Kutunga Chapisho la jumuiya

YouTube Community Posts

Machapisho ya jumuiya yanaweza kukuza hadhira yako kwenye YouTube na kuboresha mawasiliano na hadhira yako. Pata maelezo zaidi kuhusu ustahiki na manufaa ya kichupo cha Jumuiya. Ufikiaji wa chapisho la jumuiya unaweza kubadilika kulingana na jukumu la chaneli yako. Pata maelezo zaidi kuhusu ruhusa za chaneli.

Kidokezo: Machapisho ya jumuiya huzimwa ikiwa:

• Hadhira ya chaneli yako imebainishwa kama inalenga watoto. Pata maelezo zaidi kuhusu kuweka mipangilio ya hadhira yako.
• Unafurahia hali ya utumiaji wa YouTube kupitia akaunti inayodhibitiwa. Pata maelezo zaidi kuhusu huduma ya matumizi yanayosimamiwa kwenye YouTube.

Jinsi ya Kutayarisha Maudhui kwenye YouTube: Video, Video Fupi, Utiririshaji Mubashara kwenye Kifaa cha Mkononi na Machapisho kwenye simu yako

Kumbuka: Baadhi ya vipengele vya Chapisho la jumuiya kama vile kuratibu, uhariri bora na kuisha kwa muda wa matumizi bado havipatikani kwenye vishikwambi vya Android au iPad.

Kutunga Chapisho la jumuiya

Ili utunge Chapisho la jumuiya:

1. Gusa Tunga  Tunga chapisho.
2. Weka maandishi.
3. Chagua picha , kura au swali  kulingana na aina ya chapisho ambalo ungependa kutunga.
4. Chagua Chapisha.

Kumbuka: Ukitaka kuweka mipangilio ya muda wa chapisho lako kuisha baada ya saa 24, gusa chupa inayopima saa .

Tunadhibiti idadi ya machapisho ambayo kituo kinaweza kutunga katika kipindi cha saa 24 ili kulinda jumuiya ya YouTube. Ikiwa utaona ujumbe kuhusu hitilafu ya “umefikisha kikomo”, jaribu tena baada ya saa 24.

Ratibu chapisho

Ili uratibu Chapisho la jumuiya:

1. Gusa Tunga Tunga chapisho.
2. Weka maandishi.
3. Chagua picha , kura au swali  kulingana na aina ya chapisho ambalo ungependa kutunga.
4. Katika kona ya juu kulia, gusa saa.
5. Chagua tarehe, wakati na saa za eneo za kuchapisha chapisho.
6. Chagua Nimemaliza.
7. Kwenye ukurasa wa kutunga chapisho, bofya Ratibu.

Shiriki video kwenye chapisho

Ili kushiriki video kwenye Chapisho la jumuiya:

1. Nenda kwenye video ambayo ungependa kushiriki.
2. Gusa Shiriki Shiriki.
3. Gusa Tunga chapisho.
4. Andika ujumbe wako kisha uguse Chapisha au .

Shiriki orodha ya kucheza kwenye chapisho

Ili kushiriki orodha ya kucheza kwenye Chapisho la jumuiya:

1. Fungua orodha ya kucheza ambayo ungependa kushiriki.
2. Chagua Zaidi Shiriki.
3. Gusa Nakili kiungo.
4. Gusa Tunga Chapisho.
5. Bandika URL ya orodha ya kucheza kisha uguse Chapisha.

Tunga chapisho la mtiririko mubashara

1. Kwenye skrini ya kwanza, gusa Tunga .
2. Gusa Tiririsha Mubashara Hadharani.
3. Chagua kichwa, kisha uguse Endelea.
4. Chagua kijipicha cha chapisho.
5. Gusa Shiriki Tunga chapisho.
6. Weka maandishi ya chapisho, kisha chagua Chapisha.
7. Gusa Tiririsha Mubashara.
8. Ili kukamilisha mtiririko, gusa Maliza.

Taja vituo vingine kwenye chapisho

Unaweza kutaja vituo vingine vya YouTube kwenye Machapisho yako ya jumuiya kwenye kompyuta kwa kuweka alama ya @ ikifuatwa moja kwa moja na kitambulishi chao au jina la kituo. Kituo hicho kinaweza kupokea arifa kuwa umekitaja. Watazamaji wanaweza kubofya mtajo huo kwenye kifaa chochote na kwenda moja kwa moja kwenye ukurasa wa kituo hicho.

