ສະໝັກແພັກເກດຄອບຄົວ YouTube ເພື່ອແບ່ງປັນ ການເປັນສະມາຊິກ YouTube ແບບເສຍເງິນ ຫຼື Primetime Channel (ສະຫະລັດ, ເຢຍລະມັນ, ຝຣັ່ງ, ອອສເຕຣເລຍ ແລະ ສະຫະລາຊະອານາຈັກເທົ່ານັ້ນ) ກັບສະມາຊິກຄົນອື່ນໆໃນຄົວເຮືອນຂອງທ່ານໄດ້ສູງສຸດ 5 ຄົນ.
ວິທີສ້າງກຸ່ມຄອບຄົວຢູ່ YouTube ແລະ YouTube TV
ແພັກເກດຄອບຄົວເຮັດວຽກແນວໃດ
ແພັກເກດຄອບຄົວ YouTube ອະນຸຍາດໃຫ້ທ່ານແບ່ງປັນສິດທິປະໂຫຍດການເປັນສະມາຊິກກັບສະມາຊິກຄອບຄົວໄດ້ເຖິງ 5 ຄົນທີ່ອາໄສຢູ່ພາຍໃນທີ່ຢູ່ອາໄສດຽວກັນ.
- ຜູ້ຈັດການຄອບຄົວ:
- ເປັນຜູ້ຖືບັນຊີຫຼັກ.
- ສ້າງກຸ່ມຄອບຄົວ Google ແລະ ສາມາດເຊີນສະມາຊິກຄອບຄົວເຂົ້າກຸ່ມໄດ້.
- ສະມາຊິກຄອບຄົວ:
- ໃຊ້ບັນຊີ Google ຂອງເຂົາເຈົ້າເອງເພື່ອເຂົ້າເຖິງການເປັນສະມາຊິກທີ່ໃຊ້ຮ່ວມກັນ.
- ສາມາດເບິ່ງເນື້ອຫາ Primetime Channel ທີ່ຜູ້ຈັດການຄອບຄົວຊື້. ສະມາຊິກສາມາດຊື້ Primetime Channel ແຍກຕ່າງຫາກຂອງຕົວເອງໄດ້, ເຊິ່ງຈະບໍ່ແບ່ງປັນກັບຜູ້ຈັດການຄອບຄົວ.
- ມີຫ້ອງສະໝຸດສ່ວນຕົວ, ການຕິດຕາມ ແລະ ການແນະນຳຂອງເຂົາເຈົ້າເອງ, ພວກເຮົາຈະບໍ່ແບ່ງປັນການຕັ້ງຄ່າການເບິ່ງ ຫຼື ປະຫວັດການເບິ່ງໃນບັນຊີສະມາຊິກຄອບຄົວ.
- ມີການຈໍາກັດອາຍຸສຳລັບສະມາຊິກຄອບຄົວທີ່ອາຍຸຕ່ຳກວ່າ 18 ປີ.
- ກຸ່ມຄອບຄົວ ແບ່ງປັນສິດເຂົ້າເຖິງກັບ:
- YouTube Premium
- YouTube Music Premium
- Primetime Channels ຂອງ YouTube (ສະຫະລັດ, ເຢຍລະມັນ, ຝຣັ່ງ, ອອສເຕຣເລຍ ແລະ ສະຫະລາຊະອານາຈັກເທົ່ານັ້ນ)
- ແລະ ບໍລິການອື່ນໆຂອງ Google. ສຶກສາເພີ່ມເຕີມກ່ຽວກັບ ກຸ່ມຄອບຄົວໃນ Google.
ໝາຍເຫດ: ປັດຈຸບັນແພັກເກດຄອບຄົວຍັງບໍ່ພ້ອມໃຫ້ບໍລິການໃນເບລາຣຸສ, ໄອຊ໌ແລນ, ສະໂລເວເນຍ, ເກົາຫຼີໃຕ້ ແລະ ເວເນຊູເອລາ.
ແພັກເກດຄອບຄົວຢູ່ YouTube Premium
ເພື່ອຮັບສິດທິປະໂຫຍດທັງໝົດຂອງແພັກເກດຄອບຄົວ YouTube Premium, ຮວມທັງການເບິ່ງແບບບໍ່ມີໂຄສະນາ, ການດາວໂຫຼດໄວ້ເບິ່ງແບບອອບລາຍ ແລະ ການຫຼິ້ນໃນພື້ນຫຼັງ, ກະລຸນາເຂົ້າໄປ ບ່ອນນີ້ເພື່ອເລືອກການເປັນສະມາຊິກແພັກເກດຄອບຄົວ.
