ເມື່ອທ່ານເຫັນໝາຍຖືກການຢັ້ງຢືນ 
ສະໝັກຂໍການຢັ້ງຢືນຊ່ອງ
You can submit a request for a channel verification once you have 100,000 subscribers. It looks like your channel isn't eligible yet.
Make sure you're signed in with the email address for the eligible channel. Click your profile picture in the top-right and choose that account.
To see if your channel is eligible to request verification, click Sign in at the top-right.
ພວກເຮົາຈະບໍ່ຢັ້ງຢືນຊ່ອງທີ່ພະຍາຍາມປອມຕົວເປັນຜູ້ສ້າງ ຫຼື ແບຣນອື່ນ. ຖ້າພວກເຮົາພົບເຫັນວ່າຊ່ອງຕັ້ງໃຈປອມຕົວເປັນຄົນອື່ນ, ພວກເຮົາອາດດຳເນີນການຫຼາຍຂຶ້ນ.
ກ່ຽວກັບຊ່ອງທີ່ຢັ້ງຢືນແລ້ວ
ຖ້າຊ່ອງໄດ້ຮັບການຢັ້ງຢືນແລ້ວ, ມັນກໍເປັນຊ່ອງຢ່າງເປັນທາງການຂອງຜູ້ສ້າງ, ສິນລະປິນ, ບໍລິສັດ ຫຼື ບຸກຄົນສາທາລະນະ. ຊ່ອງທີ່ຢັ້ງຢືນແລ້ວຈະຊ່ວຍຈຳແນກຊ່ອງຢ່າງເປັນທາງການອອກຈາກຊ່ອງອື່ນໆທີ່ມີຊື່ຄ້າຍຄືກັນຢູ່ YouTube ໄດ້.
ກະລຸນາຮັບຊາບວ່າ:
- ຊ່ອງທີ່ຢັ້ງຢືນແລ້ວຈະບໍ່ໄດ້ຮັບຄຸນສົມບັດພິເສດຢູ່ YouTube. ພວກມັນຍັງບໍ່ໄດ້ເປັນຕົວແທນໃຫ້ລາງວັນ, ເຫດການສຳຄັນ ຫຼື ການສະໜັບສະໜູນຈາກ YouTube. ສຳລັບຂໍ້ມູນກ່ຽວກັບລາງວັນ, ໃຫ້ສຶກສາເພີ່ມເຕີມກ່ຽວກັບ ໂຄງການລາງວັນຜູ້ສ້າງຂອງ YouTube.
- ຖ້າຊ່ອງຂອງທ່ານໄດ້ຮັບການຢັ້ງຢືນແລ້ວ, ມັນຈະຍັງຄົງໄດ້ຮັບການຢັ້ງຢືນເວັ້ນເສຍແຕ່ວ່າທ່ານປ່ຽນຊື່ຊ່ອງຂອງທ່ານ. ຖ້າທ່ານປ່ຽນຊື່ຊ່ອງຂອງທ່ານ, ຊ່ອງທີ່ປ່ຽນຊື່ໃໝ່ຈະບໍ່ໄດ້ຮັບການຢັ້ງຢືນ ແລະ ທ່ານຈຳເປັນຕ້ອງສະໝັກຂໍຮັບການຢັ້ງຢືນຄືນໃໝ່.
- ການປ່ຽນ ຊື່ຜູ້ໃຊ້ ຂອງຊ່ອງທ່ານຈະບໍ່ລຶບປ້າຍການຢັ້ງຢືນຂອງທ່ານອອກ.
- YouTube ສະຫງວນສິດໃນການຖອດຖອນການຢັ້ງຢືນ ຫຼື ປິດບັນຊີຊ່ອງທີ່ລະເມີດ ຂໍ້ແນະນຳຊຸມຊົນ ຂອງພວກເຮົາ ຫຼື ຂໍ້ກຳນົດບໍລິການ ຂອງ YouTube.
