Gawin o pamahalaan ang mga level at perk ng mga membership ng iyong channel sa YouTube

Kung in-on mo ang Mga Membership para sa iyong channel, puwede kang magkaroon ng iba't ibang members-only na perk para sa mga miyembro ng channel mo. Puwedeng kasama sa mga perk na ito ang custom na emoji, mga badge, at mga members-only na video.

Puwedeng magkaroon ang iyong programa sa mga channel membership ng iba't ibang level ng presyo at puwede nitong bigyan ang mga miyembro ng mga perk para sa bawat level. Pero, kung mayroon kang mahigit isang level, nagpapatong-patong ang mga perk ng bawat level. Nangangahulgan itong awtomatikong makukuha ng mga level na may pinakamataas na presyo ang mga perk na ibinibigay sa mga level na may mas mababang presyo. Puwede kang gumawa ng hanggang 6 na magkakaibang level ng membership at may 1 hanggang 5 perk dapat ang bawat level. Bilang paalala, sumusunod dapat sa aming mga patakaran sa channel membership ang lahat ng perk na gagawin mong available sa iyong mga miyembro.

Kapag nagawa mo na ang mga level at perk ng iyong mga membership, magagawa mong:

• I-promote ang iyong programa sa mga membership
• Suriin at pamahalaan ang iyong programa sa mga membership

Mga Channel Membership

Mag-subscribe sa channel para sa Mga Creator sa YouTube para sa mga pinakabagong balita, update, at tip.

Mga level ng channel membership

Puwede kang gumawa ng hanggang 6 na level ng membership, na may iba't ibang presyo. Kung mayroon kang mahigit isang level, tandaang isasama sa mga level na may mas mataas na presyo ang lahat ng perk mula sa mga level na may mas mababang presyo. Tingnan ang babayaran ng mga miyembro sa iba pang bansa/rehiyon, na nakadepende sa presyong sisingilin mo para sa mga level ng membership.

Magdagdag ng level ng membership

Puwede kang magdagdag nang hanggang 6 na level na may iba't ibang presyo. Dapat ay may 1 hanggang 5 perk ang bawat level.

Magdagdag ng mga level ng membership

1. Sa isang computer, pumunta sa YouTube Studio.
2. Sa kaliwang menu, piliin ang Kumita.
3. I-click ang tab na Mga Membership.
4. Sa box na may nakasaad na “Hakbang 1: Magdagdag ng mga level at perk,” i-click ang I-edit.
5. Sundin ang mga tagubilin sa screen. Kapag natapos na, i-click ang I-publish.

Sinusuri namin ang iyong mga level at perk ayon sa aming mga patakaran sa channel membership bago maging live ang mga ito. Inaabot nang humigit-kumulang isang araw ang prosesong ito.

Mag-alis ng level ng membership

Kung mag-aalis ka ng level, made-delete mo ang lahat ng miyembro sa level na iyon. Mawawalan agad ng access sa mga perk ang lahat ng miyembro sa inalis na level, at mare-refund sa kanila ang bayad nila para sa huling buwan.

Mag-alis ng level

1. Sa isang computer, pumunta sa YouTube Studio.
2. Sa kaliwang menu, piliin ang Kumita.
3. I-click ang tab na Mga Membership.
4. Sa box na may nakasaad na “Hakbang 1: Magdagdag ng mga level at perk,” i-click ang I-edit.
5. I-click ang level na gusto mong alisin i-click ang I-delete .
6. Sundin ang mga natitirang tagubilin sa screen. Kapag natapos na, i-click ang I-publish.

Mga perk ng channel membership

Gumawa at mag-publish ng kahit isang perk (at hanggang limang perk) na ibibigay mo sa iyong mga miyembro. Dapat mong i-deliver ang mga perk na ito sa iyong mga miyembro, kaya isaalang-alang kung made-deliver mo ang mga perk sa iyong mga miyembro at masisiyahan sila rito.

Sumusunod dapat ang mga iyong mga perk sa aming mga patakaran at tuntunin. Walang responsibilidad ang YouTube sa iyong mga perk ng creator.

