წესები გარე ბმულების შესახებ

ბმულები, რომლებიც მომხმარებლებს ამისამართებს კონტენტზე, რომელიც ჩვენს საზოგადოების წესდებას არღვევს, დაუშვებელია YouTube-ზე. თუ აღმოაჩენთ კონტენტს, რომელიც არღვევს ამ წესებს, გადმოგზავნეთ მოხსენება მის შესახებ. შენიშვნა: ზოგიერთი ბმული შეიძლება არ იყოს დასაწკაპუნებელი. შეიტყვეთ მეტი აქ.

რას ნიშნავს ეს წესები

თუ აქვეყნებთ კონტენტს

არ გამოაქვეყნოთ ბმულები YouTube-ზე, თუ ისინი მომხმარებელს ამისამართებს კონტენტზე, რომელიც არღვევს ჩვენს საზოგადოების წესდებას. ეს წესები ვრცელდება ბმულებზე, რომლებიც ქვემოთ მოცემულ აღწერილობებს ერგება. გაითვალისწინეთ, რომ ეს არ არის სრული სია.

• პორნოგრაფიის ბმულები.
• იმ ვებსაიტების ან აპების ბმულები, რომლებიც მავნე პროგრამას აინსტალირებს.
• იმ ვებსაიტების ან აპების ბმულები, რომლებიც ახორციელებს მომხმარებლის სისტემაში შესვლის, ფინანსური და სხვა ინფორმაციის ფიშინგს.
• იმ ვებსაიტების, აპების ან სხვა წყაროების ბმულები, რომლებიც არაავტორიზებულ წვდომას ანიჭებს აუდიო კონტენტს, აუდიო-ვიზუალურ კონტენტს, ვიდეო თამაშებს, პროგრამულ უზრუნველყოფას ან სტრიმინგის სერვისებს, რომლებიც, ჩვეულებრივ, მოითხოვს გადახდას.
• იმ ვებსაიტების ბმულები, რომლებიც აგროვებს შემოწირულებებს ან მიზნად ისახავს ტერორისტულ ორგანიზაციებში ხალხის გაწევრიანებას.
• იმ საიტების ბმულები, რომლებიც შეიცავს ბავშვზე სექსუალური ძალადობის ამსახველ სურათებს (CSAI).
• იმ საიტების ბმულები, რომლებზეც იყიდება ჩვენს რეგულაციით შეზღუდული საქონლის წესდებაში მოცემული ერთეულები.
• იმ კონტენტის ბმულები, რომლებიც არღვევს ჩვენს სიძულვილის ან ძალადობის წესებს.
• იმ კონტენტის ბმულები, რომელიც სხვებს მოუწოდებს ძალადობრივი საქციელისკენ.
• იმ კონტენტის ბმულები, ​​რომელიც ავრცელებს მცდარ სამედიცინო ინფორმაციას, რომელიც ეწინააღმდეგება ჯანდაცვის ადგილობრივი უწყებების (LHA) ან ჯანდაცვის მსოფლიო ორგანიზაციის (WHO) სამედიცინო ინფორმაციას COVID-19-ის შესახებ.
• იმ ვებსაიტების ან აპების ბმულები, რომლებიც ავრცელებს შეცდომაში შემყვან ან მაცდუნებელ კონტენტს, რომელიც ძლიერი ზიანის სერიოზულ რისკს გულისხმობს, როგორიცაა დემოკრატიული პროცესების დაბრკოლება.
• იმ ვებსაიტებზე გადასასვლელი ბმულები, რომლებზეც განთავსებულია თავდამსხმელების მანიფესტები.

ეს წესები ვრცელდება ვიდეოებზე, აუდიო მასალაზე, არხებზე, კომენტარებზე, ჩამაგრებულ კომენტარებზე, პირდაპირ სტრიმინგზე, ასევე YouTube-ის ყველა სხვა პროდუქტსა და ფუნქციაზე. ბმულები შეიძლება იყოს ნებისმიერი ფორმის და მომხმარებელს ამისამართებდეს საიტზე YouTube-ის გარეთ. ამ ბმულებში შედის: დასაწკაპუნებელი URL-ები, URL-ების ტექსტის ჩვენება ვიდეოებში ან სურათებში და დაფარული URL-ები (მაგალითად, ჩანაწერი „dot com“ „.com“-ის მაგივრად). ეს ბმულები, ასევე, შეიძლება მოიცავდეს მომხმარებლების გადამისამართებას სხვა საიტებზე ვერბალური ფორმით, მომხმარებლებისთვის სხვა საიტებზე შემქმნელების პროფილების ან გვერდების მონახულების რჩევას ან სხვა საიტებზე წესების დამრღვევ კონტენტთან დაკავშირებით დაპირებას. ეს სია სრული არაა.

შენიშვნა: აფილირებული კონტენტი არ არღვევს YouTube-ის მომსახურების პირობებს. სპეციალურ ანგარიშებში აფილირებული კონტენტის ჭარბი გამოქვეყნებით შეიძლება დაირღვეს სპამთან დაკავშირებული ჩვენი წესები. შეგიძლიათ, შეიტყოთ მეტი, რა არის დაშვებული ჩვენს სპამთან, შეცდომაში შემყვან პრაქტიკებთან და თაღლითურ სქემებთან დაკავშირებულ წესებში.

