Narito ang simpleng paraan para maunawaan ito: kung pagsasama-samahin mo ang lahat ng video ng mga playlist sa iisang video, at lalabag ang video na iyon sa aming Mga Alituntunin ng Komunidad, posibleng lumalabag din ang playlist sa Mga Alituntunin ng Komunidad.
Kung may makita kang content na lumalabag sa patakarang ito, pakiulat ito. Available dito ang mga tagubilin para sa pag-uulat ng mga paglabag sa aming Mga Alituntunin ng Komunidad. Kung marami kang makikitang video, komento, o buong channel ng creator na gusto mong iulat, bisitahin ang aming tool sa pag-uulat.
Ang epekto ng patakarang ito sa iyo
Kung gumagawa ka ng mga playlist
Huwag mag-post ng mga playlist sa YouTube kung tumutugma ang mga ito sa alinman sa mga paglalarawang nakasaad sa ibaba.
- Mga playlist na may mga thumbnail, pamagat, o paglalarawang lumalabag sa aming mga alituntunin ng komunidad, gaya ng mga may kaugnayan sa pornograpiya, o naglalaman ng mga larawang naglalayong masindak o masuklam ang mga user.
- Mga playlist na may mga pamagat o paglalarawan na nanlilinlang sa mga manonood sa pag-aakalang may mapapanood silang mga video na iba naman sa nilalaman ng playlist.
- Mga playlist na may mga video na hindi lumalabag sa aming mga patakaran nang indibidwal, pero nakokolekta sa isang paraang lumalabag sa mga alituntunin. Kabilang dito ang, pero hindi limitado sa:
- Pang-edukasyong content na nagtatampok ng kahubaran o mga sekswal na tema para sa layunin ng sekswal na kasiyahan
- Hindi sekswal na content pero nakatuon sa mga partikular na bahagi ng katawan o aktibidad para sa sekswal na kasiyahan
- Mga dokumentaryong video ng graphic na karahasan para sa layuning pagsusulong o pagsindak
- Mga playlist na may maraming video na inalis dahil sa paglabag sa aming mga alituntunin. Kung mapapansin mong maraming video sa iyong mga pampublikong playlist ang inalis o na-delete, maglaan ng oras para alisin din ang mga video na iyon sa mga playlist mo. Kung mapapansin mong lumalabag sa aming Mga Alituntunin ng Komunidad ang ilang video sa iyong mga pampublikong playlist, paki-flag ang mga ito at alisin ang mga ito sa playlist mo.
- Mga playlist na nagpapakita ng pisikal, sekswal, o emosyonal na pangmamaltrato sa mga menor de edad.
Pakitandaang hindi ito kumpletong listahan.
Mga Halimbawa
Narito ang ilang halimbawa ng content na hindi pinapayagan sa YouTube.
- Isang playlist ng footage ng balita tungkol sa mga panghimpapawid na pagpapasabog na may pamagat na gaya ng “Pinakamahuhusay na pagpapasabog”.
- Isang playlist na may pamagat na nagpapahiwatig ng paghihiwalay ng mga taong may kapansanan sa pag-iisip.
- Isang playlist na nagpo-post ng hindi pampublikong impormasyong nagbibigay ng personal na pagkakakilanlan ng isang indibidwal tulad ng numero ng telepono, address ng bahay, o email para sa hayagang layunin ng pagdirekta ng mapang-abusong atensyon o trapiko sa kanila.
- Isang playlist na nangongolekta ng mga video ng mga mapanganib o mapagbantang prank, gaya ng playlist ng mga pekeng panloloob o pagnanakaw sa isang bahay.
- Isang playlist ng mga video na nagtatampok ng mga menor de edad na may pamagat na gaya ng "sexy.”
Ano ang mangyayari kung lumalabag sa patakarang ito ang content
Kung lumalabag sa patakarang ito ang iyong content, aalisin namin ang content at papadalhan ka namin ng email para ipaalam ito sa iyo. Kung hindi namin mave-verify na ligtas ang link na na-post mo, puwede naming alisin ang link. Tandaan na ang mga lumalabag na URL na na-post sa loob mismo ng video o sa metadata ng video ay posibleng magresulta sa pag-aalis ng video.
Kung ito ang iyong unang paglabag sa aming Mga Alituntunin ng Komunidad, malamang na makakatanggap ka ng babala nang walang penalty sa channel mo. Magkakaroon ka ng pagkakataong sumailalim sa isang pagsasanay sa patakaran para hayaang mag-expire ang babala pagkalipas ng 90 araw. Gayunpaman, kung malalabag ang parehong patakaran sa loob ng 90 araw na palugit na iyon, hindi mag-e-expire ang babala at bibigyan ng strike ang iyong channel. Kung lalabag ka sa ibang patakaran pagkatapos mong makumpleto ang pagsasanay, makakatanggap ka ng isa pang babala.
Kung makakakuha ka ng 3 strike sa loob ng 90 araw, wawakasan ang iyong channel. Matuto pa tungkol sa aming system ng mga strike.
Puwede naming wakasan ang iyong channel o account dahil sa mga paulit-ulit na paglabag sa Mga Alituntunin ng Komunidad o Mga Tuntunin ng Serbisyo. Puwede rin naming wakasan ang iyong channel o account pagkatapos ng isang matinding pang-aabuso, o kapag nakalaan ang channel sa isang paglabag sa patakaran. Puwede naming pigilang sumailalim sa mga pagsasanay sa patakaran sa hinaharap ang mga paulit-ulit na lumalabag. Matuto pa tungkol sa mga pagwawakas ng channel o account.