Watayarishi ni watu muhimu sana kwa YouTube. Kama sehemu ya kuwa mtayarishi humaanisha kuwa wewe ni mwanachama wa jumuiya kubwa na yenye ushawishi ulimwenguni. Unaweza kutusaidia kuhifadhi na kulinda kikundi hiki cha kipekee chenye hamasa.
Mpango wa YouTube wa Wajibu wa Watayarishi
Kama mtayarishi kwenye YouTube, unakubali kufuata:
Ni muhimu uelewe mwongozo huu na jukumu lake kwenye wajibu wa pamoja wa kuifanya YouTube kuwa bora. Hatua ya kukiuka mwongozo huu inaweza kusababisha video zako kufutwa, chaneli yako kupewa maonyo au kwa ukiukaji mkubwa au unaojirudia, chaneli yako kuzuiwa au hata kusimamishwa.
Kupata pesa kupitia maudhui yako
Watayarishi wanaotaka kuchuma mapato kwenye maudhui lazima wafuate mwongozo zaidi:
- Sera za Mpango wa AdSense
- Sera za uchumaji wa mapato kwenye YouTube
- Mwongozo wa maudhui yanayofaa watangazaji
Kwa kuheshimu mwongozo huu, utatusaidia kuzuia video ambazo huenda hazifai kuchuma mapato, jambo litakaloathiri mapato kwa kila mtu.
Ikiwa hutafuata mwongozo huu, huenda ikasababisha upewe adhabu, kama vile kuzima matangazo kwenye maudhui yako au kusimamisha chaneli yako kutoka kwenye Mpango wa Washirika wa YouTube.
Pata maelezo zaidi kuhusu sera zetu za uchumaji wa mapato.
Kulinda jumuiya ya YouTube
Kama mtayarishi wa YouTube, unapaswa kuwajibika ndani na nje ya mfumo. Ikiwa tutaona kuwa tabia ya mtayarishi kwenye- na/au nje ya mfumo wa YouTube inawaathiri watumiaji, jumuiya, wafanyakazi au mfumo wetu, tunaweza kuchukua hatua ili kuilinda jumuiya.
Zaidi ya maudhui unayopakia kwenye YouTube, hii hapa ni baadhi ya mifano ya tabia kwenye- na/au nje ya mfumo tunayoweza kuchukulia kuwa haifai na inaweza kusababisha adhabu:
- Kudhamiria kusababisha madhara ya kihasidi kwa wengine.
- Kushiriki katika unyanyasaji au vurugu, kuonyesha ukatili au kushiriki katika tabia za kilaghai na danganyifu zinazopelekea madhara katika mazingira halisi.
Ingawa tabia hizi ni za nadra, zinaweza kusababisha madhara makubwa kwenye jumuiya ya YouTube na kuharibu imani baina ya watayarishi, watumiaji na watangazaji.
Ukiukaji mkubwa unaosababisha madhara makubwa kwenye jumuiya unaweza kuwa na athari zaidi ya vitendo vya kawaida vya utekelezaji. Vizuizi hivi huenda vikajumuisha:
- Hali ya utumiaji ya YouTube Originals na Studio ya YouTube: Huenda YouTube Originals ikasimamishwa, ikaghairishwa au kuondolewa na unaweza kupoteza idhini ya Studio ya Muda ya YouTube na mikusanyiko ya mtandaoni.
- Uchumaji wa mapato, usimamizi wa washirika na fursa za matangazo: Chaneli yako inaweza kupoteza uwezo wa kuonyesha matangazo, kuchuma mapato na inaweza kuondolewa kwenye Mpango wa Washirika wa YouTube, ikiwemo kupoteza ufikiaji kwa msimamizi wa washirika na usaidizi kwa watayarishi. Ufikiaji wa Kidhibiti Maudhui cha Studio unaweza kupotea pia. Unaweza pia kuondolewa kwenye Chaneli maarufu kwenye YouTube Select.
Nyenzo za ziada
Tumia nyenzo hizi kupata maelezo zaidi kuhusu sera za YouTube:
- Sheria na Masharti: Maudhui yote yaliyopakiwa kwenye YouTube lazima yatii masharti haya.
- Mwongozo wa Jumuiya: Maudhui yote yaliyopakiwa kwenye YouTube lazima yatii masharti haya.
- Sera ya Mpango wa AdSense: Ili utimize masharti ya kuchuma mapato, ni lazima video zitii sera hizi.
- Sera za uchumaji wa mapato kwenye YouTube: Ili utimize masharti ya kuchuma mapato kwenye YouTube, ni lazima video zitii sera hizi.
- Mwongozo wa maudhui yanayofaa watangazaji: Ili utimize masharti ya kutangaza, ni lazima video zifuate mwongozo huu. Ikiwa ungependa kupakia maudhui yasiyofuata mwongozo huu, zima matangazo kwenye video hizo.
- Watayarishi wa YouTube: Pata vidokezo vya kuandaa maudhui yanayofaa watangazaji, fahamu mbinu bora za video zinazofaa familia na fahamu jinsi ya kuendeleza jumuiya bora kupitia chaneli yako.
- Umuhimu wa muktadha: Kuweka muktadha kwenye video kunatusaidia kuelewa usuli na dhamira. Tunaruhusu video zenye utata zenye dhamira ya kielimu, makala ya hali halisi, kisayansi au kazi za sanaa.
- Pata maelezo kuhusu jinsi ya kuripoti maudhui yasiyofaa.