YouTube-kanaallidmaatskapbyvoordele

Kanale wat lidmaatskappe aangeskakel het, kan byvoordele skep wat slegs vir lede is. Byvoordele wat slegs vir lede is, is net beskikbaar aan jou aktiewe betaalde lede. Byvoordele sluit gepasmaakte emosiekone, kentekens en toegang in tot ander byvoordele wat jy aanbied.

Let wel: Al die byvoordele wat jy bied, moet ons kanaallidmaatskapbeleide volg.

Kanaallidmaatskappe

Kanaallidmaatskapvlakke

Jy kan veelvuldige lidmaatskapvlakke met verskillende pryse aanbied. Hou in gedagte dat veelvuldige vlakke se byvoordele op mekaar bou. Dit beteken dat die vlakke met die hoogste pryse toegang het tot byvoordele wat op die vlakke met laer pryse aangebied word.

Sien volledige prysbesonderhede vir vlakke in beskikbare lande.

Voeg ’n vlak by

Jy kan tot 6 vlakke teen verskillende pryse byvoeg. Elke vlak moet tussen 1 en 5 byvoordele hê.

Voeg lidmaatskapvlakke by

1. Gaan na studio.youtube.com en gebruik jou kanaal met lidmaatskappe.
2. Kies Verdien op die linkerkieslys.
3. Klik Lidmaatskappe op die hoofkontroleskerm.
4. Klik Wysig in die blokkie wat sê “Stap 1: Voeg vlakke en byvoordele by”.
5. Volg die instruksies op die skerm. Klik Publiseer sodra jy klaar is.

Jou vlakke en byvoordele moet nagegaan word voordat dit regstreeks gaan. Hierdie proses neem omtrent ’n dag.

Hoe vlakke werk met kentekens en emosiekone

Lojaliteitkentekens en gepasmaakte emosiekone word nie deur vlakke beïnvloed nie. Alle lede ontvang dieselfde kenteken op grond van lojaliteit en lede van alle vlakke het dieselfde toegang tot alle emosiekone.

Verwyder ’n vlak

As jy ’n vlak verwyder, sal jy alle lede op daardie vlak uitvee. Alle lede op ’n verwyderde vlak sal onmiddellik toegang verloor tot byvoordele en hul laaste maand se betaling sal aan hulle terugbetaal word.

Verwyder ’n vlak

1. Gaan na studio.youtube.com en gebruik jou kanaal met lidmaatskappe.
2. Kies Verdien op die linkerkieslys.
3. Klik Lidmaatskappe op die hoofkontroleskerm.
4. Klik Wysig in die blokkie wat sê “Stap 1: Voeg vlakke en byvoordele by”.
5. Klik op die vlak wat jy wil verwyder en klik dan die Vee Uit-ikoon .
6. Volg die res van die instruksies op die skerm. Klik Publiseer sodra jy klaar is.

Kanaallidmaatskapbyvoordele

Jy moet ten minste een byvoordeel (en tot vyf byvoordele) wat jy aan jou lede wil bied, skep en publiseer. Jou byvoordele moet ons beleide en bepalings volg en jy moet alle skepperbyvoordele lewer wat jy aanbied. YouTube neem nie verantwoordelikheid vir jou skepperbyvoordele nie en jy moet versigtig oorweeg of jy wat jy aanbied tot lede se volle bevrediging kan lewer.

Slegslede-gemeenskapplasings

Jy kan die Gemeenskapoortjie gebruik om inhoud slegs met jou lede te deel. As jy vlakke op jou kanaal het, kan jy ook gemeenskapplasings met lede op spesifieke vlakke deel.

Volg hierdie stappe om slegslede-gemeenskapplasings te doen:

1. Klik jou profielfoto  en tik op jou kanaalnaam.
2. Klik die Gemeenskapoortjie.
3. Kies op die aftrekkieslys of jy die plasing publiek of slegs vir lede wil maak. Publiek is die verstekinstelling
4. Voer jou plasing in die teksveld in.
5. Klik Plaas.

