Məhdud Rejim 2010-cu ildən bəri mövcud olan əlavə ayardır. YouTube-da daha məhdud baxış təcrübəsinə malik olmağı seçən kitabxanalar, məktəblər və dövlət qurumları kimi istifadəçilərin kiçik bir hissəsi Məhdud Rejimdən istifadə edir.
Qeyd: Məhdud Rejim defolt olaraq izləyicilər üçün deaktiv edilib. Məhdud Rejimi aktiv və ya deaktiv etməyi öyrənin.
Məhdud Rejim nədir?Məhdud Rejim izləyicilərə gördükləri kontent üzərində daha yaxşı nəzarət etmək imkanı verir. Bu rejim YouTube təcrübənizi məqsədli şəkildə məhdudlaşdırır.
İzləyicilər şəxsi hesabları üçün Məhdud Rejimi aktiv etməyi seçə bilərlər. Bu rejim müəssisənin sistem administratoru tərəfindən kitabxanalarda, məktəblərdə və digər dövlət qurumlarındakı kompüterlər üçün də aktiv edilə bilər. Məhdud Rejimi aktiv edən izləyicilər videolardakı şərhləri görə bilməz.
Məhdud Rejim aktiv olduqda videonun əlçatmaz olmasının iki səbəbi ola bilər.
- İlk növbədə, avtomatlaşdırılmış sistemimiz videonun metadatası, başlığı və videoda istifadə olunan dil kimi siqnalları yoxlayır.
- Mütəxəssislər yaş məhdudiyyəti tətbiq etdiyinə görə bəzi videolar Məhdud Rejimdə əlçatan olmaya bilər.
Avtomatlaşdırılmış sistemimizin Məhdud Rejimdə hansı videoların əlçatan olacağını qiymətləndirərkən bəzən səhvlərə yol verə bildiyini bilirik. Avtomatlaşdırılmış sistemlərimizi daim təkmilləşdirməyə çalışırıq.
Yetkinlərə uyğun kontenti əks etdirmə potensialı olan videolar Məhdud Rejimi aktiv etmiş izləyicilərə göstərilməyəcək.
- Narkotik və alkoqol: Videolarda narkotik istifadəsi və ya sui-istifadəsi, yaxud alkoqol qəbulu haqqında danışmaq.
- Seksual xarakterli situasiyalar: Seks və ya seksual fəaliyyət haqqında həddindən artıq təfərrüatlı söhbətlər və ya təsvirlər. Məhdud Rejimdə cinsi təhsil, yaxınlıq və ya kimlik haqqında bəzi maarifləndirici, sadə kontentlər görünə bilər. Məhdud Rejimdə həddindən artıq seksual xarakter daşımayan, yaxud videonun diqqət mərkəzində olmayan öpüş və ya yaxınlıq da görünə bilər.
- Zorakılıq: Zorakılıq, zorakılıq aktları, təbii fəlakət və faciələrin əks olunduğu görüntülər və ya zorakılıq haqqında xəbərlər.
- Yetkinlərə uyğun mövzular: Ölüm və ya ciddi xəsarətlə nəticələnən terrorizm, müharibə, cinayət və siyasi münaqişələrlə bağlı hadisələr haqqında xüsusi təfərrüatları əhatə edən videolar. Açıq-aydın görüntülər olmasa belə, bu videolar Məhdud Rejimdə göstərilməyəcək.
- Söyüşlü və yetkinlərə uyğun ifadələr: Uyğunsuz ifadələr, o cümlədən söyüşlər.
- Alçaldıcı və təhqiredici kontent: Hər hansı bir fərdi və ya qrupu haqsız yerə təhrik edən, alçaldan və ya provokasiya yaradan video kontenti.
Bu qaydaları kontekstsiz tətbiq etdikdə bəzi vacib kontentlərin itirilə biləcəyini bilirik. Fərdlərin şəxsi təcrübələrini müzakirə etdiyi və emosiyalarını bölüşdüyü hekayələr bizim üçün əhəmiyyət daşıyır. YouTube-un uğurlu olmasının səbəbi ayrı-seçkiliyə məruz qalma, cinsiyyətini açıqlama və ayrı-seçkiliklə üzləşmə və ya onun aradan qaldırılması ilə bağlı hekayələrin paylaşılmasıdır. Həmin hekayələrin Məhdud Rejimə daxil edildiyinə əmin olmaq üçün əlimizdən gələni edəcəyik. Lakin, daxil edilməsi üçün kontentiniz yuxarıda göstərilən təlimatlara uyğun olmalıdır.
Xeyr, Məhdud Rejimdə əlçatan olmayan videoda yaş məhdudiyyəti olması şərt deyil.
Yaş məhdudiyyəti olan kontent bütün izləyicilər üçün uyğun olmaya bilər. Kontent aşağıdakı istifadəçilərə görünməyəcək:
- Hesabdan çıxış etmiş
- 18 yaşdan aşağı
- Məhdud Rejimi aktiv etmiş
Yaş məhdudiyyətli kontent haqqında ətraflı məlumat əldə edin.
Yoxlamaq üçün Məhdud Rejimi aktiv edə bilərsiniz. Sonra videonun görünüb-görünmədiyini yoxlamaq üçün YouTube-da axtarış edin. Videonun əlçatan olub-olmadığını yoxlamaq üçün birbaşa onun URL-inə də daxil ola bilərsiniz.
Qeyd: Bəzən videolar ilk dəfə yüklənən zaman sistemimiz tərəfindən nəzərdən keçirməli olduğuna görə Məhdud Rejimdə əlçatan olmur. Videonuzun Məhdud Rejimdə əlçatan olub-olmadığını yoxlamadan əvvəl bir az gözləyin.
İcma şikayət etdikdə video Məhdud Rejimdən avtomatik filtrlənmir.
Komandamız İcma Qaydalarının pozulması ilə bağlı şikayət edilmiş videoları nəzərdən keçirir. Bəzi videolar siyasətlərimizi pozmur, lakin bütün izləyicilər üçün uyğun olmaya bilər. Bu kimi hallarda nəzərdən keçirmə komandamız videoya yaş məhdudiyyəti qoya bilər. Yaş məhdudiyyəti olan videolar Məhdud Rejimi aktiv etmiş istifadəçilərə göstərilməyəcək.
Məhdud Rejim aktiv olduqda əlçatan olmasa belə, videoları monetizasiya etməyə davam edə bilərsiniz.
Videonu redaktə etsəniz, sistemimiz onu yenidən nəzərdən keçirə bilər. Təlimatlarımızı nəzərdən keçirdikdən sonra belə, videonuzun Məhdud Rejimdə görünməli olduğunu düşünürsünüzsə, rəy göndərməklə bizə bildirin.