Pamahalaan ang YouTube Super Chat at Super Stickers para sa Live Chat

Ang Super Chat at Super Stickers ay mga paraan para i-monetize ang iyong channel sa pamamagitan ng Partner Program ng YouTube. Nagbibigay-daan ang mga feature na ito sa iyong mga manonood na makabili ng mga mensahe sa live chat na magiging kapansin-pansin, at sa ilang pagkakataon, ay ma-pin ang mga ito sa itaas ng feed ng live chat. Matuto pa tungkol sa pagiging kwalipikado, at kung paano mo puwedeng i-on ang feature na ito.

Tandaan: Posibleng hindi available ang feature na ito sa mga pinapatnubayang experience sa YouTube. Matuto pa.

Super Chat at Super Stickers: Pag-set up at Mga Tip sa Paggamit ng Mga Ito

Tingnan ang Mga Biniling Super Chat at Super Stickers

Lumalabas ang Mga Super Chat at Super Stickers bilang mga mensahe sa chat na may kulay at mga animated na larawan sa iyong feed ng live chat. Kapag bumili ng Super Chat o Super Sticker ang isang manonood, puwedeng manatili sa itaas ng feed ng live chat ang larawan ng kanyang profile. Nakadepende sa halaga ng nabili kung gaano katagal ito mananatili. Habang mas lumalaki ang ginagastos ng isang manonood, mas tatagal ang pananatili ng Mga Super Chat o Super Stickers sa itaas ng feed ng chat. 

Puwede mong tingnan ang lahat ng biniling Super Chat at Super Sticker sa loob ng nakaraang 30 araw sa YouTube Studio.

Tingnan ang mga pagbiling ginawa habang may live stream

Gamitin ang Live Control Room, YouTube mobile app, o website ng YouTube para tingnan ang aktibidad sa Super Chat at Super Sticker sa iyong feed ng live chat.

1. Para i-filter ang iyong feed ng live chat para matingnan lang ang mga biniling Super Chat at Super Sticker:
   1. Sa isang computer, i-click ang Filter ng chat Support fund mula sa fans.
   2. Sa YouTube mobile app, i-tap ang Mga Setting Filter ng chat Support fund mula sa fans.

2. Para matingnan ulit ang lahat ng mensahe sa iyong feed ng live chat, piliin ang Filter ng chat Lahat ng mensahe.

Tandaan: Ang pag-filter sa feed ng live chat mo ay makakaapekto lang sa iyong view bilang creator. Lalahok at susubaybayan pa rin ng mga manonood ang mga regular na live chat.

Tingnan ang lahat ng pagbili

1. Gumamit ng computer para mag-sign in sa YouTube Studio.
2. Sa kaliwang Menu, piliin ang Kumita.
3. Piliin ang tab na Supers .
4. Ipinapakita ang mga pinakabagong pagbili sa card na “Iyong aktibidad sa Super Chat at Super Sticker.” Kung gusto mong tingnan ang lahat ng available na impormasyon sa transaksyon, i-click ang Tingnan lahat.

Mag-interact sa Mga Super Chat at Super Stickers

Ang pakikipag-interact sa Mga Super Chat at Super Stickers habang may live stream ka ay isang magandang paraan para ipakitang pinapahalagahan mo ang iyong mga fan. Magagawa mong:

• Pasalitang kilalanin o pasalamatan ang mga mamimili sa pamamagitan ng shout out habang isinasagawa ang live stream.
• Mag-heart ng Super Chat o Super Sticker para magpakita ng pagpapahalaga: Humanap ng Super Chat o Sticker sa iyong feed ng live chat at piliin ang Heart sa tabi nito. Makikita ng lahat ng manonood na na-heart mo ang Super Chat o Sticker. Depende sa mga setting ng mamimili, puwede rin siyang makatanggap ng notification na nagustuhan mo ang komento niya.

Puwedeng may lumabas na iba pang naka-automate na mensahe sa iyong feed ng live chat para kilalanin ang milestone sa pagbili ng manonood sa YouTube. Halimbawa, puwedeng may lumabas na naka-automate na mensahe para sa isang mamimili na nagsagawa ng kanyang una o ikasampung pagbili. 

Makakatulong ang pagpapakita ng pagpapahalaga para sa mga pagbili at milestone na makabuo ng komunidad at mapalaki ang iyong fanbase.

I-moderate ang Mga Super Chat at Super Stickers

Awtomatikong available ang Super Chat at Super Stickers sa mga kwalipikadong live stream at Premiere kung saan naka-on ang live chat. Bilang default, naka-on ang live chat. Alamin kung paano gamitin ang live chat. 

Puwede mong i-moderate ang Mga Super Chat at Super Stickers sa parehong paraan kung paano mo i-moderate ang mga mensahe sa Live chat. Tulad ng lahat ng bagay sa YouTube, dapat sundin ng aming mga manonood ang Mga Alituntunin ng Komunidad kapag nagpapadala ng Mga Super Chat at Super Stickers. Kung na-moderate at naalis ang isang Super Chat o Super Sticker dahil sa paglabag sa aming mga patakaran, ido-donate ng YouTube ang bahagi ng aming kita sa kawanggawa.

Pag-uulat sa Kita

Makikita mo ang mga ulat sa kita  para sa Supers sa YouTube Analytics  Kita  Paano kumita.

Share ng Kita

Matatanggap ng mga creator ang 70% ng kita sa Supers na makukumpirma ng Google. Kinakalkula ang 70% pagkatapos maibawas ang lokal na sales tax at mga bayarin sa App Store sa iOS. Sa kasalukuyan, sagot ng YouTube ang mga gastusin sa transaksyon, kasama ang mga bayarin sa credit card.

Makakatulong ang pagsasabi ng "salamat," at iba pang maliliit na interaction para mabilis mong mapalaki ang iyong audience gamit ang Super Chat.