Slegslede-video

Jy kan ’n video so stel dat slegs jou aktiewe lede dit kan kyk. Enigiemand kan ’n video vind wat slegs vir lede is, maar slegs lede op die regte vlak(ke) kan dit kyk. Jy kan ’n bestaande video of ’n nuwe oplaai as slegs vir lede stel op ’n rekenaar of mobiele toestel.

Slegslede-video’s moet heeltemal oorspronklike inhoud wees. Moenie video’s bied waarop daar kopieregeise is nie, insluitend video’s met eise van musiekvennote af.

Stel ’n nuwe oplaai as slegs vir lede

1. Laai ’n video op.
2. Kies vir sigbaarheid Slegs lede.
   • As jy meer as een vlak het, kies dan die vlakke wat jou video kan kyk.
3. Voltooi die res van die oplaaiproses.

Stel ’n bestaande video as slegs vir lede

1. Gaan op ’n rekenaar na YouTube Studio of maak die YouTube Studio-app op jou mobiele toestel oop.
2. Kies Inhoud.
3. Soek die video wat jy slegs met jou lede wil deel.
4. Kies Wysig  Sigbaarheid  Kies Slegs lede  Kies Stoor.
   • As jy meer as een vlak het, kies dan die vlakke wat jou video kan kyk.

Bemark jou slegslede-video

Jou lede kan slegslede-video’s op die Lidmaatskappe-, Inhoud- en Gemeenskap-oortjies vind. Hierdie video’s sal dalk ook op lede se Tuis- en Intekeninge-strome opduik.

Kykers vir wie jou inhoud aanbeveel word maar wat nie lede is nie, sal dalk ook slegslede-video’s in hul Tuisstroom sien. As slegslede-video’s aan nielede gewys word, kan dit hulle help om kanaallidmaatskapprogramme te ontdek waarop hulle dalk sal wil inteken. Nielede kan die video se miniprent en titel sien, maar kan nie die slegslede-video kyk tensy hulle inteken nie.

Om al jou kykers in kennis te stel dat daar ’n video beskikbaar is, kan jy die URL publiek deel op:

• Kaarte
• Publieke gemeenskap
• Snitlyste

Lede op die regte vlakke kan dadelik die slegslede-video kyk. ’n Nota sal vir nielede gewys word om vir hulle te sê die video is slegs vir lede beskikbaar, en om maniere te noem waarop hulle lede kan word

Vroeë toegang slegs vir lede

Inhoud wat jy oplaai, kan eers op slegs vir lede gestel word – wat dit vir lede moontlik maak om jou inhoud te bekyk en daarmee interaksie te hê voordat dit publiek beskikbaar gestel word. Jou lede sal in kennis gestel word wanneer inhoud as “Slegs vir lede na publiek" opgelaai is. Al jou intekenaars sal in kennis gestel word wanneer die video na publiek verander. Ons het opgemerk dat wanneer skeppers eers aan lede toegang tot video’s gegee het, daardie video’s gemiddeld dieselfde gevaar het en nie negatief geraak is wanneer hulle publiek beskikbaar gestel is nie. (Op kanale wat tussen Januarie en Februarie 2023 minstens een vroeëtoegangvideo en een slegspublieke video gepubliseer het.)

Stel ’n nuwe oplaai as slegs vir lede

1. Laai ’n video op.
2. Verander dit vir Sigbaarheid van slegs vir lede na publiek.
   • As jy meer as een vlak het, moet jy die vlakke kies waarvoor jy wil hê jou video sigbaar moet wees.

Kies die datum en tyd waarop die video na publiek moet verander.

Bemark jou slegslede-video

Video’s slegs vir lede kan in lede se Tuis- en intekeningestrome verskyn. Lede kan video’s ook op jou kanaalbladsy se Inhoud- en Gemeenskapoortjie kry. Om al jou kykers in kennis te stel dat daar ’n video beskikbaar is, kan jy die URL publiek deel op:

• Kaarte
• Publieke gemeenskap
• Snitlyste

Jou lede kan onmiddellik die slegslede-video op hul korrekte vlak(ke) kyk. Nie-lede sal ’n kennisgewing sien wat sê dat dit slegs aan lede beskikbaar is, en hulle sal die maniere sien waarop hulle ’n lid kan word.

