Vörumerki
Notkun vörumerkis einhvers annars í notandanafni, merkjum eða titlum vídeós telst ekki endilega til brots. Ef prófíllinn þinn eða vídeó inniheldur hins vegar efni sem gæti blekkt áhorfendur til að trúa því að eigandi vörumerkisins hafi búið til eða styrkt gerð síðunnar eða efnisins er hugsanlega brotið á rétti eiganda vörumerkisins. Í slíkum tilvikum kunnum við að fjarlægja efnið sem um ræðir. Því er mikilvægt að virða vörumerkjarétt annarra þegar notandanafn er valið eða lýsigögnum bætt við vídeó.
Ef þú ert eigandi vörumerkis og telur brotið á rétti þínum skaltu gæta að því að YouTube er ekki í stöðu til að skera úr um ágreining milli höfunda og eigenda vörumerkja. Við mælum því eindregið með að eigendur vörumerkja útkljái ágreining beint við höfundinn sem birti viðkomandi efni. Ef þú hefur samband við upphlaðandann gætirðu leyst úr kvörtuninni fljótt og vel. Eigendur vörumerkja geta haft samband við höfundinn eða þú getur sent kvörtun beint á upphlaðandann gegnum eyðublaðið Vörumerkjakvörtun.
Sumir notendur gefa upp leiðir til að hafa samband á rásinni.
Ef þú nærð ekki að leysa úr málinu með eiganda reiknings sem í hlut á skaltu senda inn tilkall til vörumerkis gegnum eyðublaðið Vörumerkjakvörtun. YouTube er reiðubúið að gera takmarkaða rannsókn á sanngjörnum kvörtunum og fjarlægja efni ef um augljóst brot er að ræða.
Ærumeiðing
Ef þú eða lagalegur fulltrúi þinn telur að efni á YouTube innihaldi ærumeiðingu skaltu senda inn kvörtun í gegnum vefeyðublað okkar á netinu.
Fölsun
Google bannar sölu og kynningu á fölsuðum varningi í vörum sínum, þar á meðal YouTube. Falsaðar vörur bera vörumerki eða merkingar sem eru eins eða mjög líkar merkingum annarrar vöru. Hermt er eftir eiginleikum upprunalegu vörunnar til að láta kaupandann halda að um sömu vöru sé að ræða, eða reynt er að selja vöruna sem eftirlíkingu eða fölsun af upprunalegu vörunni.
Falsaðar vörur tilkynntar :
Ef þú telur að verið sé að selja eða kynna falsaða vöru í vídeói eða ummælum á YouTube geturðu lagt fram kvörtun um fölsun í vefeyðublaðinu. Starfsfólk okkar mun fara yfir kvörtunina og fjarlægja efnið ef það brýtur í bága við reglur Google um fölsun.