- ການຢັ້ງຢືນໄດ້ແປງປ່ຽນຕະຫຼອດເວລາ, ສະນັ້ນທ່ານອາດເຫັນຊ່ອງຫຼາຍປະເພດທີ່ມີການຢັ້ງຢືນຢູ່ YouTube.
ການມີສິດໃນຊ່ອງທີ່ຢັ້ງຢືນແລ້ວ
ເພື່ອໃຫ້ມີສິດສະໝັກຂໍການຢັ້ງຢືນ, ຊ່ອງຂອງທ່ານຕ້ອງມີຜູ້ສະໝັກໃຊ້ຮອດ 100,000 ຄົນ.
ຫຼັງຈາກທີ່ທ່ານສະໝັກຂໍ, ພວກເຮົາຈະກວດສອບຊ່ອງຂອງທ່ານ. ພວກເຮົາຢັ້ງຢືນຊ່ອງທີ່:
- ເປັນຈິງ: ຊ່ອງຂອງທ່ານຕ້ອງເປັນຕົວແທນໃຫ້ຜູ້ສ້າງ, ແບຣນ ຫຼື ນິຕິບຸກຄົນຕົວຈິງທີ່ຊ່ອງໄດ້ອ້າງຕົວເອງ. ພວກເຮົາຈະກວດສອບປັດໄຈທີ່ແຕກຕ່າງກັນເພື່ອຊ່ວຍຢັ້ງຢືນຕົວຕົນຂອງທ່ານ, ເຊັ່ນ: ອາຍຸຊ່ອງຂອງທ່ານ. ພວກເຮົາອາດຍັງຂໍຂໍ້ມູນ ຫຼື ເອກະສານເພີ່ມເຕີມ.
- ຄົບຖ້ວນ: ຊ່ອງຂອງທ່ານຕ້ອງເປັນສາທາລະນະ ແລະ ມີແບນເນີ, ຄຳອະທິບາຍ ແລະ ຮູບໂປຣໄຟລ໌. ຊ່ອງຍັງຈຳເປັນຕ້ອງມີເນື້ອຫາທີ່ມີການເຄື່ອນໄຫວຢູ່ YouTube.
ບາງເທື່ອ YouTube ອາດຢັ້ງຢືນຊ່ອງທີ່ມີຜູ້ສະໝັກໃຊ້ໜ້ອຍກວ່າ 100,000 ຄົນ ເຊິ່ງເປັນຮູ້ຈັກກັນດີຢູ່ນອກ YouTube.
ຈຳແນກຊ່ອງຂອງທ່ານໂດຍບໍ່ມີການຢັ້ງຢືນ
ຖ້າຊ່ອງຂອງທ່ານບໍ່ໄດ້ຮັບການຢັ້ງຢືນ, ນີ້ແມ່ນວິທີການບາງຢ່າງເພື່ອຈຳແນກຊ່ອງຂອງທ່ານຈາກຊ່ອງທີ່ຄ້າຍຄືກັນ:
- ໃຊ້ ຊື່ຊ່ອງທີ່ບໍ່ຊໍ້າກັນ ຫຼື ຊື່ຜູ້ໃຊ້ ທີ່ເປັນຕົວແທນທ່ານ ແລະ ປະເພດຂອງເນື້ອຫາທີ່ທ່ານເຜີຍແຜ່.
- ນໍາໃຊ້ຮູບຄຸນນະພາບສູງສຳລັບ ຮູບໂປຣໄຟລ໌ ຂອງທ່ານເພື່ອເຮັດໃຫ້ຊ່ອງຂອງທ່ານເບິ່ງຄືເປັນມືອາຊີບຢູ່ໃນຜົນການຊອກຫາ.
- ປັບແຕ່ງໂຄງຮ່າງຊ່ອງຂອງທ່ານ ແລະ ການສ້າງແບຣນ ສຳລັບຮູບລັກ ແລະ ຄວາມຮູ້ສຶກທີ່ປັບແຕ່ງສ່ວນຕົວຢູ່ໃນໜ້າຫຼັກຂອງຊ່ອງທ່ານ.