Puwede mong isama ang mga ganitong uri ng members-only na perk sa mga miyembro ng iyong channel:

• Mga custom o default na badge ng channel
• Mga post sa Komunidad
• Custom na emoji
• Mga video na para muna sa mga miyembro
• Live chat
• Mga live stream
• Mga chat tungkol sa milestone ng miyembro
• Shelf ng pagkilala sa miyembro
• Mga Short
• Mga Video

Mga Custom o Default na Badge ng Channel

Puwedeng maging kapansin-pansin sa live chat, mga komento, at sa tab na Komunidad ang mga miyembro sa pamamagitan ng mga ekslusibong members-only na badge. May 8 magkakaibang badge, at hina-highlight ng bawat isa kung gaano katagal nang aktibong nagbabayad na miyembro ng iyong channel ang isang tao. Kaya, kung may aktibong miyembrong sumali sa iyong channel isang taon na ang nakalipas pero nagbayad lang siya para sa 9 na buwan mula sa nakalipas na 12 buwan, ipapakita sa kanyang badge na naging miyembro siya nang 9 na buwan.

Nauuganay ang bawat badge sa iba't ibang tagal ng panahon:

• Bago
• 1 buwan
• 2 buwan
• 6 na buwan
• 1 taon
• 2 taon
• 3 taon
• 4 na taon
• 5 taon

Puwede mong gamitin ang mga default na badge sa YouTube o puwede kang mag-upload ng mga custom na badge para sa iyong channel. Puwede mo ring gawing magkahalo ang mga ito, sa pamamagitan ng paggamit ng mga custom na badge para sa ilang tagal at ng mga default na badge para sa iba pa.

Tandaan: Makukuha ng lahat ng miyembro ang parehong badge batay sa katapatan.

Mag-upload ng mga custom na badge ng channel

Puwede mong gamitin ang mga default na badge sa YouTube o puwede kang mag-upload ng mga custom na badge para sa iyong channel. Puwede mo ring gawing magkahalo ang mga ito, sa pamamagitan ng paggamit ng mga custom na badge para sa ilang tagal at ng mga default na badge para sa iba pa.

Kapag nag-upload ka ng mga custom na badge, dapat mong punan ang bawat slot ng ibang badge, pero kung hindi mo ito gagawin, pupunan ang mga blangkong slot ng:

• Pinakamataas na custom na badge na ia-upload mo, o
• Default na badge sa YouTube para sa tagal na iyon

Para i-upload at i-customize ang mga badge ng iyong channel:

1. Gumamit ng computer para mag-sign in sa YouTube Studio.
2. Pumunta sa Kumita Mga Membership Mga Loyalty Badge.

Mga detalye para sa mga badge ng channel

Format ng file: Mga JPEG o PNG file.

Laki ng file: Wala pang 1 MB.

Mga dimensyon ng larawan: Minimum na 32px x 32px.

Nagre-render ang mga badge sa 14px x 14px sa mga komento at sa tab na Komunidad. Sa live chat, nagre-render ang mga badge sa 16px x 16px.

Mga Members-only na Post sa Komunidad

Puwede mong gamitin ang tab ng komunidad para mag-share ng content sa mga miyembro lang ng channel mo. Kung may mga level ka sa iyong channel, puwede ka ring mag-share ng mga post sa Komunidad sa mga miyembro sa mga partikular na level.

Para gumawa ng mga members-only na post sa Komunidad:

1. I-click ang iyong larawan sa profile .
2. I-click ang Tingnan ang iyong channel.
3. I-click ang tab na Komunidad.
4. Sa menu na “Visibility,” piliin kung gagawing pampubliko, members-only, o para sa mga miyembro sa ilang partikular na level ang post. Pampubliko ang default na setting.
5. Ilagay ang mga detalye para sa iyong post.
6. I-click ang I-post.

Custom na Emoji na Members-only

Binibigyang-daan ng custom na emoji ang mga miyembro ng iyong channel na gumamit ng eksklusibong emoji sa mga komento sa mga video mo at sa iyong mga live chat.

