YouTube аккаунтын қорғау

2021 жылдың 1 қарашасынан бастап монетизациялаушы авторлар YouTube Studio немесе YouTube Studio Content Manager аккаунтына кіру үшін өздерінің YouTube арнасында пайдаланатын Google аккаунтында 2 сатылы растау функциясын қосып қоюы керек. Толық ақпарат

YouTube аккаунтыңызды қорғау арқылы аккаунтыңызға не арнаңызға жасалатын хакерлік, зиянкестік немесе бұзатын әрекеттердің алдын аласыз.

Ескертпе: аккаунтыңызға хакерлік әрекет жасалды деп ойласаңыз, оны қорғау туралы мәлімет алыңыз.

Secure Your YouTube Account

Күрделі құпия сөз жасап, ешкіммен бөліспеңіз.

Күрделі құпия сөз жасау

Күрделі құпия сөз жеке ақпаратыңызды қауіпсіз сақтауға көмектеседі және аккаунтыңызға басқа біреудің кіруіне жол бермейді.

Күрделі әрі қиын құпия сөз жасаңыз: ең кемі 8 таңба болуы керек. Ол әріптерден, сандардан және символдардан тұруға тиіс.

Қайталанбайтын құпия сөз жасаңыз: YouTube aккаунтыңыздың құпия сөзін басқа сайттарда пайдалануға болмайды. Басқа сайтта хакерлік әрекет жасалса, құпия сөзді YouTube аккаунтыңызға кіру үшін пайдалануы мүмкін.

Жеке ақпарат пен жалпы сөздерден бас тартыңыз: туған күніңіз сияқты жеке ақпаратты, "құпия сөз" сияқты жалпы сөздерді немесе "1234" сияқты жалпы өрнектерді пайдаланбаңыз.

Құпия сөзді хакерлерден қорғау

Google-ға тиесілі емес сайттарға құпия сөзіңізді енгізген кезде хабарландыру алу үшін Chrome-дағы Password Alert функциясын қосып қойыңыз. Мысалы, Google-дың атын жамылған сайтқа құпия сөзіңізді енгізген кезде, хабарландыру алып, YouTube аккаунтыңыздың құпия сөзін өзгерте аласыз.

Құпия сөздерді басқару

Password Manager қызметі күрделі, қайталанбайтын құпия сөздер жасауға және оларды басқаруға көмектеседі. Chrome-ның немесе басқа сенімді құпия сөз менеджерін пайдаланып көріңіз.

Кеңес: Google аккаунтыңызда сақталған қандай да бір құпия сөздің жария етілгенін, әлсіз немесе бірнеше аккаунт үшін қайта пайдаланылғанын анықтау үшін Құпия сөздерді тексеру функциясын пайдаланыңыз.

Аккаунтқа кіру ақпаратын ешқашан бөліспеңіз

Құпия сөздеріңізді ешкімге бермеңіз. YouTube құпия сөзіңізді ешқашан электрондық хат, хабар не телефон қоңырауы арқылы сұрамайды. YouTube ешқашан сәйкестендіру нөмірі, қаржы деректері немесе құпия сөз сияқты жеке ақпарат сұраған үлгі жібермейді.

Қауіпсіздік тексерісін жиі жасап тұрыңыз

Қауіпсіздік тексерісі бетіне өтіп, аккаунтыңызға қатысты жекелендірілген қауіпсіздік ұсыныстарын алыңыз және аккаунтыңыздың қауіпсіздігін арттыру үшін осы кеңестерді орындаңыз.

Аккаунтты қалпына келтіру опцияларын қосыңыз немесе жаңартыңыз.

Қалпына келтіру телефон нөмірі мен электрондық поштаны мына мақсатта пайдалануға болады:

• Аккаунтыңызды сіздің рұқсатыңызсыз пайдалануға блок қойыңыз.
• Аккаунтыңызда күдікті әрекет байқалған жағдайда хабарландыру алыңыз.
• Аккаунтыңыз құлыпталып қалса, қалпына келтіріңіз.

Қалпына келтіру телефон нөмірін немесе электрондық поштаны қосу немесе өзгерту жолы туралы мәлімет алыңыз.

2 сатылы растауды қосу

2 сатылы растау құпия сөзіңізді хакер ұрлаған жағдайда, аккаунтыңызға кіруіне жол бермеуге көмектеседі. Мына опцияларды пайдалануға болады:

• Қауіпсіздік кілттері (ең қауіпсіз растау қадамы)
• Google хабарлары (мәтіндік хабар кодтарына қарағанда қауіпсіз)
• Google Authenticator қолданбасы (интернет немесе мобильдік интернет көмегінсіз кодтар аласыз)

Қауіпсіздік кілттері ең сенімді растау опциясы болып табылады. Себебі олар мәтіндік хабар кодтарын пайдаланатын фишинг техникаларының алдын алуға көмектеседі.

Аккаунтыңыздың 2 сатылы растау функциясын қосыңыз.

