Монетизация функциялары
Пайда табудың қандай жолдары бар?
Функцияларды пайдалану мүмкіндігі жазылушыларыңыздың санына және қандай келісімшарт модульдерін қабылдағаныңызға байланысты өзгеруі мүмкін. Біздің әртүрлі функцияларымыз бен олардың жарамдылық талаптары туралы толық ақпарат алыңыз.
Мен барлық талапты орындадым, бірақ неге қажетті функция қосылмай тұр?
Арнаңызда белгілі бір функцияны қосу туралы шешім біздің мамандар тексерісінен кейін қабылданады. Кейбір функциялар жергілікті заңнамаға байланысты қолжетімді болмауы мүмкін. Сондай-ақ бұл функцияға сіздің еліңізде немесе тіліңізде қолдау көрсетілмеуі мүмкін. Кейбір монетизация функцияларын пайдалану үшін тиісті келісімді қабылдау керек.
Монетизация белгішесі мен апелляциялық бейнелер
Белгішелер не үшін қажет?
Жалпы белгішелер бейненің монетизация күйі туралы ақпарат береді. Монетизация белгішесі мен оның сіздің табысыңызға тигізетін әсері туралы толық ақпарат алыңыз.
Сары белгіше бойынша апелляция жібере аламын ба?
Контентіңіздің жарнамаға қолайлы контент туралы қағидаларға және берілген мысалдарға сәйкестігін тексере аласыз. Контентіңіз жарнамадан табыс табудың барлық талабына сәйкес келсе, апелляция беріңіз.
Монетизацияны пайдалану рұқсаты
Арна монетизация талаптарына сай болмаса, не болады?
Мұндай жағдайда арнаның монетизацияны пайдалану рұқсаты сақталады. Дегенмен YouTube кейде өз қалауы бойынша арналардан монетизация мүмкіндігін өшіре алады. Мұндай жағдай автор кем дегенде 6 ай бойы бейне жүктеп салмаса немесе пост жарияламаса орын алуы мүмкін.
Сондай-ақ YouTube арналарын монетизациялау саясаттарының кез келгені бұзылса, жазылушылар санына, көру ұзақтығына немесе баршаға ашық Shorts бейнелерінің көру санына қарамастан монетизацияны өшіреміз.
Монетизацияны пайдалану рұқсатынан айырылсам, не болады?
Арнаңыздың монетизацияға қатысты талаптарға сәйкес келмейтінін анықтасақ, байланысты құралдар мен функцияларды пайдалану рұқсатынан айырыласыз.
Егер арнаңыздан монетизация мүмкіндігі саясаттың бұзылуына байланысты өшірілсе, YouTube Studio-ның "Монетизация" бөліміндегі ережелерді қарап шығыңыз. Содан кейін бейнелеріңіздің YouTube арналарын монетизациялау саясаттарына және Қауымдастық қағидаларына сәйкестігін тексеріңіз. Келесі қадам — саясаттарымызды бұзатын бейнелерді өзгерту немесе жою.
YouTube-ке түпнұсқа контенттерді жүктеп салып, көрермен жинауды жалғастырыңыз. Арнаңыздың YouTube Partner Program бағдарламасына қатысуы уақытша тоқтатылса, шешімге 21 күн ішінде апелляция беруге немесе 90 күннен кейін бағдарламаға қатысуға қайта өтініш беруге болады.
Басқа сұрақтар
Монетизация күйі бейнелердің іздеу нәтижелерінде көрінуіне әсер ете ме?
Жоқ. Монетизация күйі бейнелердің YouTube-те көрінуіне әсер етпейді. Монетизация және оның іздеу және іріктеу алгоритмдерімізбен қалай жұмыс істейтіні туралы толық ақпарат алыңыз.
Сұрағыма жауап таба алмай жатырмын. Не істеуге болады?
Арнаңызда монетизация қосулы болса, авторларға қолдау көрсету ұжымына хабарласуыңызға болады. Көмек алу туралы ақпарат алыңыз.