Fahamu kuhusu aina za machapisho

Machapisho ya maandishi

Ili kutunga chapisho la maandishi, andika ujumbe wako kwenye kisanduku cha maandishi kwenye kichupo cha Jumuiya cha kituo chako. Unaweza kuchapisha maandishi yako peke yake au na video, picha au GIF. Machapisho ya maandishi hayawezi kuchanganywa na kura za maoni.

Machapisho ya orodha za kucheza

Ikiwa umewasha kipengele cha Machapisho ya jumuiya, unaweza kuchapisha orodha za kucheza kutoka kwa wasanii uwapendao. Nakili na ubandike URL ya orodha ya kucheza kwenye chapisho lako.

Machapisho ya picha na GIF

Unaweza kuchagua kupakia idadi ya hadi picha 5 kwenye chapisho lako. Gusa picha ili uchague picha au GIF zilizohuishwa.

Iwapo unaweza kufikia Kichupo cha Jumuiya, unaweza pia kuweka maandishi, vibandiko na vichujio kwenye chapisho lako la picha kupitia Programu ya YouTube.

Mwongozo

• Ukubwa: Hadi MB 16
• Aina za faili: JPG, PNG, GIF au WEBP
• Uwiano unaopendekezwa: Tunapendekeza uwiano wa 1:1 kwa sababu hivyo ndivyo picha huonyeshwa kwenye mipasho. Watazamaji wanaweza kuona picha yote kwa kubofya ili kuipanua.

Tumia tu picha ambazo una ruhusa ya kuzitumia. Unaweza pia kujumuisha maandishi kwenye chapisho lako la picha. Kumbuka kuwa picha lazima zifuate Mwongozo wa Jumuiya ya YouTube. Ikiwa picha zinakiuka Mwongozo wa Jumuiya, chapisho lako linaweza kuondolewa na kituo kinaweza kupewa onyo.

Machapisho ya video

Kwenye vifaa vya mkononi, unaweza kushiriki video moja kwa moja kwenye kichupo chako cha Jumuiya.

Unapotunga chapisho ambalo linashiriki video ya mtayarishi mwingine, arifa inaweza kutumwa kwa mpakiaji halisi wa video hiyo. Arifa hii husaidia watayarishi kuthibitisha wakati watayarishi wengine wanashiriki video zao.

Kumbuka: Machapisho ya jumuiya kuhusu video ambayo tayari ipo kwenye Mipasho ya Ukurasa wa Kwanza au Vituo Vinavyofuatiliwa na mtazamaji huenda yasionekane tena. Mipangilio hii inazuia watazamaji wako kuona video moja mara kwa mara.

Kura

Ikiwa utachagua kuweka kura kwenye chapisho lako:

1. Chagua kura ya MAANDISHI au PICHA.
2. Kwa kura za maoni za MAANDISHI:
   1. Weka swali kwenye sehemu ya maandishi.
   2. Weka majibu kwenye sehemu za "Chaguo". Haya yanaweza kuwa na idadi ya hadi herufi 65 kila moja.
   3. Ikiwa unahitaji sehemu zaidi za kuweka majibu, gusa ONGEZA CHAGUO.
3. Kwa kura za maoni za PICHA:
   1. Weka swali kwenye sehemu ya maandishi.
   2. Pakia picha kama majibu.
   3. Iwapo unahitaji picha zaidi, gusa ONGEZA CHAGUO ili uongeze idadi ya hadi picha 4.

Kumbuka: Upeo wa chaguo za kura za picha sasa umeongezeka hadi herufi 36. Chaguo za kura za matini zinaweza kuwa na upeo usiozidi herufi 65.

Maswali

Ukichagua kuweka maswali  kwenye chapisho lako:

1. Weka swali kwenye sehemu ya maandishi.
2. Weka majibu kwenye sehemu za "Jibu". Upeo wa majibu unaweza kuwa na hadi idadi ya herufi 80 kwa kila jibu.
3. Ukihitaji sehemu zaidi za kuweka majibu, gusa Ongeza jibu. Unaweza kuwa na hadi majibu 4.
4. Chagua jibu sahihi. Unaweza kuweka maelezo ambayo si ya lazima ya kwa nini jibu hili ni sahihi katika sehemu ya maandishi. Maelezo hayapaswi kuzidi herufi 350.

Kumbuka: Unaweza kuwa na jibu moja tu ambalo ni sahihi kwenye maswali.