Google තුළ, අපි සබැඳි ආරක්ෂාව බැරෑරුම් ලෙස සලකමු. ඔබේ Google ගිණුම ආරක්ෂා කිරීමට, අපි පහත සඳහන් පියවර නිතිපතා අනුගමනය කිරීම නිර්දේශ කරන්නෙමු.
වැදගත්: ඔබේ Google ගිණුම සඳහා ඉක්මන් ක්රියාමාර්ගයක් නිර්දේශ කිරීමට Google රතු, කහ, හෝ නිල් විශ්මයාර්ථ නිරූපකයක් භාවිත කළ හැක. තව දැන ගැනීම සඳහා, නිර්දේශිත ක්රියා වෙත යන්න.
නිර්දේශිත ක්රියා
"නිර්දේශිත ක්රියා" හැර ඇති විශ්මයාර්ථයක් යනු ඔබේ ගිණුම සුරක්ෂිත කිරීමට සක්රිය පියවර ගැනීමට Google නිර්දේශ කරන බවයි. බරපතලකම මට්ටම ඒවායේ වර්ණය මත පදනම් වේ: ආරක්ෂක ඉඟි සඳහා නිල්, වැදගත් පියවර සඳහා කහ සහ හදිසි ඒවා සඳහා රතු. හරි ලකුණක් සහිත කොළ පළිහක් යනු ඔබේ ගිණුම සෞඛ්ය සම්පන්න වන අතර ක්ෂණික ක්රියාමාර්ග අවශ්ය නොවේ.
දැනුම්දීම් සඳහා පරීක්ෂා කිරීමට:
- ඔබේ Google ගිණුමට පුරන්න.
- ඉහළ දකුණේ, ඔබේ පැතිකඩ පින්තූරය තෝරන්න.
- නිර්දේශිත ක්රියා තෝරන්න.
- මෙය ඔබව ආරක්ෂක පරීක්ෂාවට ගෙන යන අතර, එහි දී ඔබට ඔබේ ගිණුමේ ආරක්ෂාව වැඩි දියුණු කිරීමට පුද්ගලික නිර්දේශ ලැබෙනු ඇත.
නිර්දේශිත ක්රියා නොපෙන්වන්නේ නම්, එයින් අදහස් වන්නේ Google හට ඔබ වෙනුවෙන් කිසිදු ආරක්ෂක නිර්දේශයක් නොමැති බවයි. කෙසේ වෙතත්, ඔබට ඔබේ Google ගිණුම තුළ ඔබේ ආරක්ෂක මට්ටම සමාලෝචනය කළ හැක:
- ඔබේ Google ගිණුමට පුරන්න.
- ඔබේ ගිණුම කළමනාකරණය ආරක්ෂාව වෙත යන්න.
- ඉහළින්, සියලු නිර්දේශ විසඳා ඇත්නම්, මෙම පිටුව කොළ පළිහක් පෙන්වයි.
- මෙම පිටුව කොළ පළිහක් පෙන්වන්නේ නම්, ඔබේ ගිණුම සුරක්ෂිත නමුත්, ඔබට ඔබේ ගිණුම වඩාත් සුරක්ෂිත කිරීමට යෝජනා බෙදා ගන්නා ආරක්ෂක ඉඟි ද තිබිය හැක.
ඉඟිය: ඔබ මාධ්යවේදියෙකු, ක්රියාකාරිකයෙකු හෝ ඉලක්කගත සබැඳි ප්රහාරවල අවදානමක් ඇති වෙනත් අයෙකු නම්, උසස් ආරක්ෂණ වැඩසටහන පිළිබඳව දැන ගන්න.
1 වෙනි පියවර: ආරක්ෂක පරීක්ෂාවක් කරන්න
ඔබේ Google ගිණුමට මේවා ඇතුළු පුද්ගලායන කළ ආරක්ෂක නිර්දේශ ලබා ගැනීමට ආරක්ෂක පරීක්ෂාව වෙත යන්න:
ගිණුම් ප්රතිසාධන විකල්ප එක් කරන්න හෝ යාවත්කාලීන කරන්නඔබේ ප්රතිසාධන දුරකථන අංකය සහ ඉ-තැපැල් ලිපිනය බලවත් ආරක්ෂක මෙවලම් වෙයි. මෙම සම්බන්ධතා තොරතුරු මේවාට උදවු කිරීමට භාවිත කළ හැක:
- ඔබේ අවසරයෙන් තොරව යම් කෙනෙක් ඔබගේ ගිණුම භාවිත කිරීමෙන් අවහිර කිරීම
- ඔබගේ ගිණුමේ සැක සහිත ක්රියාකාරකම් තිබේ නම් ඔබට ඇඟවීම
- ඔබ කවදා හෝ අගුලු වැටුණහොත් ඔබේ ගිණුම ප්රතිසාධන කිරීම
ඔබේ ප්රතිසාධන දුරකථන අංකය හෝ ඉ-තැපැල් ලිපිනය එක් කරන හෝ වෙනස් කරන ආකාරය දැන ගන්න.
