ຄ່າເລີ່ມຕົ້ນການອັບໂຫຼດແມ່ນການຕັ້ງຄ່າທີ່ນຳໃຊ້ກັບທຸກການອັບໂຫຼດເວັບຂອງທ່ານອີງຕາມທາງເລືອກຂອງທ່ານ. ທ່ານສາມາດເລືອກຄ່າເລີ່ມຕົ້ນສໍາລັບການຕັ້ງຄ່າຄວາມເປັນສ່ວນຕົວ ຂອງວິດີໂອທ່ານ, ໝວດໝູ່, ຊື່, ແທັກ, ຄຳເຫັນ, ພາສາ ແລະ ອື່ນໆອີກ.
ການຕັ້ງຄ່າການອັບໂຫຼດທີ່ເປັນຄ່າເລີ່ມຕົ້ນມີຜົນກະທົບພຽງແຕ່ການອັບໂຫຼດວິດີໂອຜ່ານໂປຣແກຣມທ່ອງເວັບຂອງທ່ານຢູ່ youtube.com/upload. ຫາກທ່ານອັບໂຫຼດວິດີໂອຜ່ານມືຖື, Hangout On Air ຫຼື ໂປຣແກຣມຕັດຕໍ່ວິດີໂອ, ພວກມັນຈະບໍ່ຖືເອົາຕາມການຕັ້ງຄ່າເລີ່ມຕົ້ນຂອງທ່ານ.
ສຶກສາວິທີ ຕັ້ງການຕັ້ງຄ່າຜູ້ຊົມທີ່ເປັນຄ່າເລີ່ມຕົ້ນຂອງຊ່ອງທ່ານ ເພື່ອບອກພວກເຮົາວ່າວິດີໂອຂອງທ່ານສ້າງມາສຳລັບເດັກນ້ອຍ.
ເລືອກການຕັ້ງຄ່າການອັບໂຫຼດທີ່ເປັນຄ່າເລີ່ມຕົ້ນ
- ເຂົ້າສູ່ລະບົບ YouTube Studio.
- ຈາກເມນູເບື້ອງຊ້າຍ, ເລືອກ ການຕັ້ງຄ່າ.
- ເລືອກ ຄ່າເລີ່ມຕົ້ນການອັບໂຫຼດ.
- ເລືອກການຕັ້ງຄ່າເລີ່ມຕົ້ນຂອງທ່ານໃນ ຂໍ້ມູນພື້ນຖານ ແລະ ແຖບ ການຕັ້ງຄ່າຂັ້ນສູງ.
- ເລືອກ ບັນທຶກ.
ທ່ານຍັງສາມາດ ປ່ຽນການຕັ້ງຄ່າຫຼັງຈາກທີ່ທ່ານອັບໂຫຼດວິດີໂອໃນໜ້າວິດີໂອ. ສຶກສາວິທີ ເຮັດໃຫ້ມີການປ່ຽນແປງວິດີໂອທີ່ໄດ້ອັບໂຫຼດ.
ຫາກທ່ານເປັນສ່ວນໜຶ່ງໃນໂຄງການຮຸ້ນສ່ວນ YouTube, ທ່ານຍັງສາມາດ ຕັ້ງ ຄ່າເລີ່ມຕົ້ນຮູບແບບໂຄສະນາ ແລະ ຄ່າເລີ່ມຕົ້ນການສ້າງລາຍໄດ້ ຂອງທ່ານ.