1 નવેમ્બર, 2021થી, કમાણી કરનારા નિર્માતાઓએ તેમની YouTube ચૅનલ માટે YouTube Studio અથવા YouTube Studioના કન્ટેન્ટ મેનેજરને ઍક્સેસ કરવા માટે ઉપયોગમાં લીધેલા Google એકાઉન્ટ પર 2-પગલાંમાં ચકાસણી ચાલુ કરવી આવશ્યક છે. વધુ જાણો
તમારા YouTube એકાઉન્ટને સુરક્ષિત કરવાથી તમારા એકાઉન્ટ અથવા ચૅનલને હૅક, હાઇજૅક થતી અથવા તેમાં ચેડાં થતાં રોકવામાં સહાય મળે છે.
નોંધ: જો તમને લાગે કે તમારું એકાઉન્ટ હૅક કરવામાં આવ્યું છે, તો તેને સુરક્ષિત કરવાની રીત વિશે જાણો.
Secure Your YouTube Account
સશક્ત પાસવર્ડ બનાવો અને તેને સુરક્ષિત રાખો
સશક્ત પાસવર્ડ બનાવો
સશક્ત પાસવર્ડ તમને તમારી વ્યક્તિગત માહિતીને સુરક્ષિત રાખવામાં સહાય કરે છે અને અન્ય કોઈને તમારા એકાઉન્ટમાં પ્રવેશતા અટકાવે છે.
સશક્ત અને જટિલ પાસવર્ડ બનાવો: 8 અક્ષર અથવા તેથી વધુ અક્ષરનો ઉપયોગ કરો. તે અક્ષરો, નંબર અને પ્રતીકોનું કોઈપણ સંયોજન હોઈ શકે છે.
તમારો પાસવર્ડ અજોડ બનાવો: તમારા YouTube એકાઉન્ટના પાસવર્ડનો ઉપયોગ અન્ય સાઇટ પર કરશો નહીં. જો બીજી સાઇટ હૅક થઈ જાય, તો તમારા YouTube એકાઉન્ટમાં પ્રવેશ કરવા માટે પાસવર્ડનો ઉપયોગ થઈ શકે છે.
વ્યક્તિગત માહિતી અને સામાન્ય શબ્દો ટાળો: તમારા જન્મદિવસ જેવી વ્યક્તિગત માહિતી, "પાસવર્ડ" જેવા સામાન્ય શબ્દો અથવા "1234" જેવી સામાન્ય પૅટર્નનો ઉપયોગ કરશો નહીં.
તમારા પાસવર્ડને હૅકરથી સુરક્ષિત કરવો
તમારા પાસવર્ડ મેનેજ કરવા
તમારી સાઇન-ઇન માહિતી ક્યારેય શેર કરશો નહીં
નિયમિત સુરક્ષા તપાસ કરવી
તમારા એકાઉન્ટ માટે મનગમતા બનાવેલા સુરક્ષા સુઝાવો મેળવવા માટે, સુરક્ષા તપાસ પેજ પર જાઓ અને તમારા એકાઉન્ટને વધુ સુરક્ષિત બનાવવા માટે આ ટિપ અનુસરો.