Bilang default, walang custom na emoji, kaya dapat kang mag-upload ng sarili mo. Para mag-upload ng custom na emoji, pumunta sa page na Mga Membership at piliin ang I-edit sa card na “Iyong mga badge at emoji.”Matuto pa tungkol sa pagdisenyo ng emoji.

Tandaan: Magkakaroon ng access ang lahat ng miyembro, anuman ang level nila, sa emoji na ia-upload mo.

Family Name

Kapag in-upload mo ang iyong unang emoji, gagawa ka ng prefix na pangalan para sa lahat ng emoji mo, na tinatawag na 'family name.' Gagamitin ng mga miyembro ng iyong channel ang pangalang ito para i-autocomplete ang emoji mo. Puwede mo ring i-autocomplete ang mga emoji ng iyong channel gamit ang :_ .

Ang mga apelyido ay hindi natatangi sa buong YouTube at dapat na may 3-10 character. Bilang pinakamahuhusay na kagawian, inirerekomenda namin ang pagpili ng apelyido na madaling matutukoy bilang brand mo.

Pangalan ng Emoji

Magkakaroon ang bawat emoji ng pangalang magagamit ng mga miyembro para i-autocomplete sa live chat. Para palitan ang pangalan ng emoji, dapat mong i-delete at i-upload ulit ang emoji. May 3-10 alphanumeric character dapat ang mga pangalan ng emoji at natatangi dapat ang mga ito sa grupo ng emoji ng mga ito (pero hindi sa buong YouTube).

Bilang ng custom na emoji na puwede mong i-upload

Habang nadaradagan ka ng mga miyembro, makakapag-unlock ka ng higit pang slot para sa bagong custom na emoji. Hindi ka sasabihan kapag may mga bagong slot na na-unlock.

# ng mga Miyembro	# ng Emoji
0	4
2	5
5	6
10	7
15	8
20	9
30	10
40	11
50	12
75	13
100	14
125	15
150	16
175	17
200	18
225	19
250	20
300	21
350	22
400	23
450	24
500	25
600	26
700	27
800	28
900	29
1000	30
1200	31
1400	32
1600	33
1800	34
2000	35
2200	36
2400	37
2600	38
2800	39
3000	40
3200	41
3400	42
3600	43
3800	44
4000	45
4200	46
4400	47
4600	48
4800	49
5000+	54

Mga detalye ng custom na emoji

Format ng file: Mas gusto ang mga JPEG, PNG, at GIF file.

• Tandaan: Ipapakita ang mga GIF bilang static na larawan at hindi animation.

Laki ng file: Wala pang 1 MB.

Mga dimensyon ng larawan: 48px x 48px (mas gusto) hanggang 480px x 480px.

Mga pagkakaiba sa device

Magkakaiba ang mga laki ng emoji sa mga mobile device at sa mga monitor ng computer. Narito kung paano matitiyak na magiging maganda ang iyong emoji sa parehong platform:

Sa mga mobile device: Ipapakita ang emoji sa 24x24 point. Sine-scale ang larawan para tumugma sa density ng pixel ng device.

Sa karamihan ng mga monitor: Ipapakita ang emoji sa 24x24 point. Sa mga Retina at HiDPI device, ipapakita ang mga larawan sa 48x48 points o mas mataas pa.

Mga Video na para muna sa Mga Miyembro

Gamit ang feature na gagawing pampubliko ang members-only, makakapag-upload ka ng content na mapapanood lang ng mga miyembro ng iyong channel para sa isang partikular na period, bago ito ma-access ng iba. Kapag binigyan mo ng maagang access ang mga miyembro ng iyong channel, mapapanood at makakapag-engage sila sa content mo, bago ito maging pampubliko.

Kapag nag-upload ka ng content bilang “Magiging pampubliko ang members-only,” ipapaalam namin sa iyong mga miyembro na available lang muna ang content mo para sa mga miyembro ng channel. Kapag naging pampubliko ang video, aabisuhan ang lahat ng iyong subscriber.

