ເມື່ອຊ່ອງຂອງທ່ານເຕີບໃຫຍ່ຂຶ້ນ ແລະ ທ່ານເຂົ້າເຖິງຜູ້ຊົມໃນທົ່ວໂລກ, ໃຫ້ພິຈາລະນາສ້າງຊ່ອງທີ່ແຕກຕ່າງກັນສໍາລັບພາສາ ຫຼື ປະເທດ/ພາກພື້ນທີ່ຕ່າງກັນ. ທາງລຸ່ມນີ້ແມ່ນສາມຍຸດທະສາດໃນການເຂົ້າເຖິງຜູ້ຊົມທົ່ວໂລກ. ເພື່ອຊ່ວຍໃຫ້ເຂົ້າເຖິງຜູ້ຊົມໃນທົ່ວໂລກໄດ້ຫຼາຍຂຶ້ນ, ທ່ານສາມາດ ໃຊ້ຄຳບັນຍາຍອັດຕະໂນມັດ, ເພື່ອເພີ່ມການແປພາສາດ້ວຍຕົນເອງ ຫຼື ໃຊ້ບໍລິການ ຫຼື ເຄື່ອງມືຂອງພາກສ່ວນທີສາມ.
ເກັບເນື້ອຫາຂອງທ່ານທັງໝົດໄວ້ໃນໜຶ່ງຊ່ອງ. ອັບໂຫຼດວິດີໂອໃນຫຼາຍພາສາສໍາລັບພື້ນທີ່ທີ່ແຕກຕ່າງກັນ.
ການສ້າງແບຣນ
ແບຣນຂອງທ່ານຈະສອດຄ່ອງກັນໃນປະເທດ/ພາກພື້ນຕ່າງໆ. ຫາກຜູ້ຊົມຂອງທ່ານໃຊ້ຄໍາດຽວກັນເພື່ອຊອກຫາແບຣນຂອງທ່ານບໍ່ວ່າຈະເປັນພາສາໃດກໍຕາມ, ຊ່ອງຂອງທ່ານຈະຖືກຄົ້ນພົບໄດ້ງ່າຍຂຶ້ນ.
ການມີສ່ວນຮ່ວມ
ການໃຊ້ໜຶ່ງຊ່ອງຈະຮວບຮວມສິດການເບິ່ງ ແລະ ຜູ້ຕິດຕາມຂອງທ່ານ. ນອກຈາກນັ້ນ, ມັນຍັງເຮັດໃຫ້ຜູ້ຊົມຊອກຫາຊ່ອງຂອງທ່ານໃນ YouTube ຊອກຫາ ໄດ້ງ່າຍຂຶ້ນ.
ຊ່ອງຂອງທ່ານຈະໄດ້ຮັບການອັບເດດໂພສ, ຄໍາເຫັນ ແລະ ຟີດຕ່າງໆໃນຫຼາຍພາສາທີ່ແຕກຕ່າງກັນ. ເຊິ່ງອາດເຮັດໃຫ້ຜູ້ຊົມຂອງທ່ານສັບສົນ.
ເພື່ອຊ່ວຍຜູ້ຊົມຂອງທ່ານ:
- ໃຫ້ເພີ່ມ ຄຳແປ ແລະ ຄຳບັນຍາຍ ເພື່ອເຮັດໃຫ້ວິດີໂອຂອງທ່ານເຂົ້າເຖິງໄດ້ງ່າຍຂຶ້ນ.
- ເພີ່ມ ພາກສ່ວນ ແລະ ລາຍການຫຼິ້ນ ສໍາລັບພາສາ ແລະ ພື້ນທີ່ທີ່ແຕກຕ່າງກັນໃສ່ໃນຊ່ອງຂອງທ່ານ.
ການຈັດການ
ດ້ວຍເນື້ອຫາຂອງທ່ານໃນບ່ອນດຽວ, ທີມງານຂອງທ່ານຈະສາມາດເນັ້ນໃສ່ການຈັດການພຽງຊ່ອງດຽວ, ເຮັດໃຫ້ງ່າຍໃນການຮັກສາຄວາມສອດຄ່ອງຂອງການສ້າງແບຣນ ແລະ ໂທນລະດັບໂລກ.
ສ້າງຊ່ອງແຍກສໍາລັບພາສາ ແລະ ພື້ນທີ່ຕ່າງໆທີ່ແຕກຕ່າງກັນ. ຍຸດທະສາດນີ້ມີປະໂຫຍດສໍາລັບພາສາຕ່າງໆທີ່ມີຕົວອັກສອນ ຫຼື ຄໍາຊອກຫາທີ່ຫຼາກຫຼາຍ.
ການສ້າງແບຣນ
ທ່ານສາມາດປັບແຕ່ງແຕ່ລະຊ່ອງໃຫ້ເຂົ້າກັບຜູ້ຊົມທ້ອງຖິ່ນ ແລະ ຮວມກິດຈະກໍາ ແລະ ການສົ່ງເສີມຕ່າງໆພາຍໃນທ້ອງຖິ່ນເຂົ້າກັນໄດ້ຢ່າງງ່າຍດາຍ. ຫາກແບຣນຂອງທ່ານແຕກຕ່າງກັນເລັກໜ້ອຍໃນແຕ່ລະປະເທດ/ພາກພື້ນ, ຍຸດທະສາດນີ້ຈະຊ່ວຍໃຫ້ທ່ານຮວມຄວາມແຕກຕ່າງເຫຼົ່ານັ້ນເຂົ້າກັບຍຸດທະສາດຊ່ອງຂອງທ່ານໄດ້.
