Birta og bregðast við ummælum

YouTube-ummæli: svara, sía og stjórna

Ef eigandi vídeós hefur kveikt á ummælum geturðu birt ummæli og lækað, dissað eða svarað ummælum annarra við vídeó, lag eða hlaðvarp á YouTube og í YouTube Music-forritinu. Þú getur líka breytt eða eytt öllum ummælum sem þú setur inn. Svör við ummælum eru birt í þræði fyrir neðan upphaflegu ummælin þannig að þú getur fylgt samtalinu.

Svaraðu ummælum í snjallsjónvarpinu þínu

Nú getur þú skoðað og svarað ummælum meðan þú horfir á efni í snjallsjónvarpinu eða leikjatölvunni þinni. Til að skoða ummælin við vídeó skaltu fara á áhorfssíðu vídeósins og velja titil vídeósins. Upplýsingahlutinn birtist með ummælasvæði vídeósins. Veldu ummælareitinn til að skoða heildarlista yfir ummæli við vídeóið, þar á meðal:

• Ummæli sem höfundurinn hefur fest
• Fjöldi læka
• Fjöldi svara

Veldu ummæli til að lesa ummælin í heild, skoða svör, læka eða dissa ummælin.

Til þess að svara eða birta ummæli skaltu samstilla snjallsjónvarpið eða leikjatölvuna þína við símann þinn og skrifa ummælin í símanum.

Til að bæta við ummælum eða svari:

1. Opnaðu YouTube-forritið í símanum.
2. Tryggðu að þú hafir skráð þig inn á sama Google-reikning í báðum tækjum.
3. Sprettigluggi opnast í YouTube-forritinu og biður þig um að tengjast YouTube í sjónvarpinu þínu.
4. Ýttu á Tengja.
5. Ummæli við vídeóið sem þú ert að horfa á í sjónvarpinu hlaðast inn í YouTube forritið sem gerir þér kleift að birta ummæli og eiga í samskiptum snurðulaust.

Athugaðu: Ef þú ert útskráð(ur) geturðu skoðað ummæli en ekki svarað þeim eða birt þín eigin ummæli.

Birtu ummæli við vídeó

Opinber vídeó

Þú getur sett inn ummæli við lög, vídeó, hlaðvörp og upphlaðna tónlist frá YouTube og YouTube Music. Öll ummæli við opinber vídeó á YouTube eru opinber og allir geta svarað ummælum sem þú birtir. Ef þú notar Google-reikning eru ummæli sem þú birtir á YouTube sýnileg notendum utan lénsins þíns.

Til að bæta við ummælum

1. Finndu ummælasvæðið undir vídeóinu.
2. Sláðu inn í Bæta við ummælum... reitinn.
3. Sláðu inn ummæli.
4. Smelltu á Ummæli.

Lokuð vídeó

Ekki er hægt að skrifa ummæli við lokuð vídeó. Ef þú vilt leyfa ummæli við vídeó sem er ekki opinbert skaltu birta óskráð vídeó í staðinn.

Óskráð vídeó

Þú getur birt ummæli og svarað ummælum við óskráð vídeó. Allir sem eru með tengil á vídeóið geta séð ummæli við óskráð vídeó. Nánar um óskráð vídeó og birtingarstillingar.

Ef þú ert ekki með YouTube rás muntu sjálfkrafa búa til rás með því að birta ummæli. Þú getur skoðað og stjórnað rásinni þinni með því að fara í prófílmyndina þína eftir að þú birtir ummælin.

Svara ummælum

Svara ummælum við lög, vídeó, hlaðvörp og upphlaðna tónlist frá YouTube og YouTube Music. 

1. Smelltu á SVARA fyrir neðan ummæli.
2. Sláðu inn ummæli.
3. Smelltu á SVARA.

Bæta sniði við ummæli

Fáðu áskrift að YouTube Viewers rásinni til að fá nýjustu fréttir, uppfærslur og ábendingar!

Bæta stíl við ummæli

Þú getur notað sniðinn texta til að sníða ummælin með algengum sérmerkjum, til dæmis:

• *feitletrun texta* → feitletrun
• _skáletraður texti_ → skáletrun
• -gegnumstrikaður texti- → gegnumstrikun

Bættu tenglum við ummæli

Ef þú bætir vefslóð við ummælin þín munu þau birtast sem tengill.

Bæta hjarta við uppáhaldsummæli

Þú getur notað hjarta  til að sýna að þú kunnir vel að meta ummæli áhorfanda í samfélagsflipanum og á áhorfssíðunni.

1. Skráðu þig inn á YouTube.
2. Farðu í færslu í samfélagsflipanum.
3. Þú finnur hjartað við hliðina á þumli upp og þumli niður.

Áhorfendur munu sjá notandamynd þína og lítið rautt hjarta niðri til vinstri og fá tilkynningu (fer eftir stillingum áhorfanda á móttöku efnis í tölvu og farsíma) um að rásareigandi „elski ummælin þín“.

