Tunaelewa kuwa wakati mwingine wazazi na walezi huwa na maswali kuhusu tabia na maslahi ya vijana wao mtandaoni. Tumeweka pamoja zana na nyenzo fulani ili kukusaidia kudhibiti hali yao ya utumiaji kwenye YouTube.
Kijana wangu anaweza kutumia YouTube akiwa na umri gani?
Ili kuingia katika akaunti ya YouTube, lazima kijana wako awe na Akaunti ya Google inayotimiza masharti ya umri wa chini zaidi katika nchi au eneo unakoishi.
Ikiwa mtoto wako hajafikisha umri unaohitajika, pata maelezo zaidi kuhusu hali za utumiaji anazoweza kufikia katika Kituo chetu cha Usaidizi cha YouTube kwa Ajili ya Familia.
Vidokezo na ushauri kuhusu kutayarisha maudhui kwenye mtandao
Ikiwa kijana wako angependa kutayarisha maudhui kwenye YouTube, tunapendekeza:
- Asome Mwongozo wetu wa Jumuiya, kwa kuwa unabainisha maudhui na tabia zinazokubalika kwenye YouTube.
- Asome Mwongozo wa Familia ili apate maelezo zaidi kuhusu jinsi vijana wanaweza kutayarisha maudhui kwa uwajibikaji. Mwongozo wa Familia ulitayarishwa kwa ushirikiano na Common Sense Networks, mshirika wa Common Sense Media.
Zana za faragha na usalama
- Maudhui yasiyofaa: Iwapo wewe au kijana wako amepata video ambayo inaonekana kuwa haifai au huenda inakiuka Mwongozo wetu wa Jumuiya, ripoti video hiyo.
- Faragha: Iwapo unahisi kuwa faragha ya kijana wako imekiukwa, pata maelezo zaidi kuhusu sera yetu ya faragha na jinsi ya kuwasilisha malalamiko kuhusu faragha.
- Unyanyasaji na uchokozi wa mtandaoni:
- Iwapo kijana wako ananyanyaswa na mtu mwingine kwenye YouTube, mwelekeze amzuie mtumiaji huyo.
- Unyanyasaji ukiendelea, soma sera zetu dhidi ya unyanyasaji na uchokozi wa mtandaoni ili upate maelezo kuhusu jinsi ya kuzuia unyanyasaji.
- Wewe au kijana wako mnaweza kuripoti unyanyasaji katika video, maoni, chaneli au wasifu.
- Hali yenye Mipaka: Kuwasha mipangilio hii kwenye kifaa cha kijana wako huchuja maudhui ambayo huenda yakawa ya watu wazima kwenye YouTube. Pata maelezo zaidi kuhusu Hali yenye Mipaka.
- Kudhibiti maoni kwenye chaneli: Kijana wako anaweza kuondoa maoni yaliyochapishwa kwenye chaneli yake au ayadhibiti kabla yaonekane. Pata maelezo zaidi kuhusu kudhibiti maoni kwenye chaneli.
Kulinda maslahi
- Vikumbusho vya kupumzika kidogo: Kipengele hiki huwashwa kiotomatiki kwa vijana na huwakumbusha wapumzike kidogo wakati wanatazama video au Video Fupi za YouTube.
- Vikumbusho vya wakati wa kulala: Kipengele hiki huwashwa kiotomatiki kwa vijana na huonekana ufikapo wakati wa kuacha kutazama YouTube na kwenda kulala.
- Kipengele cha kucheza kiotomatiki kimezimwa: Kipengele hiki kimezimwa kiotomatiki kwa vijana. Kikiwa kimezimwa, video ambazo kijana wako anatazama hazitachezwa kwa mfululizo na atalazimika kuchagua video inayofuata anayotaka kutazama.
- Mapendekezo ya video kwa uwajibikaji: YouTube ina mfumo wa kupendekeza video ambao hutoa mapendekezo ya kuwajibika zaidi kwa vijana. Mfumo huu hupunguza kiotomatiki uonyeshaji wa maudhui ambayo yanaweza kuathiri vibaya tabia za vijana au jinsi wanavyojitambua. Pata maelezo zaidi kuhusu jinsi tunavyopendekeza maudhui ili kukidhi mahitaji maalum ya vijana.