ການມີສ່ວນຮ່ວມ
ຊ່ອງຕ່າງໆທີ່ແຍກກັນຈະຊ່ວຍໃຫ້ທ່ານມີການສື່ສານທີ່ເນັ້ນໃສ່ຜູ້ຊົມທີ່ແຕກຕ່າງກັນຂອງທ່ານ. ລາຍການທັງໝົດໃນແຕ່ລະຊ່ອງຈະຖືກປັບແຕ່ງໃຫ້ເຂົ້າກັບຜູ້ຊົມສະເພາະລາຍ, ເຊິ່ງອາດຈະຊ່ວຍໃຫ້ຜູ້ຊົມໄດ້ຮັບປະສົບການທີ່ດີຂຶ້ນ. ອາດມີໂອກາດໜ້ອຍທີ່ຜູ້ຊົມຈະເກີດຄວາມສັບສົນ ຫຼື ເຊົາມີສ່ວນຮ່ວມຍ້ອນເນື້ອຫາພາສາທີ່ແຕກຕ່າງກັນ.
ເພື່ອປັບປຸງການຄົ້ນພົບ:
- ໃຫ້ລະບຸພາສາ ຫຼື ພື້ນທີ່ຂອງແຕ່ລະຊ່ອງ ເພື່ອໃຫ້ຜູ້ຊົມສາມາດຊອກຫາຊ່ອງທ້ອງຖິ່ນຂອງເຂົາເຈົ້າໃນການຊອກຫາຕ່າງໆຂອງ YouTube ໄດ້.
- ໂປຣໂໝດຊ່ອງພາສາຕ່າງໆຂອງທ່ານລະຫວ່າງກັນເພື່ອປັບປຸງການຄົ້ນພົບ.
- ເພີ່ມຊ່ອງທີ່ໜ້າສົນໃຈໃສ່ພາກສ່ວນ “ຊ່ອງທີ່ແນະນໍາ” ຂອງຫນ້າເວັບຊ່ອງທ່ານ.
ການຈັດການ
ຈະຕ້ອງມີການບໍາລຸງຮັກສາ ແລະ ເອົາໃຈໃສ່ແຕ່ລະຊ່ອງໃຜມັນຢ່າງຕໍ່ເນື່ອງ. ຕ້ອງໃຫ້ແນ່ໃຈວ່າແບຣນຂອງທ່ານສາມາດແບ່ງຊັບພະຍາກອນໃຫ້ພຽງພໍຕໍ່ການຮັກສາແຕ່ລະຊ່ອງດ້ວຍການກໍານົດເວລາອັບໂຫຼດ ແລະ ມີສ່ວນຮ່ວມຢ່າງເປັນປະຈໍາ.
ໃຊ້ຊ່ອງດຽວເປັນຊ່ອງຫຼັກຂອງແບຣນທ່ານເພື່ອນໍາສະເໜີແຄມເປນຕ່າງໆທົ່ວໂລກ. ສ້າງຊ່ອງທ້ອງຖິ່ນຕ່າງໆສໍາລັບພາສາ ແລະ ປະເທດ/ພາກພື້ນທີ່ແຕກຕ່າງກັນ.
ການສ້າງແບຣນ
ໃຊ້ຊ່ອງຫຼັກຂອງທ່ານສໍາລັບເນື້ອຫາທົ່ວໂລກ ແລະ ໃຊ້ຊ່ອງທ້ອງຖິ່ນສໍາລັບກິດຈະກໍາ ແລະ ການສົ່ງເສີມຕ່າງໆ. ສ້າງແມ່ແບບທີ່ສອດຄ່ອງກັນສໍາລັບ ເມຕາເດຕາ ແລະ ຮູບຕົວຢ່າງ ຂອງວິດີໂອທ່ານເພື່ອຮັກສາຄວາມສອດຄ່ອງກັນໃນບັນດາຊ່ອງຂອງທ່ານ.
ການມີສ່ວນຮ່ວມ
ເຖິງວ່າຜູ້ຊົມ ແລະ ຜູ້ຕິດຕາມອາດຈະແຍກກັນຢູ່ໃນຫຼາຍຊ່ອງ, ຜູ້ຊົມກໍຈະໄດ້ຮັບປະສົບການທີ່ສອດຄ່ອງກັນແຕ່ເປັນພາສາທ້ອງຖິ່ນ. ໃຊ້ຊ່ອງລະດັບສາກົນຫຼັກຂອງທ່ານເພື່ອດຶງດູດຜູ້ຊົມໄປຫາຊ່ອງທ້ອງຖິ່ນຂອງທ່ານໂດຍໃຊ້ເມຕາເດຕາວິດີໂອ, ຄຳອະທິບາຍຊ່ອງ ແລະ ການສ້າງໂປຼແກຣມຊ່ອງທີ່ແນະນໍາ.
ການອັບໂຫຼດຢູ່ຊ່ອງທ້ອງຖິ່ນເລື້ອຍຂຶ້ນຈະສາມາດຊ່ວຍໃຫ້ຄົ້ນພົບພວກມັນໄດ້ໃນ YouTube ຊອກຫາ.
ການຈັດການ
ໃນໂຄງສ້າງການຈັດຕັ້ງຊ່ອງນີ້ຕ້ອງມີການປະສານງານກັນລະຫວ່າງທີມງານລະດັບສາກົນ ແລະ ທ້ອງຖິ່ນ ແຕ່ໃຫ້ທ່ານສາມາດປັບແຕ່ງຂໍ້ຄວາມແບຣນຂອງທ່ານສໍາລັບຕະຫຼາດທ້ອງຖິ່ນໄດ້. ຍຸດທະສາດນີ້ຕ້ອງໃຊ້ເວລາ ແລະ ຄວາມພະຍາຍາມຫຼາຍໃນການຮັກສາມັນ.