Ons verstaan dat ouers en voogde soms vrae het oor hul tiener se aanlyn gedrag en welstand. Ons het ’n paar nutsgoed en hulpbronne saamgestel om jou te help om tieners se ervaring op YouTube te bestuur.
Hoe oud moet my tiener wees om YouTube te gebruik?
Om by YouTube aan te meld, moet jou tiener ’n Google-rekening hê wat aan die minimum ouderdomsvereistes in jou land of streek voldoen.
Kry meer inligting in YouTube vir Gesinne se hulpsentrum oor watter ervarings vir jou kind beskikbaar is as hulle jonger as die vereiste ouderdom is.
Wenke en advies vir die skep van aanlyn inhoud
As jou tiener belangstel om inhoud op YouTube te skep, sal ons aanbeveel dat:
- Jy ons gemeenskapsriglyne nagaan, want hulle verduidelik watter inhoud en gedrag aanvaarbaar is op YouTube.
- Jy hierdie Gesinsgids lees om meer inligting te kry oor verantwoordelike inhoudskepping vir tieners. Die Gesinsgids is in vennootskap met Common Sense Networks geskep, ’n geaffilieerde van Common Sense Media.
Privaatheid- en veiligheidnutsgoed
- Onvanpaste inhoud: As jy of jou tiener ’n video kry wat onvanpas lyk of wat dalk ons gemeenskapsriglyne oortree, kan julle die video vlag.
- Privaatheid: As jy meen jou tiener se privaatheid is geskend, kan jy meer oor ons privaatheidsbeleid uitvind en hoe om ’n privaatheidsklag in te dien.
- Teistering en kuberafknouery:
- Verwys jou tiener na blokkeer die gebruiker as hulle op YouTube deur iemand geteister word.
- As die teistering voortduur, kan jy ons beleid oor teistering en kuberafknouery raadpleeg vir inligting oor hoe om teistering te keer.
- Jy of jou tiener kan teistering aangee in video’s, kanale/profiele of opmerkings.
- Beperkmodus: As jy hierdie instelling op jou tiener se toestelskerms aktiveer, sal dit inhoud wat potensieel vir volwassenes is uitsif. Kom meer te wete oor Beperkmodus.
- Moderering van kanaalopmerkings: Jou tiener kan opmerkings wat op hul kanaal geplaas is, verwyder of modereer voordat hulle verskyn. Kom meer te wete oor moderering van kanaalopmerkings.
Ondersteun welstand
- Geniet ’n Blaaskans-onthounotas: Hierdie kenmerk word outomaties vir tieners aangeskakel en herinner hulle om ’n blaaskans te neem terwyl hulle video’s of YouTube Kortvideo’s kyk.
- Slaaptydonthounotas: Hierdie kenmerk word outomaties aangeskakel vir tieners en verskyn wanneer hulle moet ophou YouTube kyk en gaan slaap.
- Outospeel is afgeskakel: Hierdie kenmerk is outomaties afgeskakel vir tieners. Terwyl outospeel af is, sal video’s nie deurlopend vir jou tiener speel nie en hulle sal die volgende video wat hulle wil kyk moet kies.
- Verantwoordelike video-aanbevelings: YouTube het ’n aanbevelingstelsel vir video’s wat verantwoordeliker aanbevelings vir tieners verskaf. Hierdie stelsel minimeer outomaties blootstelling aan inhoud wat ’n negatiewe uitwerking op hul selfbeeld of gedrag kan hê. Kom meer te wete oor hoe ons inhoudaanbevelings opstel om aan die unieke behoeftes van tieners te voldoen.