За да обезбедиме бесплатно функционирање, YouTube Kids е поддржана од реклами со ограничен опсег. Кога вашето дете ќе избере видео во апликацијата, може да види вовед во рекламата по кој ќе следи видео реклама, означена како „Реклама“, пред видеото што сте го избрале. Тоа се платени реклами („Платени реклами“). Прикажуваме само платени реклами што се одобрени како погодни за семејството, а сите платени реклами подлежат на ригорозна проверка за усогласеност со нашите правила. Платените реклами нема да содржат никакви процеси за кликнување што водат до веб-сајтови, како ни процеси за купување производи. Дознајте повеќе за нашите политики за рекламирање. Воведите на рекламите се кратки анимирани пораки што се појавуваат пред платените реклами за да му помогнат на детето да разбере дека пред избраното видео ќе се прикаже платена реклама.
Видеата прикачени од корисниците на YouTube не се платени реклами и затоа не се означени како реклами и не подлежат на нашите политики за рекламирање. Овде може да бидат вклучени и содржини за, или од, компаниите кои можеби купиле и реклами во апликацијата. На пример, доколку пребарате „возови“, може да добиете резултати со цртани филмови за возови, песни и видеа од вистински возови прикачени од корисник или компанија за производство на возови-играчки, кои не ги сметаме за платени реклами, бидејќи тие не се дел од рекламната програма на YouTube Kids. Слично на тоа, доколку пребарувате „чоколадо“, може да ви се прикаже видео прикачено од корисник во кое се прикажува како се прави чоколаден прелив, иако ние не дозволуваме платени реклами од изработувачите на чоколадни производи. Дознајте повеќе за видеата на YouTube Kids.
Ќе ги отстраниме видеата од апликацијата YouTube Kids доколку создавачот нѐ известил за платена пропагандна порака или рекламирање во неговото видео преку алатките за известувања за платени пропагандни пораки или рекламирање на YouTube. Содржините што се претерано комерцијализирани или промотивни исто така не се дозволени во YouTube Kids. За повеќе информации, погледнете ги правилата за содржини за YouTube Kids.
Ако сакате да гледате видеа без платени реклами со вашето дете, пробајте ја апликацијата YouTube Kids со YouTube Premium. Дознајте повеќе.