ແພັກເກດຄອບຄົວຢູ່ YouTube Music Premium
ເພື່ອຮັບສິດທິປະໂຫຍດທັງໝົດຂອງແພັກເກດຄອບຄົວ YouTube Music Premium, ຮວມທັງການຟັງແບບບໍ່ມີໂຄສະນາ, ການຫຼິ້ນແບບອອບລາຍ ແລະ ການຫຼິ້ນສຽງແບບປິດໜ້າຈໍ, ກະລຸນາເຂົ້າໄປ ບ່ອນນີ້ເພື່ອເລືອກການເປັນສະມາຊິກແພັກເກດຄອບຄົວ.
ແພັກເກດຄອບຄົວຢູ່ YouTube TV
ຫາກທ່ານ ໄດ້ຊື້ການເປັນສະມາຊິກ YouTube TV, ທ່ານສາມາດສ້າງກຸ່ມຄອບຄົວເພື່ອແບ່ງປັນການເປັນສະມາຊິກຂອງທ່ານກັບ 5 ຄົນໄດ້ໂດຍບໍ່ມີຄ່າໃຊ້ຈ່າຍເພີ່ມເຕີມ. ເມື່ອທ່ານສ້າງກຸ່ມຄອບຄົວ, ທ່ານຈະກາຍເປັນຜູ້ຈັດການຄອບຄົວ.
ໃນຖານະຜູ້ຈັດການຄອບຄົວ, ທ່ານເປັນພຽງຄົນດຽວທີ່ສາມາດຊື້ ແລະ ຕັດສິນໃຈການເປັນສະມາຊິກໄດ້ໃນ YouTube TV. ຫາກທ່ານ ຊື້ການຕິດຕາມ ແລະ ແພັກເກດພິເສດ, ສະມາຊິກຄອບຄົວຈະສາມາດເບິ່ງສ່ວນເສີມເຫຼົ່ານີ້ໄດ້ຈາກບັນຊີຂອງເຂົາເຈົ້າ.
ທ່ານຍັງຈະຕັ້ງສະຖານທີ່ບ້ານ ແລະ ສາມາດເຊີນ ຫຼື ເອົາສະມາຊິກຄອບຄົວອອກຈາກກຸ່ມຄອບຄົວຂອງທ່ານໄດ້ນຳ.
ເພື່ອລົງທະບຽນ ແລະ ສ້າງກຸ່ມຄອບຄົວ:
- ເຂົ້າສູ່ລະບົບຫາ YouTube TV.
- ເລືອກຮູບໂປຣໄຟລ໌ຂອງທ່ານ
ການຕັ້ງຄ່າ
.
- ເລືອກ ຕັ້ງຄ່າ.
- ສ້າງກຸ່ມຄອບຄົວ Google.
- ເຫັນດີນຳ ຂໍ້ກຳນົດບໍລິການ YouTube ແບບເສຍເງິນ ແລະ ນະໂຍບາຍຄວາມເປັນສ່ວນຕົວຂອງ Google.
- ເລືອກ ຍົກເລີກ ຫຼື ຕໍ່ໄປ.
- ສະມາຊິກຄອບຄົວຂອງທ່ານຈະໄດ້ຮັບອີເມວຄຳເຊີນເພື່ອເຂົ້າຮ່ວມກຸ່ມ ແລະ ຈະສາມາດນຳໃຊ້ບັນຊີ Google ຂອງເຂົາເຈົ້າເພື່ອເຂົ້າສູ່ລະບົບໄດ້.
ການຕັ້ງຄ່າ 
.ແພັກເກດຄອບຄົວຢູ່ຊ່ອງ YouTube Primetime
ຫາກທ່ານຕັ້ງຄ່າແພັກເກດຄອບຄົວແລ້ວ, ສິດເຂົ້າເຖິງ Primetime Channel ຈະຖືກແບ່ງປັນໂດຍອັດຕະໂນມັດກັບສະມາຊິກຄອບຄົວທັງໝົດທີ່ຖືກເຊີນ.
ຂໍ້ກຳນົດຂອງກຸ່ມຄອບຄົວ
ສິ່ງສຳຄັນ: ທ່ານຈະບໍ່ສາມາດເລີ່ມຕົ້ນ ຫຼື ເຂົ້າຮ່ວມແພັກເກດຄອບຄົວໂດຍໃຊ້ ບັນຊີ Google Workspace ໄດ້. ເພື່ອລົງທະບຽນແພັກເກດຄອບຄົວ, ກະລຸນາສ້າງ ຫຼື ເຂົ້າສູ່ລະບົບບັນຊີ Google ປົກກະຕິຂອງທ່ານ.