એકાઉન્ટની રિકવરીના વિકલ્પો ઉમેરવા અથવા અપડેટ કરવા
- કોઈને તમારી પરવાનગી વિના તમારા એકાઉન્ટનો ઉપયોગ કરવાથી બ્લૉક કરવા
- જો તમારા એકાઉન્ટ પર શંકાસ્પદ પ્રવૃત્તિ જણાય, તો તમને અલર્ટ મોકલવા
- જો તમારું એકાઉન્ટ લૉક થઈ જાય, તો તેને રિકવર કરવા
2-પગલાંમાં ચકાસણીની સુવિધા ચાલુ કરો
- સિક્યુરિટી કી (ચકાસણી માટેનું સૌથી સુરક્ષિત પગલું)
- Googleના સંકેતો (ટેક્સ્ટ મેસેજ કોડ કરતાં વધારે સુરક્ષિત)
- Google Authenticator ઍપ્લિકેશન (ઇન્ટરનેટ અથવા મોબાઇલ ડેટા વિના કોડ પ્રાપ્ત કરો)
તમારા એકાઉન્ટમાંથી શંકાસ્પદ લોકોને કાઢી નાખવા
તમને જરૂર ન હોય તેવી સાઇટ અને ઍપ કાઢી નાખો
તમારા સૉફ્ટવેરને અપડેટ કરવું અને તમારા એકાઉન્ટનું બૅકઅપ લેવું
શંકાસ્પદ મેસેજ અને કન્ટેન્ટ સામે રક્ષણ મેળવવું
ફિશિંગ એ છે જ્યારે હૅકર વ્યક્તિગત માહિતી લેવા માટે પોતાનો વિશ્વાસપાત્ર વ્યક્તિ તરીકે છદ્મવેશ કરે છે. વ્યક્તિગત માહિતીમાં આનો સમાવેશ હોઈ શકે છે:
- નાણાકીય ડેટા
- રાષ્ટ્રીય ID/સામાજિક સુરક્ષા ક્રમાંક
- ક્રેડિટ કાર્ડ નંબર
હૅકર સંસ્થાઓ, કૂટુંબના સભ્યો અથવા સહકર્મીઓ હોવાનો ઢોંગ કરવા માટે ઇમેઇલ, ટેક્સ્ટ મેસેજ અથવા વેબપેજનો ઉપયોગ કરી શકે છે.
YouTube ક્યારેય તમને તમારા પાસવર્ડ, ઇમેઇલ ઍડ્રેસ અથવા અન્ય એકાઉન્ટ માહિતી માટે પૂછશે નહીં. જો કોઈ YouTube તરફથી હોવાનો ઢોંગ કરીને તમારો સંપર્ક કરે તો છેતરાશો નહીં.
- એવા શંકાસ્પદ ઇમેઇલ, ઇન્સ્ટન્ટ મેસેજ, વેબપેજ અથવા ફોન કૉલનો જવાબ આપશો નહીં કે જે તમારી વ્યક્તિગત અથવા નાણાકીય માહિતી પૂછતા હોય.
- અવિશ્વસનીય વેબસાઇટ અથવા મોકલનારના ઇમેઇલ, મેસેજ, વેબપેજ અથવા પૉપ-અપમાં આવતી લિંક પર ક્લિક કરશો નહીં.
- YouTube ઇમેઇલ માત્ર @youtube.com અથવા @google.com ઍડ્રેસથી આવે છે.
શંકાસ્પદ ફિશિંગ ઇમેઇલનું ઉદાહરણ
શંકાસ્પદ વેબપેજ ટાળવું
સ્પામ અથવા ફિશિંગની જાણ કરવી
તમારી ચૅનલ પર પરવાનગીઓ સેટ અને ચેક કરવી
જો તમે નિર્માતા હો, તો તમે તમારા Google એકાઉન્ટનો ઍક્સેસ આપ્યા વિના તમારી YouTube ચૅનલ મેનેજ કરવા માટે અન્ય કોઈને આમંત્રિત કરી શકો છો. કોઈ વ્યક્તિને આ તરીકે તેમની ચૅનલ ઍક્સેસ કરવા માટે આમંત્રિત કરો:
- મેનેજર: અન્ય લોકોને ઉમેરી અથવા કાઢી નાખી શકે છે અને ચૅનલની વિગતોમાં ફેરફાર કરી શકે છે.
- એડિટર: ચૅનલની બધી વિગતોમાં ફેરફાર કરી શકે છે.
- દર્શક: ચૅનલની બધી વિગતો જોઈ (પણ ફેરફાર ન કરી શકે) શકે છે.
- દર્શક (મર્યાદિત): આવકની માહિતી સિવાય, ચૅનલની બધી વિગતો જોઈ (પણ ફેરફાર ન કરી શકે) શકે છે.
તમારી ચૅનલની પરવાનગીઓ સેટ અને ચેક કરવાની રીત વિશે જાણો.
નોંધ: જો તમારી પાસે બ્રાંડ એકાઉન્ટ હોય, તો તમે તમારા Google એકાઉન્ટ અને તમારી YouTube ચૅનલ મેનેજ કરવા માટે કોઈ વ્યક્તિને આમંત્રિત કરી શકો છો. તમારી પાસે બ્રાંડ એકાઉન્ટ છે કે નહીં તે ચેક કરો અને બ્રાંડ એકાઉન્ટ પરવાનગીઓ મેનેજ કરવાની રીત વિશે જાણો.