Vijana ni sehemu muhimu ya jumuiya ya YouTube. Ikiwa wewe ni kijana, tumia zana na vidokezo vilivyo hapa chini ili kuwa salama kwenye YouTube.
Kumbuka: Ili uweze kufungua Akaunti ya Google, sharti uwe na umri wa chini zaidi unaoruhusiwa katika nchi/mahali ulipo.
Ikiwa wewe ni mwalimu au mzazi, nenda kwenye nyenzo za wazazi na nyenzo za walimu. Kwa maelezo zaidi kuhusu usalama mtandaoni, soma Vidokezo vya Google kuhusu Usalama Mtandaoni.
Vidokezo vya usalama kwa vijana
-
Fahamu aina ya maudhui ya kurekodi. Unaporekodi video za marafiki zako, wanafunzi wenzako au watoto wengine, kumbuka kuwa hazipaswi kuwa hatari, kuchochea ngono au vurugu.
-
Kumbuka "Kanuni ya Nyanya." Je, video yako ina maudhui ambayo ungependa nyanya na babu, wazazi au waajiri wako wa siku za usoni watazame? Kama sivyo, bila shaka si kitu kizuri cha kuchapisha. Baada ya kuchapisha video, huwezi kujua ni nani atakayeitazama. Video hiyo ikinakiliwa au kusambazwa, hutaweza kufuta kila nakala yake.
-
Zuia hali hatari au zisizofaa. Usichapishe tu video kwa sababu mtu mwingine amekuomba ufanye hivyo. Kabla hujakutana ana kwa ana na rafiki wa mtandaoni, zungumza na mtu mzima unayemwamini.
-
Tumia vipengele vyetu vya faragha. YouTube ina vipengele vya kukusaidia kudhibiti wanaoweza kutazama video unazochapisha. Ili kusaidia kulinda faragha yako, unaweza kuweka video za binafsi kuwa "za faragha" au "hazijaorodheshwa". Ili kudhibiti hali yako ya utumiaji kwenye YouTube, tembelea Kituo cha faragha na usalama.
- Ili kusoma vidokezo na kutazama video zinazoweza kukusaidia kuwa salama kwenye YouTube, tembelea Kituo cha Usalama cha Watayarishi.
Nyenzo zinazohusiana
-
Ikiwa wewe ni mzazi, angalia nyenzo za wazazi.
-
Ikiwa wewe ni mwalimu, angalia nyenzo za walimu.
-
Ili upate maelezo zaidi kuhusu usalama mtandaoni, tembelea Kituo cha Usalama cha Google.