Muhtasari wa sera ya matangazo

Katika makala haya, utapata maelezo kuhusu sera ambazo watangazaji wote wanapaswa kufuata na jinsi tunavyokagua matangazo.

Sera zetu

Ili uweke matangazo kwenye YouTube, utapaswa kutii:

• Sera za Matangazo kutoka Google
• Sera za matangazo zinazohusu YouTube tu
  • Vipengele na miundo ya matangazo
  • Kulenga na kuhudumia
  • Ukiweka matangazo kwenye YouTube Kids, angalia sera yetu ya kutangaza kwenye YouTube Kids kwa mwongozo mahususi zaidi.
• Mwongozo wa Jumuiya ya YouTube
• Mwongozo wa Kiufundi

Mwongozo wa sera

Utapata maelezo ya kina zaidi kuhusu mwongozo wetu wa sera hapo chini:

Maudhui yaliyopigwa marufuku Maudhui ambayo hupaswi kutangaza kwenye Mtandao wa Google Bidhaa bandia Bidhaa au huduma hatari Kuendeleza tabia danganyifu Maudhui yasiyofaa	Desturi zilizopigwa marufuku Usichoweza kufanya unapotangaza nasi Kutumia vibaya mtandao wa matangazo Ukusanyaji na utumiaji wa data Uwakilishi wa uongo
Maudhui yaliyozuiwa Maudhui unayoweza kutangaza, lakini kwa masharti Maudhui ya watu wazima Pombe Hakimiliki Kamari na michezo Huduma za afya na dawa Maudhui ya siasa Huduma za kifedha Chapa za biashara Mahitaji ya kisheria Biashara nyingine zinazodhibitiwa	Uhariri na kiufundi Viwango vya ubora wa matangazo, tovuti na programu zako Uhariri Masharti ya kurasa Mahitaji ya kiufundi Masharti ya muundo wa matangazo
Sera nyingine muhimu Matangazo huonekana haswa yanapoonyeshwa kwenye YouTube. Viungo vilivyo hapo chini vinajumuisha sera nyingine zinazotumika kwa tangazo lolote linaloonyeshwa kwenye mfumo wetu: Kulipia bidhaa zitangawe katika maudhui na maudhui yaliyoidhinishwa Kuiga vipengee vya tovuti ya YouTube Matangazo yasiyo na nembo au kituo maalum Maudhui yanayozalishwa na mtumiaji katika matangazo Mwongozo na sera za mashindano kwenye YouTube

Mahali sera zinatumika

Sera zetu zinatumika kwenye sehemu zote za maudhui yako, ikiwa ni pamoja na:

• Maandishi kwenye tangazo
• Vipengee vya ubunifu kwenye tangazo
• Maudhui kwenye tovuti yako au maudhui kwenye kituo au video yako

Tangazo lako likishabuniwa, litakaguliwa kiotomatiki. Pata maelezo zaidi kuhusu mchakato wetu wa kukagua matangazo hapo chini.

Jinsi tunavyokagua matangazo

Baada ya wewe kubuni au kubadilisha tangazo au kiendelezi, mchakato wa ukaguzi huanza kiotomatiki.

Maelezo ya ukaguzi wa tangazo

Tunachokagua

• Kichwa
• Maelezo
• Maneno muhimu
• Unakoenda
• Picha
• Video.

Kile wakaguzi huzingatia

Kwa kuwa video ni muundo wa kipekee, tuna mambo mahususi tunayoyazingatia tunapotathmini tangazo lako, kama vile:

• Sehemu lengwa ya video
• Pembe ya kamera na matukio ya muda mfupi
• Jinsi picha zinazoonyeshwa kwa watumiaji zinavyoonekana safi

Unachoweza kufanya

Muktadha ni muhimu na ukiuongeza, utatusaidia kufanya uamuzi sahihi. Mifumo yetu si sahihi kila wakati. Ikiwa mifumo yetu itaweka alama ya kuonyesha kuwa matangazo yako “Hayajaidhinishwa”, unaweza kuchukua hatua ya kutatua hali hii kwa kufuata maagizo hapa. Wakaguzi wetu binadamu watatathmini maudhui na muktadha wako ili wafanye uamuzi wa mwisho.

Pata maelezo zaidi kuhusu mchakato wetu wa kuidhinisha matangazo.

Kuhusu sera zetu

YouTube imejitolea kutoa huduma ya utangazaji iliyo na sera za haki na thabiti zinazonufaisha watumiaji, watangazaji na washirika wetu. Ili kufikia lengo hili, tunadumisha viwango vya juu kwa matangazo yanayoruhusiwa kwenye tovuti yetu. Viwango hivi pia vinajumuisha vile vinavyobainishwa na mwongozo na sera zetu za kiufundi, jumuiya na utangazaji.

Maelezo ya sera za matangazo

Tunahifadhi haki ya kubadilisha sera zetu za utangazaji wakati wowote bila ilani ya awali. Tunakuhimiza uangalie tena mara kwa mara ili usome taarifa mpya zaidi. Washirika wanaoshiriki katika mpango wa Matangazo Yanayouzwa na Washirika wanapaswa kutii sera zetu za matangazo na masharti yetu ya malipo. Wakati mwingine unaweza kuruhusiwa kuweka matangazo yanayouzwa au unayopewa na YouTube pekee kwa sababu ya vikwazo vya kiufundi au sera.

Sera hizi zinaweza kutumiwa kulingana na maandishi au vipengee vingine vya ubunifu kwenye tangazo lako. Sera hizi pia zinaweza kutumika kulingana na maudhui ya tovuti yako, maudhui ya kituo au video yako. Utekelezaji wa sera zetu utahusisha hiari na tunahifadhi haki ya kukataa au kuidhinisha tangazo lolote. Tunaweza pia kusitisha au kusimamisha kampeni yoyote ya matangazo, kwa kukiuka sera hizi. Pia tunahifadhi haki ya kuondoa tangazo lolote kwenye tovuti yetu ambalo tunachukulia kuwa ni la kuchukiza au lisilofaa. Kumbuka kwamba ni wajibu wako kuhakikisha kwamba matangazo yako yanatii mwongozo huu. Hutarejeshewa pesa ikiwa utatoa ofa ambapo matangazo au video husika zimezimwa, zimesimamishwa au zina mipaka ya umri kwa sababu ya ukiukaji wa sera.

Sera za utangazaji na maudhui kwenye YouTube zinajazilia Sheria na Masharti yetu. Sera hizi pia zinahusu bidhaa na huduma za DoubleClick, ikiwa ni pamoja na matangazo ya maonyesho na kwenye ukurasa wa kwanza, programu maalum za kushirikiana na matangazo kwenye vifaa vya mkononi.

Ukitumia YouTube au mipango yake ya matangazo, unawakilisha na kuthibitisha kwamba tovuti, video au matangazo yako yanatii sheria na kanuni zote zinazotumika. Sheria na kanuni hizi ni pamoja na mwongozo wa sekta au wa udhibiti.