ຂໍ້ກຳນົດຂອງຜູ້ຈັດການຄອບຄົວ
ໃນຖານະທີ່ເປັນຜູ້ຈັດການຄອບຄົວ, ທ່ານເປັນພຽງຄົນດຽວທີ່ສາມາດຊື້ແພັກເກດຄອບຄົວ YouTube ຫຼື ການຕັດສິນໃຈກ່ຽວກັບການເປັນສະມາຊິກສຳລັບກຸ່ມຄອບຄົວໄດ້. ທ່ານຈະຕັ້ງສະຖານທີ່ຄົວເຮືອນ ແລະ ສາມາດເຊີນຊວນ ຫຼື ລຶບສະມາຊິກຄອບຄົວອອກໄດ້.
ເພື່ອແບ່ງປັນແພັກເກດຄອບຄົວ YouTube ຂອງທ່ານກັບກຸ່ມຄອບຄົວຂອງທ່ານ, ທ່ານຈະຕ້ອງ:
- ຕ້ອງມີອາຍຸ 18 ປີຂຶ້ນໄປ (ຫຼື ອາຍຸທີ່ເໝາະສົມໃນພູມສາດຂອງທ່ານ).
- ມີບັນຊີ Google. ຫາກທ່ານມີບັນຊີ Google Workspace, ທ່ານຈະຕ້ອງສ້າງ ຫຼື ເຂົ້າສູ່ລະບົບບັນຊີ Google ປົກກະຕິ.
- ອາໄສຢູ່ໃນປະເທດທີ່ມີ YouTube Premium, YouTube Music Premium, ຫຼື Primetime Channel ໃຫ້ບໍລິການ.
- ໝາຍເຫດ:
- ແພັກເກດຄອບຄົວຍັງບໍ່ພ້ອມໃຫ້ບໍລິການໃນເກົາຫຼີ.
- Primetime Channel ແມ່ນສາມາດໃຊ້ໄດ້ໃນສະຫະລັດ, ເຢຍລະມັນ, ຝຣັ່ງ, ອອສເຕຣເລຍ ແລະ ສະຫະລາຊະອານາຈັກເທົ່ານັ້ນ.
- ໝາຍເຫດ:
- ບໍ່ໄດ້ເປັນສ່ວນໜຶ່ງຂອງກຸ່ມຄອບຄົວອື່ນ.
- ບໍ່ໄດ້ສະຫຼັບກຸ່ມຄອບຄົວໃນ 12 ເດືອນທີ່ຜ່ານມາ.
ຂໍ້ກຳນົດຂອງສະມາຊິກຄອບຄົວ
ຜູ້ຈັດການຄອບຄົວສາມາດເຊີນສະມາຊິກຄອບຄົວໄດ້ເຖິງ 5 ຄົນເພື່ອເຂົ້າຮ່ວມກຸ່ມຄອບຄົວ. ເພື່ອເຂົ້າຮ່ວມກຸ່ມຄອບຄົວທີ່ແບ່ງປັນແພັກເກດຄອບຄົວ YouTube, ທ່ານຈະຕ້ອງ:
- ມີບັນຊີ Google. ຫາກທ່ານມີບັນຊີ Google Workspace, ທ່ານຈະຕ້ອງສ້າງ ຫຼື ເຂົ້າສູ່ລະບົບບັນຊີ Google ປົກກະຕິ.
- ອາໄສຢູ່ໃນທີ່ຢູ່ອາໄສດຽວກັນກັບຜູ້ຈັດການຄອບຄົວ.
- ອາໄສຢູ່ໃນປະເທດ ຫຼື ພາກພື້ນທີ່ມີ YouTube Premium, YouTube Music Premium ຫຼື Primetime Channel ໃຫ້ບໍລິການ.
- ບໍ່ໄດ້ເປັນສ່ວນໜຶ່ງຂອງກຸ່ມຄອບຄົວອື່ນ.
- ບໍ່ໄດ້ສະຫຼັບກຸ່ມຄອບຄົວໃນ 12 ເດືອນທີ່ຜ່ານມາ.
ເຄັດລັບ: ສຶກສາ ວິທີການຕັ້ງຄ່າ ແລະ ຈັດການ ແພັກເກດຄອບຄົວ YouTube ຂອງທ່ານ. ຖ້າທ່ານຕ້ອງການຄວາມຊ່ວຍເຫຼືອໃນແພັກເກດຄອບຄົວຂອງທ່ານ, ທ່ານຍັງສາມາດ ຕິດຕໍ່ກັບຝ່າຍຊ່ວຍເຫຼືອ ໄດ້ທຸກເວລາ.