Аккаунтыңыздағы күдікті адамдарды өшіріңіз

Аккаунтыңызды басқарып отырған адамды танымасаңыз, аккаунтыңызда хакерлік әрекет жасалған болуы мүмкін және басқа біреу бірдеңеге қол жеткізу мақсатында аккаунтыңызды иеленіп алған. Аккаунтыңыздың түріне қарай адамдарды өзгертуге немесе өшіруге болады.

• YouTube аккаунтына кіру рұқсатын өзгертіңіз немесе өшіріңіз
• Бренд аккаунтына кіру рұқсатын өзгертіңіз немесе өшіріңіз

Керек емес сайттар мен қолданбаларды өшіріңіз

YouTube аккаунтыңызды қорғау үшін белгісіз қолданбаларды немесе белгісіз дереккөздердегі қолданбаларды орнатпаңыз. Жалғанған аккаунттардағы керек емес қолданбаларды басқарыңыз және өшіріңіз.

Бағдарламалық құралды жаңартыңыз және аккаунттың cақтық көшірмесін жасаңыз

Браузеріңіз, операциялық жүйеңіз немесе қолданбаларыңыз ескірсе, бағдарламалық құрал хакерлерден қорғалмауы мүмкін. Бағдарламалық құралды жүйелі түрде жаңартып, аккаунтыңыздың сақтық көшірмесін жасап отырыңыз.

Күдікті хабарлар мен контенттен қорғаныңыз

Фишинг дегеніміз хакердің жеке ақпаратқа қол жеткізу үшін сенімді адамның атын жамылып, жасырынуы. Жеке ақпаратқа мыналар кіруі мүмкін:

• қаржы дерегі;
• жеке куәлік/әлеуметтік сақтандыру нөмірі;
• несиелік карта сандары.

Хакерлер электрондық хаттар, мәтіндік хабарлар немесе веб-беттерді пайдаланып, ұйымдардың, отбасы мүшелерінің немесе әріптестердің атын жамылуы мүмкін.

YouTube ешқашан құпия сөзіңізді, электрондық мекенжайларыңызды немесе аккаунтыңызға қатысты басқа ақпаратты сұрамайды. Біреу YouTube атынан сізге хабарласса, алданбаңыз.
 

Күдікті сұраулардан аулақ болыңыз

• Жеке немесе қаржы туралы ақпаратыңызды сұраған күдікті электрондық хаттарға, мәтіндік хабарларға, лездік хабарларға, веб беттерге немесе телефон қоңырауларына жауап бермеңіз.
• Сенімсіз веб-сайттардан немесе жіберушілерден келген электрондық хаттардағы, хабарлардағы, веб беттердегі сілтемелерді немесе қалқымалы терезелерді баспаңыз.
• YouTube электрондық хаттары тек @youtube.com немесе @google.com мекенжайларынан келеді.

_{Күдікті фишингтік электрондық хаттың мысалы}

Күдікті веб-беттерден аулақ болыңыз

Google Chrome және Search қызметтері күдікті контент пен қажетсіз бағдарламалық құрал туралы ескерту береді.

Chrome және Search қызметтеріндегі осындай ескертулерді басқару туралы мәлімет алыңыз.

Спам немесе фишинг туралы шағымдану

Фишингтен қорғану үшін құпия сөзіңізді myaccounts.google.com бетінен басқа бетке енгізбеңіз. YouTube-тен спам немесе фишинг болуы мүмкін бейнені көрсеңіз, шағым жіберіңіз. Оларды YouTube ұжымы тексереді. Спам және фишинг туралы қосымша ақпарат алу үшін Ұлттық киберқауіпсіздік альянсының сайтына өтіңіз.

Кеңес: фишинг тесті арқылы фишинг туралы толық ақпарат алыңыз.

Арна рұқсаттарын орнатыңыз және тексеріңіз

Автор болсаңыз, басқа біреуді Google аккаунтыңызға кіру рұқсатынсыз YouTube арнасын басқаруға шақыра аласыз. Басқа біреуді арнаға төмендегілер ретінде кіруге шақырыңыз:

• Басқарушы: басқаларды қосу немесе өшіру және арна мәліметтерін өзгерту мүмкіндігіне ие болады.
• Редактор: арнаның барлық мәліметін өзгерте алады.
• Көруші: арнаның барлық мәліметін көре алады (бірақ өзгерте алмайды).
• Көруші (шектеулі): арнаның табыс туралы ақпаратынан басқа барлық мәліметін көре алады (бірақ өзгерте алмайды).

Арна рұқсаттарын орнату және басқару туралы мәлімет алыңыз.

Ескертпе: бренд аккаунтыңыз болса, Google аккаунтыңызды және YouTube арнаңызды басқару үшін басқа біреуді шақыра аласыз. Бренд аккаунтыңыз бар-жоғын тексеріңіз және бренд аккаунтының рұқсаттарын басқару туралы мәлімет алыңыз.