Naobserbahan naming sa average, kapag nagbigay muna ang mga creator ng access sa mga video sa mga miyembro, pareho pa rin ang nagiging performance ng mga video na iyon at hindi negatibong naaapektuhan ang mga ito kapag naging pampubliko na ang mga ito.

• Sa mga channel na nag-publish ng hindi bababa sa isang video na maagang maa-access at isang video na pampubliko lang sa pagitan ng Enero at Pebrero 2023.

Magtakda ng bagong upload bilang members-only na magiging pampubliko

1. Mag-upload ng video.
2. Para sa Visibility, piliin ang Members-only na ginawang pampubliko.

• Kung mayroon kang higit sa isang level, piliin ang mga level kung saan mo gustong makita ang iyong video.

3. Piliin ang petsa at oras kung kailan isasapubliko ang video.

I-promote ang iyong members-only video

Puwedeng lumabas sa Home feed at feed ng mga subscription ng mga miyembro ang mga video na members-only. Puwede ring maghanap ng mga video ang mga miyembro sa mga tab na content at komunidad sa page ng channel mo. Para maipaalam sa lahat ng iyong mga manonood na available ang isang video, puwede mong i-share ang URL sa publiko sa:

• Mga Card
• Pampublikong komunidad
• Mga Playlist

Puwedeng agad na panoorin ng iyong mga miyembro ang members-only na video, kung nasa (mga) tamang level sila. Makakakita ang mga hindi miyembro ng mensaheng nagsasabing available lang ito sa mga miyembro, at ipapakita sa kanila ang mga paraan para maging miyembro.

Members-only na Live Chat

Sa mga pampublikong live stream, puwede mong gawing members-only ang chat. Mapapanood pa rin ng lahat ang live stream, pero mga miyembro lang ang makakapag-post ng mga chat. Para i-on ang members-only na live chat:

1. Gumamit ng computer para mag-sign in sa YouTube Studio.
2. I-click ang GUMAWA.
3. Piliin ang Mag-live .
4. Mula sa kaliwa, i-click ang Stream.
5. Gumawa ng stream:
   1. Para kumopya ng nakaraang stream: Pumili ng nakaraang stream at i-click ang Gamitin ulit ang mga setting.
   2. Para gumawa ng bagong stream: Ilagay ang impormasyon ng iyong bagong stream at i-click ang Gumawa ng stream.
6. Sa kanang bahagi sa itaas, i-click ang Mga Setting .
7. Sa ilalim ng "Live chat," piliin ang I-enable ang members-only na chat.
8. I-click ang I-save.

Mga Members-only na Live Stream

Puwede kang eksklusibong mag-share ng mga live stream sa mga miyembro ng iyong channel.

Mula sa isang computer:

1. Sa isang computer, mag-sign in sa YouTube Studio.
2. I-click ang GUMAWA .
3. I-click ang Mag-live .
4. Sundin ang mga hakbang para gumawa ng live stream.
5. Sa mga setting ng Visibility, puwede mong piliin kung sinong mga miyembro ng channel ang makakapanood ng live stream:
   • Para payagan ang lahat ng miyembro na manood ng live stream, piliin ang “Lahat ng nagbabayad na miyembro.”
   • Para payagan ang ilang partikular na level na manood ng live stream, piliin ang level (at mas mataas pa) na dapat payagang makapanood.
6. Para gumawa ng members-only na post sa Komunidad na nagli-link sa live stream, sundin ang mga tagubilin sa screen. Kung in-on ng iyong mga miyembro ang kanilang mga notification, sasabihan sila kapag gumawa ka ng bagong members-only na live stream.

Sa mobile device:

1. Sa iyong mobile device, buksan ang YouTube app.
2. Sa ibaba, i-tap ang Gumawa .
3. I-tap ang Mag-live.
4. I-tap ang Higit pang Opsyon.
5. I-tap ang Magpakita pa.
6. Sa mga setting ng visibility, piliin ang Members-only at piliin kung aling mga miyembro ng channel ang puwedeng manood ng iyong live stream:
   • Para payagan ang lahat ng miyembro na manood ng live stream, piliin ang “Lahat ng nagbabayad na miyembro.”
   • Para payagan ang ilang partikular na level na manood ng live stream, piliin ang level (at mas mataas pa) na dapat payagang makapanood.
7. I-tap ang Susunod.
8. I-tap ang Mag-live.