Kortvideo’s slegs vir lede

Kortvideo’s slegs vir lede kan ’n fantastiese manier wees om gewone, ligte inhoud aan jou lede te verskaf, soos ’n blik agter die skerms, snitte van komende video’s, kort gereelde vrae, en meer. Kortvideo’s slegs vir lede kan slegs deur lede ontdek word, en jy kan dus eksperimenteer met Kortvideo’s wat meer informeel of natuurlik is, vergeleke met jou publieke inhoud.

Skep só Kortvideo’s slegs vir lede: 

1. Kies ’n kortvideolêer:
   • Tot 60 sekondes.
   • Met ’n vierkantige of vertikale aspekverhouding.
2. Kies “slegs lede” in die sigbaarheidinstellings. 

Of: 

1. Wysig die sigbaarheid van ’n Kortvideo wat reeds as Ongelys, Privaat of Publiek opgelaai is na Slegs Lede

[Let wel] As jy ’n Kortvideo in een vloei opneem en oplaai, sal jy dalk nie die opsie sien om dit as slegs vir lede te stel nie. Jy kan dit steeds as ongelys oplaai, en dan die sigbaarheidinstelling verander na slegs lede.

Kortvideo’s slegs vir lede, soos alle video’s wat slegs vir lede is, moet ten volle oorspronklike inhoud wees en mag nie musiek insluit wat deur derde partye besit word nie, insluitend musiek uit die Kortvideo’s-musiekbiblioteek.

Kortvideo’s wat slegs vir lede is, aktiveer geen kennisgewing nie. Hulle kan in lede se Kortvideo’s-stroom, Tuis en Kyk Volgende ontdek word.

Regstreekse strome slegs vir lede

Jy kan regstreekse strome eksklusief met jou lede deel.

Op ’n rekenaar:

1. Meld op ’n rekenaar aan by YouTube Studio.
2. Klik SKEP .
3. Klik Gaan regstreeks .
4. Volg die stappe om ’n regstreekse stroom te skep.
5. Kies in die sigbaarheidinstellings watter betaalde lede jou regstreekse stroom kan kyk:
   1. As jy alle betaalde lede kies, kan enige betaalde lid die regstreekse stroom kyk
   2. As jy ’n spesifieke lidmaatskapvlak kies, kan betaalde lede op die gekose vlak (en hoër) die regstreekse stroom kyk.
6. Volg die aanwysings om ’n slegslede-gemeenskapplasing te skep met ’n skakel na die regstreekse stroom. As jou lede hul kennisgewings aangeskakel het, sal hulle in kennis gestel word wanneer jy ’n nuwe regstreekse stroom slegs vir lede skep.

Op ’n mobiele toestel:

1. Maak die YouTube-app op jou mobiele toestel oop.
2. Tik onderaan op Skep  Gaan regstreeks.
3. Tik op Meer opsies Wys meer.
4. Kies Slegs lede in die sigbaarheidinstellings en kies watter betaalde lede jou regstreekse stroom kan kyk:
   • As jy alle betaalde lede kies, kan enige betaalde lid die regstreekse stroom kyk
   • As jy ’n spesifieke lidmaatskapvlak kies, kan betaalde lede op die gekose vlak (en hoër) die regstreekse stroom kyk.
5. Tik op Volgende  Gaan regstreeks.

Regstreekse klets slegs vir lede

Jy kan die tydens publieke regstreekse strome die klets slegs vir lede maak. Almal kan steeds die regstreekse stroom sien, maar net lede sal kletse kan plaas. Volg hierdie stappe op werkskerm om regstreekse klets slegs vir lede aan te skakel:

1. Meld aan by YouTube Studio.
2. Klik bo regs op SKEP   Gaan regstreeks.
3. Klik Stroom aan die linkerkant.
4. Skep ’n stroom:
   1. Om ’n vorige stroom te kies: Kies ’n vorige stroom en klik Hergebruik instellings.
   2. Om ’n nuwe stroom te skep: Voer jou stroom se inligting in en klik Skep stroom.
5. Klik bo regs op Instellings .
6. Kies Aktiveer klets slegs vir lede onder "Regstreekse stroom".
7. Klik Stoor.