දෙපියවර සත්යාපනය අපහාරකයෙක් ඔබේ මුරපදය සොරකම් කරන්නේ වූවත් ඒ අයට ඔබේ ගිණුමට ඇතුළු වීම නැවැත්වීමට උදවු කරයි. පාඨ පණිවුඩවලට සම්බන්ධ සාමාන්ය තතු බෑම් තාක්ෂණ වැළැක්වීමට ඉතා ශක්තිමත් දෙවෙනි සත්යාපන පියවරයක් තෝරන්න:
- ආරක්ෂක යතුරු (ඉතාම සුරක්ෂිත සත්යාපන පියවර)
- Google ප්රේරක (පාඨ පණිවුඩ කේතවලට වඩා සුරක්ෂිතයි)
වැඩි කළ ආරක්ෂාව: උසස් ආරක්ෂාව
ඔබ මාධ්යවේදියෙකු, ක්රියාකාරිකයෙකු හෝ ඉලක්කගත සබැඳි ප්රහාරවල අවදානම ඇති වෙනත් අයෙකු නම් වඩා උසස් ආරක්ෂක මට්ටමක් සඳහා උසස් ආරක්ෂණ වැඩසටහන තුළට ලියාපදිංචි වීම සලකා බලන්න. තතුබෑමට එරෙහිව ආරක්ෂා කිරීමට උසස් ආරක්ෂාව ආරක්ෂක යතුරු භාවිත කරන අතර අනාරක්ෂිත යෙදුම් අවහිර කිරීම වැනි අනෙකුත් ආරක්ෂා ඇතුළු කරයි.
සංවේදී තොරතුරු වඩා හොඳට ආරක්ෂා කිරීම සඳහා, ඔබේ ගිණුම් තතු භාවිතා කළ හැකි යෙදුම් මොනවා ද යන්න සමාලෝචනය කර ඔබට අවශ්ය නැති ඒවා ඉවත් කරන්න.
- ඔබේ ගිණුමට ප්රවේශය සහිත තෙවන පාර්ශ්වීය යෙදුම් සහ සේවා කළමනාකරණය කරන්න.
- ආරක්ෂාව අඩු පුරන තාක්ෂණය භාවිත කරන යෙදුම් සඳහා ප්රවේශය අක්රිය කරන්න.
- ඔබේ ගිණුමට ප්රවේශය ඇති යෙදුම් කළමනා කරන ආකාරය ගැන තව දැන ගන්න.
තිර අගුලු ඔබේ උපාංග ඔබේ අවසරයෙන් තොරව භාවිත කරනු ලැබීමෙන් ආරක්ෂා කිරීමට උදවු කරයි. Android උපාංගයක් මත තිර අගුලු සකසන ආකරය දැන ගන්න.
ඉඟිය: වෙනත් උපාංග සහ පරිගණක මත තිර අගුලක් එක් කිරීම පිළිබඳ තොරුතුරු සඳහා නිෂ්පාදකයාගේ සහය අඩවියට පැමිණෙන්න.
2 වෙනි පියවර: ඔබේ මෘදුකාංගය යාවත්කාලීන කරන්න
ඔබේ බ්රවුසරය, මෙහෙයුම් පද්ධතිය, හෝ යෙදුම් යල් පැන තිබේ නම් එම මෘදුකාංග අපහාරකයින්ගෙන් සුරක්ෂිත නොවේවි. ඔබේ ගිණුම ආරක්ෂා කිරීමට උදවු කිරීමට, ඔබේ මෘදුකාංග යාවත්කාලීනව තබා ගන්න.
ඔබේ බ්රවුසරය යාවත්කාලීන කරන්නඔබේ බ්රවුසරයේ නවතම අනුවාදය භාවිත කිරීම තහවුරු කර ගන්න.
Google Chrome යාවත්කාලීන කරන ආකාරය දැන ගන්න.
ඉඟිය: වෙනත් බ්රවුසර යාවත්කාලීන කරන ආකාරය දැන ගැනීමට සංවර්ධකයාගේ සහය අඩවියට යන්න.
