Patakaran sa mga baril

Pangunahin naming priyoridad ang kaligtasan ng aming mga creator, manonood, at partner. Inaasahan naming tutulungan kami ng bawat isa sa inyo na panatilihin at protektahan ang natatangi at masiglang komunidad na ito. Mahalagang maunawaan mo ang aming Mga Alituntunin ng Komunidad, at ang tungkuling ginagampanan ng mga ito sa ating pinaghahatiang responsibilidad na panatilihing ligtas ang YouTube. Maglaan ng oras para mabasa nang mabuti ang patakaran sa ibaba. Puwede mo ring tingnan ang page na ito para sa kumpletong listahan ng aming mga alituntunin.

Hindi pinapahintulutan sa YouTube ang content na may layuning magbenta ng mga baril, turuan ang mga manonood kung paano gumawa ng mga baril, bala, at ilang partikular na accessory, o turuan ang mga manonood kung paano ikabit ang mga accessory na iyon. Hindi dapat gamitin ang YouTube bilang platform para magbenta ng mga baril o accessory na nakasaad sa ibaba. Hindi rin pinapayagan ng YouTube ang mga live stream na nagpapakita ng taong may hawak, ginagamit, o ibinibiyaheng baril. 

Ang kahulugan nito para sa iyo

Kung nagpo-post ka ng content

Huwag mag-post ng content sa YouTube kung layunin mong gawin ang isa o higit pa sa mga sumusunod:

• Magbenta ng mga baril o ilang partikular na accessory ng baril sa pamamagitan ng mga direktang pagbebenta (hal., mga pribadong pagbebenta ng mga indibidwal) o ng mga link sa mga site na nagbebenta ng mga ganitong item. Posibleng kabilang sa mga accessory na ito ang:
  • Mga accessory na nagbibigay-daan para ma-simulate ang awtomatikong pagbaril,
  • Mga accessory na nagko-convert ng baril para sa awtomatikong pagbaril, gaya ng: mga bump stock, gatling trigger, drop-in auto sear, o conversion kit,
  • Mga magazine o belt na may malaking kapasidad at nagdadala ng mahigit 30 round.
• Magbigay ng mga tagubilin sa pagbuo ng alinman sa mga sumusunod:
  • Mga baril,
  • Bala,
  • Magazine na may malaking kapasidad,
  • Mga homemade na silencer/suppressor,
  • Mga accessory na nagbibigay-daan para ma-simulate ang awtomatikong pagbaril,
  • Mga accessory na nagko-convert ng baril para sa awtomatikong pagbaril, gaya ng: mga bump stock, gatling trigger, drop-in auto sear, o conversion kit
• Magbigay ng mga tagubilin kung paano mag-convert ng baril para gawing awtomatiko ang pagbaril o i-simulate ang awtomatikong pagbaril.
• Magbigay ng mga tagubilin kung paano ikabit ang mga accessory o pagbabagong binanggit sa itaas.

Pakitandaang hindi ito kumpletong listahan.

Mga Halimbawa

Narito ang ilang halimbawa ng content na hindi pinapahintulutan sa YouTube.

• Mga link sa pamagat o paglalarawan ng iyong video patungo sa mga site kung saan nagbebenta ng mga baril o accessory na nakasaad sa itaas. Puwede kang mag-link sa mga site na nagtatalakay o nagre-review ng mga item na ito hangga't hindi direktang nagbebenta ng mga ganoong item ang mga site na iyon.
• Pagpapakita sa baril nang may layuning ibenta ang baril na iyon sa pribadong transaksyon. Kabilang dito ang pagbibigay ng numero ng telepono, email address, o iba pang impormasyon sa pakikipag-ugnayan ng nagbebenta.
• Pagpapakita sa mga user ng sunod-sunod na tagubilin kung paano bumuo ng lower receiver para makumpleto ang paggawa ng baril.
• Pagpapakita sa mga user kung paano gumawa ng silencer gamit ang flashlight, lata ng langis, catcher ng solvent, o iba pang bahagi.
• Pagpapakita sa mga user kung paano magkabit ng bump stock, o ng katulad na accessory na ginawa para bigyang-daan ang pag-simulate ng awtomatikong pagbaril.

• Mga live stream na nagtatampok ng isang taong may hawak o pinapangasiwaang baril, kahit na hindi nila ito binabaril. Tandaan: hindi kasama rito ang mga baril sa mga video game.
• Mga live stream na nagtatampok ng isang taong naghahatid ng mga baril mula sa isang lugar patungo sa isa pa, gaya ng sa pamamagitan ng pagbibitbit o pagbiyahe nang dala ang mga ito sakay ng kotse, truck, o iba pang sasakyan. Tandaan: hindi kasama rito ang mga baril sa mga video game.

Pakitandaang ilang halimbawa lang ang mga ito, at huwag mag-post ng content kung sa tingin mo ay posibleng labag ito sa patakarang ito.

Ano ang mangyayari kung lumalabag sa patakarang ito ang content

Kung lumalabag sa patakarang ito ang iyong content, aalisin namin ang content at papadalhan ka namin ng email para ipaalam ito sa iyo. Kung hindi namin mave-verify na ligtas ang link na na-post mo, puwede naming alisin ang link. Tandaan na ang mga lumalabag na URL na na-post sa loob mismo ng video o sa metadata ng video ay posibleng magresulta sa pag-aalis ng video.

Kung ito ang iyong unang paglabag sa aming Mga Alituntunin ng Komunidad, malamang na makakatanggap ka ng babala nang walang penalty sa channel mo. Magkakaroon ka ng pagkakataong sumailalim sa isang pagsasanay sa patakaran para hayaang mag-expire ang babala pagkalipas ng 90 araw. Gayunpaman, kung malalabag ang parehong patakaran sa loob ng 90 araw na palugit na iyon, hindi mag-e-expire ang babala at bibigyan ng strike ang iyong channel. Kung lalabag ka sa ibang patakaran pagkatapos mong makumpleto ang pagsasanay, makakatanggap ka ng isa pang babala.

Kung makakakuha ka ng 3 strike sa loob ng 90 araw, wawakasan ang iyong channel. Matuto pa tungkol sa aming system ng mga strike.

Puwede naming wakasan ang iyong channel o account dahil sa mga paulit-ulit na paglabag sa Mga Alituntunin ng Komunidad o Mga Tuntunin ng Serbisyo. Puwede rin naming wakasan ang iyong channel o account pagkatapos ng isang matinding pang-aabuso, o kapag nakalaan ang channel sa isang paglabag sa patakaran. Puwede naming pigilang sumailalim sa mga pagsasanay sa patakaran sa hinaharap ang mga paulit-ulit na lumalabag. Matuto pa tungkol sa mga pagwawakas ng channel o account.

Kung makakita ka ng content na lumalabag sa patakarang ito, iulat ito. Available dito ang mga tagubilin para sa pag-uulat ng mga paglabag sa aming Mga Alituntunin ng Komunidad. Kung nakakita ka ng ilang video o komentong gusto mong iulat, puwede mong iulat ang channel.