Pata maelezo kuhusu mipangilio ya maoni

Unaweza kuchagua kushikilia baadhi ya maoni kabla hayajaonyeshwa kwenye video au chaneli yako. Pata maelezo kuhusu jinsi ya kubadilisha mipangilio yako ya maoni.

Mipangilio ya maoni kwenye video

Unaweza kuchagua kuwasha, kusitisha au kuzima kipengele cha maoni kwenye video mahususi. Ukiwasha kipengele cha maoni, unaweza kuamua ni yapi, ikiwa yapo, yatashikiliwa au uwaruhusu wanaofuatilia na wanachama pekee kutoa maoni.

Kuwasha

Unapochagua Kuwasha kipengele cha maoni, pia utakuwa na chaguo la kuteua ikiwa yatashikiliwa. Unaweza kugusa menyu kunjuzi ya Udhibiti wa maoni ili uangalie chaguo zako:

• Kutoshikilia: Usishikilie maoni yoyote.
• Kushikilia kwa kawaida: Shikilia maoni ambayo huenda hayafai.
• Kushikilia Madhubuti: Shikilia aina nyingi za maoni ambayo huenda hayafai.
• Kushikilia maoni yote: Shikilia maoni yote.

Kidokezo: Ikiwa kuna maneno au sentensi ambazo ungependa kushikilia, ziweke kwenye orodha yako ya maneno yaliyozuiwa.

Maoni yaliyoshikiliwa:

• Huhifadhiwa kwenye Studio ya YouTube kwa hadi siku 60.
• Hayaonekani kwa umma, isipokuwa ukiyaidhinisha.
• Hupatikana ili yakaguliwe katika lugha zaidi ya 100.

Unaweza pia kuchagua kudhibiti wanaoweza kutoa maoni kuwa wanaofuatilia na wanachama wanaolipia pekee wa chaneli yako. Baada ya kuwasha maoni yako, gusa menyu kunjuzi ya Ni nani anayeweza kutoa maoni kisha uchague Wanaofuatilia na wanachama. Kisha unaweza kuweka muda wa chini zaidi wa usajili kwa kugusa menyu kunjuzi ya Muda wa chini zaidi wa usajili. Chaguo ni: Muda wowote, saa 1, siku 1 na wiki 1.

Kumbuka: Kipengele cha kudhibiti maoni kwa wanachama na wanaofuatilia hakipatikani katika kiwango cha chaneli. Ili utumie mipangilio hii kwenye video nyingi kwa wakati mmoja, pata maelezo zaidi kuhusu kuhariri vipengee vingi.

Kusitisha

Unapoteua chaguo la Sitisha, utahifadhi maoni yako yaliyopo, lakini hutapokea tena mengine kwenye video hiyo hadi utakapowasha tena kipengele cha maoni.

Unaweza kuchagua kusitisha maoni kwa sababu mbalimbali. Kwa mfano, huenda ukahitaji muda zaidi wa kukagua ongezeko la ghafla la maoni kwenye video, bila kupokea maoni mapya. Ikiwa ungependa kuanza kupokea maoni mapya tena, unaweza Kuwasha kipengele cha maoni wakati wowote.

Kuzima

Unapochagua Kuzima kipengele cha maoni, watazamaji hawawezi kutoa maoni kwenye video. Wataona ujumbe unaowafahamisha kwamba kipengele cha maoni kimezimwa.

Mipangilio ya maoni ya kiwango cha chaneli

Watumiaji waliofichwa

Unaweza kuchagua kuficha maoni ya watoa maoni mahususi kwenye video zote katika chaneli yako.

Pata maelezo kuhusu jinsi ya kuficha maoni kutoka chaneli mahususi.

Kumbuka: Watumiaji waliofichwa pia hawataweza kutayarisha klipu za mtiririko mubashara na video zako.

Watumiaji walioidhinishwa

Maoni ya watumiaji hawa huchapishwa kiotomatiki na hayatachujwa ili kubaini viungo vilivyozuiwa, maneno yaliyozuiwa au maudhui ambayo huenda hayafai.

Watumiaji hawa pia wataweza kutuma ujumbe katika gumzo la moja kwa moja wakati hali ya washiriki kutuma maoni mubashara imewashwa.

Maneno yaliyozuiwa

Unaweza kuweka orodha ya maneno na sentensi ambazo hungependa zionekane katika maoni kwenye orodha zako za maneno yaliyozuiwa.

Maoni yaliyo na maneno haya au yanayolingana kwa karibu nayo yanaweza kushikiliwa kwa hadi siku 60, isipokuwa kama yametolewa na mtu aliye kwenye orodha ya watumiaji uliowaidhinisha. Ujumbe wa gumzo la moja kwa moja ulio na maneno haya au unaolingana kwa karibu nayo pia utazuiwa.

Unaweza kukagua na kuidhinisha maoni yaliyo na maneno yaliyozuiwa kwenye ukurasa wako wa Maoni katika kichupo cha “Yaliyoshikiliwa”.

Pata maelezo kuhusu jinsi ya kuweka maneno yaliyozuiwa kwenye Studio ya YouTube.

Kumbuka: Maneno yaliyozuiwa pia hayataweza kutumiwa wakati wa kutayarisha klipu za mtiririko mubashara na za video zako.