მაგალითები

ქვემოთ მოცემულია YouTube-ზე აკრძალული კონტენტის ზოგიერთი მაგალითი.

• ვიდეო, რომელშიც ასახულია კონტენტი სექსუალური თემით, რომლის აღწერაშიც ნათქვამია „დააწკაპუნეთ და ნახეთ, რასაც YouTube კრძალავს!“ და რომელიც შეიცავს პორნოგრაფიული საიტის ბმულს.
• gameplay ვიდეოს აღწერა, რომელიც შეიცავს ბმულს, რომელიც ჰპირდება თამაშს-შიდა ვალუტას ან ონლაინ მაღაზიის კრედიტს, მაგრამ მიბმულია საიტი, რომლებიც აინფიცირებს მომხმარებლის კომპიუტერს მავნე პროგრამით.
• იმ ფიშინგის საიტის ბმულის გამოქვეყნება, რომელიც იპარავს მომხმარებლების საბანკო ინფორმაციასა და პაროლებს.
• ვიდეოთი მნახველებისთვის არადასაწკაპუნებელი ბმულის კოპირებისა და ჩასმის სწავლება, რომელიც ამისამართებს მათ პორნოგრაფიულ ან სპამ საიტზე.
• ნებისმიერი იმ ვებსაიტის, ფაილის ჰოსტინგის სერვისის თუ სხვა წყაროს ბმული, რომელიც ნებას რთავს მათ, ჰქონდეთ წვდომა ბავშვზე სექსუალური ძალადობის ამსახველ სურათებზე და ჩამოტვირთონ ისინი
• მომხმარებლების ვერბალური გადამისამართება ვებსაიტზე პროფილის ან გვერდის სხვა პლატფორმაზე მოსაძიებლად, რითაც ისინი შეძლებენ, უყურონ კონტენტს, რომელიც არღვევს YouTube-ის საზოგადოების წესდებას.
• ვიდეოში იმ საიტის URL-ის ჩაშენება, რომელიც მიზნად ისახავს ამომრჩევლების შეცდომაში შეყვანას დროის, ადგილის ან ხმის მიცემისთვის საკვალიფიკაციო მოთხოვნების შესახებ.
• ბმული სტატიაზე, რომელიც ირწმუნება, რომ COVID-19-ის საწინააღმდეგო ვაქცინები დეპოპულაციის დღის წესრიგის ნაწილია.

გახსოვდეთ, რომ ეს სია სრული არაა. თუ ფიქრობთ, რომ კონტენტი შეიძლება არღვევდეს ამ წესებს, არ გამოაქვეყნოთ.

რა ხდება, თუ კონტენტი არღვევს ამ წესებს

თუ თქვენი კონტენტი წინამდებარე წესებს ეწინააღმდეგება, კონტენტს ამოვშლით და ამის შესახებ ელფოსტით შეგატყობინებთ. თუ ვერ დავადასტურებთ, რომ თქვენ მიერ გამოქვეყნებული ბმული უსაფრთხოა, შეიძლება ამოვშალოთ ბმული. გაითვალისწინეთ, რომ ვიდეოსთან ერთად ან ვიდეოს მეტამონაცემებში გამოქვეყნებული URL-ები, რომლებიც წესებს არღვევს, შეიძლება ვიდეოს ამოშლის მიზეზი გახდეს.

თუ ეს საზოგადოების წესდების პირველი დარღვევაა, თქვენ, სავარაუდოდ, მიიღებთ შენიშვნას და თქვენს არხს ჯარიმა არ დაეკისრება. თუ გაივლით ტრენინგს წესების შესახებ, თქვენს შენიშვნას ვადა 90 დღის გასვლის შემდეგ ამოეწურება. თუმცა, თუ 90 დღის განმავლობაში განმეორებით დაარღვევთ წესებს, შენიშვნას ვადა არ ამოეწურება და თქვენი არხი გაფრთხილებას მიიღებს. ტრენინგის დასრულების შემდეგ დარღვეული სხვა წესი ცალკე შენიშვნას იღებს.

თუ 90 დღის განმავლობაში 3 გაფრთხილება დაგიგროვდათ, თქვენი არხი შეწყვეტს მოქმედებას. შეიტყვეთ მეტი ჩვენი გაფრთხილებების სისტემის შესახებ.

საზოგადოების წესდებისა და მომსახურების პირობების განმეორებითი დარღვევის გამო, უფლება გვაქვს თქვენს არხს ან ანგარიშს მოქმედება შევუწყვიტოთ. ასევე, უფლებას ვიტოვებთ თქვენს არხს ან ანგარიშს მოქმედება შევუწყვიტოთ მხოლოდ ერთი დარღვევის გამო, თუ ეს დარღვევა მძიმეა ან როცა არხი არღვევს დებულებას. განმეორებით დამრღვევებს შეიძლება შეეზღუდოთ მონაწილეობის მიღება წესების შესახებ მომავალ ტრენინგებში. შეიტყვეთ მეტი არხისა და ანგარიშის მოქმედების შეწყვეტის შესახებ.