Mga Chat tungkol sa Milestone ng Miyembro

Para kilalanin at ipagdiwang ang katapatan na isang miyembro, puwedeng magpadala ang mga miyembro ng channel ng isang espesyal na naka-highlight na mensahe kada buwan sa live chat. Mga miyembro lang na hindi bababa sa dalawang magkasunod na buwan nang miyembro ang makakakuha ng chat tungkol sa milestone. Makakapagpadala lang ang mga miyembro ng mga chat tungkol sa milestone sa mga live stream o Premiere. Bagama't mga miyembro lang ng channel ang makakapagpadala ng mga chat tungkol sa milestone, makikita ng lahat ng manonood ang mga chat.

Awtomatikong naka-on ang feature na ito para sa iyong channel. Kung ayaw mong makatanggap ng mga chat tungkol sa milestone ang iyong mga miyembro, puwede mong i-off ang feature na ito. Para i-off ang mga chat tungkol sa milestone ng miyembro:

1. Mag-sign in sa YouTube Studio Kumita.
2. Piliin ang Mga Membership Itakda ang ‘Chat tungkol sa Milestone ng Miyembro’ sa ‘Naka-off.’

Tandaan: Dahil puwedeng gumamit ang lahat ng kwalipikadong miyembro ng mga chat tungkol sa milestone, mapapansin mong mas madalas ang paggamit dito sa unang ilang beses na mag-live stream ka pagkatapos mong i-on ang feature na ito. Aayos ang rate sa paglipas ng panahon dahil puwedeng mag-redeem ang bawat miyembro ng Chat tungkol sa Milestone ng Miyembro isang beses bawat buwan.

Shelf ng Pagkilala sa Miyembro

Para pampublikong kilalanin ang mga miyembro ng iyong channel, puwede mong itampok ang kanilang mga avatar sa isang shelf sa itaas ng page ng iyong channel. Ang shelf na ito ay isang paraan para mapasalamatan mo sa publiko ang mga miyembro ng iyong channel at ipakita sa iba kung gaano mo pinapahalagahan ang iyong mga miyembro. Random na pipiliin ang mga itinatampok na miyembro at madalas na magbabago para mabigyan ang iba pang miyembro ng pagkakataong maipakita. Palaging makikita ng mga miyembro na tumitingin sa page ng iyong channel ang kanilang avatar sa shelf. Kung kakanselahin ng isang miyembro ang kanyang membership, hindi na siya itatampok sa shelf.

Kapag may 8 o higit pang miyembro ang iyong channel, awtomatikong mao-on ang feature na ito. Kung ayaw mong lumabas ang shelf ng pagkilala sa miyembro, puwede mong i-off ang feature na ito. Para i-off ang shelf ng pagkilala sa miyembro:

Para i-off ang shelf ng pagkilala sa miyembro:

1. Gumamit ng computer para mag-sign in sa YouTube Studio.
2. Pumunta sa Kumita  Mga Membership.
3. I-off ang “Shelf ng Pagkilala sa Miyembro.”

Mga Members-only na Short

Ang mga Members-only na Short ay puwedeng maging isang magandang paraan para magbigay ng regular at simpleng content para sa mga miyembro ng iyong channel. Puwede kang mag-share ng maikling behind-the-scenes na content, mga clip ng mga paparating na video, maiikling Q&A, at iba pa. Dahil ang mga miyembro lang ang makakapanood ng mga Short na ito, puwede kang mag-eksperimento sa content na mas casual, o natural/organic, kumpara sa iyong pampublikong content.

Magtakda ng bagong upload bilang members-only

1. Pumili ng file ng maikling video:

• Hanggang 60 segundo.
• May kuwadrado o patayong aspect ratio.

