Kudhibiti vizuizi katika maudhui yako

Vizuizi vinaweza kuwazuia watazamaji kutazama video zako au kuona Machapisho yako ya jumuiya. Vizuizi pia vinaweza kuathiri uchumaji wa mapato kupitia video unapokuwa umejiunga kwenye Mpango wa Washirika wa YouTube. Kwa mfano, video inaweza kuwa isiyofaa kwa watazamaji walio na umri wa chini ya miaka 18 au huenda kukawa na tatizo la hakimiliki ambalo halijatatuliwa.

Kuangalia vizuizi kwenye video yako

Programu ya Studio ya YouTube kwenye Android

1. Fungua programu ya Studio ya YouTube .
2. Kwenye Menyu ya chini, gusa Maudhui .
3. Kwenye kichupo cha Video, tafuta kisha uchague video iliyo na kizuizi. Ili uchuje video zako, gusa Chuja  kisha uchague vichujio vyako chini ya Vizuizi:
   1. Zinazolenga Watoto: Zinazolenga watoto (ulizobainisha), Zilizobainishwa kuwa zinalenga watoto (zilizobainishwa na YouTube), Zisizolenga watoto au Ambazo hazijabainishwa.
4. Katika Ukurasa wa maelezo, chagua Vizuizi ili upate muhtasari wa kizuizi cha video yako na hali ya ukaguzi.
   1. Kwa mipaka ya umri na ufaafu kwa matangazo, unaweza kukata rufaa. Kwa madai ya hakimiliki, unaweza kupinga dai.

Aina za vizuizi

Hakimiliki

Ikiwa umepakia video iliyo na maudhui yanayolindwa na hakimiliki, video yako inaweza kupata madai ya Content ID au onyo la hakimiliki.

Sheria na masharti na sera

Ikiwa video au chapisho lako limeondolewa, limewekewa mipaka au limefanywa kuwa la faragha na YouTube kwa sababu ya tatizo la sheria na masharti, utaona “Sheria na masharti” katika safu wima ya “Vizuizi”. Kwa mfano, unaweza kuona tatizo la sheria na masharti ikiwa:

• Video au chapisho lako lina maudhui yasiyofaa yanayokiuka Mwongozo wetu wa Jumuiya.
• Uliongeza idadi ya utazamaji wa video yako kwa njia bandia.
• Ulikiuka Sheria na Masharti ya YouTube.
• Video au chapisho lako lina tatizo linalohusiana na chapa ya biashara.
• Tumepokea malalamiko ya kisheria kuhusu video au chapisho lako.

Mipaka ya umri

Ikiwa video yako haifai kwa watazamaji walio chini ya umri wa miaka 18, inaweza kuchukuliwa kuwa maudhui yenye mipaka ya umri.

Inalenga watoto

Ikiwa hadhira ya maudhui yako imewekwa kuwa inalenga watoto, tutazuia vipengele fulani ili kutii sheria zinazotumika.

Ufaafu kwa matangazo

Ikiwa umejiunga kwenye Mpango wa Washirika wa YouTube na maudhui yako yametambuliwa kama yasiyofaa kwa watangazaji wengi, video yako inaweza kuonyesha matangazo machache au isionyeshe tangazo lolote.