Lidmylpaalkletse

Kanaallede kan een spesiale uitgeligte boodskap per maand in regstreekse klets stuur om te erken en vier hoe lank hulle al ’n lid is. Hierdie kenmerk is beskikbaar aan lede wat in ten minste hul 2de opeenvolgende maand as ’n lid is. Boodskappe kan net gedurende regstreekse strome of Premières gestuur word en is sigbaar aan alle kykers. 

(Om hierdie kenmerk af te skakel, gaan na Studio Verdien  Lidmaatskappe en “Lidmaatskapmylpaalklets” “Af” skakel.)

Let wel: Omdat alle kwalifiserende lede Lidmaatskapmylpaalkletse kan gebruik, sal jy dalk hoë gebruik sien die eerste paar keer wat jy regstreeks stroom nadat hierdie kenmerk geaktiveer is. Die koers sal mettertyd afplat soos elke lid ’n Lidmylpaalklets een keer per maand gebruik.

Liderkenningrak

Om publiek vir jou kanaallede erkenning te gee, kan jy hul avatars in ’n rak bo-aan jou kanaalbladsy uitstal. Hierdie rak is ’n manier waarop jy jou kanaallede kan bedank en ander mense kan wys hoeveel jy jou lede waardeer. Glanslede word lukraak gekies en sal dikwels verander om meer lede die kans te gee om uit te staan. Lede wat jou kanaalbladsy bekyk sal altyd hul eie avatar op die rak sien. As ’n lid hul lidmaatskap kanselleer, sal hulle nie meer op die rak uitgestal word nie.  

Let wel: Wanneer jou kanaal 8 of meer lede het, sal hierdie kenmerk outomaties aangeskakel word. 

Lede moet aktief en terugkerend wees om op die rak uitgestal te word

Om die liderkenningrak af te skakel:

1. Meld op ’n rekenaar by YouTube Studio aan.
2. Gaan na Verdien  Lidmaatskappe.
3. Skakel die “Liderkennningrak” af.

Gepasmaakte kanaalkentekens

Lede sal uitstaan in regstreekse klets, opmerkings en die Gemeenskapoortjie via eksklusiewe slegslede-kentekens.

Oorsig van gepasmaakte kanaalkentekens

Daar is agt verskillende kentekens, en elkeen beklemtoon hoe lank ’n kyker al lid is van jou spesifieke kanaal. Die kentekentye tel hoe lank elke lid kumulatief vir ’n lidmaatskap betaal het. As ’n aktiewe lid byvoorbeeld ’n jaar gelede by jou kanaal aangesluit het, maar slegs vir ’n totaal van 9 maande uit die afgelope 12 maande betaal het, sal hulle kenteken wys dat hulle vir 9 maande lank ’n lid was.

Hier is ’n paar tydsdure wat met elk van die 8 kentekens geassosieer word:

• Nuut
• 1 maand
• 2 maande
• 6 maande
• 1 jaar
• 2 jaar
• 3 jaar
• 4 jaar

Laai gepasmaakte kanaalkentekens op

Daar is verstekkentekens, maar jy moet jou kentekens op die Lidmaatskappe-bladsy  inLojaliteitkentekens oplaai en pasmaak.

As jy nie verskillende kentekens in elke beskikbare gleuf oplaai nie, sal elke leë gleuf met die hoogste gepasmaakte kenteken gevul word wat jy opgelaai het, of die verstek-YouTube-kenteken vir daardie tydsduur (as jy net gepasmaakte kentekens teen hoër tydsdure opgelaai het).

Spesifikasies vir gepasmaakte kanaalkentekens

Lêerformaat: JPEG- of PNG-lêers.
Lêergrootte: Kleiner as 1 MB.
Prentafmetings: Minimum 32px x 32px.