ඔබේ පරිගණකය හෝ උපාංගය මත, ඔබේ මෙහෙයුම් පද්ධතියේ නවතම අනුවාදය භාවිත කිරීම තහවුරු කර ගන්න.
- Android උපාංග යාවත්කාලීන කරන්න: ඔබේ Android අනුවාදය පරීක්ෂා කර යාවත්කාලීන කරන ආකාරය දැන ගන්න.
- Chromebook යාවත්කාලීන කරන්න: ඔබේ Chromebook හි මෙහෙයුම් පද්ධතිය යාවත්කාලීන කරන ආකාරය දැන ගන්න.
ඉඟිය: වෙනත් උපාංග සහ පරිගණක යාවත්කාලීන කරන ආකාරය දැන ගැනීමට නිෂ්පාදකයාගේ සහය අඩවියට යන්න.
ඔබේ දුරකථනය හෝ පරිගණකය මත, යෙදුම්වල නවතම අනුවාදය භාවිත කිරීමට වග බලා ගන්න.
- Android යෙදුම් යාවත්කාලීන කරන්න: Android උපාංග සහ ගැළපෙන Chromebook මත ඔබේ Android යෙදුම් යාවත්කාලීන කරන ආකාරය දැන ගන්න.
- ඔබේ යෙදුම් යාවත්කාලීන බව තහවුරු කිරීමට උදවු කිරීමට, ඔබේ Android උපාංග සඳහා ස්වයංක්රීව යෙදුම් යාවත්කාලීන සක්රීය කරන්න.
- Google Play ආරක්ෂාව සක්රීය කරන්න: Google Play ආරක්ෂාව හානිකර යෙදුම්වලින් Android උපාංග ආරක්ෂිතව තබා ගැනීමට උදවු කරයි.
- Google Play ආරක්ෂාව සක්රීය කරන ආකාරය දැන ගන්න.
ඉඟිය: වෙනත් උපාංග සහ පරිගණක මත යෙදුම් යාවත්කාලීන කරන ආකාරය දැන ගැනීමට නිෂ්පාදකයාගේ සහය අඩවියට යන්න.
3 වෙනි පියවර: අද්විතීය, ප්රබල මුරපද භාවිත කරන්න
වෙබ් අඩවි බොහොමයක් මත එකම මුරපදය භාවිත කිරීම අවදානම් සහිත වෙයි. එක අඩවියක් සඳහා වන ඔබේ මුරපදය අපහාරයට ලක් වන්නේ නම්, එය වෙබ් අඩවි බොහොමයක් සඳහා වන ඔබේ ගිණුම්වලට ඇතුළු වීමට එය භාවිත කරනු ලැබිය හැක.
සෑම ගිණුමක් ම සඳහා ප්රබල, අද්විතීය මුරපදයක් සෑදීමට වග බලා ගන්න.
ඔබේ මුරපද කළමනා කරන්නමුරපද කළමනාකරුවෙක් ඔබට ප්රබල, අද්විතීය මුරපද සෑදීමටත් කළමනා කිරීමටත් උදවු කළ හැක. Chrome වෙතින් හෝ වෙනත් විශ්වසනීය මුරපද කළමනාකරු සපයන්නෙකුගෙන් ලැබෙන එකක් භාවිත කිරීම සලකා බලන්න.
ඉඟිය: ඔබේ Google ගිණුම තුළ සුරකින ලද කිසියම් මුරපද නිරාවරණ වේවිද, දුර්වලද, හෝ බොහෝ ගිණුම් සඳහා නැවත නැවතත් භාවිත කරනු ලබන්නේද යන්න සොයා ගැනීමට, ඔබට මුරපද පරීක්ෂාව භාවිත කළ හැක.
ඔබ Google නොවන අඩවියක් මත ඔබේ Google ගිණුම් මුරපදය ඇතුළත් කරන්නේ නම් දන්වනු ලැබීමට, Chrome සඳහා මුරපද ඇඟවීම සක්රීය කරන්න. එමගින් ඔබ අඩවියක් Google යැයි බොරුවට පෙනී සිටින බව දැන ගන්නා අතර ඔබට ඔබේ මුරපදය සොරකම් කරනු ලබන්නේ නම් එය වෙනස් කළ හැක.
ඉඟිය: ගිණුම් ආරක්ෂාවේ අමතර ස්තරයක් සඳහා දෙපියවර සත්යාපනය සක්රීය කරන්න.