2. Para sa visibility, piliin ang Members-only.
3. Kumpletuhin ang natitirang proseso ng pag-upload.

Magtakda ng kasalukuyang Short bilang members-only

1. Gumamit ng computer para pumunta sa YouTube Studio o buksan ang YouTube Studio mobile app .
2. Piliin ang Content.
3. Hanapin ang Short na gusto mong itakda bilang members-only.
4. Piliin ang I-edit Visibility Piliin ang Mga miyembro lang I-save.

Tandaan: Kung magre-record at mag-a-upload ka ng Short nang tuloy-tuloy, posibleng hindi lumabas ang opsyon para itakda ito bilang members-only. Puwede mo pa ring i-upload ang iyong Short bilang hindi nakalista at pagkatapos ay gawing members-only ang setting ng visibility.

Ang members-only na Shorts, gaya ng lahat ng members-only na video, ay dapat ganap na orhinal na content, at hindi puwedeng maglaman ng musikang pagmamay-ari ng mga third party, kasama ang musika mula sa music library ng Shorts.

Makakakita ang iyong mga miyembro ng mga members-only na Short sa kanilang feed ng Shorts at Home feed, at sa Panoorin ang Susunod. Hindi nagti-trigger ng notification ang mga members-only na Short para sa mga miyembro ng iyong channel.

Mga Members-only na Video

Binibigyang-daan ka ng feature na Mga members-only na video na mag-upload ng mga video na mapapanood lang ng mga miyembro ng iyong channel. Puwede mo ring baguhin ang mga setting ng visibility ng mga kasalukuyang video para maging ekslusibo ang mga ito sa iyong mga miyembro. Makikita ng kahit sino ng members-only na video, pero ang mga miyembro lang na nasa mga tamang level ang makakapanood nito.

Dapat ay ganap na orihinal ang content ng mga members-only na video. Huwag isama ang mga video na may mga claim sa copyright, kasama ang mga video na may mga claim mula sa mga partner sa musika.

Magtakda ng bagong upload bilang members-only

1. Mag-upload ng video.
2. Para sa Visibility, piliin ang Mga Miyembro lang.

• Kung mayroon kang higit sa isang level, piliin ang mga level na makakapanood ng iyong video.

3. Kumpletuhin ang natitirang proseso ng pag-upload.

Magtakda ng kasalukuyang video bilang members-only

1. Gumamit ng computer para pumunta sa YouTube Studio o buksan ang YouTube Studio mobile app .
2. Piliin ang Content.
3. Hanapin ang video na gusto mong itakda bilang members-only.
4. Piliin ang I-edit Visibility Piliin ang Mga miyembro lang I-save.

• Kung mayroon kang higit sa isang level, piliin ang mga level na makakapanood ng iyong video.

I-promote ang iyong mga members-only na video

Makakakita ang iyong mga miyembro ng mga members-only na video sa mga tab na Mga Membership, Content, at Komunidad. Posible ring lumabas ang mga video na ito sa Home at subscriptions feed ng mga miyembro.

Posible ring lumabas sa mga manonood na nagrekomenda sa iyong content, pero hindi mga miyembro na mga pangmiyembro lang na video sa kanilang Home feed. Makakatulong ang pagpapakita ng mga pangmiyembro lang na video sa mga non-member na matuklasan nila ang mga programa ng channel membership kung saan puwede silang maging interesado sa pag-sign up. Matitingnan ng mga hindi miyembro ang thumbnail at pamagat ng video, pero hindi mapapanood ang members-only na video maliban na lang kung mag-sign up sila.

Para ipaalam sa iyong mga manonood na available ang isang video, puwede mong i-share sa publiko ang URL sa:

• Mga Card
• Pampublikong komunidad
• Mga Playlist

Puwedeng panoorin kaagad ng mga miyembrong nasa mga tamang level ang members-only na video. Makakatanggap ang mga hindi miyembro ng abiso na nagsasaad na available lang ang video sa mga miyembro, at may ipapakita sa kanilang mga paraan para maging miyembro.

Content na para sa Mga Miyembro Lang: Mga Video, Short, Live Stream, at Post para sa Mga Channel Membership