Pinakamahalaga ang privacy ng user para sa Google at sa sinumang nagnenegosyo online. Ang HTTPS ay isang secure na protocol na nakakatulong sa pagprotekta sa impormasyon ng iyong mga customer sa pamamagitan ng pag-encrypt sa data na pinagpapasa-pasahan ng web browser at server sa web. Inirerekomenda ng Google Ads (at kung minsan ay iniuutos nito) ang paggamit ng HTTPS na protocol sa lahat ng URL sa halip na HTTP para protektahan ang personal at pinansyal na impormasyon ng mga customer.
Bakit HTTPS?
Tiwala at kaligtasan
Pangunahing usapin ang privacy ng customer para sa iyong negosyo at sa Google Ads. Kaya naman mamarkahan ng Chrome ang lahat ng HTTP page bilang “hindi secure,” simula Hulyo 2018.
Mas mahusay na performance
Ine-enable ng HTTPS ang mga teknolohiyang nagpapabilis ng experience ng user. Nangangailangan ng HTTPS ang mga bagong web protocol na nagpapahusay ng performance gaya ng HTTP/2, at isa ito sa mga dahilan kung bakit ginagamit ng 81 sa nangungunang 100 site sa web ang HTTPS bilang default. Isa pa, para gumana ang pampabilis na feature ng Google Ads na parallel tracking, kailangang gumagamit ng HTTPS ang lahat ng URL na nagsusukat ng pag-click (mga URL na nasa field na "URL para sa Pagsubaybay"). Simula Oktubre 30, 2018, parallel tracking na lang ang magiging paraan ng pagsukat ng pag-click. Dahil dito, kailangang gumamit ng HTTPS ang lahat ng URL para sa Pagsubaybay.
Mga pamantayan sa web
Dahil sa mga benepisyong nauugnay sa paggamit sa HTTPS pagdating sa seguridad at performance, ito na ang naging karaniwang protocol na ginagamit sa web.
Paano tingnan kung sinusuportahan ng iyong site ang HTTPS
Buksan ang iyong website sa isang Chrome browser at tingnan kung alin sa mga sumusunod na sitwasyon ang naaangkop sa iyo:
- Kung may napapansin kang berdeng icon na lock sa kaliwa ng URL, sinusuportahan ng iyong site ang HTTPS.
- Kung hindi lumalabas ang lock, subukang ilagay ulit ang URL ng iyong website na may “https://” sa halip na “http://”.
- Kung hindi naglo-load ang page, hindi sinusuportahan ng iyong site ang HTTPS.
Alamin kung paano suriin kung ligtas na bisitahin ang isang website
Mga susunod na hakbang
Kung sinusuportahan ng iyong site ang HTTPS
Baguhin ang iyong mga final URL at mobile final URL sa Google Ads para gumamit ng HTTPS. May tatlong paraan para mag-edit ng mga ad at keyword nang maramihan:
- Ang feature na mga maramihang pag-upload sa Google Ads (pinakamaganda para sa maliliit na account)
Para sa opsyong ito, i-download ang iyong mga ad at (kung kailangan) keyword mula sa Google Ads, i-update ang mga URL mo, at pagkatapos ay i-upload ulit ang iyong mga na-edit na ad sa Google Ads account mo. Matuto pa tungkol sa paggawa ng mga pagbabago gamit ang mga maramihang pag-upload.
- Ang tool sa desktop na Google Ads Editor
- Google Ads API
Kung hindi sinusuportahan ng iyong site ang HTTPS
Makipag-usap sa iyong web developer o sa administrator ng CMS platform mo. Kung ikaw ang namamahala sa sarili mong website, puwede kang matuto pa sa mga sumusunod na website:
Pagkatapos, sundin ang mga hakbang sa nakaraang seksyong "Kung nakakasuporta ng HTTPS ang iyong site" para baguhin ang mga final URL at mobile final URL mo sa Google Ads.
Mga Tala
- Kapag na-enable mo ang HTTPS sa iyong website, isang inirerekomendang pinakamahusay na kagawian ang pag-redirect ng mga instance ng HTTP sa HTTPS para matiyak na patuloy na gagana ang mga lumang link at nare-redirect sa secure na content ang mga bisita sa iyong website.
- Lubos naming inirerekomendang hayagan mong gawing HTTPS ang iyong mga final URL at mobile final URL sa Google Ads mula HTTP. Hindi naibibigay ang lahat ng proteksyon sa seguridad ng HTTPS na protocol kung mga pag-redirect lang ang gagamitin. Hindi naka-encrypt ang mga kahilingan ng mga user. Pinapabagal din ng mga pag-redirect ang pag-load ng page, na nakakaapekto sa karanasan sa landing page, at puwede itong makaapekto sa iyong rate ng conversion at return on ad spend (ROAS).
Awtomatikong pag-redirect ng Google Ads sa HTTPS
Pinakamaganda kung papalitan mo ng mga HTTPS URL ang iyong mga HTTP URL. Pero sa ilang pagkakataon, kung mayroon kang mga HTTP URL sa Google Ads at natukoy na sinusuportahan ng iyong website ang HTTPS, awtomatikong direktang ifo-forward ng Google Ads sa HTTPS na bersyon ng URL ang mga pag-click mo.
Simula sa linggo ng Hunyo 11, 2018, uumpisahan nang ipasa ng Google Ads sa HTTPS ang ilan, o ang lahat, ng iyong mga pag-click sa HTTP sa mga sumusunod na sitwasyon:
- Kung ipinatupad ng iyong website ang HTTPS Strict Transport Security (HSTS), ipapasa sa HTTPS ang lahat ng pag-click.
- Kung ipapasa ang isang URL sa katumbas na HTTPS URL sa pamamagitan ng 301 na pag-redirect, ipapasa sa HTTPS ang lahat ng pag-click sa URL na iyon.
Mga kaugnay na link
Security hub
- I-secure ang iyong Google Ads account
- I-secure ang iyong Google Ads account: Pinakamahuhusay na Kagawian
- I-secure ang iyong Google Ads account: Mga kahina-hinalang email o tawag na nagpapakilalang mula sa Google Ads