Kentekens sal gelewer word teen 14px x 14px in opmerkings en die Gemeenskapoortjie en 16px x 16px in regstreekse klets.

Gepasmaakte emosiekoon

Laai gepasmaakte emosiekone op

Lede sal toegang kry tot een of meer eksklusiewe gepasmaakte emosiekone wat via YouTube in video-opmerkings gestuur kan word. Dit kan ook in enige van jou regstreekse kletse gestuur word. Daar is by verstek geen gepasmaakte emosiekone nie.

Om gepasmaakte emosiekone op te laai, moet jy na die Lidmaatskappe-bladsy gaan en Wysig kies op “Jou kentekens en emosiekone”-kaart.

Gesinsnaam

Wanneer jy jou eerste emosiekoon oplaai, sal jy ’n voorvoegselnaam genaamd “gesinsnaam” vir al jou emosiekone skep. Lede sal hierdie naam gebruik om jou emosiekone te outovoltooi. Jy kan ook jou kanaal se emosiekone met :_ outovoltooi.

Gesinsname is nie oral op YouTube uniek nie en moet 3–10 karakters wees.

Ons stel voor dat jy as beste praktyk ’n gesinsnaam kies wat maklik as jou handelsmerk herken sal word.

Emosiekoonnaam

Elke emosiekoon sal ’n naam hê wat lede kan gebruik om in regstreekse klets te outovoltooi. Om die emosiekoonnaam te verander, moet jy die emosiekoon uitvee en weer oplaai. Emosiekoonname moet 3–10 alfanumeriese karakters wees en moet uniek wees in hul emosiekoongesin (maar nie oral op YouTube nie).

Die aantal gepasmaakte emosiekone wat jy kan oplaai

Soos jy meer lede bykry, sal jy bykomende gleuwe vir meer gepasmaakte emosiekone ontsluit. Jy sal in kennis gestel word wanneer daar nuwe gleuwe ontsluit is.

# Members	# Emojis
0	4
2	5
5	6
10	7
15	8
20	9
30	10
40	11
50	12
75	13
100	14
125	15
150	16
175	17
200	18
225	19
250	20
300	21
350	22
400	23
450	24
500	25
600	26
700	27
800	28
900	29
1 000	30
1 200	31
1 400	32
1 600	33
1 800	34
2 000	35
2 200	36
2 400	37
2 600	38
2 800	39
3 000	40
3 200	41
3 400	42
3 600	43
3 800	44
4 000	45
4 200	46
4 400	47
4 600	48
4 800	49
5 000	54

Spesifikasies vir gepasmaakte emosiekone

Lêerformaat: GIF-, JPEG- en PNG-lêers word verkies. Let wel: GIF’s sal as ’n statiese prent gewys word, nie as ’n animasie nie.

Lêergrootte: Kleiner as 1 MB.

Prentafmetings: 48px x 48px (verkies) tot 480px x 480px.

Toestelverskille

Emosiekone sal in verskillende groottes wys op mobiele toestelle en rekenaarskerms. Hier is hoe jy kan seker maak dat jou emosiekone op albei platforms goed lyk:

Op mobiele toestelle: Emosiekone wys teen 24x24 punte. Die prent is geskaleer om by die piekseldigtheid van die toestel te pas.

Op die meeste rekenaarskerms: Emosiekoon wys teen 24x24 punte. Op Retina- en HiDPI-toestelle wys die prente teen 48x48 punte of hoër.

Wat kan ek ontwerp?

Emosiekone is ’n manier waarop jy jou kreatiwiteit kan uitdruk. Kom meer te wete oor hoe om emosiekone te ontwerp.

Hou in gedagte dat alle byvoordele wat slegs vir lede is — insluitend kentekens, emosiekone, byvoordele wat jy bied, video’s, regstreekse kletse en ander inhoud — wat deur YouTube-lidmaatskappe aangebied word, ook onderworpe is aan lidmaatskapbeleide.

As jy ekstra videomateriaal het, kan jy dit as ’n lidmaatskapbyvoordeel aanbied. Dit is ’n vinnige manier om jou lede te beloon.