ທ່ານສາມາດເຊື່ອງຜູ້ຊົມສະເພາະໃດໜຶ່ງຈາກຜູ້ຊົມທີ່ເຫຼືອຂອງຊ່ອງທ່ານ.
ການເຊື່ອງບຸກຄົນໃດໜຶ່ງໝາຍຄວາມວ່າຄໍາເຫັນຂອງເຂົາເຈົ້າຈະບໍ່ສະແດງຢູ່ຊ່ອງຂອງທ່ານ, ຮວມທັງໜ້າ ຄໍາເຫັນ ຂອງທ່ານໃນ YouTube Studio. ນອກຈາກນັ້ນ, ມັນຍັງປ້ອງກັນບໍ່ໃຫ້ເຂົາເຈົ້າ ສ້າງຄລິບຈາກວິດີໂອ ຫຼື ການຖ່າຍທອດສົດຂອງທ່ານ.
ເພື່ອລາຍງານການລະເມີດ, ການຂົ່ມຂູ່, ເນື້ອຫາທີ່ບໍ່ເໝາະສົມ ຫຼື ການຮ້ອງຮຽນເລື່ອງຄວາມເປັນສ່ວນຕົວ, ກະລຸນາເຂົ້າເບິ່ງ ສູນຄວາມປອດໄພ.
ເຊື່ອງຜູ້ໃຊ້
ເພື່ອເຊື່ອງບຸກຄົນໃດໜຶ່ງຈາກຊ່ອງຂອງທ່ານ, ໃຫ້ປະຕິບັດດັ່ງນີ້:
- ເຂົ້າສູ່ລະບົບ YouTube.
- ຊອກຫາຄຳເຫັນທີ່ຜູ້ໃຊ້ໂພສໄວ້ໃນຊ່ອງ ຫຼື ວິດີໂອຂອງທ່ານ.
- ຖັດຈາກຄຳເຫັນ, ໃຫ້ເລືອກ ເພີ່ມເຕີມ ເຊື່ອງຜູ້ໃຊ້ຈາກຊ່ອງ .
ເຊື່ອງຜູ້ໃຊ້ໃນ YouTube Studio
ເພື່ອເຊື່ອງບຸກຄົນໃດໜຶ່ງຈາກຊ່ອງຂອງທ່ານໃນ YouTube Studio, ໃຫ້ປະຕິບັດດັ່ງນີ້:
- ຊອກຫາ URL ຂອງຊ່ອງ ຂອງຜູ້ໃຊ້ຈາກໜ້າຫຼັກຂອງຊ່ອງຂອງເຂົາເຈົ້າ.
- ເຂົ້າໄປ YouTube Studio.
- ຈາກເມນູຊ້າຍ, ໃຫ້ເລືອກ ການຕັ້ງຄ່າ ຊຸມຊົນ.
- ພາຍໃຕ້ພາກສ່ວນ “ຕົວກັ່ນຕອງອັດຕະໂນມັດ”, ໃຫ້ວາງ URL ຂອງຊ່ອງໃນກ່ອງ “ຜູ້ໃຊ້ທີ່ຖືກເຊື່ອງໄວ້”.
- ເລືອກ ບັນທຶກ.
ຊອກຫາຜູ້ທີ່ທ່ານເຊື່ອງໄວ້
ລາຍຊື່ຜູ້ຊົມທີ່ທ່ານເຊື່ອງໄວ້ແມ່ນມີໃຫ້ໃນ YouTube Studio. ເພື່ອຊອກຫາລາຍຊື່, ໃຫ້ປະຕິບັດດັ່ງນີ້:
- ເຂົ້າສູ່ລະບົບ YouTube Studio.
- ຈາກເມນູຊ້າຍ, ໃຫ້ເລືອກ ການຕັ້ງຄ່າ ຊຸມຊົນ.
- ພາຍໃຕ້ພາກສ່ວນ “ຕົວກັ່ນຕອງອັດຕະໂນມັດ”, ໃຫ້ກວດສອບຜູ້ໃຊ້ທີ່ທ່ານເຊື່ອງໄວ້ໃນກ່ອງ “ຜູ້ໃຊ້ທີ່ຖືກເຊື່ອງໄວ້”.
ສະແດງຜູ້ໃຊ້
ທ່ານສາມາດລຶບບຸກຄົນໃດໜຶ່ງອອກຈາກລາຍຊື່ “ຜູ້ໃຊ້ທີ່ຖືກເຊື່ອງ” ເພື່ອສະແດງຄໍາເຫັນໃໝ່ຂອງເຂົາເຈົ້າ. ເພື່ອສະແດງຜູ້ໃຊ້ບາງຄົນ, ໃຫ້ປະຕິບັດດັ່ງນີ້:
- ເຂົ້າສູ່ລະບົບ YouTube Studio.
- ຈາກເມນູຊ້າຍ, ໃຫ້ເລືອກ ການຕັ້ງຄ່າ ຊຸມຊົນ.
- ໃນກ່ອງ “ຜູ້ໃຊ້ທີ່ຖືກເຊື່ອງໄວ້”, ໃຫ້ຊອກຫາຜູ້ໃຊ້ທີ່ທ່ານຕ້ອງການສະແດງ.
- ເລືອກ ລຶບອອກ ຖັດຈາກຊື່ຂອງຜູ້ໃຊ້ຄົນດັ່ງກ່າວ.
- ເລືອກ ບັນທຶກ.
ສຶກສາເພີ່ມເຕີມກ່ຽວກັບການເຊື່ອງຜູ້ໃຊ້
ຈະເກີດຫຍັງຂຶ້ນເມື່ອທ່ານເຊື່ອງບຸກຄົນໃດໜຶ່ງ?
ລະບົບຈະເຊື່ອງຄຳເຫັນກ່ອນໜ້າທັງໝົດທີ່ມາຈາກຊ່ອງນັ້ນໃນວິດີໂອຂອງທ່ານພາຍໃນ 48 ຊົ່ວໂມງ.
ຫາກທ່ານເຊື່ອງບຸກຄົນໃດໜຶ່ງ, ລະບົບຈະສົ່ງການແຈ້ງເຕືອນໃຫ້ບຸກຄົນດັ່ງກ່າວຫຼືບໍ່?
ບໍ່. ຖ້າທ່ານເຊື່ອງບຸກຄົນໃດໜຶ່ງ, ເຂົາເຈົ້າຈະບໍ່ໄດ້ຮັບການແຈ້ງເຕືອນ.
ຈະເກີດຫຍັງຂຶ້ນເມື່ອທ່ານສະແດງບຸກຄົນໃດໜຶ່ງ?
ຄຳເຫັນໃດໜຶ່ງໃນອະນາຄົດຈາກຊ່ອງຈະສະແດງໃນວິດີໂອຂອງທ່ານ ແລະ ໃນ YouTube Studio.
ຄໍາເຫັນຜ່ານມາຈາກບຸກຄົນນັ້ນຢູ່ວິດີໂອຂອງທ່ານຈະຍັງຄົງຖືກເຊື່ອງໄວ້.