ພວກເຮົາຕ້ອງການໃຫ້ຜູ້ສ້າງມີຄວາມມ່ວນຊື່ນຢ່າງຕໍ່ເນື່ອງ ແລະ ສ້າງສັນ, ແຕ່ພວກເຮົາຂໍໃຫ້ທ່ານປະຕິບັດຕາມ ຂໍ້ແນະນໍາຊຸມຊົນຂອງພວກເຮົາ. ທ່ານຄວນຄຳນຶງສະເໝີກ່ຽວກັບເນື້ອຫາທີ່ທ່ານໂພສອອນລາຍ ແລະ ຂໍການອະນຸຍາດກ່ອນທີ່ທ່ານຈະອັບໂຫລດວິດີໂອທີ່ມີຄົນອື່ນໃສ່ YouTube.
ທຸກຄົນທີ່ໂພສເນື້ອຫາທີ່ມີເດັກນ້ອຍຈະຕ້ອງປະຕິບັດຕໍ່ໄປນີ້:
- ເຄົາລົບຄວາມເປັນສ່ວນຕົວ. ຮັບການຍິນຍອມເຫັນດີຈາກພໍ່ແມ່ຂອງເດັກນ້ອຍ ຫຼື ຜູ້ປົກຄອງຕາມກົດໝາຍກ່ອນທີ່ສະແດງພາບຂອງພວກເຂົາໃນວິດີໂອຂອງທ່ານ. ກວດສອບໃຫ້ແນ່ໃຈວ່າການມີສ່ວນຮ່ວມຂອງເຂົາເຈົ້າໃນວິດີໂອຂອງທ່ານແມ່ນມາຈາກຄວາມສະໝັກໃຈ.
- ກວດກາຄໍາເຫັນຂອງຜູ້ໃຊ້ໃນວິດີໂອຂອງທ່ານ. ມີ ເຄື່ອງມືຕ່າງໆ ທີ່ເປັນຂອງທ່ານເພື່ອກັ່ນຕອງ ແລະ ກວດສອບຄໍາເຫັນ ແລະ ທ່ານສາມາດ ໝາຍທຸງ ໃສ່່ຄໍາເຫັນໃຫ້ພວກເຮົາສໍາລັບສະແປມ ຫຼື ການລະເມີດໄດ້ຢູ່ສະເໝີ.
- ຈັດການ ຄວາມເປັນສ່ວນຕົວ ຂອງວິດີໂອຂອງທ່ານ ແລະ ຝັງເຂົ້າໄປໃນ ການຕັ້ງຄ່າ. ທ່ານມີທາງເລືອກຫຼາຍຢ່າງທີ່ຈະຄວບຄຸມຜູ້ທີ່ສາມາດເບິ່ງວິດີໂອຂອງທ່ານໄດ້ ແລະ ວິທີການອອກສູ່ເວັບໄຊຂ້າງນອກ.
ກະລຸນາກວດສອບໃຫ້ແນ່ໃຈວ່າທ່ານເຂົ້າໃຈ ແລະ ປະຕິບັດຕາມກົດໝາຍ. ທ່ານຕ້ອງປະຕິບັດຕາມກົດໝາຍ, ກົດລະບຽບ ແລະ ຂໍ້ບັງຄັບທັງໝົດທີ່ກ່ຽວຂ້ອງກັບການປະຕິບັດທີ່ມີເດັກນ້ອຍ. ບາງຂົງເຂດທີ່ທ່ານຄວນຈະຕ້ອງຮູ້ແມ່ນ:
- ການອະນຸຍາດ: ກວດເບິ່ງກົດໝາຍ ແລະ ຂໍ້ບັງຄັບໃຊ້ໃນທ້ອງຖິ່ນເພື່ອຊອກຫາວ່າຫາກມີເດັກນ້ອຍຢູ່ໃນວິດີໂອຂອງທ່ານຈຳເປັນຕ້ອງມີໃບອະນຸຍາດ, ການລົງທະບຽນ ຫຼື ໃບອະນຸຍາດເຮັດວຽກຫຼືບໍ່. ນອກຈາກນັ້ນ ທ່ານຍັງຄວນຮູ້ອີກວ່າທ່ານຈຳເປັນຕ້ອງມີໃບອະນຸຍາດ ຫຼື ການອະນຸຍາດວ່າຈ້າງເດັກນ້ອຍຫຼືບໍ່.
- ຄ່າຈ້າງ/ການແບ່ງປັນລາຍໄດ້: ທ່ານຕ້ອງປະຕິບັດຕາມກົດໝາຍທີ່ກ່ຽວຂ້ອງກ່ຽວກັບການຈ່າຍເງິນໃຫ້ກັບເດັກນ້ອຍສໍາລັບການເຮັດວຽກຂອງພວກເຂົາ. ໃນບາງກໍລະນີ, ທ່ານອາດຈະຕ້ອງຈ່າຍຄ່າຈ້າງໃຫ້ເດັກນ້ອຍ. ໃນກໍລະນີອື່ນ, ທ່ານອາດຈໍາເປັນຕ້ອງໃຫ້ສ່ວນແບ່ງຂອງລາຍໄດ້ທີ່ທ່ານໄດ້ຈາກວິດີໂອດັ່ງກ່າວໃຫ້ກັບເດັກນ້ອຍໂດຍກົງ ຫຼື ກຳນົດສ່ວນແບ່ງທີ່ໄດ້ຮັບການປ້ອງກັນສໍາລັບເດັກນ້ອຍ.
- ໂຮງຮຽນ ແລະ ການສຶກສາ: ການມີສ່ວນຮ່ວມຂອງເດັກນ້ອຍໃນເນື້ອຫາຂອງທ່ານຕ້ອງສອດຄ່ອງກັບກົດໝາຍທີ່ກ່ຽວຂ້ອງທັງໝົດເພື່ອປົກປ້ອງການລົບກວນການຮຽນ ແລະ ການສຶກສາທີ່ພຽງພໍ.
- ສະພາບແວດລ້ອມການເຮັດວຽກ, ຊົ່ວໂມງ ແລະ ເວລາພັກຜ່ອນ: ສະພາບແວດລ້ອມການເຮັດວຽກຈະຕ້ອງປອດໄພສໍາລັບເດັກນ້ອຍ. ພວກເຂົາຕ້ອງມີເວລາສໍາລັບການພັກຜ່ອນ, ການສຶກສາ ແລະ ການພັກຜ່ອນຢ່ອນໃຈໃນແຕ່ລະມື້. ເດັກນ້ອຍບໍ່ຄວນເຮັດວຽກໃນຕອນກາງຄືນ. ນອກຈາກນັ້ນ ທ່ານຄວນປະຕິບັດຕາມກົດໝາຍທ້ອງຖິ່ນທັງໝົດກ່ຽວກັບເວລາເຮັດວຽກ ແລະ ການຈໍາກັດຊົ່ວໂມງເຮັດວຽກທຸກມື້/ທຸກອາທິດ.