Video’s kan geld verdien tydens ’n Content ID-dispuut as beide die videoskepper en die Content ID-eiser die video wil monetiseer. Jy kan enige tyd ’n Content ID-eis betwis. As jy ’n eis binne 5 dae betwis, sal enige inkomste uit die video terughou word vanaf die eerste dag waarop die eis geplaas is. As jy ’n Content ID-eis ná 5 dae vanaf die oorspronklike eisdatum betwis, sal ons inkomste begin terughou op die datum waarop die dispuut gemaak is.
Die inkomste sal deurgaans tydens die dispuutproses apart teruggehou word, en sodra die dispuut afgehandel is, sal ons dit aan die toepaslike party uitbetaal.
Dien ’n Content ID-dispuut in
Nadat ’n Content ID-eis op jou video gemaak is, het jy ’n paar opsies om te reageer:
- Doen niks en laat die eis op jou video bly: Ná 5 dae vanaf die eisdatum word enige teruggehoue inkomste aan die eiser vrygestel.
- Dien binne 5 dae ’n dispuut in: Advertensies sal aanhou wys. Alle inkomste verdien uit die video sal teruggehou word terwyl die eiser jou dispuut hersien.
- Dien ná 5 dae ’n dispuut in: Inkomste sal teruggehou word vanaf die datum waarop die dispuut gemaak word terwyl die eiser jou dispuut hersien.
Kom meer te wete oor wat gebeur wanneer jy ’n Content ID-eis betwis.
Dien ’n Content ID-appèl in
As jy kies om te appelleer teen ’n herstelde eis of om te eskaleer na appèl, het jy ’n paar opsies:
- Doen niks en laat die eis op jou video bly: Ná 5 dae sal enige teruggehoue inkomste aan die eiser vrygestel word.
- Dien binne 5 dae ’n appèl in: Advertensies sal aanhou wys. Alle inkomste verdien uit die video sal teruggehou word terwyl die eiser jou appèl nagaan.
- Dien ná 5 dae ’n appèl in: Inkomste sal teruggehou word vanaf die datum waarop die appèl gemaak word terwyl die eiser jou appèl nagaan.
Kom meer te wete oor wat gebeur wanneer jy teen ’n Content ID-eis appelleer.
Inkomste uit dispute in YouTube Analytics
As daar ’n aktiewe Content ID-eis op jou video is en jy dit betwis of appelleer, sal inkomstedata vir die video nie in YouTube Analytics wys nie. As die eis vrygestel word, sal inkomstedata vir die dispuuttydperk later by YouTube Analytics gevoeg word. As die eis vroeëer in die maand afgehandel word, behoort hierdie data tussen die 10de en 20ste van die volgende maand te verskyn. As die eis naby aan die einde van die maand afgehandel word, kan die data 2 maande later tussen die 10de en 20ste wys.
- Jy het ’n Content ID-eis op 12 Julie betwis en die dispuut is op 6 Augustus in jou guns afgehandel. Jou inkomstedata vir 12 Julie tot 6 Augustus sal tussen 10 September en 20 September in Analytics wys.
- Jy het ’n Content ID-eis op 4 Augustus betwis en die dispuut is op 29 Augustus in jou guns afgehandel. Jou inkomstedata vir 4 Augustus tot 29 Augustus sal tussen 10 Oktober en 20 Oktober in Analytics wys.