Ábending: Þú getur líka stjórnað ummælum með Creator Studio forritinu í snjalltækinu. Hafist handa í hjálparmiðstöð YouTube Creator Studio forritsins.

Festu ummæli efst

Til að festa ummæli þarftu að leyfa aðgang að ítareiginleikum á rásinni þinni. Það getur tekið allt að sólarhring fyrir ítareiginleika að birtast á rásinni þinni eftir að kveikt hefur verið á þeim.

Beindu athygli aðdáendanna að ummælum með því að festa þau efst á ummælasvæðinu. Í snjalltækjum þurfa áhorfendur að stækka ummælasvæðið til að sjá festu ummælin. Þú getur valið að festa ummæli frá þér eða ummæli frá aðdáanda.

1. Skráðu þig inn á YouTube.
2. Í ummælunum fyrir neðan vídeó skaltu velja ummælin sem þú vilt festa.
3. Smelltu á Meira Festa . Ef þú hefur nú þegar fest ummæli munu þessi koma í stað þeirra.
   Athugaðu: Þú getur Losað ummæli hvenær sem er og þá verða þau flutt aftur í upphaflega stöðu.
4. Smelltu á FESTA til að staðfesta.

Í tölvu munu áhorfendur sjá festu ummælin efst á áhorfssíðunni með tákninu „Fest af“ og heiti rásarinnar þinnar. Í snjalltækjum þarf fólk að ýta á ummælasvæðið til að stækka það.

Ábending: Þú getur líka stjórnað ummælum með Creator Studio forritinu í snjalltækinu. Hafist handa í hjálparmiðstöð YouTube Creator Studio forritsins.

Læka eða dissa ummæli

Farðu í ummæli og notaðu svo táknið Læka eða Dissa .

Ábending: Ef þú sérð ummæli sem þú telur vera óviðeigandi geturðu tilkynnt þau sem ruslefni eða misnotkun. Ef þú ert höfundur geturðu líka notað stjórnunarverkfæri fyrir ummæli til að stjórna ummælum við vídeóin þín.

Breyta eða fjarlægja ummæli

1. Haltu bendlinum efst til hægri í ummælunum.
2. Smelltu á Meira .
3. Veldu Breyta  eða Eyða .

Algengar spurningar um forskoðun á ummælum

Hvaða ummæli birtast á forskoðunarsvæði ummæla?

Ummæli geta birst á forskoðunarsvæðum ummæla af mörgum ástæðum. Til dæmis ef ummælin:

• Voru nýlega birt
• Voru fest eða ef höfundur vídeósins setti „hjarta“ við þau

Hvernig skoða ég öll ummæli?

Til að skoða öll ummæli skaltu ýta hvar sem er á forskoðunarsvæði ummæla.

Til að fara aftur í vídeólistann horfa næst skaltu ýta á X í horninu efst til hægri.

Munu festu ummælin mín birtast á forskoðunarsvæðum ummæla?

Það er takmarkað pláss á forskoðunarsvæði ummæla og þess vegna er ekki víst að ummælin þín birtist þar þó að þú festir þau. Fest ummæli birtast þó áfram sem fyrstu ummælin þegar einhver ýtir til að skoða öll ummæli.

Gilda núverandi stjórnunarstillingar ummæla hjá mér um forskoðunarsvæði ummæla?

Já. Allar stjórnunarstillingar ummæla gilda fyrir forskoðunarsvæði ummæla, þar á meðal hvað varðar útilokuð orð og falda notendur. Nánar um hvernig þú getur stjórnað og breytt ummælum.

Áminningar um ummæli, viðvaranir og tímamörk

Áminningar um ummæli

Áður en þú birtir ummæli gætirðu fengið áminningu sem ætlað er að hvetja til virðingar í samskiptum á YouTube. Þessi áminning sést þegar kerfið okkar metur sem svo að ummæli þín gætu talist móðgandi fyrir aðra. Íhugaðu ummælin þín eða skoðaðu reglur netsamfélagsins áður en þú birtir þau.

Athugaðu:Þessi áminning er sem stendur bara í boði fyrir ummæli á ensku eða spænsku.

Viðvaranir um fjarlægingu ummæla

Þegar þú hefur birt ummæli gætirðu fengið tilkynningu um að ummælin hafi verið fjarlægð. Ummæli geta verið fjarlægð þegar kerfi YouTube metur sem svo að ummælin geti talist endurtekið brotið gegn reglum netsamfélagsins á YouTube. Ef þú ert ósammála fjarlægingunni geturður sent okkur ábendingu hér.

Tímamörk ummæla

Þegar þú hefur birt ummæli gætirðu fengið tilkynningu um að hlé hafi verið gert á ummælum á reikningnum þínum. Hlé kann að vera gert á ummælum þegar kerfi YouTube metur sem svo að þú skrifir ummæli sem gætu brotið í bága við eina eða fleiri af reglum netsamfélagsins. Hlé gæti hafa verið gert á möguleika þínum til að skrifa ummæli í allt að sólarhring.