Þýðing þessa fyrir þig
Ef þú birtir efni
Ekki birta efni á YouTube ef tilgangur þess er að gera eitt eða fleira af eftirfarandi:
- Selja skotvopn eða tiltekna fylgihluti fyrir skotvopn með beinni sölu (t.d. einkasölu af hálfu einstaklinga) eða sýna tengla á vefsvæði sem selja þessa hluti. Meðal fylgihlutanna gætu til dæmis verið:
- Fylgihlutir sem gera skotvopnum kleift að herma eftir sjálfvirkum skotum,
- Fylgihlutir sem breyta skotvopni í sjálfvirkt skotvopn, til dæmis: höggskefti, gatling-gikkir, sjálfvirknigikkir eða breytingabúnaður,
- Háhraða skotgeymar eða belti sem eru með fleiri en 30 byssuskot.
- Veita leiðbeiningar um framleiðslu á einhverju af eftirfarandi:
- Skotvopnum,
- Skotfærum,
- Háhraða skotgeymum,
- Heimatilbúnum hljóðdeyfum,
- Fylgihlutum sem gera skotvopnum kleift að herma eftir sjálfvirkum skotum,
- Fylgihlutum sem breyta skotvopni í sjálfvirkt skotvopn, til dæmis: höggskefti, gatling-gikkir, sjálfvirknigikkir eða breytingabúnaður
- Veita leiðbeiningar um hvernig á að breyta skotvopni í sjálfvirkt eða hermisjálfvirkt skotvopn.
- Veitir upplýsingar um hvernig á að setja upp ofangreinda fylgihluti eða breytingar.
Athugaðu að listinn er ekki tæmandi.
Dæmi
Hér eru nokkur dæmi um efni sem ekki er leyft á YouTube.
- Tenglar í heiti eða lýsingu á vídeóinu sem færa fólk yfir á vefsvæði þar sem skotvopn eða fylgihlutir sem lýst er að ofan eru seld. Þú getur sett tengla á vefsvæði sem ræða eða skoða þessa hluti svo framarlega að þau vefsvæði selji þess hluti ekki beint.
- Sýning á skotvopni í þeim tilgangi að selja skotvopnið í einkasölu. Þar á meðal með því að gefa upp símanúmer seljanda, netfang hans eða aðrar samskiptaupplýsingar.
- Sýna notendum nákvæmar leiðbeiningar um hvernig á að húða neðra skothús til að ljúka smíði á skotvopni.
- Sýna notendum hvernig á að búa til hljóðdeyfi úr vasaljósi, olíukönnu, leysiefnakönnu eða öðrum hlutum.
- Sýna notendum hvernig á að setja upp höggskefti eða setja upp sambærilegan fylgihlut sem smíðaður er til að virkja hermisjálfvirkni í skotvopni.
- Beinstreymi sem sýnir einhvern halda á eða meðhöndla skotvopn, óháð því hvort viðkomandi hleypir af skotum eða ekki. Athugaðu að skotvopn í tölvuleikjum eru undanskilin.
- Beinstreymi sem sýna einhvern flytja skotvopn frá einum stað til annars, til dæmis með því að bera þau eða ferðast með þau í bíl, vörubíl eða öðru ökutæki. Athugaðu að skotvopn í tölvuleikjum eru undanskilin.
Mundu að þetta eru einungis dæmi og þú skalt ekki birta efni ef þú telur að það kunni að brjóta gegn þessum reglum.
Ef efni brýtur gegn reglunum
Ef efni frá þér brýtur gegn þessum reglum munum við fjarlægja efnið og láta þig vita með tölvupósti. Ef við getum ekki staðfest að tengill sem þú birtir sé öruggur gætum við fjarlægt tengilinn. Athugaðu að brotlegar vefslóðir sem birtar eru í vídeói eða lýsigögnum vídeós geta leitt til þess að vídeóið sé fjarlægt.
Ef þetta er í fyrsta skipti sem þú brýtur gegn reglum netsamfélagsins færðu líklega aðvörun án þess að rásin þín þurfi að sæta refsingu. Þú munt geta klárað þjálfun í reglum til að viðvörunin renni út eftir 90 daga. En ef sömu reglur eru brotnar innan 90 daga gluggans mun viðvörunin ekki renna út og rásin þín mun fá punkt. Ef þú brýtur aðrar reglur eftir að þú klárar þjálfunina muntu fá aðra viðvörun.
Ef þú færð 3 punkta innan 90 daga verður rásinni lokað. Nánar um punktakerfið.
Við gætum sagt upp rásinni þinni eða reikningnum vegna endurtekinna brota á reglum netsamfélagsins eða þjónustuskilmálum. Einnig gætum við sagt upp rásinni þinni eða reikningnum eftir eitt alvarlegt brot eða ef eini tilgangur rásarinnar er að brjóta gegn reglum. Við gætum komið í veg fyrir notendur sem ítrekað gerast brotlegir geti klárað regluþjálfun síðar. Nánar um varanlega lokun rásar eða reiknings.
Ef þú finnur efni sem brýtur gegn þessum reglum skaltu tilkynna það. Leiðbeiningar um hvernig á að tilkynna brot á reglum netsamfélagsins má finna hér. Ef þú fannst nokkur vídeó eða ummæli sem þú vilt tilkynna geturðu tilkynnt rásina.