Super Chat ແລະ Super Stickers: ການຕັ້ງຄ່າ ແລະ ເຄັດລັບສໍາລັບການໃຊ້ພວກມັນ
ເກນເງື່ອນໄຂ
ເພື່ອໃຫ້ມີສິດໃຊ້ Super Chat ແລະ Super Stickers, ຕ້ອງກວດສອບໃຫ້ໝັ້ນໃຈວ່າທ່ານມີຄຸນສົມບັດກົງຕາມ ຂໍ້ກຳນົດຂັ້ນຕ່ຳສຳລັບຄຸນສົມບັດການລະດົມທຶນຈາກແຟນໆ ກ່ອນ. ຈາກນັ້ນຢືນຢັນວ່າທ່ານມີຄຸນສົມບັດກົງຕາມເກນອື່ນໆສຳລັບ Super Chat ແລະ Super Stickers ທີ່ລະບຸໄວ້ດັ່ງລຸ່ມນີ້:
- ທ່ານອາໄສຢູ່ໜຶ່ງໃນ ສະຖານທີ່ທີ່ພ້ອມໃຫ້ບໍລິການ.
- ທ່ານ (ແລະ ເຄືອຂ່າຍຫຼາຍຊ່ອງຂອງທ່ານ) ໄດ້ຍອມຮັບ ແລະ ປະຕິບັດຕາມຂໍ້ກໍານົດ ແລະ ນະໂຍບາຍຂອງພວກເຮົາ (ຮວມເຖິງຂໍ້ບັງຄັບຜະລິດຕະພັນທາງການຄ້າທີ່ກ່ຽວຂ້ອງ).
ຂໍ້ກໍານົດຂອງວິດີໂອແຕ່ລະລາຍການ
Super Chat ແລະ Super Stickers ແມ່ນບໍ່ມີໃຫ້ນໍາໃຊ້ກັບວິດີໂອປະເພດຕໍ່ໄປນີ້:
- ຈຳກັດອາຍຸ
- ບໍ່ໄດ້ຈັດເຂົ້າໃນລາຍການ
- ສ່ວນຕົວ
- ສ້າງມາສຳລັບເດັກນ້ອຍ
- ດ້ວຍການລະດົມທຶນຂອງ YouTube Giving
Super Chat ແລະ Super Stickers ຈະບໍ່ພ້ອມໃຫ້ບໍລິການຫາກປິດການສົນທະນາສົດ ຫຼື ການສະແດງຄຳເຫັນໄວ້.
ຫາກທ່ານມີສິດເຂົ້າເຖິງ, ແຖບ ຫຼື ບັດ Supers ຈະປາກົດໃນພາກສ່ວນ ສ້າງລາຍໄດ້ ຂອງ YouTube Studio.
ຕອນນີ້ຜູ້ສ້າງທີ່ມີສິດຈະສາມາດໃຊ້ Super Chat ແລະ Super Stickers ໄດ້ໃນສະຖານທີ່ຕໍ່ໄປນີ້:
|
|
ນະໂຍບາຍຂອງ Super Chat ແລະ Super Stickers
Super Chat ແລະ Super Stickers ແມ່ນຄຸນສົມບັດການລະດົມທຶນຈາກແຟນໆ. ດັ່ງນັ້ນ, ຜູ້ສ້າງທີ່ເຂົ້າຮ່ວມ (ແລະ ເຄືອຂ່າຍຫຼາຍຊ່ອງຂອງເຂົາເຈົ້າ) ຈະຕ້ອງປະຕິບັດຕາມ ນະໂຍບາຍທັງໝົດທີ່ໃຊ້ກັບຄຸນສົມບັດການລະດົມທຶນຈາກແຟນໆໃນ YouTube.
Super Chat ແລະ Super Stickers ທີ່ຜູ້ຊົມສົ່ງຕ້ອງເປັນໄປຕາມ ຂໍ້ແນະນຳຊຸມຊົນ, ເຊັ່ນດຽວກັບເນື້ອຫາອື່ນໆທັງໝົດຢູ່ YouTube. ຫາກ Super Chat ຫຼື Super Sticker ຖືກກວດກາ ແລະ ລຶບອອກ ເນື່ອງຈາກການລະເມີດນະໂຍບາຍຂອງພວກເຮົາ, YouTube ຈະບໍລິຈາກລາຍໄດ້ສ່ວນໜຶ່ງຂອງພວກເຮົາໃຫ້ກັບການກຸສົນ.
ນອກຈາກນັ້ນ, ທ່ານຕ້ອງສືບຕໍ່ປະຕິບັດຕາມກົດໝາຍທັງໝົດທີ່ກ່ຽວຂ້ອງຕາມກໍານົດໂດຍ ຂໍ້ກຳນົດບໍລິການ ຂອງ YouTube. ເງິນທີ່ທ່ານໄດ້ຮັບຈາກ Super Chats ແລະ Super Stickers ອາດມີການຈັດການແຕກຕ່າງກັນໄປຕາມກົດໝາຍທີ່ບັງຄັບໃຊ້ກັບທ່ານ ແລະ ກິດຈະກຳຂອງທ່ານ. ກະລຸນາຮັບຊາບວ່າ Super Chat ແລະ Super Stickers ບໍ່ແມ່ນເຄື່ອງມືສຳລັບການລະດົມທຶນ ຫຼື ການບໍລິຈາກ. ທ່ານມີຄວາມຮັບຜິດຊອບທີ່ຈະຕ້ອງສ້າງຄວາມເຂົ້າໃຈ ແລະ ປະຕິບັດຕາມກົດໝາຍທີ່ກ່ຽວຂ້ອງທັງໝົດຢ່າງເຄັ່ງຄັດ ເຊິ່ງບໍ່ວ່າທ່ານຈະສາມາດເປີດໃຊ້, ຍື່ນຂໍ້ສະເໜີ, ສົ່ງ ແລະ ຮັບເງິນຈາກ Super Chat ແລະ Super Stickers ໄດ້ຫຼືບໍ່ກໍຕາມ.