4 වෙනි පියවර: ඔබට අවශ්ය නැති යෙදුම් සහ බ්රවුසර දිගු ඉවත් කරන්න
උපාංගයක් මත යෙදුම් වැඩියෙන් ස්ථාපන කරනු ලැබීමත් සමග එය වැඩියෙන් දුර්වල විය හැක. සංවේදී තොරතුරු වෙත ප්රවේශය ඇති උපාංග මත, ඔබට අවශ්ය යෙදුම් සහ බ්රවුසර දිගු පමණක් ස්ථාපන කරන්න. ඔබේ පුද්ගලික තොරතුරු වඩා හොඳින් ආරක්ෂා කිරීමට, නොදන්නා යෙදුම් හෝ නොදන්නා මූලාශ්රවලින් ලැබෙන යෙදුම් ස්ථාපන නොකරන්න.
ඔබේ උපාංගය මත යෙදුම් සහ දිගු අස්ථාපන කරන ආකාරය දැන ගන්න:
ඉඟිය: වෙනත් උපාංගවලින් සහ බ්රවුසරවලින් යෙදුම් සහ දිගු ඉවත් කරන ආකාරය ගැන දැන ගැනීමට, උපාංගයේ හෝ බ්රවුසරයේ සහය අඩවියට යන්න.
5 වෙනි පියවර: සැක සහිත පණිවුඩවලට සහ අන්තර්ගතයට එරෙහිව ආරක්ෂා කරන්න
අපහාරකයෝ ආයතන, පවුලේ සාමාජිකයින්, හෝ සගයන් ලෙස බොරුවට පෙනී සිටීමට ඉ-තැපැල්, පාඨ පණිවුඩ, දුරකථන ඇමතුම්, සහ වෙබ් පිටු භාවිත කළ හැක.
සැක සහිත ඉල්ලීම් වළක්වන්න- කිසි විටෙක ඔබේ මුරපද නොදෙන්න. Google කිසි විටෙක ඉ-තැපෑලක්, පණිවුඩයක්, හෝ දුරකථන ඇමතුමක් තුළින් ඔබේ මුරපදය නොඉල්ලයි.
- ඔබේ පුද්ගලික හෝ මූල්ය තොරතුරු ඉල්ලන සැක සහිත ඉ-තැපැල්වලට, පාඨ පණිවුඩවලට, ක්ෂණික පණිවුඩවලට, හෝ දුරකථන ඇමතුම්වලට පිළිතුරු නොදෙන්න.
- විශ්වාස කළ නොහැකි වෙබ් අඩවිවලින් හෝ එවන්නන්ගෙන් ලැබෙන ඉ-තැපැල්, පණිවුඩ, වෙබ් පිටු, හෝ උත්පතන තුළ ඇති සබැඳි ක්ලික් නොකරන්න.
ඔබේ ගිණුම ආරක්ෂා කිරීමට උදවු කිරීමට, Gmail ස්වයංක්රීයව සැක සහිත ඉ-තැපැල් හඳුනා ගනියි. තිළැලි ආරක්ෂාව ශක්තිමත් කිරීමට, ඔබ ම සැක සහිත ඉ-තැපැල් සහ සැකසීම් ද හඳුනා ගත හැක:
- Gmail පණිවුඩයක් ව්යාජ වීමට ඉඩ ඇත්තේද පරීක්ෂෘ කරන්න.
- ඉ-තැපැල් ලිපිනය සහ යවන්නාගේ නම ගැළපීම තහවුරු කර ගන්න.
- අනාගතයේදී වංචාකරුවන් නැවැත්වීමට අපට උදවු කිරීමට, ඔබට Gmail තුළ සැක සහිත ඉ-තැපෑලක් ලැබෙන්නේ නම් අයාචිත හෝ තතුබෑම වාර්තා කරන්න.
- ඔබේ Gmail සැකසීම් පරීක්ෂා කර නුපුරුදු ක්රියාකාරකම් කිසිවක් නැති බව තහවුරු කර ගන්න.
ඉඟිය: ඔබ ඔබේ පරිගණකය මත Gmail භාවිත කරන්නේ නම් සබැඳියක් ක්ලික් නොකර එය පෙන්වන්න. වමේ පහළින් වෙබ් ලිපිනය සොයා බලා එය ඔබ බලාපොරොත්තු වන එක බව තහවුරු කර ගන්න.
Google Chrome සහ සෙවීම සැලසුම් කර ඇත්තේ ඔබට සැක සහිත අන්තර්ගතය සහ අනවශ්ය මෘදුකාංග ගැන අවවාද කිරීමට ය.
ඔබ ඔබේ ගිණුම මත සැක සහිත ක්රියාකාරකම දකින්නේ නම්
ඔබේ ගිණුම ආරක්ෂා කිරීමට උදවු කිරීමට මෙම පියවර අනුගමන කරන්න.