Skeppers vorm die kern van YouTube. Deel daarvan om ’n skepper te wees, beteken dat jy ’n lid van ’n groot en invloedryke internasionale gemeenskap is. Jy kan ons help om hierdie unieke en lewendige groep te bewaar en te beskerm.
YouTube se skepperverantwoordelikheidinisiatief
As ’n skepper op YouTube stem jy in om te voldoen aan ons:
Dit is belangrik dat jy hierdie riglyne en hul rol in ons gedeelde verantwoordelikheid om YouTube gesond te hou, verstaan. Die oortreding van hierdie riglyne kan tot gevolg hê dat jou video’s uitgevee word, jou kanaal waarskuwings ontvang, of dat jou kanaal in die geval van ernstige of herhaalde oortredings beperk of selfs beëindig word.
Verdien geld met jou inhoud
Skeppers wat inhoud wil monetiseer, moet aan meer riglyne voldoen:
Deur hierdie riglyne te respekteer, help jy ons om te verhoed dat potensieel onvanpaste video’s gemonetiseer word, wat die inkomste vir almal kan benadeel.
As jy nie aan hierdie riglyne voldoen nie, kan dit daartoe lei dat strawwe aan jou opgelê word, soos die deaktivering van advertensies op jou inhoud, of die opskorting van jou kanaal van die YouTube Vennootprogram.
Kom meer te wete oor ons monetiseringbeleide.
Beskerm die YouTube-gemeenskap
As ’n YouTube-skepper moet jy sowel op as buite die platform verantwoordelik bly. As ons sien dat ’n skepper se gedrag op en/of buite die platform ons gebruikers, gemeenskap werknemers of stelsel benadeel, kan ons optree om die gemeenskap te beskerm.
Bo en behalwe die inhoud wat jy na YouTube oplaai, is hier ’n paar voorbeelde van optrede op en/of buite die platform wat ons as onvanpas beskou en wat strawwe tot gevolg het:
- Bedoeling om kwaadwilige skade aan ander mense te veroorsaak.
- Deelname aan misbruik of geweld, uitbeelding van wreedheid of deelname aan bedrieglike of misleidende optrede wat tot skade in die regte wêreld lei.
Al is sulke optrede seldsaam, kan dit wydstrekkende skade aan die YouTube-gemeenskap veroorsaak, en hou dit die moontlikheid in om die vertroue onder skeppers, gebruikers en adverteerders te skaad.
Sekere oortredings kan wydverspreide skade aan die gemeenskap veroorsaak, maar kan ook gevolge bo en behalwe die standaardtoepassingoptrede hê. Hierdie beperkings kan insluit:
- Ervarings op YouTube Originals en YouTube Spaces: YouTube Originals kan opgeskort, gekanselleer of verwyder word, en jy kan toegang tot YouTube Tydelike Ruimtes en virtuele byeenkomste verloor.
- Monetisering, vennootbestuur en promosiegeleenthede: Jou kanaal kan die vermoë verloor om advertensies te wys en inkomste te verdien, en sal moontlik uit die YouTube Vennootprogram verwyder word, wat ook beteken dat toegang tot vennootbestuur en skeppersteundienste verloor word. Toegang tot Studio Inhoudbestuurder kan ook verloor word. Jy kan ook uit YouTube Select-groeperings verwyder word.
Bykomende hulpbronne
Gebruik hierdie hulpbronne om meer oor YouTube-beleide te wete te kom:
- Diensbepalings: Alle inhoud wat na YouTube opgelaai word, moet aan hierdie bepalings voldoen.
- Gemeenskapsriglyne: Alle inhoud wat na YouTube opgelaai word moet aan hierdie riglyne voldoen.
- AdSense-programbeleide: Video’s moet aan hierdie beleide voldoen om vir monetisering te kwalifiseer.
- YouTube-monetiseringbeleide: Video’s moet aan hierdie beleide voldoen om vir monetisering op YouTube te kwalifiseer.
- Riglyne vir adverteerdervriendelike inhoud: Video’s moet aan hierdie riglyne voldoen om vir advertensies te kwalifiseer. As jy inhoud oplaai wat nie aan hierdie riglyne voldoen nie, moet jy advertensies op daardie video’s afskakel.
- YouTube Creators: Kry wenke oor hoe om adverteerdervriendelike inhoud te maak, vind uit wat die beste praktyke vir gesinsvriendelike video’s is, en leer hoe om ’n positiewe gemeenskap met jou kanaal te bevorder.
- Die belangrikheid van konteks: As jy konteks by jou video voeg, help dit ons om agtergrond en bedoeling te verstaan. Ons laat wel omstrede video’s toe wat opvoedkundige, dokumentêre, wetenskaplike of artistieke bedoelings het.
- Vind uit hoe om onvanpaste inhoud aan te gee.