YouTube કન્ટેન્ટ અપલોડ કરવાની બહુવિધ પદ્ધતિઓ ઑફર કરે છે. તમે જે ડિલિવરીની પદ્ધતિ પસંદ કરો છો, તેનો આધાર તમારી પાસે જે કન્ટેન્ટ છે તેના પ્રકાર અને પ્રમાણ પર તેમજ તમને ઉપલબ્ધ ટેક્નિકલ સંસાધન પર હોય છે. તમારી ઇન્જેશનની સાચી પદ્ધતિ પસંદ કરવાથી તમારો મૂલ્યવાન સમય બચી શકે છે.
પ્રાથમિક અપલોડ
કોઈ વીડિયો અને તેના મેટાડેટાને અપલોડ કરવાની સૌથી સરળ પદ્ધતિ પેજ અપલોડ કરવાની છે. આ પદ્ધતિમાં તમારી પાસે અલગ મેટાડેટા ફાઇલ હોતી નથી અને વીડિયો અપલોડ કર્યા પછી તમારે જાતે મેટાડેટા દાખલ કરવાનો હોય છે. વધુ વિગતો માટે, આ લેખ જુઓ.
એક સમયે થોડા વીડિયો અપલોડ કરતા ભાગીદારો માટે આ વિકલ્પ આદર્શ છે. તેના માટે કોઈ ખાસ ટેક્નિકલ કુશળતાની જરૂર નથી અને YouTube પર અપલોડ કરેલા વીડિયો તરત જ દેખાય છે. તેની નબળી બાજુ એ છે કે તેમાં કોઈ બૅચ પ્રક્રિયા નથી તેમજ કોઈ કન્ટેન્ટ મેનેજમેન્ટ સિસ્ટમ સાથે કોઈપણ પ્રકારનું એકીકરણ પણ નથી. તદુપરાંત, અપલોડ પેજ સાઉન્ડ રેકોર્ડિંગ, સંગીત રચનાઓ કે તમે જે વીડિયોના વિશ્વભરમાં માલિક નથી તેને અપલોડ કરવાને સપોર્ટ કરતું નથી, આવા પ્રકારની અસેટને અપલોડ કરવા માટે તમારે કોઈ એક જથ્થાબંધ પદ્ધતિનો ઉપયોગ કરવાની જરૂર પડશે.
જથ્થાબંધ અપલોડ
જો તમારે વધારે અસેટ ડિલિવર કરવાની હોય તો તમે તેને YouTube પર પૅકેજ અપલોડકર્તાનો ઉપયોગ કરીને જથ્થાબંધ અપલોડ કરવાનું પસંદ કરશો, જેને તમે કન્ટેન્ટ ડિલિવરીના "માન્ય કરો અને અપલોડ કરો" બટન હેઠળ શોધી શકો છો. આ ટૂલ તમને તમારી બધી કન્ટેન્ટ ફાઇલ (સાઉન્ડ રેકોર્ડિંગ અને વીડિયો) ધરાવતી અપલોડ બૅચ બનાવવા દે છે. વધુ વિગતો માટે, આ લેખ જુઓ.
જથ્થાબંધ અપલોડમાં તમે અપલોડ કરેલી બધી અસેટ માટે અલગ ફાઇલમાં મેટાડેટા પૂરા પાડો છો. તમે YouTube પર જે મીડિયા ફાઇલ ડિલિવર કરી રહ્યા છો, તેની સાથે અપલોડ કરવા YouTube મેટાડેટા ફાઇલ માટે સ્પ્રેડશીટનાં નમૂનાનો સંગ્રહ પૂરો પાડે છે. સ્પ્રેડશીટમાં દરેક પંક્તિ એક અસેટ માટેનાં મેટાડેટા દર્શાવે છે. તમે અપલોડ દરમિયાન સમસ્યાઓ ટાળવા માટે અગાઉથી માન્યતા પસંદ કરી શકો છો. તમે કન્ટેન્ટ મેનેજરમાં નમૂનાઓની ટૅબ હેઠળ કન્ટેન્ટ ડિલિવરી પેજમાંથી સ્પ્રેડશીટનાં નમૂના ડાઉનલોડ કરી શકો છો.
મોટી માત્રામાં અપલોડ
જે ભાગીદારો નિયમિત મોટી માત્રામાં અસેટ (દર મહિને 100 કરતાં વધુ) ડિલિવર કરે છે, તેઓ પૅકેજ અપલોડકર્તાના બદલે સુરક્ષિત ફાઇલ ટ્રાન્સફર પ્રોટોકૉલ (SFTP) અથવા Aspera વાપરીને તેમના મીડિયા અને મેટાડેટા ફાઇલ ટ્રાન્સફર કરી શકે છે. SFTP કરતાં Aspera વધુ ઝડપી છે અને મોટી મીડિયા ફાઇલ ડિલિવર કરવા માટે તે વધુ સારો વિકલ્પ છે. જે ભાગીદારોને ટેક્નોલોજીના પાર્ટનર મેનેજર નિયુક્ત કરેલા છે, તેઓ માટે YouTube ઇન્ટરનેટ વગર ડિસ્ક આયાત કરવાની પણ ઑફર કરે છે, જેમાં તમે Google અપલોડ કેન્દ્ર પર લગભગ અમર્યાદિત પ્રમાણમાં કન્ટેન્ટ ધરાવતી ડિસ્ક રવાના કરી શકો છો.
YouTube APIs
તમારા અપલોડ પર સર્વશ્રેષ્ઠ નિયંત્રણ માટે, તમે YouTube APIs વાપરીને અપલોડ કરવાની કસ્ટમ પદ્ધતિ ડેવલપ કરી શકો છો. YouTube ડેટા API અને YouTube Content ID API વાપરવાથી તમે સ્ટેટસ અપડેટ અને fallback logicને નિયંત્રિત કરવા સક્ષમ થાઓ છો.