Maoni yaliyozuiwa ambayo yana viungo

Unaweza kushikilia maoni yaliyo na URL ili yakaguliwe.

Pata maelezo kuhusu jinsi ya kuzuia maoni yenye viungo kwenye Studio ya YouTube.

Maoni yenye viungo hayazuiwi ikiwa yamechapishwa nawe, wadhibiti au watumiaji uliowaidhinisha.

Ujumbe wa gumzo la moja kwa moja ulio na URL utazuiwa pia.

Unaweza kukagua na kuidhinisha maoni yenye alama za reli na viungo kwenye ukurasa wako wa Maoni, katika kichupo cha “Yaliyoshikiliwa” kwa hadi siku 60.

Mipangilio chaguomsingi ya maoni

Unaweza kutumia mipangilio sawa ya maoni kwenye video zote mpya unazopakia. Hatua ya kubadilisha mipangilio yako chaguomsingi kwenye video mpya unazopakia haitaathiri video zilizopo.

Unaweza kuchagua mipangilio tofauti ya maoni kwenye video mahususi baada ya kuzipakia. Pata maelezo kuhusu jinsi ya kubadilisha mipangilio yako chaguomsingi ya maoni kwenye video mpya.

Maswali Yanayoulizwa Sana kuhusu mipangilio ya maoni

Ninaweza kuzuia maneno, viungo au watumiaji fulani kwenye video moja mahususi?

Hapana. Mipangilio ya watumiaji waliofichwa, maneno yaliyozuiwa na kuzuia viungo hutumiwa kiotomatiki kwenye video zote na kwenye ukurasa wa kwanza wa chaneli yako. Mabadiliko unayofanya kwenye mipangilio yako yanaweza pia kutumika kwenye video mpya na zilizopo.

Kumbuka: Mabadiliko unayofanya kwenye mipangilio yako ya maoni hutumika tu kwenye video mpya.

Ninaweza kukagua maoni kutoka kwa watumiaji waliofichwa?

Hapana, Maoni kutoka kwa watumiaji waliofichwa hayaonyeshwi kwenye Studio ya YouTube.

Ninaweza kukagua maoni yaliyozuiwa kutokana na viungo au maneno mahususi?

Ndiyo. Unaweza kukagua na kuidhinisha maoni yenye viungo au maneno yaliyozuiwa kwenye ukurasa wako wa Maoni, katika kichupo cha “Yaliyoshikiliwa” kwa hadi siku 60.

Je, maoni yangu ya zamani yatarejeshwa nikizima kisha niwashe tena kipengele cha maoni?

Ndiyo. Ukizima kipengele cha maoni kisha ukiwashe tena, maoni yaliyopo yataonekana tena.

Ukizima kipengele cha maoni, maoni yaliyopo hayawezi kuonekana kwenye ukurasa wa kutazama au kwenye Studio ya YouTube.

Je, maoni yaliyopo na yajayo yataathiriwa nikibadilisha mipangilio yangu?

Mabadiliko kwenye mipangilio ya kiwango cha chaneli, video pamoja na maneno yaliyozuiwa, watumiaji waliofichwa na viungo vilivyozuiwa, yote yatatumika katika maoni yajayo.

Maoni yaliyopo yataathiriwa tu iwapo:

• Utazima kipengele cha maoni kwenye video. Kikizimwa, hutaona maoni yaliyopo hadi utakapokiwasha tena.
• Utamficha mtumiaji. Ukimficha mtumiaji, maoni aliyoweka hayataonekana kwenye video zako zozote.

Ni maoni gani yanashikiliwa katika hali ya Kushikilia kwa Kawaida na Kushikilia kwa Kina Zaidi?

Kuchagua udhibiti wa Kawaida wa maoni kutashikilia maoni kwenye Studio ya YouTube ambayo yanaweza kuwa taka, yanayojitangaza, yasiyoeleweka au ambayo huenda hayafai. Maoni haya yatachapishwa tu iwapo utayaidhinisha.

Ukihitaji kiwango cha juu cha ulinzi kwenye chaneli yako, kuchagua udhibiti Madhubuti wa maoni kutaongeza idadi ya maoni yaliyoshikiliwa.

Kwa kuwa mipangilio hii hutumia AI kutambua maoni yanayotakiwa kushikiliwa, huenda isiwe sahihi kila wakati. Wamiliki wa chaneli wanaweza kuchagua kupuuza, kuondoa au kuidhinisha maoni yanayoonekana kwenye video zao.

Unaweza kutoa maoni moja kwa moja kwenye bidhaa unapokagua maoni katika Studio ya YouTube kwa kuchagua Tuma maoni.

Huenda usahihi na idadi ya maoni yanayotambuliwa na mipangilio hii vikabadilika tunapojitahidi kuboresha mifumo yetu kadiri muda unavyosonga.

Njia za mkato za kutafutia ni nini na je, ninaweza kuziondoa?

Wanaposoma maoni, watumiaji wanaweza kuona maneno fulani muhimu yaliyoandikwa kwa maandishi ya bluu. Wanaweza kubofya maneno haya muhimu, yanayoitwa "njia za mkato za utafutaji," ili watafute neno husika kwenye YouTube. YouTube huweka kiotomatiki njia za mkato za kutafutia kwenye video mahususi na huwezi kuziweka, kuzirekebisha au kuziondoa.