईंलाई यी कुराहरू गर्न लगाइन सक्छ:
- तपाईंलाई सम्पर्क गर्न सकिने इमेल ठेगाना वा फोन नम्बर हाल्न।
- तपाईंको इमेल ठेगाना वा फोन नम्बरमा पठाइएको कोड हाल्न। यो कोडले तपाईं उक्त इमेल ठेगाना वा फोन नम्बर प्रयोग गर्न सक्नुहुन्छ भन्ने कुरा सुनिश्चित गर्न सघाउँछ।